شباب وصبايا والعلاقه النتيه البحته

[Dr.3krotah]

السلام عليكم ورحمة الله وبركاته

مساكم الله بالخير جميعا

طبعا الكل يعرف ان العصر ذا هو عصر الانترنت بلا منازع

عصر الشبكه العنكبوتيه والاتصالات السريعه

وهي طبعا شي جميل

لكن في نفس الوقت من الامور التي يجب ان نحاول قدر المستطاع اخذ ثمارها الناضجه

وترك الغث منها

طبعا كل هذه مقدمه ما دخلت بالموضوع

بصراحه

ابغى راي الجميع

في طبيعه علاقه البنات بالشباب على صفحات النت

حدود هذه العلاقه

اهدافها

وطبعا راي الجميع في تكوين علاقات نتيه بحته

في المنتديات او في الماسنجر او حتى الشاتات

طبعا بما اننا فئه معنيه بالموضوع

فاكيد اراءكم تهم الجميع



:to:


:hp: من كرم اخلاقك عزيزي /عزيزتي ان لا تخرج بدون تعليق فلا تبخل علينا برايك:hp:

[dr_mido]

<center>

:12:

جزاك الله خير يا

اخت عكرووتة

لأنه صراحة

موضوع مهم

و يستحق النقاش

لكن ايش اللي تقصدي بالعلاقات

النتيه ؟؟


:12:


و انا من زمان نفسي اعرف حكم

هذي العلاقات


؟؟؟


:12:

جزاك الله خير

على طرح هذا الموضوع

[Dr.3krotah]

اهلين د- ميدوو

الي اقصده بالعلاقات التنيه البحته

هي الي تكون على الصفحات الالكترونيه لا اكثر ولا اقل

يعني مثل تخاطبي معك الان في المنتدى

او مثل المحادثه السريعه في الماسنجر او الشات

طبعا كلنا عارفين حكم العلاقات الاخرى

الله يحفظنا

بس ابي اعرف اراكم في هذا النوع من العلاقات

:sun:

[H@SSOOM]

همممممممم السلام عليكم


بصراحه موضوع حلو ويستاهل

انا اقول رايي واذا اخطات فقوموني



العلاقات النتيه مافيها مواجهه
من خلف الشاشه يعني من وراء حجاب
_اذا ما استعملنا كاميرات طبعا_

بالنسبه لنا احنا الشباب الامر عادي
بس لازم يكون في ادب وحدود


انا عن نفسي عادي لي اخوات على النت ومستواهم راقي وقمه في الاخلاق
ومنهم طبيبات ودكتورات مو بس في الطب في شتى العلوم
ومن جنسيات مختلفه
ولا عمرنا فتحنا مواضيع حب وزواج ودي الافلام مالنا شغل بيها





وفي نفس الوقت لي شباااااب اصحابي كمان من النت وقابلتهم

يعني الواحد يكون متزن مو بس يضيف نسوان



وتعاملنا محترم نضحك ونمزح ونتناول مواضيع جاده احيانا


باختصار يعني اعتقد انه الشااب اذا شاف قدامه شخص كويس يمكن يستفيد منه

يضيفه ويتعرف عليه ويستفيد منه بغض النظر لو كان بنت او ولد








اما بالنسبه للبنات فالموضوع اخطر شوي
لانه البنت ممكن تكون عاطفيه شوي وممكن يجي واحد يستغل هذه النقطه وتروح فيها

عشان كدا

لو كنت بنت _ الحمد لله اني ولد_

اعتقد كنت راح اكون عادي زي ما انا
بس لو شفت من شاب اي تجاوز للحدود المسمووح بها


على طول وبدون تردد راح احذفه نهائيا ولا افكر في التعامل معاه ثانيه










بالنسبه للمنتديات
عادي مافيها شي

يعني مثلا مادخل منتدى عشان فيه بنات

ولا عشان فيه اولاد؟؟ مو معقوله


زي الي يقول
ما اخرج الشارع عشان في بنات
ولا عشان فيه رجال



الشات نفس الكلام
والشات شبيه بالشارع كثيرا

وانا اشبه الشات بالشارع فعلا
لكن المنتدى لا

ممكن نقول عن المنتدى انه سووووق راقي





الماسنجر هممممممم يعني للناس الموثووق في اخلاقهم اول شي

والي تعتقد انهم على الاقل ما راح يضروووووك

وافضل يكون على ماسنجر ثاني مو الرئيسي او الرسمي




الماسنجر هو بيتك على النت
فهل تسمح لمن لا تثق فيه بالدخول الى بيتك؟؟
لو تخيلت البنت انه الشاب دا مثلا
هكر على ايميلها من باب حب الاستطلاع؟



حدود العلاقه

الادب اهم شي ولاحترام
وحسن اختيار الالفاظ
والتراكيب كمان؟

تبغوا تحليل قصيده ؟؟؟

طيب العاطفه لازم ما تكوووون صادقه هنا



واذا اخترق شيء من هذه الحدود يجب انهاء العلاقه فورا




اهدافها
استفاده من الاخرين
من نصائحهم
من خبراتهم
من معلوماتهم وتجاربهم


استفاده
في تطوير اسلوب الكتابه
في تقويم الشخصية
في كسب صداقات من مناظق مختلفه





واخيرا

الانسان على النت يختلف عنه في الحقيقه

يعني ممكن يكون على النت طيب واخلاق ومحترم وبره لا

وممكن يكون العكس

تلاقيه مندفع ومتهور في الكلام ومايخلي شي في قلبه ما يقوله لكنه طيب

فلا تنخدعوا بالمظاهر




وتحياتي

[WaLeeD]

<center>


السلام عليكم ورحمة الله وبركاته

اممممممممممممممممممممممم


موضوع حلو يا عكروته وكمان نقاشي وشكرا كتييير عليه

لأنو صراحة يوضح كتييير من الحاجات الغامضة ، وهي غامضة لأنو مجتمعنا يتحكم فيها



طبعا مش حأتكلم عن العلاقات الفاضية واللي مالها داعي ابدا ، لأنو ما شاء الله تبارك الله حبيب البي حسوووم وضحها واجاد فيها وتسلم يا حسوووم لكن بلاشي تطول الغيبة مرررة تانية

وعلى فكرة ، واحد من اقاربي اتزوج قريبا وحده ما تعرف عليها الا عن طريق النت ، وقدر يقنع امه وابوه كمان وهم طلعوا فهمانين وساعدوه لأنو كانوا واثقين فيه وهو ما خيب ظنهم ، والعروسين دحين سعداء وان شاء الله تستمر السعادة الين النهاية



اما بالنسبة للعلاقات التنية ، ههههههههه النتّية ياعكروته ، والله دمك فاير على الكلمات وتعرفي تختاري



اذا كانت بس كده تكتير اصحاب و دردشة وكلام فاضي ، فأنا امي واخواتي واخواني وابوية احق بهادا الكلام ، وانا واجب عليا انو اكلمهم واقضي وقتي معاهم بدل ما اضيع وقتي في الكلام مع اي واحد ما اعرفه ، سواء بنت والا ولد ، وهادا اول وابسط سبب ، وبعدين اكلمه والا اكلمها على ايش ؟؟؟؟؟؟؟؟؟؟؟؟ مرررة شي اعتقد ماله داعي


اما مثلا في حالتنا نحن كطلاب وطالبات مشركين في دراستنا وتخصصنا وحاجات كتييير تجمعنا ، فانا برضه بدي اتكلم في الموضوع دا ، لكن احب اعطي مقدمة بسيطة

اذا اخدنا مثال لأي كلية طبية في المجتمعات الخارجية ، حنشوف انو الدراسة مختلطة عندهم ، يعني كلام انو اضيف عندي بنت في المسنجر دا مفروغ منه ، مو انا بأشوفها كل يوم واكلمها مباشرة ، فمالو داعي اضيفها في المسنجر ، وبرضه دا ينطبق على الاولاد

لكن هنا نحن الحمد لله في نعمة كبيييرة وديننا وعاداتنا ما تسمح بشئ اسمه اختلاط ، فعشين كده الواحد فينا يحاول انو يعمل هادي الاشياء ويضيف عنده بنت في المسنجر ، وهادا طبعا ناتج عن ضعف في ايمانه ليس الا ، وعشين كده ، يصير اللي يصير من العلاقات الوهمية وكل واحد يضحك على التاني وتشتغل كل انواع البهللة والكلام اللي مالوا داعي ، وفقط ممكن نسبة واحد في المية من هادي العلاقات تترجم الى عالم الحقيقة والواقع




لكن ابغى اتلكم عن نفسنا ، نحن زي ما قلت مشتركين في حاجات كتيييرة ودراستنا ومنهجنا ودكاترنا واحد ، لكن ما عندنا اختلاط ، فكيف حتكون وسيلة التواصل بيننا ؟؟؟؟ طبعا مافش الا هادا النت وهي الوسيلة الصحيحة للناس اللي من جد تبغى تستفيد وتفيد ومو تضيع وقت ، وعلى فكرة ، دحين خلصنا ترم كامل ، واكتشفنا انو فيه حاجات كتيييرة انقالت عند البنات وما انقالت عندنا ، وانحذفت مواضيع عندنا وما دريوا عنها البنات ، وكلكم يا اولاد وبنات تانية عارفين الشي دا ، وطبعا ما عرفتوا الا عن طريق تبادل المعلومات خلال النت او المسنجر او بطرق اخرى ، صح والا لا ؟؟؟؟؟


وعشين كده ، انا دحين اتكلم عن نفسي

انا ابدا ما عندي اي مانع انو اعطي ايميلي لأي طالبة في سنة تانية سواء هي طلبت مني او انا اعطيتها برغبتي ، صحيح انو البرايفت موجود لكن صراحة صراحة كأنو مو موجود وطبعا مستحيل انو يتقارن بالهوتميل ، لكن افضل انو التواصل يستمر عن طريق الايميلات وبس ، صحيح انو احيانا الواحد يحتاج انو يكون تبادل المعلومة سريع وفي نفس الوقت ، وهادا ما يصير الا عن طريق المسنجر والا الجوال ، وطبعا الجوال مررررة برة وبعيد ، فما في مشكلة انو اضيف والا انضاف في مسنجر ، لكن طبعا الواحد ما يخرج عن الشي الطبيعي والكلام اللي يبغى يتكلم فيه وبس ، وكل واحد ربنا اعطاه عقل ونحن في مرحلة المفروض نكون عارفين فيها كيف نكون متزنين ، وهادي هي خلاصة كل اللي تبغي تستفسري عنه يا عكروته



وبعدين يابنات ، تبغوا تعرفوا كم كلمة عن الاعضاء اللي معانا في المنتدى

طيب طيب


انا اقلكم ، وحأتكلم عن الناس اللي موجوده وتشارك بتواصل


عندكم ميسو ، وعندكم حسوم ، وعندكم مكابرا ، وعندكم ميدو حبيب البي ، وعندكم رضا وعندكم سمارت تشويس ، فينك يا سمارت ابغى اتعرف عليك ياخي

طبعا دولي كلهم انا اعرفهم شخصيا ، ايش اخلاق وايش زوق وايش علم وايش تربية ما شاء الله تبارك الله ، صدقوني انا محظوظ اني اعرف ناس زي دولي وهادا من حسن حظي ، وربنا ان شاء الله يديم المحبة والاخوة هادي بيننا



اما انتو ، اممممممممممممم

صراحة ما اعرفكم ، بس بدي اقول حاجة وحده




طناش ، زيرو ، عكروته ، بينك ، بلس ، بريتي سمايل ، العنود ، روزا ، كانسر، حبوبه ، ندو ، بتر فلاي ، ديدي ، توتة وكتيييير صراحة ما افتكر الاسماء دحين


قلت بدي اقلكم حاجة وحده بس

امممممممممم ، الكتاب طبعا يبان من عنوانه ، وانتو صراحة اسلوبكم في الكتابة وروحكم الرياضية وردوكم الرائعة مالها الا تفسير واحد بس

وهادا التفسير هو انو انتو من جد بنات ناس وكلكم اخلاق وزوق والواحد لازم لازم لازم يعطيكم تحية سلام وتعظيم ، وهادا مو بس شعوري انا تجاهكم ، لكنو شعور اي عضو في المنتدى هنا ، وانا بأقول الشي دا لأنو عمري في المنتدى هنا اكتر من ستة شهور ، وصراحة ما شفنا الا كل خير منكم ونحن كلنا اخوة واخوات وان شاء الله ايام وحنكون زملاء في المستشفى الجامعي حقنا ونساعد بعض ونشجع بعض



انا صراحة ما عندي اخت ، لكن لو ربنا خيرني انو اختار اخت لنفسي ، مش حيخرج الاسم عن الاسماء اللي فوق ويا فرحة اهاليكم بيكم وان شاء الله ربنا يخليكم لأهاليكم


خلاص خلاص ، حأختاركم كلكم عشين يصير عندي درزن اخوات

ههههههههههههههههههههههههههههههه



:o:


يلا انا خرفت




تحياتي

[reda0007]

والله موضوع خطير يا عكروته
وقصر الكلام ,,,,,
--------------------
إحنا في عصر التكنولوجيا ,,,,,,,,, خساره بس خلاص هيه كدا إش نسوي نركب آلة الزمن ونرجع لورى :122:
فلاتستبعدوا ابدا لو سمعتو واحد من جده اتزوج وحده من ريو دي جانيرو لأنها حصلت
هههههههه لا تروحو بعيد انا اعرف واحد خطب وحده بعد ما اتعرف عليها من النت يعني تحصل ترى في احسن العائلات

بس إذا على العلاقه اصلا في النت
فأهم ما يميز النت هو ببساطه إنعدام المصداقيه احيانا فتجد ان اي واحد ممكن يكتب اي كلام او ينزل اي خبر او اي اشاعه ويقدر يوصلها لأي احد في العالم كلو

ولكن من ناحية العلاقه بين الاولاد والبنات
فأعتقد انها تعتمد بالدرجه الاولى على ذكاء البنت
لأن البنت نفسها هيه ادرى من اي احد بمدى العلاقه التي قد تربطها به على النت
اما انا شخصيا فقد تعلمت كثيرا من خلال معرفتي لأنواع كثيره من البنات من كل انحاء العالم
ههههههههههه تبو الصراحه والله مافي اذكى من البنت السعوديه

واختم بان العلاقه تختلف من مكان لآخر
فلا اظن ان مثلا مناقشه في موضوع معين لأناس يجمعهم نفس المجال
مثلا منتدانا هذا
مكن مقارنتها بأحد غرف الشات او مثله
هذا جزء بسيط من احساسي
واتمنى ان اسمع اراء اكثر

[Dr.3krotah]

مساكم الله بالخير

ابدعتم جزاكم الله كل خير

حسوووم وليدوو ورضا

اراءكم اكثر من رائعه

طبعا ما حعلق الا بعد سماع اراء باقي الاعضاء

:12:

في مشكله انا كنت ابغى انزل الموضوع في الجينرال دسكشن سيكشن

بس الظاهر لخبطت شوي

فياريت واحد من المشرفين الكرام يتفضل علينا وينقل الموضوع

شاكره للجميع

مشاركاتهم ومرورهم الكريم

ودمتم

:to:

لا نقول وداعا بل الى احلى لقاء

[dr_mido]

<center>

:12:

هذا الموضوع و نقلته يا سيتي

اتفضلي

:12:


لكن انا بإذن الله راح اطقس عن هذا الموضوع

و أسأل و احد صاحبي

إمام مسجد

و ان شاء الله

افيدكم


:12:

و شكرا

[Dr.DeDe]

سلام لأحلى اعضاء
------
اممممم نصكم حيقول مين دكتور ديدي .. ها يا ليدو ؟؟
طبعا انا مقلة جدا في مشاركاتي .. لأنه ما عندي نت طول الاسبوع
واجي في الويك يا دوبك اقرأ و ما يمديني ارد

اوووووه رجعنا لديدي و كلامها الكتير
اوووووبس:d:
ارجع للموضوع

علاقة نتية ... حلوة الجملة يا عكروتة
والله من تجربة شخصية .. واقتناع تام ولله الحمد ابتعدت عنها او بالأحرى خففت منها جامد
مو معنى كلامي اني كنت وحدة مرررررة مفتحة او داشرة مصاحبة شباب
لا والله .. كنت اتكلم مع البعض بحدود .. و كثير في ايميل فتحته للمنتدى
واشخاص ينعدوا على الاصابع في الميل الخاص تبعي
واكتشفت انه العلاقة هاذي او مجرد الصداقة تعتمد على نية الشخصين
----
من ناحيتي اتمنيت اكوّن صداقة بحتة و يمكن كنت افسرها انها لمجرد مصلحة
و حصلت كثير المصالح هاذي .. لكن للأسف نهايتها مأساة
ما اقول انه صار لي شي خطير يذكر او اني وصلت لمرحلة خطيرة
بس نفسيتي بعد هالصداقات اقدر اوصفها بانها حطمت
حاولت اكثر من مرررررة اني ابعد عن هالصداقات لكن ساعات اضطر
وبالفعل كونت صداقات محترمة و لها حدود .. ومافي احد قدر يتخطى الحدود مع ديدي
واسألوا عني بالنسبة للي اتعرفوا علي من المنتدى
لكن حسيت انها مهما كانت للمصلحة .. كانت مضيعة للوقت
و فلوس للاشتراك و لسه للاتصالات
بس مع اختلاف نوايا الشباب
ابدا ما حاثق في اي شاب ثاني .. لأني بس اقدر اوصف اني عشت في ضياع بسببهم
المشكلة انه لسه ما لمسوا كرامتي بشي ولله الحمد
لكن اعتبر انه صداقتي باي واحد اكبر غلط بالنسبة لي
حتى بعد ما حطيت الحدود .. اكتشفت انه مهما احترمني الشاب .. فيه نية بعدها
و للأسف الحين بأعاني بسبب نية واحد تافه
----
هو اهم شي تكون صداقة بحدود متفقة بين الطرفين
واهم شي عشان ما تنقلب بعد صداقة لأي شي ثاني
انه محد فيهم يعتبر انه لازم يكون فيه مقابل لهالصداقة
يعني مثللا هو اعطاني اوراق و هو قلي على الاختبار الفلاني .. والدكتور الفلاني
شرح لي .. ساعدني .. مو لازم يكون فيه مقابل مني تجاه ما سوا لي


يمكن اصغر في نظر البعض .. ويمكن تكون فيه وجهات نظر مختلفة تخالفني في وجهتي
انه اي صداقة او مثل قول البعض اخوة .. ممكن تتحول في لحظات بينهم لحب
يكون شي خارج عن الارادة .. ترى المشاعر دايما تظهر من غير ارادة
فمن البداية ابعد عن الشر يا عمري و غني له

تحياتي

[Dr.3krotah]

مشكوووووور يا ميدووو

:sun:

لا عدمناك

[Tears of Pearls]

اممممممم...بصراحة أنا ماأنكر أني أستخدم الماسينجر مرررررة كتير وكونت صداقات مرة كتير عبر النت يعني بجد في عيلة بكاملها أنا أتعرفت عليها عن طريق النت وبجد أنا أفتخر بمعرفتها لأبعد مدى...بجد ناس راقين وخلوقين....:LL:

بس برضنا مانقدر نستبعد أن في ناس مريضين نفسياً بيدخلوا النت عشان يعوضوا شي هم فاقدينه في حياتهم...وأظن أننا كلنا قابلنا زي دي النماذج مررررة كتير حتى لو كانت علاقتنا في حدود الأدب :D:

بصراحة ماأقدر أحكم على التشات لأني ماأفضل أني أدخل في غرفة من غرف التشات لأني ماأضمن الموجودين هناك...وإن كنت ما بأعمم السوء بس برضو الماسينجر يحط حدود مرة كتير بين اللي بيستخدموه مو زي التشات ...:45:

[Dr.3krotah]

د- ميدو

د- حسوم

د- ليدو

د- رضا

د- ديدي

د- ستار

مشكوووووورين على ردودكم والتي ان دلت على شي

انما تدل على وعي

تغبطون عليه

بس نبي باقي الاعضاء

والا

:?:

[GoldenButterfly]

العلاقة النتية البحته
هممممممممممممممممممممممممممم


غرف الدردشة انا مني من روادها و حتى لما امر عليها مملة

المنتديات هدا المنتدى الوحيد اللي استمريت فيه طبعا لازم منتدى كليتي يا فرحتي بيها
و شايفة انه مكان كويس لتبادل الاراء و تقديم المساعده


اما الماسينجر
ما افضل اني اضيف اولاد في الماسينجر


ليش؟

لانه ما حيكون غير يا اما للتسلية و تضييع الوقت
او تكوين صداقه و لا يمكن اكون صداقة لاعتبارات كتيرة
و ممكن تكون لمصلحة بس الكلام يجر بعضه


وانا ما كونت علاقات نتية قوية عالماسينجر مع بنات

غير ميمي ازا تعرفوها اتعرفت عليها قبل حوالي سنتين و شفتها اول يوم في الكلية و صرنا في نفس الجروب و الحمدلله فرحانه جدا اني اتعرفت عليها و اتصاحبت معاها و هيا تصير صاحبة صاحبتي كدا كيف اضفتها عندي

طبعا هادا رايي بعد سنتين و نص من دخول عالم النت




:hp:

[Dr.NuDdo]

بصراحه يا جماعه
إحنا هنا في المنتدى تعاملنا مع بعض أكتر من راقي
بس لو جينا كده أخدنا نظره خاطفه للمجتمع إللي عايشين فيه
نلاقي اغلبية الناس إللي فيه
خربانين ......طبعا البعض وليس الكل
يعني الولد كل همو إنو يدخل الشات إللي هو الشارع على قول حسوم
ويجممممممممممع بنات
طوابع بريد هي الحكايه؟
والبنات برضو نفس الشي مدام إنها بتقبل إنو الولد يضيفها

والعلاقات الناجحه عبر النت دي واحد من ألف
مع إني ما أنكر نجاح بعضها كمان مو كلها


أصلا إحنا مالنا ومال الحكايات دي مو خلينا في دراستنا ومنتدانا أبركلنا

د.ندو

[Dr.3krotah]

صبحكم الله بالخير جميعا

جووولدن بترفلاي عن جد رايك ان دل على شي انما يدل على اخلاق تغبطين عليها

بوركتي

:sun:

ندووووو

والله انك صادقه

بس مو حلوة تشبهي البنات بطوابع البريد تقدر تقولي عملات اثريه

هههههههههه

بس على فكره بنات الطب والعلوم الطبيه من اكثر البنات الي قابلتهم في حياتي

من حيث الذوق والاخلاق والتربيه والعايلات

<==== المادح نفسه

هههههههههه

لا عن جد واعتقد كثير شايفين الشي ذا

طبعا في ظل الاوضاع الاخلاقيه المترديه

ما نقول الا الله يحفظنا

[WaLeeD]

<center>


السلام عليكم ورحمة الله وبركاته


معاكي حق يا عكرووووته


بنات الطب والعلوم الطبية مرررررررررة محترمين وذوق واخلاق

وهادا واضح تماما في المنتدى

والكل يشهد بذلك


لكن


اممممممممممممممممممممم



نحن كيف


نحن خربانين وعيال البطة السودا عشين ما ذكرتينا فوق ؟؟؟؟؟
:MM: :MM: :MM:



والا انتو عندكم رأي تاني يعني ؟؟؟





يا حرااااااااااااااااااااام


:o:






تحياتي

[GoldenButterfly]

اخجلتيني بمدحك عكروته



بس احب اقللكم على فايدة استفدتها من التشات
ما انكر اني اول ما دخلت غرف التشات كنت مدمنة نوعا ما ممكن اقعد 3 ساعات شي جديد و يحمس

بس الشي الي استفدتو اني صرت اكتب اسرع و قدرت اني اطور الانجليزي حقي

بس برضو اعتبرو مضيعة للوقت اكتر من اي شي تاني

[Dr. MacabrE]

<center>

اممممممممممم

العلاقات النتيه

طبعا ما شاء الله الاعضاء ما قصرو

ارائهم ممتازه ومفيده

من ناحيتي انا
انا اشوف ان اي علاقه على النت تخرج عن اطار الصداقه فهي علاقه فاشله

طبعا الواحد لازم يمر بتجربه عشان يعرف الشي هذا

هذا طبعا بين الاولاد والبنات

بالنسبه للشات فاشوف انه من افشل الاشياء اللي اخترعوها بالنت

المسنجر
زي ما قال حسوم
زي بيتك تدخل من تحب وتطرد من تحب


والله يكافينا شر النت



شكرا لكي عكروته عالموضوع






ليدو
الله يرضى عليك اكتب قليل
ههههههههههههههه
ما شاء الله عليك


تحياااااااااااااااااااااااتي

[reda0007]

انا حبيت اضيف إضافه صغيره

وهي ان الشات ليس دائما سيئ
بل ان السيئ فيه دائما هو إستخدامه الخاطئ

بالعكس ممكن عن طريق الشات تهدي شخص للإسلام بعد حوار صريح

هههههه عندكم انا مره دخلت الشات وفتحت عياده
وتعالو شوفو المرضى كيف ههههه
حتى والله فاكر مره جاتني حالة
Constipation

واعطيت نصايح طيبه بس طبعا ما كنت اعرف في الأدويه لسه

والذي احب إيضاحه
هو ان الإنترنت عموما كما بينت الإحصاءات الخجوله وفي المملكه خاصة
ما يقارب 80% من إستخدامنا او استخدام الشعب عموما
هو إستخدام مضيع للوقت وغالبا لا يعود على المستخدمين بفائده
ولذلك اتمنى ان نجرد إستخدامنا للانترنت كل فتره لمعرفة مدى الفائده المرجوه
علما ان احد الفوائد هو الدخول إلى عالم التكنولوجيا الجديد ومعرفة خباياه
هذا فضلا عن البحر الواسع لتوسيع المعرفه وخاصة من الناحيه الطبيه وخصوصا معرفة آآآآآآآخر المستجدات

يعني ممكن لو تبغى تتفلحن يوم وترد على الدكتور وتقلو
هادا الشي كان زمان لأنو آخر دراسه قالت كدا هههههه تجي حلوه ولا لأ :o:

[Dr.3krotah]

:sad:

يؤيؤيؤيؤ

شكليطه تبغى تجيب لي مصيبه

ههههههههه

مو معنى ان ما تطرقت لمدح شباب الطب العلوم الطبيه انهم

عيال البطه السوداااااا

بالعكس انتم عيال البطه الودرررررررردي

صووووح يا بنك

ههههههههههههه

وبالعكس والله انتم اهلها وشرواها والطيب من شمايلكم

<=== باقي لها ربابه

واخلاقكم صراحه تغبطون عليها

فعلا نقدر نقول ان نخبة المجتمع تمثلت عندنا في المنتدى

احم احم

لا تكبر روسكم عااد

:to:

مكابرا & رضا

مشكوووووورين على المرور الكريم وجزاكم الله كل خير

على ما تمثلونه من حسن خلق

ودماثة طباع

:to:

عاد سووووري اني معتزله المنتدى هاليومين

بسبب ظرووووف صحيه

كح كح كح

بنك كيف بس المحاضرات امس ما تحزن بدوني

لووووووووووووووول

اكيد وحشتكم الكحه الخزعبيليه حقتي

:K:

تحياتي لاعضاء اجمل وارقى منتدى على وجه البسيطه

بووووووووركت جهودكم

:to:

لا نقول وداعا بل الى احلى لقااااااء

[Doctor_Pink]

حركااااااااات ياعكروووتة

سبقتيني .....الموضوع كان في بالي من اول

بس يللا معليش سماح المرة دي
=====================================
صراحة الاعضاء ماقصروا

وردودهم جدا جميلة ومفيدة

وانا كنت دايما اسأل دا السؤال

انه يسير نكلم اولاد عالمسنجر او مايسير

لكن انا من رأيي انه مايسير الا ان كان في حدود الادب

وشرط انه مايعرف عن البنت حاجة

يعني اسمها مثلا

حتى لو كان الولد قمة في الادب

لانه البنت الزم ماعليها كرامتها وسمعة اهلها

وماتدري يمكن الشيطان يوسوس للولد يوم ويضرها

كل شئ وارد

لكن زي ماقال ليدو

لوكانوا في الطب مثلا كلامهم مايخرج عن حدود الطب

ممكن ضحك وفرفشة شوية لكن في حدود

وزي ماقال دكتور حسوووم انه ممكن نضيف او نطرد

وانا معاه في حكاية انه البنت صعبة عليها شوية

لكن نحنا في مجتمع محافظ ويمنع الاختلاط

بس في نفس الوقت لازم نسمع لاراء الطرف الاخر

وجهة نظر البنات تختلف عن الاولاد في اشياء كثيرة

وهذا ممكن عن طريق المنتديات مو شرط المسنجر

وبوجود المشرفين الحلوين حيكون في حدود الادب

والحرام في الاختلاط وجه المرأة وصوتها

لكن في النت لا بيشوفها ولابيسمع صوتها

فسقطت الحرمة

لكن الباقي يترتب علينا

يعني طريقة استخدامنا وتعاملنا معاه

هذا من رأيي

واحب اسمع رايك ياعكروووتة

انا بطة وردية دحين صرت ؟؟؟؟

لا وكمان ام لخمسائة بنت وولد ؟؟؟؟؟؟؟؟؟؟؟؟

هادي نتفاهم فيها بعدين

عيب مو قدام الناس

:12:

[Heart Pulse]

السلام عليكم ورحمة الله وبركاته

والله زمان عنكم مره وحشتوني
كيفكم شلونكم شخباركم شو مسويين

شكرا ابله عكروته على المواضيع الرنانه هدي

صراحه بالرغم من كل ماقلتوه واحترمه بشده لكن انا اكره شي علي انو ادخل على الشات ياعمي ضياعة وقت وبس

اما بالنسبه للمسينجر فأفضل ان يكون بحدود محدده كمان لانوا نحنا في زمن ما أقدر اضمن فيه احد ما اعرفه

لكن لو طلبت مني خدمه مش راح اقول لأ
وطبعا بحدود

بصراحه من كتر ماسمعت بلاوي وحكاوي ناس فضلت انو يكون كل شي بحدود
وبرضه اقدر اقول انو الدنيا لسه بخير

اشوفكم قريب ان شاء الله

[Dr.3krotah]

مساكم الله بالخير جميعا

والله وحشني المنتدى وزمااان عنكم

:sad:

بس المذاكره والجامعه والدنيا الواحد ما يلحق يحك شعره

بصراحه انا نزلت الموضوع وقلت اسمع الاراء

وبعدين ابدي رايي

بس الظاهر نسيت


:o:

يللا جل من لا يسهو

اممممممممممممممم

بالنسبه لرايي ببساطه

اشوف المنتديات مثل الحدائق والبساتين

بمعنى ان فيها الاشجار وارفة الظلال طيبه الفاكهه ظلليه وغناء

وفيها اشواك ونباتات ضارة وطحالب

وهاذي الحدايق تحتاج الى بستاني ماهر مهتم بحديقته

يرشها اول باول بالمبيدات ويقضي على الحشرات والافات

طبعا البستاني هذا يتمثل في المشرفين ومدى كفاءتهم والحمد لله منتدانا من ذي الناحيه ميه ميه

:wooow:

ومن جهتي ما اندم على الوقت الي اقضيه في المنتديات لاني باستفيد واستمتع في نفس الوقت

بس بشرط انه ذا الشي ما يطغى على اوليات الحياه والدراسه ومايكون بشكل ادمان سئ

:aa:

الشي الثاني الي هو الشات

تقريبا الجميع الا من رحم ربي في بداية تعرفه على عالم النت المبهر

لازم يكون جرب يدخل شات

شي جديد ومبهر في الحقيقه ناس من كل مكان وحورات لا حدرد لها

طبعا الشات ممكن يكون شي في غاية السوء اذا اخطانا استعماله وخاصه على المراهقين

والفاضين على قولتهم خاصه انه يورث ادمان النت وبالتالي تضييع الوقت والمال والجهد

وهو في احسن الاحوال لا يغني ولا يسمن من جوع

يعني اذا مره كان الاستعمال صحيح

حيكون مضيعه بحته للوقت

كما ذكر الاخ رضا مودايم الشات شئ بس برايي 99% هو عديم الفايده

:15:

من جهتي مرت علي فتره ادخل فيها شاتات للتعرف على ستايل الناس الي بيدردشو

وعلى اساس المعرفه بالشي مو اكثر

:eye:

اخيرا نجي عالماسنجر

وانا اييد الاخ حسووم في انه مثل البيت لازم نحافظ على حرمة معينه فيه

وكل شي بحدود حلوووو

:wooow:

باقي اجاوب على سؤال البطه بنك

بس قبلها حسووووم تكفى خليها

ba6ah member

ههههههههههههههههههه

انا من جهتي اشوف اي علاقه بين شاب وفتاه حراااااام

اقصد تلفون وغيره وغيره

لان فيها اتصال بالحواس سمع نظر وغيره

اما المنتدى او الماسنجر فما فيه اثم باذن الله

طالما ان الكلام ما يطلع عن حدود الادب المعروفه

وكان للاستفاده البحته

او تبادل مصالح برئيه

فاعتقد انه لاباس بذلك

والله اعلم

وعلى فكره اممممممم ماسنجري كله بنات الا قله قليله ويكونون على ايميل سبير

طبعا مو انتقاص لحق احد لانه اصلا المفروض ما نضيف الا ناس كفو

ومن خيرة المجتمع وقمة في الادب والاخلاق هذا اذا بغينا عن جد الفايده الي نتكلم عنها

بس في نفس الوقت الاحتياط واجب والدنيا دوااااااره

واحيانا تخيب نظراتنا في بعض الناس فيكون عالاقل في مجال لتادرك مثل هذه الاخطاء

والشي الي ما يختلف عليه اثنين ان فن التعامل مع الناس ما يبرع فيها الاشخص الا بعد تجربه وعثرات

وفي النهايه ارجع واقول ان العلاقه بين الفتاه والشاب على صفحات النت ممكنه

بشرط اساسي وجوهري ومهم وخطير ومصيري وفي غاااااية الاهميه

انه العلاقه تكووون علاقه نتيه بحته

بحته

بحته

[Doctor_Pink]

صح لسانك ياعقروووبة

بس تعالي هنا

بطة مين؟؟؟

وليش بطة؟؟؟ عشين دبة؟؟؟

طيب خلاص اوعدك راح اسوي ريجيم من بكرة

بس بلاش بطة

خليها كتكوووتة

على وزن عقروووبة

:?:
:waa:

ايني واياك يادكتور حسوووم تسمع كلامها

ترى هيا تحب تخرب العلاقات الاخوية

انا مقدرة وضعها

لانها زعلانة عشين سميتوها عقروووبة وتبي تنتقم


ياستي انتقمي من اللي كان السبب

انا شو ذنبي

=====>تحرش

[RoSa]

الدكاترة الأفاضل ..
جميل منكم هذه الروح و ابداء وجهات النظر و تقبلها من جميع الأطراف ..
و هذا يدل على مدى الوعي ..

أحببت الإدلاء بدلويبجانب دلائكم و إن كان متأخرا بعض الوقت ..
( الذي ليس بالضرورة يعبر عن واقعي فقد تكون تساؤلات و أفكار تجول بخاطري )

اممم ..

بالنسبة للموضوع ..
عادة أول ما يدخل الإنترنت إلى المنزل يكون حب الاكتشاف لهذا العالم هو الدافع الأساسي .. و إن لم توجد الرقابة سيكون الإتجاه الأكبر لغرف التشات التي نتفق جميعا أنها مضيعه للوقت و ان وُجدت الفائدة فهي لا تقارن بمقدار الفساد ..
إذن من الأفضل عدم الذهاب إلى الأماكن الموبوءة ..

ممكن تطب الهيئة فجأة و ساعتها بيروح الصالح مع الطالح :p

***

الماسنجر مثل ما قلتو منزلنا النتّي ..
طيب خلونا نشوف ..
لكل منا وجهة نظر في اضافة الشاب للفتاة او اضافة الفتاة للشاب ..
الأسباب أيضا تختلف ..
أتساءل ..
سواء كان السبب مصلحة أو غيرها ..
بالنسبة لنا كفتيات ..
هل باستطاعتك التحدث بنفس الموضوع مع والدك , والدتك , أخاك أو أي شخص آخر ممن له القوامة عليك ... و هل سيقبلون بالموضوع كون العلاقه ستكون مبنية على الإحترام ..
و بالنسبة للشباب ..
إن أخبرتك احدى أخواتك أنها تضيف بعض الشباب لمصلحة بعينها و تحادثهم باحترام أيضا فهل ستقبل لها ذلك ؟؟

***

المنتديات ..
أعجبني تشبيهك د.عكروته فهو الأقرب للواقع ..
و أتّفق معكِ فيما ذكرتِ ..
المنتديات في نظري هي المكان الذي يجمع بين محاسن الماسنجر و الشات ..
فهي مكان علني كالشات ..
ًو يعتمد على الاحترام ( حسب المنتدى و نوعه و أشخاصه ) لتبادل الآراء و النقاش و الإستفادة أيضا كالماسنجر ..

***

و كما ذكر الجميع أن الموضوع أولا و أخيرا يعتمد على الأشخاص ..
و قد تبدر منا أخطاء و نمر بتجارب تعمل على صقلنا ..
صفحات الانترنت كانت و مازالت النافذه التي تطل منها بعض الفتيات على المجتمع متقوقعات في منازلهن ..
و لا ننسى أنه علينا الحذر الشديد لأن معظم النار من مستصغر الشرر ..

تحيّاتي ..

[H@SSOOM]

Originally posted by Dr.3krotah
مساكم الله بالخير جميعا



:اشوف المنتديات مثل الحدائق والبساتين

بمعنى ان فيها الاشجار وارفة الظلال طيبه الفاكهه ظلليه وغناء

وفيها اشواك ونباتات ضارة وطحالب

وهاذي الحدايق تحتاج الى بستاني ماهر مهتم بحديقته

يرشها اول باول بالمبيدات ويقضي على الحشرات والافات

طبعا البستاني هذا يتمثل في المشرفين ومدى كفاءتهم والحمد لله منتدانا من ذي الناحيه ميه ميه

:wooow:

ومن جهتي ما اندم على الوقت الي اقضيه في المنتديات لاني باستفيد واستمتع في نفس الوقت

بس بشرط انه ذا الشي ما يطغى على اوليات الحياه والدراسه ومايكون بشكل ادمان سئ

حته




افا شايفين يا اعضااااااااااء

تقول عليا بستاني


انا هندي يعني واشتغل في المزرعه ولا موووووووووو؟؟؟؟؟

يا شماته ابله طازا فيا


وكمان انا متخرج من مدارس الفلاح

يعني راكب عليا لقب فلاح المنتدى


:MM: :MM:
:waa:




طيب يا عقرووووووووبه


اذا كان المنتدى بستان فلا تحسبي انك ورده في هذا البستاااان


بل انتي شجره صبااااااااااااااار

:o:

لا ولا خليكي عقروبه احسن



هاتو الفليت يا شباب


فششششششششششششششششششششششششششششششششششششششششش



طاااااااخ طراااااااااااخ

ادعس يا ميدو ادعس




عااااااااااااااااي رجلي يا احول



:waa: :waa:



:t: :t: :t:

[Dr.3krotah]

:sun:

:sun:

:sun:

انا الشمس ذات الضياء اللامع

والنور الساطع

انا من يمدكم يشعاعي الاخاذ

ونوري اللامع

من غيري انتو ورود ناشفه مكسره

وبستاني من دون ورود اكيد بيكون غير نافع

انا الشمس ليس لي من منازع


:sun:

:sun:

:sun:


كيف بس اعرف ارد

ههههههههههههههههههههه

حسوووووووووم تعال هنا

تبغى تدعس مين بالضبط

ترى نكلم صاحب المزرعه

نقوله هسوم كان الهندي حق المزرعه

مافي كويس في قرقر كتيييييييييير

مافي سوي مويا هزا زرع

:ws:

[H@SSOOM]

مافي سوي مويا هزا زرع

هههههههههههههههههههههههههههههههههههههههههههههههههه ههههههههههههههههههههههههههههه


لا خلاص فطست من الضحك


خايف ارد ينخرب الموضوع



افا بسه تطلعي على الشاشه


حسبي الله يا عقرووووبه كمان كملتي الناقص ببساس







لا دي المره حظك نحس انا احب البساس ومااخاف منها
:K: :K:

[Dr.3krotah]

انتا ما عرفت الحكايه يا حسووووم البستاني

انا كنت بجيب لك اسد كبيييييييير

او حتى نمر

بي للاسف ما لقيت

فقلت البسه من عايلتهم