هل من المعقول ؟

[golly]

سلاااااااااااااااااام يا شباب :to:
في البداية أحب أقول السبب اللي ساعدني على الإشتراك في المنتدي , وهو انه انتوا شلة أعضاء رهيبة مررة
وخطيره مرررررررررررررررره الله يخليكم لبعض , واتمنى انكم تقبلوني معاكم , لأنه حلو الواحد يحس انه
مع ناس يحبوا وبحترموا بعض في هدا الزمن الصعب
:المهم ، في أول موضوع ليه أحب أطلب رأيكم في موضوع ما ، وباختصار الموضوع كالتالي
في مره من المرات كنت أتناقش مع وحده من صاحباتي عن موضوع مساعدة الغير ، وطبعا الموضوع مفروغ
منه أكيد حاساعد كل اللي يحتاج مساعده ، لكني فوجئت عندما قالتلي : انا أساعد في كل شيء ماعدا
المحاضرات ، قلتلها مافهمتك ! قالتلي لايمكن أعطي محاضراتي لأحد ، لأنه مش من المعقول اني أتعب لوحدي
وهي تاخد على الجاهز من غير تعب ، ليش أعطيها جهدي ببلاش
وقتها صدمت لأتي ما أتوقعت كل هذه الأنانية ، ليش ماتعطيها لأحد ، ماراح تخسر شىء على العكس ساعدت
"شخص محتاج وماينسى الشخص "ان دوام الحال من المحال
" قال عليه أفضل الصلاة والسلام " لايؤمن أحدكم حتى يحب لأخيه ما يحب لنفسه
طبعا هذه وجهت تظري مأفرضها على أحد ، واختلاف الآراء لايفسد للود قضية
وانا حبيت أستفيد من خبرتكم اذا مافي مانع :sad:

[H@SSOOM]

السلام عليكم

بصراحه الموضووووو حلوووووووو وشيق واستغرب انه محد رد عليه


يلا يشرفني انا اني اكون اول واحد يرد


انا راح اقول بصراحه

انا عايدي اعطي ملخصاتي لمن يطلبها بس بشرط اني احسه حريص وتعب

وكتب ولخص لكن نقص عليه شي


لكن بصراحه اكره اعطاءها لواحد مهمل

مثلا واحد يقلي انا طفشان وزهقان انت احضر ووقعلي

وكمان هات المحاضره بعدين لا صراحه هذه تقهر

حتى لو اعطيته ساعتها حياء بس



ولا واحد تلاقيه في المحاضره جالس يتبهلل وقالبها تريقه

ويقلك انت اكتب وبعدين اصور منك
ويمتحنك في كل المحاضرات زي كدا لا والله ما اسكتله
من جد عمل عامل ياخذه هامل



لكن اذا كان بيحاول وبيعمل الي عليه ونقصه شي
ضاع دفتره
شاف النوتات حقتي وعجبته
عايدي والله تفداااااه

[dr_mido]

<center>


:12:



اولا
هذا الموضوع جميل جدا

و حساس

و نعاني منه كلنا

:12:

ثانيا

انا من رأيك يا حبيب ألبي حسوووووووووم

:12:

ثالثا

انا من ناحيتي ما اعطيها لشخص

إلا إذا كنت متأكد انه راح يكتبها بيده

و يلخصها

او اكون عارف بظروفه
فيقدر يصورها

و ما عندي مانع انه اي احد يصورها

لأنه صراحة

فيها أجر كبييييييييييييييير

جدا جدا جدا

لأنه ناس كثير راح يستفيدو منها

و هذا بحد ذاته عمل خير

و اجره كبير

لكن له سلبية كبيرة في الناحية الثانية

انه يعلم الكسل
و يخلي البقية يعتمدوا على الملخصات

:12:

ودفع المضار مقدم على جلب المصالح

:12:

ودمتم

[dr_messo]

<center>

you are most welcome dr.golly


بالنسبه لموضوع المحاضرات


صراحه عن نفسي ماعندي اي مانع اعطيها لاي احد


مهما كان


لانو

يكفيني الاجر اللي راح اخدو


لم يزاكر من اوراقي وربنا يوفقو


بس في شي مهم

هوا اني انبه على الشخص لو كان عندي نقص في اماكن

عشان ينتبه ولايفتكر انو دي كامله

ويروح فدهيه بسبب انو اعتمد عليا


لكن انا ما اعطي محاضراتي لنوع اوحد بس من الناس

واللي هما مايرضو يعطو اوراقهم واشيائهم لأحد

ويبغو هما ياخدو ويستفيدو وبس


ودي قمه الانانيه



وانا مستحيل اساعدهم



عشان يحس كيف لما الناس يطلبوه ويقول لا



شكرا لكي

[Dr. MacabrE]

<center>

السلام عليكم

بالنسبه لي انا

انا اكره الطالب الاناني

يعني لو كان هو شاطر وما شاء الله عليه مجتهد

ويكتب اول باول

اش المانع انه يشاركها مع زملاءه

ويكسب منهم الدعاء؟؟

غير هذا الاناني اللي ما قد كسب الا التهزيء والدعوة عليه

صح انا معاكم في حكايه التوقيع عن الزملاء

يعني ممكن الواحد تواجه ظروف مضطر انه ما يحظر المحاظره ويغيب عنها ويطلب من احد زملاءه انه يوقع عنه
اما يجيك واحد ويقول والله ما فيني احظر وابغى انام انت احظر ووقع بدلي والله شي يقهر

الخلاصه
حكايه المذكرات اشوف اننا نتعاون فيها بقدر الامكان عشان نستفييد من بعضنا





تحيااااااااااااااااتي

[Tears of Pearls]

أعتقد أن لو كل واحد فكر بأنه دا كتمان لعلم...واللي يكتم علم يلجم بلجام من نار ماكان أحد غلب
:sad:

أنا ماعندي أي مانع في أني أعطي محاضراتي لأي أحد ...من باب تفريج كربة مسلم

:hp:

[nameless]

السلاااااااام عليكم


من يوم ماجيت الكلية اللي احنا فيها
وانا بصادف طلااب من دي النوعية
يالطيييييف
من جد انانيين

كلللللللللهم وجيه قفلة
محد يضحك ولا يفرفش
ويجو يمسكو اماكن قدااااام من الساعة سبعة
وفي البريك كل واحد يمسك كتاب برادي حق الكيميا ولا قايتون حق الفيسيولوجي ويجلس يدفرررن حتى لو ماكان عندنا كيميا ولا فسيولوجي
الجو مرررة يجيب الكآبة في المجموعة الاولى ونفسي انقل

وانا عن نفسي عمري مارديت احد يبغى محاضرة
وحتى لو كان مفلت وغايب
ياخدها مني وانا اخد الاجر
وهوة ماراح يستفيد كما لو انه حضر
وفي الآخر هوّ المتضرر

[Pretty §mile]

انا عن نفسي اذا وحده طلبت مني محاضره مااقدر اقلها لا
يعني دا يعتبر من بابا مساعده الغير
يعني ايش فيها لو ساعدت صاحبتي
مارح اخسر شي
بالعكس رح اكسب صحبتها وغير كدا اذا انا في يوم احتجت شي مارح تبخل عليا بمساعدتها


لكن للاسف في جامعتنا في بنات كتيييييييييييييييييييييييييييييييييييييييييير
مايحبو يساعدو
يعني انا مره حصلي موقف مع وحده
كانت كل ماتطلب مني شي اعطيها
ومره طلبت منها حاجه بسيطه
حلفت لي بربنا وقالت ماعندي
وهي كدابه
انا صراحه استغربت وماكنت متوقعه منها هالشي :sad:


golly
تسلمي ع الموضوع



:hp:

[RoSa]

<center>
في البداية أحب أرحب بيكي أخت golly ..
و بالنّسبة للموضوع ده ..
من أيّام الثانوي و الحمد لله ما كنت أرد أحد يطلبني شي .. و لا أتضايق كمان ..
بالعكس ..
كانت دفاتري موزعة بين بنات الفصل و من كتر ما أوزعها ما أعرف هي عندي مين ..
و أجي أيام في الصباح لما نتجمع في الفصل بعد الطوابير أسأل بصوت عالي عنها و يعطوني هي ..
ما أتذكر إنه ضاع لي شي .. أو نقص مني شي ..
بالعكس ..
كسبت محبة الكل الحمد لله ..
حتّى كان في وحده صاحبتي كانت تمشي معايا و تضايق لما أحد يطلبها شي .. و كانت الأولى عالفصل ..
بس في سنه من السنين جلست جنبها و أتأثرت بيّ مو أنا اللي أتأثرت بيها الحمد لله ..
طبعاً هذا كان أيّأم الشطارة ..
حالياً ..
أوّل شي أقول لكم إني مو بنت دافورة ..
و نادراً ما أكتب محاضرات ..
لكن إذا أتوفّر عندي أي شي الحمد لله ما أبخل عليه بأحد ..
يعني يكفي إنك تسمع لك دعوة ..
المجموعة عندنا جدا متعاونه الحمد لله ماشاء الله عليها إن شاء الله دايماً ..
و إن شاء الله أحاول الترم التاني أصير دافورة لأن الواحد ينكسف من نفسه لمّا ياخد بس و ما يعطي ..
يعني أنا أشوف إن الواحد يكسف اللي قدامه بطيبته أحسن من أي كلام أو تعليق ..
و أبداً لا ينتظر الأجر أو المقابل من أحد ..
لأن الأجر إن شاء الله يكون عند ربّنا ..
و يمكن يكون اللي بنقدمّه لبعض من أهم الأشياء اللي تزيد ميزان حسناتنا و احنا غافيلن عنها ..
و الله يقدرنا و يؤجرنا ..

تحيّاتي ..

[Dr.NuDdo]

golly
إنتي كده حتخليني أفش خلقي حتى النخاااااع


Pretty §mile
وإزا كان حتقوليلي على دي الشاكله فحدثي ولا حرج
مليانييييييين عندنا في الجامعه
صراحة أنا وأعوز بالله من كلمة أنا محاضراتي أي أحد يبغاها ياخدها
ما عدا زي ما قال دكتور ميسو ..الناس الأنانيين والله ما يشوفوا طرفها
خليهم عشن يبطلوا حركات قرعه
وأي واحد يبغى شرح محاضره مو فاهمها ممكن يتصل على بيتي عادي أنا موجوده
مو زي بعض الناس إللي يقفلوا جوالاتهم ولا يقولوا لأهاليهم
أي واحد يتصل قولوا نايمه ولا خرجت
نايمه مين وخرجت فين وإنتي بكره عندك إختبار
قولي ما أبغى أكلم أحد وخلاص مو تصرفي الناس
مع إنو الواحده منهم عارفه إننا ما نبغى نرغي معاها على كلام فاضي
الحمد لله ربي ما أحوجني للناس دول كتير
بس إللي عندهم قدرة إستيعاب أقل مننا مو مشكله إننا نعطيهم من عندنا لأنو كلو على الله
ولا إللي تقولك والله ما حليت في الإختبار والله عندي أخطاء كتيييير
ولمن تجي تشوفي علاماتها تلاقيها فل
ماني عارفه ليش بيقولوا كده خايفين من الحسد ولا إيش
على العموم الله يهديهم


وتحياتي
د.ندو

[Dr.6nash]

<center>

احنا والله دفعتنا فيها شله فساد من النوع الأناني مرررررره
بس البقيه ولله الحمد متعاونين وكلنا قلوبنا على بعض
وكل مره المحاضره على قروب يتعاونوا عليها وبعدين يكتبوها كومبيوتر وتتوزع تاني يوم على البنات
وزي كده كل أسبوع
والاسبوع الي مافيه أحد يكتب نجيبه من الطلاب
:o:
شحاته
بس والله حتى هما ماشالله مايقصروا متعاونين معانا طلاب علوم طبيه رابعه
:12:

أما صراحه الأنانيه خلي أنانيتها تنفعها:MM:

والله ياندو انك رهييبه
وفرتي عليا شرح لدول الناس الي زي كده
عندنا صراحه نوعيه زي الي اتكلمتي عليها
:O: