مناظر مؤسفة ..

[RoSa]

<center>
خلال اليوم الجامعي ..
نمر بكثير من المواقف و الأحداث ..
منها ما هو مُضحك .. مُغضب .. مُحزن ..
و كل هذا يؤثر على نفسية الشخص ..

***

من الأمور التي تركت أثرها العميق في نفسي خلال هذا اليوم :
كنّا متوجهين لإحدى القاعات الدراسية لإتمام احدى الاختبارات الدورية و من ثمّ الشروع في أخذ المحاضرة ..
و لهول ما وَجدنا اعتقدنا اننا اخطأنا القاعه ..
بقايا طعام ..
( بالعافية عليهم )
فضلات .. هنا و هناك ..
كاسات ..
مناديل ..
فوضى شديدة جداً ..
صُدمنا ..
الله يهدي اللي كانو قبلنا ..
لو وحده منهم دخلت القاعه بعد ما خرج الكل منها أكيد كانت نبّهت صديقاتها ..
لكن طبعا الوضع ما يبان و الدنيا زحمة .. :(
ألحين عرفت ليه كانو يمنعو دخول المأكولات و المشروبات للقاعات الدراسيه ..
لكن الآن لضيق المكان و كثرة العدد ماصارو يقدرو يقولو شي !!!

***

اكيد كل واحد مننا بيواجه العديد من المواقف اللي ممكن ندرجها هنا مشان نتلافاها في المرّات القادمة ..

و لا ننسى ..
الجامعة مرفق عام ..
وُجد لنا و لغيرنا ..
فلنحاول المحافظة عليها حتى لا نتسبب في افسادها أو ازعاج الآخرين !!!!

تحيّاتي ..

[Dr.6nash]

<center>
من جد منظر مقزز
بالرغم من انو المشرفات يدوروا عالقاعات بس برضه الأكل والشرب موجود والنفايات بعدها بتنترك
طب يعني الحاويات فين راحت!!!!؟
ولا مافيكم تقوموا ترموا
بس تعرفي روزا كل طالبه تعكس بيئتها الي عايشه فيها
:t:
أما هدول العاملات وجودهم زي عدمهم بس مااشوفهم الا يرتبوا في هالكراسي ويصفوها ايام الاختبارات
حتى القاعات الجديده مرتبه خلقه ولايحتاج لها ترتيب

تعرفي يبغالهم يحطوا زباله تحت كل كرسي
:o:
:d:
عشان البنات مافيهم يقوموا يرموا يخافوا المحاضره لا تفوتهم
:t:
:122:

[Dr.wrood2004]

السلام عليكم ...

سؤال اوجهه للبنات المذكورات .....

ما تحسو بالاستياء من منظر المكان اللي تكونو فيه

زمان ايام الدراسة كانو يقولو لنا ..حافظي على المكان اللي انت فيه

تقضي فيه وقت اكبر من الوقت اللي تقضي في البيت

وفعلا هذا الحاصل

اليوم وصلت البيت الساعة 5 العصر

تصورو من الساعة 8 الصباح الى 5 العصر وانا في الجامعة

لو المكان هذا صار قذر .شوفو مقدار البكتيريا اللي حتتجمع فيه ..

وشوفو من المتضرر الاول ...

اكيد انت اللي بتوسخيه وصحباتك ...

ما اقول غير الله يهدي الجميع ,,

تحياتي ,,

[Dr.zero]

<center>

حقاً مناظر مؤسفة

:sad:

ولكن ماباليد حيلة
البنات
كلهم ماشاالله فوق الـ20
نقعد نعلمهم
إن النظافة من الإيمان
من جديــــــد

والله صعبة


ماأقول
إلا
.
.

لاحول ولاقوة إلابالله

<center>

[RoSa]

<center>
أهلا أخواتي د. طناش ..
د. ورود ..
د. زيرو ..

مشكورين ع مروركم و تعليقكم ..
و الموضوع ما يقتصر عل القاعات الدراسيه ..
الكافتريا و حتى الممرات تشتكي من الوضع ..
لكن الممرات على خفيف و ما تُلاحظ .. بس اتوقع لها مستقبل باهر ..

من جد أنا استغرب ..
يعني حتى لو وُجدو عاملات نظافه .. يتهيّأ لي ما شاء الله مع هالعدد لو كل وحده اكلت او شربت و قامت مخلفة وراءها ما خلّفت ..
حتى لو كانو 20 عاملة نظافه ما راح يلحقو ..
و بعدين المفروض مثل ما قلتو انو نحنا خلاص و صلنا سن ما يحتاج انه نِتوجّه فيه .. بالعكس المفروض نحنا اللي نوجّه ..
يعني بالله ما تخجل الوحده تقوم من الكافتيريا و بقايا طعامها ع الطاوله !!! ما فيها شي لو تعبت و مشيت خطوتين لحاوية النفايات ..
و الادهى و الأمر اللي يُترك في القاعاااات ..

طبعا الكلام هذا مو عام للكل ..
و اللي يقراه حيعتقد ان فئة كبيره من القسم بهالوضع ..
لكن لا ..
نحنا نحاول ننبه الفئة الصغيرة مشان بعد كده ما تكبر ..
و ممكن نحنا بتصدر مننا نفس هالتصرف او تصرفات اخرى من غير قصد ..
و الناس لبعضها ..
و جل من لا يسهو ..
و الله يهدي الجميييع ..

تحيّاتي ..

[reda0007]

برافو دكتور روز

والله احيانا تشوف مناظر محزنه للأسف وخصوصا اننا في الجامعه لا وفي كلية الطب

وفقط احببت ان اذكر موقف معين حصل لي
في احدى المرات دخلت القاعه وكان جانب القاعه مليئ بالعلب الفارغه والأوراق وعلب المياه الفارغه
جلست في احدى الكراسي
ولكن لم استطيع الإنتباه خصوصا انها اول محاضره في الصباح وكانت البداية بمنظر مثل ذلك
قلت لجاري في القاعه : ياخي والله منظر مهو حضاري وليس صحي ايضا
تشجعت وشققت ورقه من الدفتر واخذت الم الزبايل واضعها في السله
بصراحه احسست بشعور عظيم
وردد بعضهم جزاك الله خير :LL:

فرحت كثيرا
ولم اكن لأذكر هذا الموقف والله مدحا في نفسي
ولكن لذكر انه يجب ان تكون منا انفسنا المبادره دائما
خصوصا ان الصوره العامه سوف تأثر على الجميع
ولو لم يبدأ احدنا بالمبارده سوف يعكس المنظر رضانا بذلك الحال
والسلام

[RoSa]

<center>
أهلاً د. رضا ..
فعلا جزاك الله خير ..
صراحه نحنا لما لقينا القاعة ع الحاله اللي ذكرتها ما وحده فينا عملت اللي عملته ..
فمكنم نستفيد ان شاء الله ..
و فعلا ..
غير ان هالأشياء تؤثر على المنظر العام ..
تتضرر بالبيئة و الناس اللي عايشين فيها ..

الظاهر باشتكي عليهم منظمة صحة البيئة :)

الله يهدي الجميع ..

تحيّاتي ..

[Na3nO3aH]

دكتوره روزا بالنسبه للحكايه اللي قلتيها ترى لاحياة لمن تنادي

وانت قلتي ممكن تعدي عليك مواقف تغير مزاجك خلاال يومك الجامعي

فمابالك لو كانت موقف وغير حياتك كلها

انا حصلي موقف كل ماأفتكره اصدم ومني قادره اصدقه

بس اعتقد انه قوانين المنتدى ماتسمح اني اكتب هادا الموقف اللي فعلاً مؤسف

. . . . أنه بيتكلم عن

...... أكيد فهمتوا قصدي ، شيْ فعلاً مؤسف انك

آآآآآآآآآآآآآآآآه نفسي اتكلم

مو معقول بدل مايكونوا هم المثل الأعلى لنا كطلاب

:O:

بس ايش بدي اسوي كالعاده لازم

أطنننننننننننننننننش

[RoSa]

<center>
عزيزتي د. نعنوعه ...
يشرفني أن تكون إحدى صفحاتي متنفساً بسيطا لما حصل معكِ ..
مثل ما ذكرتي من المواقف التي قد تؤثر على مجرى حياتنا و تسبب لنا صدمه مع بدئها لابد لنا مواجهتها بكل ما نملك من شجاعه ..
و أن يكون مقدار الإستفاده منه أكبر من الضرر ..
هذا ما يسمى بتجارب الحياة التي تصقل الإنسان .. و تُعدّه ليكون أقوى في مواجهات الحياة الأخرى ..
فلترمي ما حصل خلف ظهركِ .. و لتحاولي التخلّص مما تركه في نفسك من أثر إن كان قد ترك ..
و لتستفيدي من خلاصة التجربه ..
و كان الله في عونك..

تحيّاتي ..

[Dl33333]

الله يستر عليك


ع بالي صوره

يا لطيف بس:aa:

[rayan]

معقول بيحصل الشي دا؟؟

فعلا غريبة :?:



اخوكم
ريان - طب جدة