ما دار في اجتماع د.محمد الطيب مع طالبات سنه رابعه

[Dr.6nash]

<center>

السلام عليكم ورحمه الله وبركاته
من أهم المواضيع الي اتناقشنا فيها اليوم مع الدكتور محمد
كانت عن سنه الامتياز للطالبات
وتم توزيع الطالبات كل وحده حسب رغبتها في المستشفى الي تبغاه
5 طالبات في مستشفى حراء
7 طالبات في مستشفى النور
4 طالبات في مستشفى الحرس
5 طالبات في مستشفى القوات المسلحه بجده

والسنه راح تبدا مع بدايه السنه الدراسيه الجديده يوم 16-7-1424
يعني كل وحده تباشر في مستشفتها

طبعا راح تكون 12 شهر
وعندنا بالاضافه لاجازه رمضان والعيد والحج ، 15 يوم ممكن ناخدها اي وقت

وعن مكافاه الامتياز قا الدكتور انه جاري العمل عليها
وانه المفروض جامعتنا تتساوى ببقيه الجامعات ويا ان المكافاه تكون للكل اسوه بطلبه املك عبد العزيز وسعود يا توقف عن الكل
:eye:

ممممم واتكلمنا كمان عن المؤتمر العلمي الي راح يصير في مدينه العين بالامارات
وأهميه حضورنا ومشاركتنا فيه
ووعدنا الدكتور انه الي صار العام في البحرين ما راح يتكرر السنه دي ان شالله
:SS:
يعني خليكم متفائلين
وتم اختيار بعض البحوث لإلقائها هناك تبعا لرغبه الطالبات ومقدرتهم على الذهاب

احم .. احم
يعني حيكون في برزينتيشن عن سرطان القولون
:eye:
ترقبوه .. بحثي انا وصاحباتي
:J:

وغير كده نصايح وارشادات لسنه الامتياز واللازي منه.. مو لازم تعرفوه
:o:


...وسلامتكم...

:12:

[RoSa]

<center>
الله يوفقكم ان شاء الله ..
و لا تنسونا من مذكراتكم أيّام الإمتياز ..

و الفال لنا :)

تحيّاتي ..

[reda0007]

السلام عليكم

ممتاز اخت طناش تعجبني النقاشات هادي

رغم انه لو كان نفس النقاش بين دكتور وطلاب ربما كان هناك نوع نم التشنج في الحوار :122:

مهي مشكله

بس بالله ركزو على حكاية المكافئات
لأنو من جد الشغله خلاااااااص سارت واضحه
حتى وزير التعليم العالي بجلالة قدرو اتسأل فيها

وبالتوفيق إن شالله