أنا و التخرّج في زحمة

[RoSa]

<center>
بسم الله الرحمن الرحيم ..

طبعا زي مو واضح من العنوان أنا حاتكلم عن أبحاث التخرج .. و الموضوع حيكون خاص بالبحث تبعي و اللي حاتكلم عنه ان شاء الله اذا ربنا قدرني من جميع النواحي من بداية بوادر تفكيري فيه إلى أن يوفقني الله بإنهائه ..

و لغة الموضوع حتتراوح بين العاميه و الفصحى و الانجليزيه ( الظاهر ماراح أكثّر منها لأنّي أعاني من الخجل الإجتماعي من ناحيتها :( ) للتنويع ..

موضوع بحث التخرج موضوع مهم لكل طالب و طالبة علوم طبيه.. لأنّه موضوع جديد تماما و يختلف عن كل السنين اللي راحت و لأنه حياخد تقريبا سنه من عمرك و غير كده و أهم نقطه له تأثير كبير على المعدل
( دي 14 وحده يا عالم مش لعبه :) ) ..

يختلف بداية التفكير في موضوع و البحث و ما يتعلق به من شخص لآخر .. يعني بالنّسبة لي بدأت أفكر فيه على الترم التاني في السنه الثالثه لما كنت أشوف طالبات الدفعه اللي قبلنا بيشتغلو في أبحاثهم و أقول الله يوصّلنا للي وصلو له ..

أوّل ما بدأت أفكّر في البحث كنت ما أقدر أفكّر في شي غير المايكرو .. و قد ما أحاول إنّي أشوف خيار تاني أبدا مافي فايده ( تخيّل و انت ترم كامل تفكر في شي واحد ) ..

المهم عدّت تالته على خير و بدأنا إجازتنا و كنت طول الإجازه ادعي ربنا و استخير انه يختار لي الخير ( نصيحه قد ما تقدرو حاولو ما تركزو تفكيركم على موضوع واحد لأن عادة الظروف تتحكم و يمكن تلاقي نفسك رحت شي تاني بعيد عن اللي كنت تتمناه 180 درجه )

عد ما انتهينا من الإجازه و رجعنا رابعه ( مين قدنا كبرنا) كان جل وقتنا نقاش في موضوع الأبحاث
( المجموعه ككل طبعا ) ..

مره من المراريت كنت اكلم اعز صاحباتي عالماسنجر سالتني ايش ناويه قلت لها مايكرو و اذا لا هيما ان شاء الله في ديك اللحظه ظهر الهيما فجأه في تفكيري و آخرتها لا لحقّت هيما و لا مايكرو و صرت...........
( لا تستعجلو على رزقكم جايتكم في الموضوع :p )

طبعا صرت دايم افكر في الموضوع من الناحيتين مايكرو أو هيما ..

في يوم من الأيّام يعد ما حددو معانا موعد لمناقشة مواضيع أبحاث التخرج ( و اللي ان شاء نتكلم عنّه لاحقاً) رجعت البيت و نمت و فجأة حلمت بشي جديد اللي هو ............ حلمي سبحان الله كان يلامس شي من الواقع من عدّة نواحي ( بس ماراح أحكيكم عليه ) و رحت تاني يوم ( يوم الإجتماع ) حكّيت البنات و صار عندي 3 خيارات اللي همّ هيما أو مايكرو أو .............

تحيّاتي ..

[RoSa]

<center>
طبعا قبل الموعد و في الفتره السابقه كلها كان كل شخص يطرح توقعاته و تأملاّته و تكثر الشائعات و الأقاويل و كانت آخر شائعه ه سمعتها قبل الموعد بنص ساعه انه حيكون فيه بحث من قسم الفسيولوجي ..!!!!!

.. وقت الإجتماع ..

اجتمع بينا الدكتور محمد الطيّب ( رئيس قسم العلوم الطبيه ) و الدكاتره المشرفين على الأبحاث لإطلاعنا على مواضيعها .. كل دكتور يطرح لنا الموضوع اللي يكون مشرف عليه و يعطينا نبذه عنه و إذا كان عندنا استفسارات نسأل و هكذا مع كل الأقسام و البحوت ..


و كانت المواضيع كالتالي :

Graduated Researches for Medical Science students 1424/1425 H. (http://www.uqumed.com/vb/showthread.php?s=&postid=14572#post14572)


طبعا بعد انتهاء عرض البحوث و النقاش و اللي استمر من الساعه 12 حتى 2و نص .. تم الإتّفاق على موعد آخر يوم الأربعاء لمعرفة الرغبات و تحديد طالبات كل بحث .. و كان عندنا اختبار بنك دم (دوري) في نفس اليوم برضه :(


تحيّاتي ..

[RoSa]

<center>
تمّ في هذا اليوم الإجتماع لتحديد طالبات كل بحث و كان الدكتور محمد لطيب يذكر اسم كل طالبه و يسألها عن البحث اللي تحب .. و طبعا كان يعتمد على المعدلات في الأولوية ( و أخيييرا جا اليوم اللي عرفت فيه معدّلي :))..

بعد كده ناقشنا بعض الأمور اللي تتعلق بالبحث .. و تمّ الإتفاق على البدء و الإجتماع بمشرفي الأبحاث و الإتصال بهم ابتداءاً من يوم السبت و ذلك حتّى نتمكن من تسليم البحوث في مواعيدها قبل بدء اختبارات نهاية العام الدراسي بأسبوعين ..

و عرفنا كده كم خبر حلوين شي يفرح و شي يزعل بس ماراح أقولكم عليها :p و ما نقول غير الله يختار لنا الخييير ..

انتهى الإجتماع حوالي الساعه العاشره و النصف و كل يدعو الله التوفيق و السداد ..

تحيّاتي ..

[RoSa]

<center>

Biochemistry

A Comparative Study of the Usefulness of Some Tumor Markers for the Detection of Breast Cancer

Supervised By
Dr. Hala Kamel & Dr. Mohamed Tayeb



دعواتكم لي و لجميع صديقاتي بالتوفيق و السداد ..

و نراكم على خير في أمور أخرى و مواضيع جديده تتعلق بالبحث الخاص بي من خلال هذه الصفحه ..

تحيّاتي ..

[reda0007]

السلام عليكم ورحمة الله وبركاته

والله حكاية ممتعه دكتور روزا

وبصراحه بحث التخرج هادا شيئ مثل الحلم :d:

لكن بصراحه والله الموضوع جميييييييل جدا عن الاورام واعتقد نوعا ما إنو راح يكون مخيف و ممتع و رهيب

مخيف ربما لأنه اورام :O:

وممتع لأنه موضوع حماسي

ورهيب لأنه شيء نادر ولكن شائع في المستشفيات

الله يكفينا ويكفيكم شر الأورام إن شالله

وإن شالله ربي يوفقكم في بحوثكم وتخرجو بنتائج جيده تضيفوا بها شيئ جديد على العلم

وبالتوفيق

سلام

[dr_messo]

<center>

جميل جدا

روزا

والاجمل

ان تضعي نصب عينيك

وتفكري بكل جديه

ماذا سوف اضيف ببحثي هذا

في مجال الاورام

وكيف ساغير التاريخ

فعلا انا لا ابالغ

فقد سمعت الكثير وقرات كذلك

عن طلبة في مستوانا او اقل

اضافو اشياء رائعة غيرت

مجرى الطب والتاريخ

فلتكوني دائما طموحه

فهي بداية الطريق

:sun:

وفقك الله ورعاك

[Heart Pulse]

<center>
السلام عليكم ورحمة الله وبركاته


لحظات من الحلم تعيشها وهي ترى ابواب التخرج تفتح لها ذراعيها وتقول لها ها أنا يامن انتظرتي طويلا
اربع سنوات من العمر لا أعتقد انها من الممكن ان تمحى من ذاكرة الزمن
اربع سنوات وهي تحلم باليوم الذي تتسلم فيه مكافاة مجهودها وسهر الليالي الطويله

ها هو المستقبل يفتح ابوابه الواسعة ويناديها اقبلي

عزيزتي روزا
ايام من الزمن مرت كأنها الحلم
وها انت اليوم تشرفينا بمشاركتك بحث تخرجك

وفقك الله ورعاك وأعانك عليه
وبلغك الله اليوم الذي تبدأين فيه الخطوة الاولى نحو المستقبل


تحياتي
نبض قلوبكم

[RoSa]

<center>

د.ر رضا ..
أشكر لك هذه المشاركه التي أسعدتني ..
و الله يسمع منّّك ياااارب ..
و عقبال ما تحكينا حكاية تخرجك ..

***

د.ميسو ..
كلماتك تجعل المرء يتجّه للأمام متحديّا كل الصعوبات ..
كل الشّكر لك على هذه الروح الطيّبه ..

***

نبض القلوب ..
كلماتك رائعه .. سأحتفظ بها و قد احتاج كتابتها في يوم ما بعد إذنك :)
و عقبال ما نشاركك بحثك يااااارب ..


دعواتكم ..

تحيّاتي ..

[RoSa]

<center>
A Comparative Study of the Usefulness of Some Tumor Markers for the Detection of Breast Cancer


Breast cancer is currently the third most common cause of cancer and one of the most common cause of death all over the world. Circulating tumor antigens are often used as a minimally invasive tool for noting breast cancer progression. The objective of this study is to compare four tumor antigens (CA 15-3 , CA 27.29 , alpha-fetoprotein [AFP] and carcinoembryonic antigen [CEA]) for their diagnostic efficacy in breast cancer patients ..

[RoSa]

<center>
خلال الفتره الماضيه تمّ الاجتماع بمشرفي البحث لوضع الخطوط العريضه التي علينا البدء بِها ..
و بالطبع كانت القراءة و التبحّر فيما سنُقدم للبحث عليه من الأولويّات..
و مُنحت لنا الفرصه لزيارة بعض المكتبات في عدد من المستشفيات ..

حصلنا على بعض المعلومات من الشبكه .. و هذا بالطبع بعد جهد جهيد و العديد من الدعوات على مدينة الملك عبد العزيز .. و الصراعات معها ..
فموضوع بحثنا غير قابل للتصفح من مواقع البحث العامه للحصول على بعض المعلومات المبسطه في باديء الأمر ..
( و الله كانت ليله ليلاء قضيتها في البحث في كافة المواقع اللي تخطر ببالي و لا صفحه مو راضيه تفتح .. و بالطبع كان النصر الساحق ديك الليله لمدينة الملك عبد العزيز و اجتررت اذيال الخيبه عند مغادرتي للشبكه )

:S :S :S


بعد ذلك ..
أردنا زيارة المكتبه الجامعيه التي لم يتسنى لنا زيارتها سوى اليوم .. نظرا لظروف الاختبارات و مواعيد المحاضرات ..
( والوقت اللي ممكن نروح المكتبه تمون مقفله .. و الله الناس مو فاضيه لنا :( )

المهم ..
اليوم بعد الانتظار بعض الوقت
كانت المفاجأه .. ..

باب المكتبة مُغلق و غير قابل للفتح بعد هطول الأمطار حتى اشعار آخر :((
و ما نوينا القيام به في الاجازه ذهب هباء الرياااااح ..
قمّة القهر :(( :((

بس مو يقولو إنّما الأعمال بالنّيات ;)

يالله الله يكون في عوننا و نتّجه للخيارات الأخرى المُتاحه لدينا ..

أدعولنا نرجع بعد الإجازه بأي نتيجه تُذكر ..
و ما ناخد على روسنا :s ;)


يالله ..
تحيّاتي ..

[H@SSOOM]

السلام عليكم

دكتوره روزا

ماشاء الله تبارك الل طريقه تفكيرك في اختيار موضوع البحث طريقه رائه وفذه




فعلا انا عن نفسي عندي البايو احسن من الهيما والمايكرو


على الاقل فيها شويه فهم مو زي ديك المادتين الي كلها حفظ في حفظ



والموضوع الي اخترتيه جدا حساس ومهم


والفرصه مفتوحه امامك لتضيفي شيئا جديدا الى هذا الموضوع وتسعدي اناسا كثيرين




بالنسبة للمواقع المحجوبة بسبب مدينه الملك عبد العزيز للعلوم والتقنيه

ههههه لا تشيلي لها هم


في قروبات ياهو كثيره توفر لكي العديد من البروكسيات


كل يوم يرسلولك بروكسيات



زي مجموعه عرب تايمز مثلا


انا مشارك فيها لاجل العلم والمعرفه والثقافه والاطلاع طبعا
:LL: :aa: :K:



وفي الاخير اتمنى لكي التوفيق والسداد في بحث التخرج ويارب تسجلي فيه اعلى المستويات

[RoSa]

<center>
د.حسوم ..
أشكر لك مرورك و تشجيعك ..
و بالنسبه لحكاية مدينة الملك عبد العزيز أتخطّينا الموضوع و لله الحمد ..
و حاليا بنعتمد في البحث على مواقع البحث العلميه و الكتب ..
و الله يسمع منك يااارب ..

تحيّاتي ..

[RoSa]

<center>
بعد حكاية مكتبة الجامعه أصبح من الضروري إننا نزور أي مكتبه من مكتبات المستشفيات المُتاح لنا زيارتها ..
و دارت بيننا- مجموعة البحث -نقاشات عديده حول المستشفى اللي نتجه لها .. إلى أن استقرينا على أفضل الخيارات المتاحه بالنسبة للظروف المُصاحبه ..
و فعلا ..
اليومين الماضيه ( السبت 20\9 - الأحد 21\9 ) بدأنا بالتنفيذ ..

و صلنا المستشفى و لله الحمد ( و أحلى شي انه و لا وحد فينا عمرها زارت مستشفى بصفه غير صفة مريض أو زائر لمريض فاتخيلو الوضع) و أخذنا مدة من الوقت بين الذهاب و العودة في إحدى الممرات للتأكد من موقع المكتبه ( هذا الممر ما اعتقد اننا بننساه ابد)

المهم ..
وصلنا المكتبة و لله الحمد .. و اتجهنا إلى أمينة المكتبه ..
قرأت الخطاب و سألتنا ..
ألم يتم إبلاغكم من قبل الجامعه بضرورة أخذ موعد قبل الحضور ؟؟ ( كنّا نحسب المستشفى بيت أبونا نروحها وقت ما نبغا :s)
طبعا إجابتنا كانت بالنفي ( و نحنا الله يهدينا ما نسأل أحد قبل ما نروح :()
و الحمد لله أنها كانت متعاونه و لطيفة جدا ..
سألتنا عن موضوع البحث و إن كان مكتوبا أم لا ( طبعا نحنا رايحين بورقة الخطاب بس و ما فكّرنا ناخذ أيو ورقه ثانيه تخص البحث معنا :s
(بس الحمد لله هالموضوع بالمنتدى أنقذ الموقف و قدرنا نحصل على نبذة البحث منه بعد ذلك)

المهم ..
أتاحت لنا دخول المكتبه نظرا لما بذلنا من جهد للوصول للمستفى ..
على أن نعود في اليوم التالي لتساعدنا بما نحتاج ..

في اليوم التالي ساعدتنا بقدر استطاعتها ..
و فعلا جزاها الله خير على تعاملها ( ما كنا متوقعين اللي شفناه أبد .. كان ببالنا إننا بنروح و يادوب يسمحولنا دخول المكتبه و انتو دبّروا نفسكم )
بس الكتب اللي كانت متواجده معظمها كان نسخ قديمه .. و النسخ القديمه ما نلقى فيها كل ال tumor markers اللي بنبحث عنها ..
و بعض الكتب لقينا على النت نسخ أجد من اللي كان بالمكتبه ..
و لما سألنا قالولنا إن طلبية الكتب الجديده ما وصلت :(

عند التصوير ..
سألنا المسؤوله بكم التصوير ؟؟
و الله الورقتين بريال
:O
( كنا نعتقد جامعتنا من أغلى أماكن التصوير .. و يينك يا جامعتنا)

بعد ما انتهينا من المكتبه ذهبنا للبحث عن مصلى للنساء بالمستشفى و طبعا كان مركز البحث الرئيسي هو نفس الممر :D
بعد جهد جهيد حصلنا على ضالتنا ..
و فعلا ( يا شين الغربه :))

و الحمد لله انتهى الموضوع على خير :)

تحيّاتي ..

[RoSa]

<center>
طبعا الكل معتبر ان الإجازه يعني إجازه ..
ماكو دوامات أو أي شي ..


و تعالو شوفو الكلام اللي بأسمعه ..
كل ما أقول أنا رايحه المستشفى .. يسألوني لازم !!!!
و اللي يقول لي حبك الحين تبدؤا بالبحث ..
و اللي يقول حظكم الترم الثاني ما تدرسون (ما يدرو اللي ورانا الترم الثاني)


و اللي ينظر لك نظره كأنه يقول الله يشفيك أو الحمد لله عالعقل :s


و طبعا غير كده كثييييير :D

تحيّاتي ..

[RoSa]

<center>
خلال الفترة الماضية من الفصل الدراسي الأوّل كنّا نبذل قصارى جهدنا في كتابة مقدمة البحث (Introduction)
من المراجع المتوافرة لدينا .. و لم تكن بالكثيره ..
بعد ذلك حاولنا استخلاص الـ proposal
مما قد اتممنا كتابته ..

عند عرض ال proposal
على مشرفي بحثنا .. اكتشفنا أننا كنا نسير في الطريق الخطأ طوال الفترة الماضيه :(

فقد كنّا نعتقد أنّه علينا نسخ ما نجده في المراجع نصاً بدون أي تحريف .. بينما كان يتوجّب علينا صياغة ما نقرأه بأسلوبنا .. و هذا ما سنقوم به يالتأكيد ..
كما أننا اكتشفنا أنّنا ان وجدنا المعلومات متطابقه في عدّة مراجع فلا بد لنا من كتابة جميع هذه المراجع .. بينما كنّا نكتفي بأحدها ..
و بالطبع لا بدّ وأن تكون كل عبارة مذكورة عن مرجع موثوق و لا بديل لذلك ..

بناءً على ما سبق.. غدونا نبحث بطرق جديدة في الشبكة العنكبوتيه.. لأنّه و كما علمنا أن ما نحن بصدد البحث عنه من الأمور المتغيرة و المتجددة و أنه لا بد لنا أن نكون على علم بأحدث المعلومات و المستجدات و التي لن تتوافر لنا إلا في المجلات الطبية..
Medical journals

و بالطبع ليس كل ما ينشر على الشبكة بمقدورك الحصول على الـ
full text له..

من المواقع الأوليّة في البحث كان موقع
http://www.ncbi.nlm.nih.gov/entrez/query.fcgi
و لكن في هذا الموقع غالبا ما تكون نتائج بحثك عبارة عن
abstracts
و ليس full text :(

علمنا أيضا أن موقع الجامعة يوفّر محركات بحث .. تتميز بأنها تعطي الـ
full text..
http://www.uqu.edu.sa/
لم نستطع الدخول على محركات البحث إلا بعد جهد جهيد ( و حاليا فقدت الوصله الموصله لها)
و عند وصولنا هناك واجهتنا عقبة أخرى.. أن محركات البحث لم يكن باستطاعتها التعرف على أي اسم مستخدم و كلمة مرور نحاول الدخول به.. و إلى الآن لم نتجاوز هذا الأمر..

و لا نعلم ان كان السبب أن محركّات البحث خاصّة بأعذاء هيئة التدريس .. أم أنّ هناك سبب آخر :(

تحيّاتي ..

[RoSa]

<center>

حتى الأسبوع الماضي و هو الأول من شهر محرم كنّا ننتظر موافقة المستشفيات و سماحها باستئناف جمع العينات ..
وصلت الموافقه و لله الحمد هذا الأسبوع و لكن علينا انتظار بعض الإجراءات الأخرى كصدور بطاقات خاصّة بنا
ID cards
و ما إلى ذلك ..

***

ما نحتاج جمعه من عيّنات دم يمكن تقسيمه الى 3 أقسام ..
1\malignant
2\benign
3\healthy or normal

و لا بدّ أن تكون من نساء سعوديّات بالطبع ..

***

و لأنّه لا بدّ لنا من انتظار الإجراءات السابقة تقرر أن نبدأ بجمع عينات الـ
healthy
اختصارا و توفيرا للوقت ..

و قد بدأنا الجمع اليوم الثلاثاء 11 محرم بتقويم أم القرى .. بعد أنّ تمّ توفير كل ما نحن بحاجة إليه من أدوات :)

و لله الحمد أن أخواتنا الموظّفات و الإداريّات و الطّالبات متعاونات و متطوّعات من الدرجّة الأولى ..

الله يخلّيهم لنا و لا يحرمنا منهم :)


دعواتكم لنا بالتّوفيق ..

تحيّاتي ..

[RoSa]

<center>
أخدنا خطابات المستشفيات و أتوجّهنالها ..
و طوال الأسبوع الماضي و نحنا بنحاول ننسق الموضوع معاهم و ما طلعنا غير بعينتين ( خير و يركه على التعب اللي بنتعبه)

و لسّه فيه مستشفيات ما اتحصّلنا على موافقتها ..

و مستشفيات بتنسّقلنا الموضوع ..

يعني على قد ما كنّا بنسمع عن معاناة جمع العيّنات ما كنّا نتصوّرها أبدا بالشكل ده :(

و لا حيشعر بالوضع إلا اللي يجربّه ..

اذا كنت حتجمع عينات ..
فأوّل شي عليك التحلّي به هو الصبر و الصبر و الصبر ..

لأنّك حتواجه الانتظار الطويل ..
والتنقّل بيم المكاتب من شخص لآخر ..
غير عمليّة البحث عن الأشخاص اللي تحتاجهم في المشفى ..
و غير كده كتيييييييييييييير ..

و قد ما تقدر شغّل واسطاتك ..
يعني حتّى لو انسان لك معرفه بعيده بيه ..
أتخطّى جميع الحواجر و كلّمه ..
و لا تسيب أي فرصه تقدر تسرّع لك الموضوع ..
و في أوقات كتير ممكن تلقى انك انت بنفسك تمشي مواضيعك أحسن و أسرع من الواسطات فلا تستغرب ..
يعني في أوقات كتييييييييير تحس ان ربنا بيسهّلها من عنده


و كل ده في البدايه بس..

و اتوقّع ان القادم أحلى :D

و مثل ما قالت لي وحده من صاحباتي اليوم ..

ان الدكتوره المشرفه على بحثهم دايم تقول لهم ..

لا تعتقدو ان جمع العينات طريق مفروش بالورود ..

تحيّاتي ..

[RoSa]

<center>
مثل ما قلت ..
ان الأسبوع الماضي المنصرم في أغلبه كان عبارة عن عمليّة تنسيق مع المستشفيات ..
و لله الحمد تقريبا اخدنا مواعيد كويّسة ..

المشكله اللي كانت تواجهنا ان الكل كان يعتقد أننا بحاجه للتنسيق مع مختبرات المستشفيات ..
و في الواقع اننا بحاجه للتنسيق مع العيادات نفسها مشان نقابل المريضات و نعبّي الاستبيانات و كده ..

بس الحمد لله ..
الواحد لمّا يشوف ثمرة تعبه و لو كانت بسيطة يحس بتفاؤل كبيييير ..

***

بعض المستشفيات تلقاها تتعاون معاك و ما تعقّد لك الأمور ..
بس البعض الآخر ................ :(

لكن بوجه عام دايم حتلقى في طريقك اللي يحاول سعادك و يعينك ..

و ربّك ييسر الأمووووور ..

***

على فكرة ..
أخيراَ بعض مختبرات المستشفيات اتكرّمت بزيارتي ;)
تحيّاتي ..

[2sweet4ever]

هاااااااااااي قاااااااااي ا

الله يوفقك يا روزا والله يكون بعونك اتعبي وقدر ما تتعبي قدر ما تحصلي وستعيني بالله ودعوات الوالدين وتوكلي والله راح يكون معك

وفعلا كلام الشباب محفز جدا وخصوصا دكتور ميسو الرائع جدا بتحفيزة لجميع الطلاب
وانا من طلاب العلوم الطبيه سنه اووووووووولى هههههههههههههههههههههاي :ya: يعني قدامي عمر طوييييييل على التخرج والبحث
وانشالله يا روزا نشوفك بوقتها بتخلصي الدكتوراااااة يا رب وتساعدينا بخبرتك لا كن لا تنسينا وتنسين موقعنا الغالي
تحياتي
2sweeeeet4 everrrrrrrrrrrrrr

[dr_madgirl]

عزيزتي روزة
أتمنى لكي التوفيق من كل قلبي ... وأدعو الله العلي القدير أن يوفقنا وأياكي لما يحبه ويرضاه
لا أدري هل ( أواسيكي ) أم أبكي معك ..... فأنا أيضاً أعاني أشدّ المعاناة مع بحث التخرج هذا
كم كنت متحمسةً في بداية البحث .. وكم رسمت في بالي أحلاماً وردية بأني سأصل وزميلاتي في البحث الى نتائج مبهرة ومميزة خصوصاً وأن موضوع بحثنا نادر وجديد ( قد أقوم بنشر مسلسل البحث كما تفعلين الان .... غيرة بنات ) ... أمزح :2:

ولكني للأسف صُدمت بالواقع أيما صدمات .. ولأول مرة أشعر بالإحباط يكاد يتملكني .. ولكن ولله الحمد على كل حال ... أملي في الله كبير ثم في دعوات أمي الحنون

والله لقد حصلت معنا مواقف في المستشفيات ممكن أن تكون من أطرف اللقطات التي قد تتسابق من أجلها كثير من القنوات الارضية والفضائية ايضاً ,,, ولكن المواقف التراجيدية أكثر بالتأكيد

ولكن وحتى لا أكون متشائمة ... لا أستطيع أن اُنكر أنني تعرفت على أماكن وأشخاص وأشياء ومعلومات لم يتسنى لي أن اعرفها قبل الان ,,, وانا متأكدة بأني سأخرج من هذه التجربة بفوائد عظيمة ستكون لي سنداً فيما بعد


دعواتي القلبية الصااااااادقة لكل طالبات رابعة علوم طبية بالتوفيق في بحوثهنّ .. وطبعاً دعواتي لجميع الطلبة من أولى ابتدائي وما فوق بالتوفيق والنجااااااااااااااح

يااااااااااااااااااااااااااااااااااااااااااااااااا اااااااااااااااااارب

:12:

[moonface]

والله انته البنات بتواجه مصاعب أكثر من الأولاد بس الله يعينكم وخاصة في المستشفى فمثلا أنا آخذت البحث حقي في الميكرو مع الدكتور أيمن مؤمنة بس في معهد ابحاث الحج في الجامعة طبعا في العزيزية بس والله انه أروح أجمع العينات من المستشفيات التالية وعيناتي هي mrsa,staph aureas وطبعا أول شئ من مستشفى النور وبعدين من مستشفى الملك فيصل وبعدين من مستشفى الملك عبدالعزيز وبعدين أروح مستشفى حراء العام وهكذا ينتهي مشواري والله اني جمعت حوالي 500 عينة وما أقول إلى عساني أصبر وياقلب مين يسمعك وشكرا لكم وان كان أحد يبغى مساعدة مين أي مستشفى ترى انا حاضر والسلام عليكم ورحمة الله وبركاته

[RoSa]

<center>
أخ
2sweet4ever..

شكرا لك على دعواتك .. و نحنا فعلا بحاجه لها .. لأن وصلنا لوضع ما يعلمه غير ربنا .. بس خليها على الله ..
و ان شاء الله ربنا يبلغك و توصل اللي وصلناه ..
ترى السنين تمضي في غمضة عين .. مين يقول اني باشتغل على بحث تخرجي و أنا قبل يومين كنت سنه اولى ..

شكرا على مرورك ..

***

عزيزتي dr_madgirl..
مو يقولو حطي همك على همي يصير جبل همووووووم :(
ما ادري اشكيلك و لا تشكيلي ..
وصلنا درجة احباط ما يعلم بها غير ربنا ..
الله يعدييييها على خير ..
و يوفقكم ويوفقنا و يوفق الجميع ياااااااااااااااااارب ..

عزيزتي بامكانك ادراج بعضا من معاناتكم بمشاركتي موضوعي أو خلال موضوع مستقل ..
فقد يستفيد من بعدنا من تجاربنا ..

سعدت جدا بتواجدك عزيزتي ..

***

أخ
moonface
فعلا نحن نعاني بشدّة ..
كنت من أشد المعارضين لقيادة المرأة للسيارة .. و لكنّي الآن و بعد ما نواجهه في البحث غدوت من أشد المؤيّدين لها ..

نحنا تجي علينا أيام نروح فيها مستشفى الحرس و نرجع و الحصيلة عيّنة أو اتنين .. و نحمد ربّنا عليها
نروح القوّات و نخرج منها بدون أي فائدة تذكر .. و إن شاء الله ما عاد نعتّب هناك ..
و غير كده كتييييييييييير ..

ماشاء الله تقول وصلتو 500 عيّنه .. الله يرزقكم و يزيدكم ..

نحنا للان حوالي 17 عيّنة malignant
و يمكن نستغني عن نصها لانها غير مطابقة للمواصفات و المقاييس ..
و 8 benign فقط ..
و مطلوب منا أقل شي 50 من كل نوع ..
كنت اشوف الـ50 قليل لكن الان اشوفها اكثر من الكثير..
متى ننهيها ما أعرف ..
خليها على ربنا ..

أشكر لك مرورك ..

تحيّاتي ..

[RoSa]

<center>
توقّع الأسوأ دائما حتّى لا تُصدم بما سيواجهك ..

من أسوأ ما واجهنا حتى الآن ..

في احدى المستشفيات ..

و بعد الحصول على موافقة المستشفى ..
-بعد أن تمّ عقد لجنة لدراسة هل يتمّ الموافقه على الموضوع أم لا -

و التشمير عن السواعد للبدء بالعمل ..

و قطع المسافات الطويله لذلك ..

و في عيادة الدكاتره الأخصائيين ...

أُخبرنا بأن دراستنا لا قيمة لها .. و أنهم ضدّ فكرتها .. و لذلك ليس بوسعهم مساعدتنا في أمر هم ضدّ فكرته ..

طبعا صُدمنا من وقع المفاجأة ..

و أُلجمت ألسنتنا ..

و شكرنا الدكاترة على لطفهم معنا ..

و خرجنا نجر أذيال الخيبة و كأن على رؤوسنا الطير ..

و حتّى هذه اللحظة لا نعلم أين يكمن الخطأ :(

تحيّاتي ..

[RoSa]

<center>
هذه بعض المواقع التي قد تستطيع الحصول من بعضها على معلومات قد تفيدك .. و من بعضعا الآخر دراسات كامله ..

هنا قد تحصل على full texts..
www.medscap.com

***

Saudi Medical Juornals

هنا تستطيع الحصول على full texts
لدراسات سعودية ..

http://www.smj.org.sa/

***

ان كانت دراستك عن مرض سرطاني ..
في موقع معاً ضدّ مرض السرطان تجد احصائيات سعوديه لجميع الامراض السرطانيه حمانا الله و إيّاكم ..
كل ما عليك ترجمتها للغه الإنجليزية ..
http://www.alamal.info/

تحيّاتي ..

[moonface]

إلى الأخت روزا
معقولة إنه نفس الدكاترة بيقولوا انه البحث ماله فايده والله العظيم حرام وايش معنى الكلام هذا ان البحث إللي بتقدمواالجامعة مومهم والله بعكس الكلام إللي عندي فثلا أنا أروح عند أي دكتور وأشرحله عن البحث حقي والله إنه معظمهم يقول إنه بحثك ماستر والله يوفقك ياروز ولا يجعل عقبة في طريقك يارب
وسلام

[dr_madgirl]

روزة كلامك خطير جداً .. ومعناه انه البحوث المطروحة لنا لم تُدرس بالشكل المطلوب

بصراحة أحنا مشكلتنا أهون شوية موضوع بحثنا كان مكان احترام الجميع والحمد لله لكن مشكلتنا في العينات نفسها ...ناااااااااادرة جداً يعني أحنا مطلوب مننا 50 عينة لسرطان البروستاتا ولكننا وبعد شهر تقريباً من الروحة والجية ما حصلنا الا 12 عينة وكمان قابلة للنقصان

على العموم لا يأس مع الحياة ولا حياة مع اليأس

ربنا يوفقنا جميعا لما يحبه ويرضاه
أنا حاسة اننا في نهاية البحث يا إما نكون كده


:15:

أو حانصير كده:eye:

الله يعين ويساعد

[moonface]

يا طلاب وطالبات الطب والعلوم الطبية بخاصة

بخصوص البحث إنه كل شئ نصيب وكل واحد على قد نصيبه

فلا تخافو إيش بيجيكم في المستقبل لأنه كل شئ مكتوب

وبالنسبة للأخت ماد قيرل

غريبة إني أسمع كلام منك عن البحث هو بحثك فسيولوجي وخايفة منه كمان

وأنا بأسمع من زملائي إللي أخذه البحث في نفس المادة بيقولو ا إنهم مرتاحين مع الدكتور تبريز

وأنا أسمع منك زي هذا الكلام في جمع العينات.

وتحياتي لكم جميعا

[dr_madgirl]

للتوضيح وجه القمر ..

أنا بحثي في البايو وفيه جزء genetic كمان

والمشرف هو الدكتور محمد الطيب وهو بالفعل طيب .. بس المشكلة زي ماقلت قبل كده انه العينات صعبة جدا جدا لدرجة انه بعض الدكاترة والاستشاريين نصحونا نغير موضوع البحث بسبب ندرة العينات لأنه حالات سرطان البروستاتا في مستشفى النور مثلاً كانت ثلاثة حالات خلال سنتين
وكذلك الحال بالنسبة لبقية المستشفيات في مكة والهدا,, لكن مركز الاورام في جدة لقينا الحمد لله عدد محترم (12) بس قابلة للنقصان زي ماقلت

شكراً لك وجه القمر وأتمنى لك ولنا كل التوفيق
:12:

[moonface]

كنت بدي أسأل هو كم بحث للدكتور محمد طيب

وكمان نحن في البحث خلصنا المقدمة بس ناقصنا شئ واحد وهو إنه نقدمه للدكتور فالله يستر

وكمان ياليت ترسلولي المواقع الطبية المعتمدة على الايميل تبعيsamad910@hotmail.com

[RoSa]

<center>شكرا
dr_madgirl
&
moonface
على الكلمات المشجعه ..

نحنا فعلا رجعنا للدكتوره مشرفة البحث و قلنالها على الكلام اللي صار ..
و قالت لنا انه نحنا فعلا ما بنعمل شي جديد .. و ان الكل بيحاول يشتغل في نطاق امكانيات اللجامعه و الميزانية المخصصه لكل بحث ..
و ان الهدف الأساسي من البحث هو تعلم خطوات البحث العلمي .. لاننا مجرد طلاب و طالبات لم نحصل على البكالريوس بعد .. و لا نبغي من وراء هذه البحوث الحصول على الدكتوراه او الترقي لاي درجه علمية اخرى :)

و بالنسبة للمواضيع اللي مشرف عليها دكتور محمد طيب تقدرو ترجعو لموضوع بحوث التخرج المطروحه السنه دي و موجود منها نسخه في قسم اخبار الكلية و نسخه في العلوم الطبيه و في بداية الموضوع ده في وصله للموضوع أيضا ..

تحيّاتي ..

[RoSa]

<center>


يا بنات الحلال
if there is any one know a woman with any benign breast disease or already cure from breast cancer
و ممكن تساعدنا و تجيب لنا عينة دم منها حنكون شاكرين و ممتنين


we also need control samples with range 30-80 from women didn't have any breast disease ..
و ممكن نتفاهم على طريقة الحصول على العينات ان وجدت ..


تحيّاتي..

[RoSa]

<center>
من زماااان عنكم..
أعذرونا مشاغل .. بس مو اختبارات :p

المهم ..

بالنسبة عن أخبارنا و لله الحمد عال العال..
(49) على نهاية شهر صفر تقريبا وقفنا جمع العينات السرطانيه ..
و 3/4 العينات جمعناها من مستشفى الحرس .. يعني دي المستشفى نحنا حنشتريلهم باقات ورد و نروح نوزعها على كل الناس هناك..
و الربع الباقي اخدناه من مستفى الهدا ..
و حبة من مستشفى الزاهر ..

بعد كده التفتنا لجمع العينات الكنترول بجانب البيناين ..
رحنا لمدرستين بالواسطه طبعا و جمعنا من المعلمات هناك ..
بعد كده رحنا الجامعه بما انها ما تحتاج لا خطاب و لا شي روتيني و وزعنا اعلاناتنا هناك و حطينا اوقات تواجدنا في الإدارة الطبية .. يومين في الأسبوع ..
في البداية محد جانا ..
فقررنا ندور بنفسنا على المكاتب اللي هناك لأننا نحتاج عينات كنترول من ناس فوق 28 و في نفس الوقت كنا بنسأل عن البيناين .. تعرفو كنا زي مين ؟
زي مندوبين المبيعات بالتمام .. و نحنا نعرض موضوعنا و الأشياء اللي نحتاجها
لقينا تجاوب من الناس .. و في نفس الوقت عملنا لنفسنا دعاية فصارو بعد كده يجونا ع العيادة ..
و كملنا اللي محتاجينه من عينات الكنترول لحد عمر ال50
يعني حاليا محتاجين كم حبة من 50-80

أما بالنسبة لعينات البيناين فحكايتها حكاية ..
طبعا الكل مستغرب اننا مو قادرين نتحصل عليها .. و حاليا وقفنا جمع عينات مكتفين فقط بـ 20 عينه ..
و غالبها كان من مستفى الزاهر اللي برضه حنروح نوديلهم باقات ورود كلهم ..
أما مستشفى النور فكانو يقولو انه ابدا ما عندهم و لا حالة breast و
و لما قلنا الكلام ده لدكتوره مايسه قالت لنا انه ما تمر عيادة الا لازم يرسلولهم ع المختبر عينه او اتنين FNA
طبعا هيا عارفه الكلام ده بحكم عملها هناك ..

كم حبة اخدناها من المدارس و الجامعه ..

و غير كده صلى الله و بارك و قفلنا على جمع العينات بس نقبل اذا جونا متبرعات لبيناين أو كنترول فوق الخمسين :)

حاليا شغالين و بنحاول إنهاء مقدمة البحث خلال الأسبوع ده ان شاء الله ..
مع العلم إننا مره أخّرناها :( و المفروض ننضرب ع التأخير ده ..

دعواتكم لنا بالتوفيق ..

تحيّاتي..

[RoSa]

<center>
أخييييرا يوم السبت من الأسبوع ده سلمنا مقدمة البحث ..
أما لو شفتو ..
دحنا جرينا جري في اليوم ده مشان ننهيه و نطبعه .. لأن يوم الجمعه في الليل اتصلو علينا يقولولنا عندنا اجتماع مع الدكاتره المشرفين الساعه 11 الصبح ..
و من الساعه 8 صباحا عقدنا اجتماع طاااريء لانهاء الشويتين الباقيه و طباعة البحث و المراجع ..

و لله الحمد تمت المهمه ..

بس الله يستر على التعديلات و التعليقات اللي حترجع بيها :S

حاليا بدأنا الكتابه في الـ
chapter
التاني اللي هوا
Material & Methods ..

و ان شاء الله الأسبوع الجاي نكون مخلصينه ..

و الحمد لله فرغنا بيانات الكويسشنيرز في الجداول خلاص ..

و ماااابااااقي غير وصووول الكتات اللي لهم اسبوووعين و هما يقولولنا في الطريق ..
و الله يستر لا نفضل نستناها 6 شهور زي بعض الناس :D

أدعوووولنا ..

تحيّاتي..

[RoSa]

<center>

بعد كل النشاط اللي استقبلنا بيه البحث ..

و بعد كل الجهود اللي بذلناها ..

أقدر أقولكم ان كل شي اتحول في الوقت الراهن الى الطفش و جميع اللي يقربوله ..

مو بس بالنسبه لي ..

حتى بنات مجموعتي ..

و على قول د.طناش ..

التاريخ بيعيد نفسه ..

و أهو السبت الجاي حنبدأ التدريب تبعنا ..

و نحنا لسه عم ننتظر الكتات لاجراء التجارب ..

و طبعا اذا وصلت حنروح نشتغل عليها خميسات ..

و ياليت الموضوع على كده ..

بعد التجارب المفروض نكتب الـ Discussion
و الخلاصه ..
و نكمل الـ Material & Method ..
و احتمال نعدل ع الـintroduction
تبعا للنتئج اللي حتظهر معانا ..

و بعد كده المفروض نناقش البحث مع لجنه مكونه من 3 دكاتره .. و اللجنه في يدها 30% من الدرجه النهائيه ..

و ده كله غير الطباعه و التغليف و و و و و ..

سلسله طويله عريضه متوقفه على الكتات .. اللي يمكن حنتجاوز الشهر و نحنا ننتظرها ..

عارفه إنكم حتجو تقولولي لا تيأسي و من ده الكلام ..

نحنا ما يئسنا .. بس تقدرو تقولو شعلة الحماس انطفت .. للكـــــــــــل ..

بس الله يعدي ده البحث على خير و ناخد فيه نتايج مرضيه ياااااااااااااااااااااااااااااااااااااااااارب ..

و توصل الكتات بالسلاااامه قولو آمييييييييييييييين ..

تحيّاتي..

[RoSa]

<center>

نصائح لكل من هو مقبل على بحث التخرج ..
<center>
عليك بتوفير مبلغ لا بأس منه كميزانية لحبر و ورق الطباعه
و بنزين السياره إن كنت شابا
أما ان كنتي فتاه فحاولي توفير السياره اللازمه ..
طبعا هذا اذا كان البحث فيه حكاية جمع عينات ..

فترة جمع العينات كانت أكثر الفترات تعبا و أكثرها متعه ..فخلالها تتعرف على العديد العديد من عاملين و مرضى و غير ذلك ..

لتوفير الحبر و الورق عند قيامك بالطباعه .. ان كنت لن تقدمه للمشرفين على البحث فيفضل أن تقوم بالطباعه على وجهي الورقه .. و تخفيف خيار حبر الطباعه ..

هذه ما يحضرني الان و ان تذكرت أمرا آخر سأكتبه ..

تحيّاتي..

[RoSa]

<center>
من الأمور التي واجهت البعض خلال أداء التجارب

<center>

نقصان أو عدم توافر الـ Distal Water

مما تسبب في عرقلة التجارب بعض الوقت ..

:)

أطيب الأمينات

[RoSa]

<center>
نحن بحاجه الى مساعدة خبراء في برنامج SPSS

[sweetone]

سلام
كيف الحال؟؟؟
انا عندي فكرة عن البرنامح معظم الاوامر المهمة

[BluE rose]

موضوع رائع روزا


:sun:


ربنا بس ينتهي بنا والبحث على خير


:O:


اتخيلو


اتخيلوا بس


انه




إلى الان لم ينتهي البحث


:waa:


ومازلنا


ومازلنا




ننتظر



وننتظر



حزروا ايش بنستنى؟؟؟؟؟؟؟؟؟؟؟؟؟




:eye:


لو فكرتو حا تعرفوا أكيييييييييد


خصوصا المجربين




بنستنى


ال Kits of tumour markers


:85:




:85:











:85:

[RoSa]

<center>
أهلا أخ

SWEETONE

معليه أدري ردي جا متاخر .. بس ايش نقوووول خليها على ربك ..

مشكوووور على تعاونك و ما قصرت .. و مساعدتك وصلت ..

و الحمد لله البنات لقو كتاب للبرنامج ساعدنا كتيييرررر ..

تحيّاتي

[RoSa]

<center>
بلوووو رزووووز ..

أهلا بيكي في الموضوع و المنتدى كله .. نورتي ==> مو كأنه بدري شويه :)

***


المهم

تصوروا تصوروا

و بعد مرور أكثر من عام على البحث الكريم ..

و أخيييييرا ..

و بعد ما انطفأت الجذوة و قل الحماس ..

وصلت السفينه الغارقه و وصلت معاها الكتات بحمد لله ..

و تم عمل التجربه .. و الانتهاء منها في ال 13 من رمضان الجاري ..

و بقي البقيه الباقيه من الجزئيه المكتوبه و التي تعتمد على نتائج التجربه ..

و الله يسااااامح اللي كان السبب ===> تراه مو من الجامعه ..


تحيّاتي..

UnDeR mY MaRm6aShIp YeAr