طالبات سنة اولى طب وعلوم طبية

[manal]

السلام عليكم
طبعا عارفين الدكتور احمد الشافعي درسنا محاضرتين وبس مع انه احسن دكتور فسيولوجي مر علينا واغلب البنات زعلانين عشان خلاص ما حيدرسنا فقلنا ليش مانكتب ورقة ونوقع فيها كلنا عشان يرجع يدرسنا
ايش رايكم يابنات يقولوا في بنات في وحده من السنوات طلبوا الدكتور ذو الفقار ووافق ودرسهم ليش مانجرب
:12: :12: :12:

[GoldenButterfly]

و عليكم السلام


هوا صراحة بالنسبة ليا

ما كنت افهم في المحاضرات مع دكتوراتنا

و ازا فهمت بعد ما الف و ادور عشان افهم ايش بيقولو و عشان افهم بيتكلموا عن ايش



لكن مو المفروض نساله اول ازا يوافق يدرسنا ولا لا؟
و كيف؟

ايش رايكم؟؟؟؟؟؟؟؟؟؟؟؟؟؟؟؟؟؟؟

[Dr.NuDdo]

فكره حلوه منال

بس تعتقدوا يوافق
خصوصا إنو يدرس طلاب مراحل مختلفه

أنا كمان كنت زي قولدن بتر فلاي ما أفهم ولا كلمه من محاضرات الفسيولوجي غير بالمضاربه

هيا قولدن مستعده تجمعي تواقيعنا


على فكره يا جماعه قولدن بتر فلاي هي إللي جمعت تواقيع طالبات سنه أولى
في المعروض إللي أتقدم لولي العهد الأمير عبدالله


تحياتي
د.ندو

[RoSa]

اشجّعكم على تنفيذ الفكرة يا جماعه ..
المفروض بالمستوى الأول خصوصا يحاولو انه يكونو الدكاتره يتكلمو عربي ..
لانه مو كل من دخل القسم يتقن الانجليزي ..
و على مالواحد يتعود يحتاج اللي يمشي معاه حبه حبه ..
حاليا انتو بالترم الثاني .. و ان شاء الله يكون الوضع احسن بالنسبة ليكم ..
و ترى عادي ..
انا في سنه اولى كنت .......... و لا خليّها مستوره :D
بس الحمد لله على كل حال ..

مشكور دكتوره golden على جمع تواقيع المستوى الأول ..

و حاولو يا جماعه ما راح تخسرو شي ..

تحيّاتي ..

[Dr_loOoOoOoOli]

والله انا لسا جديدة مااعرف مين كويس ومين يمشي حالو..
بس صراحة احنا يدرسنا الدكتور تبريز..
يعني واللله انا حاسة انو شرحو كويس..بس المشكلة اللكنة اليمة..بغض النظر عن الكلمات الجديدة..الي ماعندنا خلفية عنها..يعني ولاكلمة لله عربي..
الله يستر بس..

[Cardiac Arrest]

Originally posted by Dr_loOoOoOoOli
والله انا لسا جديدة مااعرف مين كويس ومين يمشي حالو..
بس صراحة احنا يدرسنا الدكتور تبريز..
يعني واللله انا حاسة انو شرحو كويس..بس المشكلة اللكنة اليمة..بغض النظر عن الكلمات الجديدة..الي ماعندنا خلفية عنها..يعني ولاكلمة لله عربي..
الله يستر بس..


احمدوا ربكم انكم بتفهموا عليه


لأنه د.تبريز امريكي


بس الحمد لله لغته ماهي زي الأمريكان :o:

[DR.WOLF]

في رأيي المتواضع انو ما يحتاج تتعبوا نفسكم
وتضيعوا وقتكم وخاصة اننا على امتحانات


وصعبة انو الدكتور نفسه يدرسكم طول السنة

والأصعب انو جميع الدكاترة يكون شرحهم نفسه
فأرضو بالدكاترة اللى يجيكم
واتعودوا عليهم وادربوا على الأساليب المختلفة بما أنكم في سنة أولى
ومهي داخلة في المعدل


(هادا لسع ما شفتو الدكتور عامر وأسلوبه ال...... الله يعينكم عليه)

[Cardiac Arrest]

Originally posted by DR.WOLF


(هادا لسع ما شفتو الدكتور عامر وأسلوبه ال...... الله يعينكم عليه)


اسلوبه بالنسبة لي اكثر من رائع
لأنه مايعترف ابداً بالطرق القديمة والتي تسمى spoon feeding
"التغذية بالملعقة"


بل يستخدم اسلوب حديث وجديد يعتمد على النقاش مما يجعل الجميع يشارك
وما يطفش الا الي يحب ينام


على فكرة د.عامر كان سابقاً عميد لأحد كليات الطب في السودان وكثير جدا ممن درسوا الطب في السودان يمدحوه ويمدحوا اسلوبه وطريقته

[DR.WOLF]

انا قصدي انو يوديك البحر ويجيبك

[Cardiac Arrest]

Originally posted by DR.WOLF
انا قصدي انو يوديك البحر ويجيبك



هادا اذا كنت تجي المحاضرة وانت اصلا ماقريت شيء في البيت :o:



جرب تجي المحاضرة وانت محضر حتنبسط :o:

[DR.WOLF]

جربت كل شئ وما نفع
مرة يجيبلك حكاية عن السودان
ومرة عن الحبشة وهلم جرا
وفجأة في نص الحكاية يعطيك معلومة
ايش رأيك؟؟؟!!!

[Cardiac Arrest]

Originally posted by DR.WOLF
جربت كل شئ وما نفع
مرة يجيبلك حكاية عن السودان
ومرة عن الحبشة وهلم جرا
وفجأة في نص الحكاية يعطيك معلومة
ايش رأيك؟؟؟!!!


يعني مررررررة ماتفهموا منو شيء؟؟

[Dr.storm0o0o]

السلام عليكم ورحمة الله وبركاته

:d: :d: :d:

Dr_loOoOoOoOli

DR.WOLF

مالاحظتوا شئ

شوفتوه التاريخ

انكتب المقال في بداية 2003

وانتوا بتكتبوا الان في نهاية 2004

يعني اكيد الظروف اتغيرت والبنات اللي كتبوا عدوا اولى من زمان

:eye: :eye:

صحححححححححح

[DR.WOLF]

شفت الحركة يا فالح
انا وانت قاعدين نتناقش على موضوع ولى من زمان
ههههههههههههه

[Dl33333]

gfhyrd