رساله هامه الى طالبات العلوم الطبية السنة الخامسة؟؟؟؟ ابي رد سريع

[MoooN]

السلام عليكم ورحمة الله وبركاته
اخواتي الاعزاء.......
اكيد موضوع المكافاءه شاغل بالكم
بعد ما استشرنا رئيس العلوم الطبية طلعو اثنين مننا الى مدير الجامعة
اللي طلب مقابلة المجموعة كاملة
وقال انو كليتنا الغراء ما قدمتلو ولا شيء عن هذا الموضوع
بس احنا ما حنسوي زي الدفعات السابقة (نسبسب في الجرايد وخلاص) لا
عشان كدا احنا قررنا نقابل مدير الجامعة يوم الاحد القادم بأذن الله
ومعانا دفعة السنة الرابعه
وانا حبيت انو تشاركونا في هذا الموضوع وتبدو اقتراحاتكم
خصوصا انو النساء لهم مكانة عاليه في مجتمعنا و زي ما يقول المثل
Ladies first
ففكرو ايش ح تسو ممكن تعطونا ورقة باساميكم موقعة
او تتطلعولو في يوم تاني لانو لاازم نتحرك
يهوووووووو ابغى اخطب واتزوج)
(
و اذا ما نفع مدير الحامعه في مخططات كتير اقولكم هيا بعدين

بس ردو لي بكرة الجمعة قبل العشاء لانو انا ح ابات في الهدا وما عندي هناك كومبيوتر
وح ارجع يوم الاحد من المستشفى على الجامعة

اخوكم
ايمن
مستشفى القوات المسلحه -الهدا

على فكرة احر سلام وتحيه لاعضاء المنتدى
و اقولهم
وحشتوني
see u soon

:87:

[Dr.6nash]

<center>

مدري بنات سنه خامسه فين راااااااااحوا
شكلهم بيداموا خميس وجمعه كمان
:t:
اممممممم
ايمن احنا بنفكر في دا الموضوع
وآخر كلام قلنا هوا الدكتور محمد الطيب انهم ارسلوا لوزير التعليم العالي وشرحوله المشكله
لأنه ماكان عنده علم بالموضوع البتــــه !!!!!!؟؟
:waa:
المهم وقلنا انو مافي قرار نزل ولاشي بس اسمائنا واسماء الدفعات الي قبلنا عند الوزاره
ساعه مايفكروا يصرفوا حيكون عندهم خبر انو دول مابياخدوا شي

المهم
انو احنا فكرنا نرسل للأمير عبدالله برقيات بالموضوع كذا مره
لأننا سألنا وقالو انه اي برقيه توصل المكتب ينظر في أمرها

وبصراحه مدير الجامعه ماراح يعمل شي
:t:
غير انه يسمعلنا والسلام
وعلى ايه يعني هوا مو داري اننا ما بناخد ولا قرش!!!؟

لو تعملوا زينا يكون افضل لنا ولكم
ارسال البريقه الوحده ب 150 ريال
اوووف والله كتيره في ظل الظروف المتأزمه دي الايام

:sad:

خلاص شكلي حابكي من كثر ما اشكي

وافينا باخبار اللقاء الشيق الي يصير معاك ايمن

[Dr.6nash]

<center>

على فكره لو تبى ورقه موقعه بأسمائنا فا هيا جاهزه من ايام ما كنا رابعه واحنا نكتب معاريض ونوقع

فين احطلك هيا عشان تاخدها معاك اليوم قبل لا تطلع الهدا
؟؟؟
وصوره من الخطابات الي ارسلناها لو تبى كمان
:O:

[UQU girl]

<center>

أفا عليك يا ايمن
اكيييييييد انو دا الموضوع شاغل بالنا وبال بالنا كمان
والله قاعدين على أمل انهم يصرفولنا عالأقل الف ريال
ياناس واللللله حراااااااام
يعني بنشوف طلاب عبد العزيز بياخدوا واللك سعود كمان
واحنا بنات البطه السوده ولا قرش مابناخد

استغفر الله عالاقل الجامعه تدفعلنا فلوس البنزين والسكن والجوال كمان
مو هما الي رمونا في جده
وقلك ايه لا تيأسوا انشالله في مكافآت
:MM:

فكره طناش حلوه اتكلمنا فيها
بس انتوا ايش راح تقولوا للمدير؟؟ وايش راح تستفيدوا ياترى؟؟
اقولك خد نسخه من خطاب وزير التعليم ونسخه من خطاب الامير عبدالله وروح مكتب البرق والبريد عدل
وارسله 3 مرات
او كل بعد يومين مره

والله الامير عبدالله مافي شكوى تمر عليه الا ويسعى فيها
بإذن الله

طناااااااش اذا انتي حتبكي فأنا بأبكي كل يوم
:waa:



مو معقول اجلس اخد مصروف من امي كل يوم 10 ريال
:aa: :aa: :aa:
بينما من حقنا اننا ناخد راتبنا زي باقي الناس
:K:

[MoooN]

شكرا د/ طناش
1-بالنسبة لمعلي الوزير والكلام اللي قالو في مؤتمر جريدة عكاظ، هو قال قبل 4 او 5 سنوات انو هدا الموضوع مهم جدا بالنسبة لي (بيناقض نفسو) وصورة هادي المقالة موجودة عند د/محمد طيب, واللي سألو هدا السؤال في مؤتمر عكاظ يصير سيد صاحبي وهو الاستاذ/عبدالله عمر خياط , واحنا يوم حفلة تخريج الدفعه 51 من الجامعة سلمنا معالي الوزير خطاب يد بيد...... عن طريق المكرم الوحيد من الدفعة السابقة فيصل حريري.... يشرح في الموضوع من طقطق لي سلامو عليكو, بس شكلو هدا الخطاب اتنسى في جيب الثوب وراح معا الغسيل..........
2-وبالنسبة للامير عبدالله ، احنا وصلنا خطاب لي سكرتيرو الخاص عن طريق الاستاذ/عبدالله عمر خياط (جزالله خير) بس هدا الخطاب رجع للكلية زي ما هو, مشكلة الخطاب انو اترسل من هنا والامير عبدالله سافر المغرب من هنا.
3-عم فيصل يصير وكيل وزير المالية اللي قال انو الموضوع ممكن يتحل اذاالجامعه اتحركت
4-عم فيصل التاني يصير وكيل الجامعه...... اللي هو نصحنا زي مانصحنا د/ محمد طيب اننا نطلع لمدير الجامعه
5-البرقيات ما منها فايدة , لازم يد بيد لانو البرقية حيخذوها ناس وحيشوفو الامور المالية وغيرها المتعلقة بموضوع البرقية واذا ماكان في ايتوها اشكالية هديك الساعة يعرضوها
6-الامير عبدالمجيد ح يكون محططتنا التانية بعد مدير الجامعة ( اذا ما نفع) وعندنا انشا الله واسطة كويسة حتدخلنا ليه
7-طلوع السلم حبة حبة............. لو رحنا للامير قبل المدير ح يقول طلعتو لمدير جامعتكم او انو ح يسئل مدير الجامعه اللي حيقول ما عندي ايتوها فكرة
8-د/ طناش ما عندي أي اشكالية انو اروح أي مكان غير الشرايع وانا ساكن في النزهه او اذا تخلي الورقه في الجامعه عند د/محمد وانا نازل من الهدى امر عليه واخدها
9-يو كيو يو اذا رضينا ب ال 1000 انسي ال 5 اما الفواتير كلنا حايسين فيها
10- اخر الاخبار انهم نقصو مدة التدريب الى 9 شهور وبعدها يسلمونا الوثيقه ونكمل 3 شهور في الجامعه وسئلت د/ محمد عن العينات قال ح يدبروها وقال انو حينزول برنامج جديد ح يخلينا نمر على كل المعامل خلال ال 9 شهور
شكرا جزيلا
اخوكم
ايمن
موووووووون

[Dr.6nash]

<center>

شكرا على ردك ابو عشره يا ايمن
تعرف انو كل مانجي نكلم دكتور الطيب انلقى شبكه
لأنو ماشالله القوات المسلحه مافيها شبكه ابدا حتى في اسيابها الخارجيه فا مابالك في اللاب
:sad:

التواقيع تلقاها في مكتبه ايلاف في الخالديه
بإسمك

وشكرا عالمعلومه الرهيبه انو يتقلص الامتياز لتسعه شهور
مدري بعدها يطلع ولد ولا بنت
:o:

شكرا على ردك والله يجيب المكافآت على ايدك ياااااااارب
وعلى ايد المساهمين معاك.. مقدرين تعبهم

[UQU girl]

<center>
لا لا لا لا لا لا

كمان يعني ماراح نخلص البحث
ولا راح نروح ونشارك في مؤتمر العين
ايش النحاسه دي
بالله ضيعوا علينا الصيف الي فات وما خلونا نسافر عشان البحث وكمان الصيف الجاي لا والله ما صارت كليه دي
!!!!!!!!!!!!!

لو صح كلام د الطيب انه يخلوها 9 شهور فا على كده اكيد مافي اجازه رمضان ولا حج ولا صيف ولا يحزنووووووووووووووون
حسبي الله
مين المسئول
كمان دحين حيقولوا الطلاب والطالبات
؟!؟!؟؟!؟!؟!؟!
دكتور باسلامه بلييييييييييز شفلنا حل
مستعدين نجي يوم الخميس ونخلص من بحث النكد دا
:O: :O: :O:


























خلاص انا عندي اقتراح بما انو
مافي مكافأت
مافي اجازات
مافي راحه
مافي بحث
ومافي تخرج زي البني ادميين
وحنخرج منها بديون للصبح





فا احنا نعمل اضراب ونوقف امتياز
وانتهينا



اووووف ايش الطفش دا

صادقه طناش لمن قالت


طنش تعش فأنت في جامعه ام القرى
حسبي الله ونعم الوكيل

أيمن اذا على قولك : طلوع السلم حبه حبه فا يا قلبي على بال ماتطلع السلم حقك دا قيدنا اتخرجنا واحنا مااستلمنا قرش احمر
!!؟؟!؟!؟
ولا منتا معايا

عالعموم الله ... يكون في العون





أقول في حمله تبرعات لطلبه سنه خامسه الغلابه؟؟؟؟؟
:aa:
:sad: :waa:

[dr_messo]

<center>

تعقيبا على موضوعكم

كنت قد قابلت صحفي من جريده الوطن وكلمته عن موضوع العلوم والمكافئات

واخبرني انه مستعد

لمتابعة الموضوع معاكم خطوة بخطوة

فلو حبيتو

يريت يسير في تنسيق معايا

يسير اكلم الراجل انكم مستعدين

تشرحولو كل شي

ويتابع معاكم الموضوع

خطوه بخطوه

ايمن عندك جوالي تكلمني

واخليك تكلم الراجل وتنسق معاه

ويريت اللي شايفه انها مستعدة من الطالبات

ترسلي ايميل

وتقلي ويسير اعطيها ارقام الصحفي وطرق الاتصال بيه

وخليه معاكم على الخط خطوه بخطوه


يسير الكل يشوف ويعرف

[Heart Pulse]

انا عارفه اني داخله هنا بالغلط:85:


بس حبيت اسلم عليكم وادعيلكم واقولكم

يااااااااااااااارب وفقهم واعينهم وساعدهم في سعيهم

وان شاء الله ان مجهودكم مايروح هدر
وترى كل الطلبه والطالبات من علوم طبيه ان شاء الله راح يدعولكم
ودايما أحتسبوا الاجر عند الله (( ان الله لا يضيع اجر من احسن عملا ))

ولو تبغوا اي مساعده من اي مرحله تانيه الكل على ما أعتقد مستعد وماعندهم مانع


جزاكم الله خير

تحياتي
نبض قلوبكم

[sad]

اخى ايمن انا سعيد جدا بمبادرتك والله يوفقك الجميع يارب والى بتطلبوا حاجة من حق جميع الطلاب والطالبات بالجامعة وكلنا عارفين إيش بيقولوا الناس عن الساكت عن الحق , أحب اقولك يا ايمن انا طالب ون الدفعه السابقة والله حزنت لما قرأت كلامك "المكرم الوحيد من الدفعة السابقة فيصل" بالله عليك إيش حفهم انا من كلامك ما اقول غير الله يسامحك ويوفقك وحاول تراعى شعور الأخرين لأن دحين انتا زي الى سبسبوا في الجرايد بس الفرق انتا على الموقع وفى ناس يعتبروك صديقهم


وشكرا
sad

[UQU girl]

<center>

هلا بعودتك ساد
لاتزعل من كلام ايمن ماقصد يجرح احد
وانتا عاارف اننا بنتدرب تحت ضغط كبير مأثر على نفسياتنا في ظل عدم وجدود المكافآت للأن
:sad:

وسعيدين جدا بعودتك ومشاركتك
ومشاركتنا رأيك
شكرا

[MoooN]

<center>
اه اه اه اه و كمان وحده اه.....
هدا المنتدى عقدني نفسيا , كل ما قلت كلمه ...... صارت حكايه
الله يهديك يا اخوي sad
والله مني قاصد ولا حاجه
وانا ما ادري كيف جرحتك
بعدين يا اخويا
ساكت ساكت .... ولما تتكلم تجرحني انا
(عملتلك ايه)
بعدين بصراحه لكم ولنا كامل الشرف انو واحد منكم
مين ما كان .. فيصل او غيرو.... اتكرم
(حب لاخيك ما تحب لنفسك)
وبعدين كيف انا صرت زي اللي بيسبسبو في الجرايد
تعرف يا اخوي ساد انا بطلت اكتب في المنتدى
بس كلامك اجبرني اني ارد عليك
لانو انا ما احب احد يشيل في قلبو عليا انا شي
وعموما انا يوم الاتنين ح اروح الجامعه عشان اتابع خطاب الاماره اللي امر باعتماد صرف المكافات لنا اسوه بجامعات المملكه
اه اه اه اه اه
شكرا لكي اختي يو كيو يو على فهم مشاعري
:sad:

[Dr.6nash]

<center>

لا تزعل يا اخونا ساد
ماقصدنا نجرح في احد او نسبسب في احد
انت اخ عزيز وغالي وزعلك يهمنا كلنا
وتعرف انو حتى كلامنا في الجرايد بيتحرف ويتغير
الكلام الي نقوله يشيلوه والي مانقوله يقولونا هوا غصب
:O:
دعواتك معانا

يجيب الله مطر
:sun:

[sad]

اخى ايمن واضح انك ما فهمت ايش كان قصدى من الكلام اللى قلتوا , عموماَ انا اسف هى غلطه و ما حتتكرر, ويا عزيزي ايمن احب اقولك انى ما اشيل على احد في قلبى ابداَ لأن اصلاَ ما عندى قلب و ما احس عشان كده اكرر اسفى والله يوفقك


sad