بدون عنوان ..............ولكن ....... مهم!!!!!!!

[dr_dana771]

بسم الله الرحمن الرحيم

بصراحه ما وجدت عنوان للموضوع

يمكن معظمكم قرا موضوع سيزهر العوسج
وصلتنا فكره الموضوع وجزاها الله خير الاخت اللي كتبته

يمكن ما يكون موضوع لكن ما اردت كتابته هو مجرد التعبير عن مشاعر صادقه
في داخلي لكل من لم يحالفه الحظ بالنجاح او كل من عنده دور ثاني

يعني... فعلا مشكله ... هدا العدد الكبير .. ما ادري ايش السبب لكن الملاحظ انه
هدي اسنه في رسوب كتير

بصراحه ما شجعني على الكتابه الا انه اجمل واغلى واعز صديقاتي طلع عندهم دور تاني

بصراحه في الاول ما كان لي وجه اكلم اي واحده فيهم لكني تشجعت وكلمتهم
بس روحهم المعنويه للاسف صارت عدم

يعني ما ني عارفه ايش اقولكم يمكن يكون كلامي شوي ثقيل عليكم

لكن احنا امام مشكله والحق ما يزعل
فاسمحوا لي اكلمكم بكل صراحه

طبعا انا بس بحاول اعرض المشكله بصوره اوضح وقد لا تكون وجهه نظري سليمه

في البدايه اراده الله سبحانه وتعالى فوق كل شي
تاني شي لكل مشكله سبب ولازم نعرف الاسباب عشان نقدر نحل ها لمشكله
يا جماعه ...
كوني طالبه بحضر المحاضرات بشوف فيها العجب...

الي متاخر واللي جاي نايم واللي يكتب شعر واللي يرسم وبصراحه اشياء غريبه
واشياء استحي اذكرها ... غير الضحك اللي ما له داعي

طبعا مو بس انتم حتى انا كنت اساوي اشياء غريبه بس بطلت... الحمد لله
ايوه صح
واللي يسولف في التلفون وغيرهاااااااااا كتير عدوا واغلطوا

هدا عند البنات مادري عنكم يالاولاد ايش بتساوا في المحاضره؟؟؟؟
طبعا انتوا مكرهيين قبيله الدكاتره فيكم مو بس الدكاتره

يا جماعه اذا كان الدكتور بيحاسبنا على الاختبار النهائي واعمال السنه وبس....
ربنا بيحاسبنا على كل شي وكل واحد بياخذ على قدر عمله وتعبه وطبعا
في النهايه كل شي بمشيئه الله
اتمنى ان كل واحد يسال نفسه هو ايش ساوا من اول السنه
صدقوني هتلاقوا الاجابه عندكم
لا تقولوا هدا رسبني ودي رسبتني
مو حل للمشكله اننا نحط العيب في الدكاتره وان كان لهم دور كبير في كده
انا ما ابغاكم تزعلوا مني

قد يكون كلامي قاسي على البعض
لكن لازم نواجه انفسنا وبعدين الاختبار النهائي ماهو بمقياس ... المفروض ان الطالب يكون منتبه على مدار السنه

وصدقوني الشي اللي يبدا صح ... باذن الله هينتهي نهايه طيبه


هتقولولي ما قصرنا حلينا .. سهرنا تعبنا
الكل تعب .. بعدين لا تنسوا ان الناس قدرات

يعني لا تقولون هدا اودي ما ذاكروا وجا بوا احسن منا
ما تدروا يمكن الي انا اذاكره ب3 او 4 سا عات يذاكره غيري بنص ساعه

طبعا انا لا انكر انه في بعض الطلبه والطالبات بتجيهم الاسئله .. لا هدولي انشالله

هيروحوا في 60 داهيه هم واللي بيعطوهم ودوام الحال من المحال

اكييد راح يجيهم يوم

وبالنسبه للدكاتره اللي قد يكون لهم دور في ترسيب الطلبه ولو اني ما اوافق على كده
اكيد هيجيهم يوم ويشوفون هدا في اولادهم
وبعدين انتم لا تعطونهم فرصه ... ذاكروا على قد ما تقدروا ولا تقولون
باقيلي 5 او 6 درجات وانجح
.. دائما حا ولوا تجيبون النتيجه الافضل

وفعلا قد يكون بعضنا ما قصر بس لاقى نتيجه ما تسر .. ما تدري يمكن ربنا يدفع عنك الشر بقدرها
او يعوضك بها يوم القيامه
وفي النهايه ترى الدنيا ما تستاهل والدرجات على قولهم وسخ دنيا
واهم شي الواحد يكون مبسووط
يعني..... يعلم الله اني ما كتبت هذا الموضوع الا لاني ابا ادعمكم واتمنالكم التوفيق من كل قلبي

اهم شي لا تزعلوا .. وادخلوا الدور التاني بهدوء وتركيز وقوه اكتر
وربنا كرييم
يعوضكم خير انشالله
وسلامتكم

مع كل الحب

داااااااااااااااانه
بانتظار تعليقاتكم

سبحانك اللهم وبحمدك اشهد ان لا اله الا انت استغفرك واتوب اليك

[د. مـيـس]

اولا اشكرا ليك اخت دانه لقرائتك الموضوع
لكن بصراحه تفاجأت انك مو عارفه العوسج
وهذا خلاني احزن اكثر لان على قولهم كان بيت القصيد في العوسج
ربما اختي لم تتعمقي او تبحري في كلماتي لكي تفهمي ماقصد
انا كتبت هل سيزهر العوسج ؟؟
اولا انتي قلتي انك مو عارفه ايش معنى يزهر :?:
عندما تتتفتح الازهار نقول ازهرت
فانا من خلال موضوعي اهديتكم بذرة الامل لكي تتعهدوها فاذا هذا الامر تم حصوله فلن يكون هناك امر مستحيل حتى لو كان بازهار العوسج
لان العوسج نبات صحراوي ومن المعروف انه لن يزهر لندرة الماء
فكان هذا توضيح لمعناه وارجو ان يكون وصل لكم كما اردت
................
بالنسبه لموضوعك انا بصراحه ماعارضك في فئه صح ماتنتبه في المحاظره
في فئه بتضحك وتلعب زي ماقلتي
لكن عزيزتي ماعتقد ان ذا وقته ان احنا نطلع العيوب
هذا وقت ان احنا نحفزهم اكثر واكثر
نخليهم يتعلموا من اخطائهم
لان صدقيني صعب كلامك على نفوسهم حتى لو فيه جزء من الحقيقه
اوكي ممكن من لم يوفق اعترف بانه اخطا وانه ماراجع حاساباته كويس
ولكن هذا مو معناه اني اودع في يديهم الرجفه
بيد ان صرخة وليد توقظ حقيقة الانسان في القلوب ..... وتشرع في وجه الياس... بابا من الامل الخافت واسع ....
فيستنشق الحماسه ويخرج في طريقه الى الحياه ...
من خلال صرخة الميلاد الصافية ... فيتلاشى اليأس خلف مواجع السنين

ارجو اختي ان تتقبلي كلماتي وان يصللك ماصبو اليه
تحيااااتي

[dr_dana771]

تصدقين اني ما فهمت معناها
الا قبل شوي
حتى والله قبل لا اشوف ردك

فعلا مره
انا اسفه انا بس قرات الموضوع وما طالعت العنوان زين

بس صراحه عوسج اول مره اسمع بها

المهم موضوعك كان رائع وجزاك الله خير

لكن يبدو انه كما اخطيت في فهم عنوان موضوعك

انتي للاسف ما فهمتى مو ضوعي بالمره

انا والله ما قصدت ازعل احد

ولو كان في مايك يمكن كنت اوصللكم المطلوب

اما لو ما احد بالمره فهم قصدي كنت مخطئه

فانا اسفه مليون مره وحقكم على راسي

من جد حطمتيني

مع كل الحب


داااااااااااااااااااانه


والتقد مقبوللللللللللللللل
على عيني وعلى راسي

ولو كان ما عجبكم

يمكنكم حذف الموضوع

:85:

[RoSa]

<center>
dr_dana771
كلمات و لا أروع ..
الدور الثاني ليس نهاية العالم ..
تجربة معرض للمرور بها أي شخص إن كانت مكتوبة له ..
بالتوفيق للجميع ..
و أهم شي اتوكلو على الله ثم شدوا حيلكم و حاولوا ترفعوا معنوياتكم و هونوها تهون :)

تحيّاتي..

[WaLeeD]

<center>

السلام عليكم ورحمة الله وبركاته

امممممممممممممممممممممم

صباح الخير او مساء الخير جميعا بحسب التوقيت اللي بتقروا فيه كلامي دا

اخت دانة

اولا مشكورة على قبولك للنقد وهادا يزيد من احترامنا وتقديرنا ليكي

وكلامك اللي كتبتيه صحيح ورائع جدا وبيحكي عن واقع نحن بنعيشه

مع انو فقط انا اعتراضي على التوقيت اللي اخترتيه وبس

لكن فقط عشين ما يكون فيه سوء فهم او تقدير خاطئ للأمور

اتمنى منك انك توضحي قصدك واللي انتي حبيتي تعبري عنه من خلال هادا الموضوع

لأني صراحة كنت ابغى ارد عليكي لكن ردي كان حيكون مشابه لرد الدكتورة ميس

وكنتي حتقوليلي انك انت كمان فهمتني غلط وحطمتني

دانة لا حطمناكي ولا شي

نحن اللي فهمنا قصدك غلط وبس

وبعدين ايش حكايتك انتي ؟؟ ليش كده زعلانة من الاولاد ؟؟ ايش عملنالك نحن ؟؟

والله العظيم نحن مررررة طيوووبين وحلوييين وصغنطونين وعسسسسسل كمان

====> مادح نفسه كداب

هههههههههه

وضحيلنا قصدك دكتورتنا العزيزة ولكي كل التقدير والاحترام

منتظر ردك

تحياتي

[د. مـيـس]

عزيزتي لو انت اتحطمت من كلامي فانا جدا اسفه
انا ابدا ماعارضك وبالعكس انا معاكي ان كل هالامور بتحصل
وانا ماقصد ابدا اني احطمك بالعكس
انا ناقشت الموضوع معاكي على اساس اختلاف الراي لايفسد للود قضيه
وانا بس لان التوقيت مو مناسب
لان في بنات جدا جدا محطمات وهيفهموكي غلط لما يقراوا موضوعك
فانا حبيت اوضحللك ذا الشي
ارجو ماتكوني زعلتي من كلامي
لان اولا واخيرا احنا بنحاول هنا في ذا المنتدى نسمع لبعض
ونشوف الخطا من الصح ونصحح لبعض
مو نحطم بعض فمره ثانيه لاتزعلي وحقك علينا اذا كلامي ازعجك
تحياااتي

[Dr.@7m@D]

شكرا دكتورة دااانة على كلامك

انا معاكي كلامك كلو صح المفروض اننا نذاكر وما نعطي فرصة لنفسنا اننا نقول الدكتور رسبني ولا الاسئلة كانت صعبة

بس مين معايا في انو الدكتور لازم يراعي نفسيات طلابو ولازم يساعدهم

انتي قلتي باقيلي 5 او 6 درجات
طيب خمسة او سته مررررررررة كتير

ايش رأيك في اللي باقيلو درجة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
:waa: :waa:

انا باقيلي درجة في البايو ومحد يبغى يعطيني هيا

يعني بالله لا هشام ولا ذو الفقار ولا جمانة محد لقى حل حق درررررجة وحدة في الورقة ؟؟؟
:MM: :MM:

طيب حتى لو ما كنت حالل حرام لو اعطيتني درجة وحسبتها في اللاب ولا في اي حاجة ؟؟؟

كيف نفسية الطالب اللي يعيد الترمين ويقعد الاجازة كلها يذاكر عشان درجة ؟؟؟

انا اقولها صح انا غلطاااااان

والمفروض ما اخلي مجال للدكاترة اني اقعد على درجة
بس انا داخل اختبار البايو واحتاج 10 من ال25 بس
وكيييييييييف ما جبتها ما ادري
؟؟؟؟!!!!!!!!
على العموم الحمدالله
وبالعكس انا دحين معنوياتي مرتفعة ورح اذاااااكر وانشالله رح اروح سنة تاني

وشكرن على كلامك مرة تانية دكتورة دانا

[dr_messo]

<center>

موضوع هادف جدا ورائع اخت دانه

ياتي على الجرح

اتمنى ان ارى مشاركة الجميع

شكرا لك

:sun:

[reda0007]

السالام عليكم ورحمة الله وبركاته وبعد

ممتاز كلامك اخت دانا
كلام موزون وعلى ميه بيضا :LL:

انا شخصيا رسبت هادي السنه بالزات :122:
بركه إنها ماده وحده الا وهيه الأميون
الماده اللي عملت في الطلاب العوامل على مدى السنين لدرجة ان حتى طلاب رابعه انهو مواد رابعه ومازالو يحاولو النجاح فيها


وبصراحه مبسوط جدا ولا عندي اي مشكله
لأنو انا عارف ومتأكد جدا ان النجاح نجاح القلب :o:
إذا كان الطالب حضر و ذاكر جيدا وتعب وسهر وحل على الورقه مظبوط
إش بقي حتى يسويه
يروح يشحت الدكتور :t:
حشا وكلا
--------------------------------------

ورغم كللللللل اللي صار وسواءا ايااااااا كان سبب الرسوب

فمن لم يرسب بسبب التصحيح رسب بغيره .............. تعددت الأسباب والرسوب واحد
:ws:
---------------------------------------
طيب دحين مثلا خرجت النتايج وبان المستخبى
طيب افرض انك راسب او راسبه لا قدر الله
إش الحل

اولا :
اعلم يا حبيبي الطالب ويا اختي الطالب ههههه عشان لا ينحذف الرد :o:
ان كل شيئ تعرضت عليه من رسوب وغيره كله كان مكتوبا في كتاب اقدارك
وقد قدر الله لك ذلك فهل يا ترى راضي انت ام لا
وعلى رأي الشاعر

ففي اي شئ تذهب النفس حسرة ........... وقد قسم الرحمن رزق الخلائق

ثانيا :
اعترف ان السبب الرئيسي في النتيجه هو أنت شخصيا
سواءا كنت عارف الخطأ الذي ارتكبته ام لم تعرفه حتى لو هيأت لك نفسك انك لم تقصر في اي ناحيه
ابحث مثلا في الحضور الإهتمام إعطاء الماده ما تستحقه من الوقت الظروف التي هيأتها لنفسك يوم الإختبار كأخذ القسط الكافي من النوم وغيره
وحاول التقليل في اهمية الأسباب الأخرى التى ساعدت على رسوبك
لأنك شخصيا لن تكون لك فرصة في اصلاحها
هل تستطيع ان تصلح دكتور مثلا :122:


ثالثا :
حاول اصلاح جميع الأسباب التي ساهمت في رسوبك في المستقبل
ومن اهمها حضور المحاضرات والمذاكره اول بأول والإقبال على مناقشة الماده وغيرها كثير
واعلم ان الفرصه سوف تكون متاحه جدا للنجاح في الدور التاني خصوصا
وان الدور التاني ما هو إلا فاتوره لأخطائك التي ارتكبتها طوال السنه
وانت قادر على سدادها

رابعا :
اذا كنت مبتعدا عن طريق الحق او مقصر في جنب الله تعالى
من عدم اقامة الصلاه في وقتها او غيرها من المنكرات
فأعلم ان المصيبه التي اصابتك إنما هيه إنذار لك من الله لترجع إليه
يقول تعالى
( أولما أصابتكم مصيبة قد اصبتم مثليها قلتم انى هذا . قل هو من عند انفسكم ان الله على كل شيئ قدير (


بس خلاص كفايه كدا
سلام

[UQU girl]

<center>

هههههههههههههههههههه
حلوه منك دكتور رضا ... تعدد الرسوب باختلاف الاسباب

طيب ايش رايكم في سبب وجيه جدا
الا وهو ان دكتور الماده يعز عليه فراقي دي السنه وقرر انه يشوفني في الدور التاني وربما للسنه القادمه كمان
:o:
افا وهو احنا نقدر على غلاهم ومعزتهم
ابدا

يمكن انتا كمان يا دكتور احمد عز عيهم فراقك وانتقالك لسنه تانيه فا قرروا انهم يخلوك جمبهم كمان سنه
:LL:
انبسط مين قدك ياعم

يلا بمناسبه الرسوب اهدي دي الاغنيه لرئيس القسم الموقر
ولجميع منسوبي الكليه
http://www.salmiya.net/songs/m-fuad/ram/foad45.ram

[dr_dana771]

السلام عليكم ورحمه الله وبركاته


شكرا شباب

بيضتم وجهي الله يبض وجوهكم



شكراا لانكم فهمتوني وانشالله البقيه يكون وصلتلهم فكرتي



والله يوفقكم


مع كل الحب

داااااااااانه

[sweetone]

مرحبا
كيفكم؟؟؟؟
اولا بالنسبة لرسوب الطلاب انا معاكي في بعض الاسباب بس البعض لا يعني صح مشكلة كبيرة ان لا يكون الطالب مركز بس تعرفي بعض الدكاترة واسلوبهم بالقاء المحاضرات يعني شي يطفش بصراحة بعضهم من يوم ما يدخل يقعد يقرأ حتى هو يمكن مو فاهم والبعض يقعد يملى كأنو بندرس املاء لكن العيب لمن الدكتور يشرح ويصير اللعب والتشويش على الطلاب الاخرين

اما المشكلة الاكبر انو بعض الدكاترة هداهم الله يحط الدرجة على كيفه ولا يعطي الطالب حقه حتى لو كتب الاجابة الصحيحة لانو لازم تكون هناك نسبة رسووووووب في كل قسم ولو ما كانت هناك نسبة رسوووب في القسم راح يكون رئيس القسم عرضة لاتهام هدا الوضع موجود في كليتنا وانا شاهدته

اما بالنسبة لمادة الامينو ترى المادة سهلة وما يحتاج لها سوى الانتباه مع الدكتور وكتابة الملاحظات مع الدكتور ولا تحتاج لمرجع سوى للفقرز
وشكرا

[reda0007]

السلام عليكم ورحمة الله وبركاته
بس كنت ابغى احكيكم حكايه وارد على واحد
الحكايه وهيه
إنو لمن شفت درجت الرسوب
في الأميون

جا واحد وسألني قلي هاه كيف قلتلو راسب :t:
قلي إش شعورك

قلتلو بالعكس عادي فرحان ومبسوط
يعني ياخي حاسسها كأنها
EXPERIENCE:122:

برضو مهي حلوه الواحد يتخرج من الجامعه من غير رسوب
يعني على الأقل شوف مستوى اسئلة الدور التاني ياخي :o:
راح بعيد وقعد يضحك خخخخخخخخخ
---------------------------------------

وبعدين تعال هنا يا سويت تون ابغى اكلمك
كيف حالك إنت هاه ؟؟؟؟؟؟؟؟؟؟؟؟

ههههههه تقلي الماده سهله هاه
اصلا درستها إنت ؟

طيب يعني إنت قصدك تقول إنو اكتر ماده فيها يرسب الطلاب اسهل ماده
ولا يمكن إنت تحب الدكتور
ولا مني عارف إش القصه
بالله لو سمحت توضحلي وجهت نظرك بس
عشان مني فاهم إش قصدك

يواد عسى تكون متشفي في الناس اللي رسبو هاه
:MM:

سلام :hp:

[sweetone]

مرحبا
هلا دكتور رضا
انا والله طيب وبخير كيفك انت؟؟؟؟؟
بالنسبة لمادة الاميونو انا درستها واخدت فيها ب+وماني عارف ايش الصعوبة فيها
ما ادري انا درستها الترم الاول بس كان الدكتور طيب معانا وعلى فكرة انا ماهي حكاية حب هده حقيقة انا شايفها يمكن يكون هو حاقد عليكم شي تاني
اما بالنسبة لاكتر مادة يرسب فيها الطلاب هيه علم الدم حطمت الرقم القياسي السنة دي
وشكرا
بس تاني مرة لا تعصب علي كده:?:

[UQU girl]

<center>

ممممم الصراحه رضا حتى انا مستغربه من كلامكم عن الاميونو!!!؟
بس لا تهب في وجهي
احنا درسناها السمستر الاول من سنه رابعه وكانت مع د. طلعت بخاري
وكان يشرح والله بذمه
وكان يكتب نوت ونكتب معاه ويدينا فقرز نذاكر منها
وكل اسئاته من كلامه الي يكتبه
وفي الاخير الدفعه كلها نجحها
:?:
بس انتو والله مدري ليه مقلوب عليكم لدي الدرجه

ويمكن منهج العلوم الطبيه غير منهج الطب
:t:

الله يكون في عونكم لو كان حطكم في باله ومزرقن منكم
:sad:

ترا هدول لمن يعصبوا مايرحموا احد
:aa:

[reda0007]

السلام عليكم ورحمة الله وبركاته

شكرا سويت ون ............ من جد سويت
على توضيح الصوره
واشكر الأخت يو كيو يو على التوضيح
-----------------------

هههههههههه
على فكره ترى انا ما كنت معصب ولا شي بس استغربت من الكلام

لأنو بصراحه انا حاسس من جد ِإنو الدكتور حاقد علينا
تخيلو إنو مره قال
انا ماني عارف كيف إنتو اتخرجتو من الكفاءه :aa:

وحاليا اللي رسبو هادي السنه هما تقريبا 43 يعني اكتر من الهيما كمان بواحد
والسبب طبيعي وهو ان الأسئله كانت غريبه بصراحه

يعني انا اول مره ادخل إختبار في النهائي ويكون الإختبار ما فيه اختيارات
ويكون كل اجوبة الأسئله ما تتعدى سطر زي ما قال الدكتور
وطبعا السطر هادا لو كانت المزكره قدامك ما راح تلاقيه إلا بالقوه

هدا غير اللي دخلو الإختبار معانا من سنه رابعه وبرضو مافيش فايده مع الدكتور

خلاص كفايه الكلام كدا مافيش فايده

تحياتي

[dr_dana771]

اقول شباب


وراكم طنشتم علي ورحتم للاميونو

بلا اميونو بلا قرف

من جد ماده زي الزفت

واللي يقول درسها الترم الاول
شكله علوم طبيه

على فكره منهجهم كان ثلث اللي احنا درسناه

هم وقفوا عند ال c


وبعدين بصراحه الماده كانت صعبه جدا ولا تقولولي ركزوا معاه ولا شي


والله ما خليت كلمه هو قالها الحمد لله نجحت فيها بس بطلوع الروح

من جد ادنت ليله الاختبار وراجعتها اكتر من مره بس برضوا كنت انسى
المهم


خلينا نروح بعيد شوي عشان ننسى الاميونو



























بالنسبه للردود


كان رد الاخ احمد جدا رائع


ومن جد

اثر في مررره كتير


والله زعلت عشانك ودعيتللك انشاله ربنا يوفقك

يعني هدي من جد نذاله منهم

طبعا قسم البايو من اسوأ الاقسام في الكليه

سواء منهج او معمل او دكاتره


طبعا مو بس انت وحدك في طالبات كتير رسبوا على درجه واحده

وهدي نذاله من الدرجه الاولى يعني انا ما توقعت انهم يوصلوا لهدي الدرجه بس للاسف


واشكر فيك الروح العاليه

انك تقبلت كلامي


يعني من جد ما اقدر اقولك غير انك تذاكر كويس وتشد حيلك



و باذن الله تثبتلهم انك تستحق هدي الدرجه وبجداره



وشكرا







مع كل الحب



داااانه

[UQU girl]

<center>

انا زعلانه
:sad:

يعني محد فيكم قلي ايش رايه في الاغنيه الي اهديتها للدكاتره
؟؟؟؟؟؟
:MM:

[reda0007]

السلام عليكم ورحمة الله وبركاته

كيف الحال إن شالله طيبون


للأسف أخت يو كيو يو انا ما اسمع اغاني
:eye:


طيب اجل خدو هادي الهديه مني
إذاعة القرآن عن طريق النت
www.saudiradio.net

سلام :12:

[Dr-futuer]

السلام عليكم ورحمة الله وبركاته

اختي العزيزه دانه
اشكرك على هذي المشاركه الجميله
وفعلا هذا اللي بيصير
وانا من الناس اللي مايدروا عن ايش يتكلم الدكتور(بعض الدكاتره مو كلهم)لاني حاولت افهم أو اركز معاهم مااستفدت
يعني اصدمكم لو قلت اني في الفسيولوجي(محاضرة ومعمل)ماادري عن ايش الموضوع علاقتي بالماده فقط تجميع النوتات اول باول واذاكرها قبل الاختبار

والبايو (محاضرة بس)اكتب رؤوس الاقلام فقط
وهذي المادة الزفت هي السبب لاني كنت مررررررررررررررررره حريصه فيها وجبت العيد فيها اكتشفت انه التركيز معها اختنا في الله هو اللي يودي في ستين داهيه



اما باقي المواد لا تمام اعجبك
:LL:
بس الصراحه مو مدحا في نفسي اجلس من حالي في حالي ماازعج احد

[moon light]

تعرفوا الموضوع هذا مهم يا ناس

قلنا رسبنا والحمدلله طيب نبغى نعرف السبب
وبحثنا ودورنا على الاقل نشوف الورقه

اسمع كلمه لا ويقولوا لا تطلبي عشان لا يفتحوا لك محضر !!!!!

طيب على لاقل اعرف ليش وكيف جاوبت ولا اقصد بذلك اتهام الدكاتره
المفروض هم يقولوا تعالي شوفي الورقه عشان تعرفي اخطاؤك

وهذه شغله والشغله التانيه ليش الدكاتره لما يحطوا الاسئله
ما يكتبوا الدرجات في الورقه على الاقل الواحد يحاسب شويه
ومو كل الدكاتره يعملوا هذا الشي الا من رحم ربي


وانا كلامي مع السويت تون متفقه معاها




:MM: :MM: