PDA

View Full Version : الكابوس


Free Radical
12-08-2003, 04:44 PM
سلام عليكم...

يا جماعة أنا أبغا أخش في الموضوع على طول .


مواقف السيارات بالنسبة لطلاب الطب والعلوم الطبية(هذا إذا كنتو تعتبروها مواقف) ، وبالتحديد عند القاعات الجديدة ، والله شي محزن .... يعني مايمر يوم إلا و ألقى سيارة مغرزة ولا كفرها مبنشر ، و إذا تسأل أي أحد يقلك : هذه تصليحات

طيب متفقين إنها تصليحات ....

طيب إيش الهدف من إغلاق المواقف إلي عند القاعات ( قصدي المسفلتة )

هذا إلي ماني قادر أفهمو ؟؟؟؟؟؟؟؟؟

يا جماعة والله مايصير.....

يعني الواحد صار يشيل هم الروحة للكلية بسبب المواقف....

يعني أنا من الناس إلي أتضرروا بسبب المواقف هذه......

والله العظبم كفرات سيارتي بنشرت أكثر من مرة......

و الكثير من زملائي غرزت سياراتهم وآخرهم واحد اليوم و الحمد لله طلع بعد عناء....

أرجو إن المسؤولين يهتموا بموضوعي هذا ....

و أبغا أرائكم وشكرا.....

reda0007
12-08-2003, 08:14 PM
السلام عليكم ورحمة الله وبركاته


اوافقك الرأي دكتور كابوس

من جد المواقف هادي سارت ازمه من لاشئ


فأي حكيم ينظر إلى حجم المشكله يجد انه لا مشكله اصلا ؟:l:


ليييييييييييش قفلت المواقف المسفلته ؟؟؟؟؟؟؟؟؟ لييييييش

نفسي اعرف إش الهدف

ربما ليرتاح عمال النظافه في المواقف :?:

او ربما الهدف ان يجعلو الطلاب يقطعوا مسافه اطول للقاعه
يعني نوع من الرياضه :LL:

ولو سألني شخص عن الطريق إلى الكليه :

فإن الجواب : هوا 25 كيلو اسفلت وكيلو تراب :o:


اتمنى ان تحل المشكله المصطنعه للمواقف :O:

سلام

dr.ammooory
12-08-2003, 09:09 PM
الصراحة شيء مؤسف شكلهم يبوا يكرهونا الجامعة

صرت أخاف على نفسي أكتر من السيارة أني أغرز

الله يحل المشكلة

dr_stars
12-11-2003, 05:23 PM
<center>

السلام عليكم يا شباب

شباب ترى المسأله لها سبب وسبب وجيه

حبيبي قلبي رضا في دراسة اجريت على طلاب كلية الطب والعلوم الطبية وكان الهدف منها تحديد المشاكل النفسية لهم فكان على ما افتكر التالي وارجو ممن يعرف عن باقي الدراسة الكتابة عن نتائجها
الطلاب حياتهم سعيدة ونفسهم في جامعة على الطراز الاوربي فكان يستلزم ابعاد المواقف عنهم ليمشي كل طالب في الصباح ويجري الدم في عرقة فيفهم اكثر
وكان في الدراسة أيضا ان الطلاب اصابهم الملل من سرعة نزول الدرجات حقت المواد حيث انهم يختبروا وتنزل الدرجات في نفس اليوم بعد ساعتين
وكان مما جاء فيها ان المنهج اللي يدرس لة 7سنين ما اتغير وهدا الشئ سبب احباط وارتباك لعقول الطلاب حيث انة في الجامعات العالمية يغير المنهج كل ترم واحيانا كل شهر

وكمان .....................وكمان...................وكمان

رضا اظنك تعرف اشياء غيرها واننا بس مستعلج مش فاكر الا هدة الاشياء
فيا رضا ويا شباب المساله كلها لراحتنا وعشان نكون في قمة الشقاوة , أسف اقصد السعادة النفسية

اخر الكلام
أعطيني حريتي أطلق يدي ...أنني أعطيت ما أستبقيت شيئا ... اه من قيدك ادمى معصمي ...لمن ابقية وما ابقى علية

:12: :12: :12:

dr_messo
12-11-2003, 07:00 PM
<center>

السلام عليكم

شباب اذا حابين يكون الموضوع جدي


اكتبو شكوى وجمعو توقيعات الشباب

قد ماتقدرو وتتقدم الشكوى للعميد

لانو طول ماراح تفضلو تتكلمو كدا

بدون خطوات عمليه

انسو انكم حتستفيدو شي


ولا يجي احد ويقول اشتكينا وماسار شي


شكوى ورا التانيه لازم راح يسير شي

وانتو امشو في الموضوع خطوه خطوه

العميد

وبعد كدا

تقدرو تشوفو شخص اعلى مرتبه لو ماسار لكم شي

لكن كلام بس فانسو انكم تستفيدو