الى متى نسكت ؟

[dr_messo]

<center>



اعضائنا الكرام طلبة وطالبات الكلية

تحية لكم جميعا

السلام عليكم ورحمه الله وبركاته

كلنا مستاء من الوضع المزري للكافيتيريا

في قسم الطلبه واعتقد ان الحال كذلك في قسم الطالبات

لما راته من كتاباتهم


وهذا مادعاني لكتابة شكوى

لسعادة عميد الكلية وتسليمها لمكتبه اليوم

باسمي واسم كل طالب من الكلية مستاء للوضع

ووجدت ترحيب بالموضوع

واخبروني ان العميد مستاء ايضا من الموضوع ولكن لابد ان

يتقدم اكبر عدد من الطلبة والطالبات كذلك لو كانو مستائين من الموضوع

بكتابة شكاوى وتسليمها للمكتب العميد


وبالتالي يتم رفع خطاب رسمي من العميد للمؤلين عن الموضوع

ومعه شكاوى الطلبة

كاثبات على صحة الموضوع

وقد اخبرني بذلك الدكتور باسلامه وكيل الكلية

ان الامر بيدنا نحن الطلبة

كل ماعلينا هو كتابة ما يسوؤنا وسيتم النظر في الامر

بجدية

لن اطيل عليكم

ساريكم نص الشكوى التي تقدمت بها

ولكم ان تكتبو مثلها او غيرها

المهم ان تقد اكثر من واحده

ومعها توقيعات الطلبة

وصدقوني سيكون هناك حل


نص الشكوى


_______________________

سعادة الدكتور / عبد الرزاق سلطان عميد كلية الطب والعلوم الطبية المحترم

السلام عليكم ورحمة الله وبركاته

باسمي كطالب في السنة السادسة من الكلية وباسم جميع طلبة الكلية يسعدني أن أتحدث إليك وأبلغك بعض ما نعانيه نحن طلبة الكلية عموما من كافيتيريا الكلية

حيث أن الكافتيريا سيئة الخدمة للغاية ودائما ماتفنذ محتوياتها من الأكل في منتصف اليوم الدراسي أو قبله على حوالي الساعة الثانية عشره ظهرا إضافة إلى انه لا يوجد سوى عامل واحد في الكافيتيريا مما يؤدي إلى تأخيرنا على المحاضرات

لذلك نتمنى منك سيادة الدكتور عبد الرزاق التكرم علينا و النظر في هذا الأمر وكلنا نعلم حرصكم على المصلحة العامة .



وفقكم الله ورعاكم





ابنكم الطالب
وسيم عبد العزيز عالم
نيابة عن طلبة الكلية


____________

[dr.ammooory]

السلام عليكم

مشكور د.وسيم على دا الموضوع الي يناقش فيه مشاكل الطلاب

بالله يا ريت نكتبلهم خطاب بالنسبة لمشكلة المواقف

احنا اول قلنا نبغاهم يسقفوا المواقف دحين المواقف نفسها صارت بالبركة

يا ريت يردوا علية الشباب

يا شباااااااااااااااااااااااااااااااب
أنتو عاجبكم الوضع دا ؟؟؟؟

تحياتي

[Dr. DaNdOoN]

بصراحة اليوم الساعة 12 و ربع كنت مع اصحابي في الكافتيريا وشفنا منظر ما تشوفه في اي كافتيريا محترمة في اي كلية مقربعة مو كلية طب

اللي شفناه كان عبارة عن ( وزغة )
في جدار الكافتيريا الداخلي وكل الشبا اللي في الكافتيريا لفتت نظرهم هدي الشغلة.


وانا كلمت الرجال اللي في الكافتيريا بس ولا كأنه الموضوع يهمه.
ليش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لأنه ما في أحد يراقبهم أو يعاقبهم.

بس فالحين يفضوا المواقف اللى قدام الكلية ويرموا الطلاب في الصحرا، لكن انهم يشوفوا مرافق الكلية أو خدماتها فهدا أمر مو في بالهم

طبعا هدا غير الاكل التعبان اللي في الكافتيريا!!!!!!


وترا الكلية لسا جديدة وتلقا في الكفتيريا وزغة ، أجل كيف بعد عشرة سنين ؟؟؟؟؟؟

أعتقد ما يحتاج انهم يشتروا فيران مختبرات في داك الوقت لأنه حتكون مالية الكلية

[dr_mido]

<center>

:12:

فكرة حلوة يا وسيممم

لكن اتمنى انك لو ادرجت في الخطاب

مشكلة التدخين

لأنه الكافتيريا احيانا تصير مكتنووومة
ولا اجد يقدر يخشها


من ريحة الدخان


اتمنى انك تكلمهم بهذا الموضوع


:12:

[Dr.6nash]

<center>

بنات انتوا راضيين عن كرتون الاندومي حقكم
؟؟؟!؟!؟!؟!؟!؟!؟!؟!؟
:t:
:d:
:o:









هوا لسه اندوي ولا أتغير؟؟




داخله تحرش
:85:

[manal]

السلام عليكم جميعا
والله يادكتور وسيم نحن جدا معانين من الكافتيريا اللي عندنا يعني مافي الا كفتريا وحدة في كل الجامعة
لو يسوا كم كفتريا زي الزاهر فين ماتمشي تلاقي كفتريا وايش جنان تشوفهم يطبخوا مكرونة وكشري
ومن اللي يحبه قلبك يمكن يقولوا عشان الجامعة صغيره فما يحتاج هادا العدد
لكن على الاقل تصير بينهم منافسة ويتحركوا شوي اما كفتريت وحدة عارفين انه مالنا غيرهم
وكمان اكبر معاناتنا الانتظار ونتأخر على المحاضرات نستني حتى حضرتهم يحنوا علينا والمشكلة بفلوسنا
ولو كانت ببلاش ايش حيسوا فينا
ماقول الا الله يعيننا عليهم
:12: :12: :12:

[Cardiac Arrest]

قريبا هناك خطاب للمواقف

[dr_messo]

<center>


ياشباب ويا بنات

كلنا مستائين من الوضع

وما راح يكفي نحط يدنا على خدنا ونقول حسبنا الله ونهم الوكيل وبس

ربنا قال اسعى ياعبدي وانا اسعى معاك

صدقوني حتتغير لو كلنا اتكلمنا واشتكينا

مره على مره

وكلو مستاء

يالله يابنات اتشجعو الامر بسيط

وديتها خطاب ينكتب

وتقدرو نفس خطابي تنسخوه

وتدورو على الطالبات في الكفتيريا حتى

وتقولوهم يوقعو مافي وحده حتقول لا

وعلى طول يترسل لمكتب العميد

والعميد مرحب بالموضوع

وقال لو جاتني اكتر من شكوى

اقدر ارفع للمسؤولين وتتغير الكافيتيريا

واقلها تكسبو اجر

الناس اللي معاكم

كلو يتشجع يا جماعه

انا مانزلت الموضوع دا عشان نشكي لبعض

انا نزلتو عشان نتشجع

واعطيكم الفكره

وعشان كلنا نبدا نشتغل
مو بس نفضل نتكلم واخرتها ولا نعمل شي

ياترى نفع موضوعي وفي ناس بدات تتحرك ؟؟؟

[DR.LOLO]

بسم الله الرحمن الرحيم

الموضوع الذي طرحته يادكتور ميسوا جيد وفعلا يستاهل اننا نقدم شكاوي بهذا الصدد.. وانا جدا مستغربه من السلبيه وعدم تفاعل الطلبه والطالبات ( الجدي) تجاه الموضوع

ولواننا جميعا اتحدنا لاستطعنا تغيير الكثير في كليتنا

ويسرني وكذلك يشرفني ان اقوم بتجميع توقيعات الطالبات على هذا الموضوع

وفي اقرب وقت نقوم بتسليمه الى من بيده الموضوع وسوف تبلغ ان شاء الله بذلك

ولاتحملوا هم وان شاء الله اننا معك للافضل

جزاك الله خير

[[™ © رايـق ® ™]]

<center>

الإتحــــــاد قوة

^
^
^
^
^

DR.LOLO كلمتين في توقيع
:o:

بالنسبة لي أتمنى أشوف الورقة هاذي يوقعون عليها طلاب السنة الرابعه غدا

تحياتي للكل

<center>

[Heart Pulse]

وزع ودخااااااان في الكافتيريا؟؟؟

دحين نحنا في كلية الطب ولا فين؟؟؟

باالله عليكم في طلالالالالالالالاب طب يدخنوا
صراحه اخر شي كنت أتوقعوا :sad:

انا مستعده اوقع
لكن في مشكله

انا مابأتواجد في الكافتيريا الا خطيفه اشترى مويه وجري على المحاضرات:15:

حتى صاحباتي الا في الطب ما بألحق أشوفهم

شكرا لك ياوسيم على انك قدمت الخطوه الاولى وان شاء الله نكمل الباقي

تحياتي
نبض قلوبكم

[Dr.DeDe]

سلام لأحلى اعضاء


موضوع الكافتيريا ما طفشتوا منه ... اتذكر العام وقعنا على اعتراض بخصوصها
لكن للأسف انها ما اتغيرت و ما اعتقد انسمع صوتنا
وللعلم .. انا كنت من اللي جمعوا التواقيع

بس يلا نسوي من جديد ايش ورانا ... ولا تخافي د.لولو انا جاية بحماس
عشان تتقفل الكافتيريا المعفنة اللي عندنا
بس الشغلة تحتاج لنا .. كعضوات المنتدى .. عشان ننظم و نجمع هالتواقيع
واهم شي اننا نتعرف على بعض شخصيا .. عشان نقدر نتحرك بشكل سريع

وانا مستعدة لأي خدمة

تحياتي

[WaLeeD]

<center>

السلام عليكم ورحمة الله وبركاته
صباح الخيرات جميعا

اولا مشكور دكتور ميسو على موضوعك دا
ومع انو انت وجودك في الجامعة مهو كثير
بس حبك لكليتك ولطلابها حثك على كتابة الموضوع دا
بجد شوكرن ليك

وثانيا
اعتقد انو كل الردود صايرة شكاوي
يا ناس ما نبغى شكاوي ولا نبغى نشتكي لبعض
نحن لازم ندور على حل من خلال الموضوع دا
واعتقد انو الخطابات هي انسب حل
لكن ممكن ندور على حلول اخرى ايضا

ثالثا
الموضوع دا بيهمنا جميعا
بس بيهم اخواتنا الطالبات اكثر من الطلاب
لأنو ببساطة الطلاب معظمهم ما بيجلسوا في الكافتيريا دي
لأنو خلاص جربنا الوضع دا اول ويأسنا منه وما حصل اي تغيير
فبكل بساطة من بداية سنة تانية ما دخلت الكافتيريا ولا اعرف ايش فيها دحين
وكل يوم نروح العوالي ونفطر هناك في الكافتيريات ونرجع
ودا ما بياخد مننا اكثر من 20 دقيقة
لكن دا ما يعني انو نحن ما نهتم بالموضوع
اخ وسيم خلاص انا باتكفل بكتابة خطاب عن وضع الكافتيريا وكمان جمع التواقيع
عن طلاب طب سنة تالتة
وكلهم مستائين من الوضع لكنهم ما بتكلموا عشين حصلوا بديل للكافتيريا دي
ولمن اجمع التواقيع حاعطيك الخطاب وتوصله مشكور لمكتب العميد

رابعا واخيرا
ريلاكس يا جماعة
هو صحيح وضع الكافتيريا تعبان
لكن بالاضافة لكتابة الخطاب وجمع التواقيع
فيه شي تاني كتبته في الموضوع دا وكنت مستاء من وضع الكافتيريا
تحبوا تقروه ؟
طايب اتفضلوا

يقللك

مرات نخرج انا واصحابي
ونركب الكامري او الهواند او حتى نيسان
نروح كافتيريا الرضا
وكل واحد يبغى ياكل ويصير شبعان
صاحبي يطلب جبن او بيض
و معاه عصير تفاح والا رمان
اما انا فاطلب طعمية واقلله
الله يخليك لا تكتر فيها باذنجان


:o: :o: :o:

ايش رايكم بسسسسسسسس
تجي ؟؟؟

طحياتي
شكليييطة

[DR.LOLO]

جزاك الله خير على ذكر ماساتنا
ما تتصور قد ايش احنا بنتعذب في الاوقات اللي بين المحاضرات بالساعه والساعتين
الكليه بتحط احيانا الجدول وهي مابتراعي اننا بنات مانقدر نجي ولا نروح
والافظع اذا عندك نوتات تبغى تصورها
لازم تضرب مشوار للعاولي

والله من كثر المشاويير اللي رحتها للتصوير قاعده افكر لو نتشارك ونفتح مكتبه تصوير في الجامعه مو احسن . يمكن بالدخل اللي حدخله المكتبه
نقدر نزود الكافتيريات
ونبني لكم مواقف سيارات:o:

وشكرا

[Cardiac Arrest]

تذكرت مقولة لأحد الأعضاء
ماأذكره

كانت المقولة تقول


طنش تعش تنتعش فأنت في جامعة أم القرى
:1:


أم القرى


جمع قرية

:o:

[dr_perfecta]

السلام عليكم.........

الكافتيريا .....كانت موضع جدل دائم بيننا وبين القائمين عليها وكان اكبر تغير يحصل في النهاية....هو احضارصنف جديدة من السندويتشات......:o:

ولكن الامور مع الاصرار لازم تتحسن.....حتي ولو كان ببطء شديد.......

لكن احنا كمان في فصول التدريس في المبنى التعليمي للطلاب ام القرى في مستشفى النور اصلا ما عندنا كفتيريا....
واقرب وحدة تبعد كثيراً عنا ....

لذلك اهيب بكل من يعاني من هذا الموضوع ان نتعاون معاً ونرفعة للمسؤلين .....

والسلام للجميع

[dr_messo]

<center>

جميل جدا ما راينا من مشاركات وتفاعل


ولكن الاهم


اريد ان ارى من سيتولى امر كتابة الشكوى وجمع تواقيع الطلبة


من الطرفين


لان الامر يحتاج الى خطوات عمليه كما ذكرت مسبقا



لذلك

لنرى من يستقدم

ويقول انا اقوم بالامر

من كل من الطرفين

وشكرا لكم

[Cardiac Arrest]

بالنسبة للسنة الثالثة أنا أتكفل بالموضوع
بس ياليت تكتب لي الخطاب على الكمبيوتر
وبعدين أنا أحط معاه أوراق وأمررها للطلاب

[dr_perfecta]

اذا كان موضوع انشاء كافتيريا بمقر الطالبات في مستشفى النور من ضمن بنود الخطاب المرفوع....
او حتى اذاكان يتطلب الامر خطابا منفصلا......فانا ممكن اقوم بكتابة الخطاب طبعا بعد سماع آراء الزميلات والالتفاق على صيغة الخطاب...كما جرت العادة.....من ثم اتولى عملية جمع التوقيعات من الاخوات.......

وشكراً.