بدوون عنوااان

[mr_genetics]

السلالالالالالالالام عليكم ورحمه الله وبركاته

باااااااااااااااااااااااااك بعد طول انقطاع <---- ماحد جاب خبرك ياشيخ

المهم انا صراحه مافي شي عندي في مخي بس قلت مادام اني متضايق وزعلان مالي غير اكتب موضوع

في المنتدى واتهزء شويه يمكن اروووق عاد تصدقو لكم وحشششششششه

<-----ماتحسو انو مررررررررررره ما ينعطى وجه وين المشرف خليه يلغي عضويتي بسبب ثقل الدم

لا عاد اتكلم من جدي الحين بسم الله

الحين المشاكل والازمات الي تمر في هذه الامه العضيمه هل سببها الافراد ولا المجتمع ؟؟؟

ياليت ترجعو لموضوع دكتوور اموري انت من يؤخر النصر عن الامه من جد روووعه

وغير كذا احس انو فينا كسسسسسسسسسسسسل مو موجود في اي شعب ثاني

انا اموووت واعرف ليش الواحد ما يسقط غير اذا دخل الجامعه والله نفسي احصل جواب لسؤالي

طيب صحيح انو احنا كسوولين ومو بس كذا مهملين واتكالين او انو مساله نسبيه

انا عن نفسي بدييت احس بتبلد وتغييب تانييب الضمير يعني لو ما سويت كويس رح يكون عايدي

يعني هي المشكله في ولا في الجامعه ولا في طريقه دراستي او في المدرسه الي طلعتني ؟؟؟؟؟!

طيب ممكن سؤال يمكن فيه تطفل عليكم ايش يكون شعوركم ورده فعلكم اذا حسيتو بالفشل ؟؟

طيب اخر سؤال كيف الواحد يسير ناجح في دراسته ؟؟؟

والله العضيم انا شكلي طولت عليكم واسسسسسسسسسسسسف جدا

[miss_biology]

mr_geneticsمساء الخير

حالة الطفش و الضيق اللي معاك تقريبا معظمنا ( طلبة و طالبات ) بيمروا بها

دا الشي العااادي

be cooooooooooool:hp:

نرجع لسؤالك
طيب ممكن سؤال يمكن فيه تطفل عليكم ايش يكون شعوركم ورده فعلكم اذا حسيتو بالفشل ؟؟

مممممم الفشل

عن نفسي الحمد لله عمري ما حسيت بالفشل في اي مشروع في حياتي

مريت بتجربة في حياتي الجامعية و الشخصية (في اول لحظاتها اعتقد اني فشلت ) لكن بالتفكير فيها من جميع النواحي اكتشفت انه التجربة دي هي قمة النجاح

في الاولى عرفت نفسي اكثر و اعطيتها اللي تستحقه برغم كل ماسمعته من نقد ( مؤلم ) في البداية
اما في الثانية ... وثقت في نفسي اكثر و اتعرفت على الناس و نوعياتهم و طريقة التعامل معاهم
اتعلمت كيف اعطي كل انسان حقه و قدره و ما اشوف الناس بعين ملائكية

:hp: الحمد لله على كل شي

طيب اخر سؤال كيف الواحد يسير ناجح في دراسته ؟؟؟

اقلك على نظريتي برغم اني مش مرة شاطره يعني :85:

النجاح في الدراسة = حب الدراسة + الاقتناع بالتخصص + المثابرة في الاجتهاد + شوية احلام واقعية
و دمتم ناجحييييييييييين

:hp:

مممممم كاني نسيت السؤال الاول

اعذرني اروح العب مع البكتريا بتاعتي و ارجع تاني

تحياتي

جوناء

[Heart Pulse]

<center>
االسلام عليكم ورحمة الله وبركاته

اهلين بيك تاني مستر جينتك
تصدق موضوعك لفت انتباهي وشدني

حسيت من كلامك انك عندك شي في داخل نفسك لكن مش عارف كيف تعبر عنه
او كيف تطلعه لبره

اذكرلك قصه عن نفسي
في الاحتبارات النهائيه في التوجيهي كنت حاطه كل املي اني راح اجيب نسبه عاليه علشان احقق حلم حياتي
الطب
كل الحلم ضاع في ورقة اختبار الفيزياء
رجعت البيت وانا ماني شايفه الطريق من الدموع
ومن الالم على فقد حلم من طفولتي وانا احلم بيه
وطبعا يوم استلام النتيجه الناس تفرح لمن يقولوا نجحتوا وبنسبه حلوه وانا ابكي قهر
وليش علشان باقي كم درجه على نسبة الطب

واليوم
لمن اتذكر ها الموقف الا ماراح انساه طوال حياتي
اضحك من الفرحه
ليش؟؟؟؟؟؟؟

لأنه كان احلى قدر في حياتي
انه دخلت علوم طبيه وباستمتع بوقتي وبدراستي <<<ماشاء الله
رغم كل الظروف الصعبه ورغم الالم والمعانااااااه لكن لمن تكون عند الانسان قناعه داخليه بالي يدرسه راح يكمل مهما حصل
طالما انتا بتدرس شي انتا -ودا الا حسيته-مقتنع بيه
مايهمك ولا اي حاجه
حتى لو حسينا بالفشل في اي وقت من اوقات حياتنا لازم نخلي الفشل هوه سبب للنجاح

في عباره تعجبني جدا
الناس الذين لا يخطئون ابدا هم الذين لا يتعلمون اطلاقا

شوف اديسون
اب الاختراعات
كم مره فشل في انه يعمل اي تجربه
وفي النهايه ايش الا صار؟؟؟
العالم تغير بسبب أختراعاته
ليش؟؟؟؟؟

علشانه كان في كل مره يجرب طريقه جديده حتى لو كانت غبيه في نظر الغير لكنها غير الا قبلها
الى ان وصل في النهايه

يا أخي
المشكله مش في الا قلتهم
المشكله بس فينا نحنا
نحنا بس الا ممكن نقدر نحول من فشلنا نجاااااااااح
واول طريق للنجاح هوه
الثقة بالنفس
خليك واثق من انك بإمكانك ان تنجح رغم كل الظروف الصعبه

ايش يعني رسبنا مره
رسوبنا دا لازم يكون سبب من اسباب تفوقنا
مو معناها اقول يله راسب ماهي فارقه
لأ لكن لو حصل لا سمح الله
نخليه درس صعب وقوي ونرجع بالزمن في يوم من الايام نضحك عليه مو نبكي عليه

اتمنى انك تنظر للحياه وللوضع الا انتا عايش فيه بمنظار تاني غير الا انتا شايف بيه الان
اتذكر انك تعاني من مصيبه هي اهون عندما ترى مريض بالسرطان اجارنا الله واياكم يعاني من ما قد ينهي حياته في اي لحظه وهو في عز شبابه ولا يقوى على اي شي سوى الدعاء

تخيل مدى الالم النابع من هذا الوضع
اكيد ان مصيبة الدراسه في هذا الحاله ستهون اكثر بكثير من كل المصائب

ولا تنسى الدعاء
لا يرد القدر الا الدعاء

امممممممم
ياريت انك تستمع الى سلسة << إستراتيجية التغيير الفعال>>
للدكتور صلاح الراشد
وادعيلي وادعي للي دلني عليها
ان شاء الله تفيدك قبل الامتحانات
ممكن تسمعها في السياره في الصباح وانتا رايح للجامعه
او قبل مانتام او في وقت تحس بالملل


وأخير تحلى بعبادة الصبر
وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ (155) الَّذِينَ إِذَا >>
أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156) أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُون<<
<<ضاقت ولما أستحكمت حلقاتها فرجت حتى ظننت انها لن تفرج>>

أتمنى اني أكون قدرت أقدم شي بسيط ومفيد
وآسفه على الاطاله

ياااااااااااااارب وفقنا أجمعين

تحياتي
نبض قلوبكم

[Dr.DeDe]

سلام لأحلى اعضاء

بصراحة اول مرة في حياتي اكتشف انه الفشل .. نقطة ممكن توصل لبداية النجاح
لو عرفنا اسباب الفشل ... عشان نقدر نتغلب عليه في المرات الاخرى

وفضل هذا الاكتشاف يعود طبعا .. بعد نزول درجات الاناتومي
اللي ابدا ما كنت متوقعة .. وجود كلمة راسب بجانب اسمي
لأنها المادة الوحيدة اللي كنت مطنشة كل المواد عشان اذاكرها
فكانت اقوى صدمة اتلقيتها في حياتي .. لدرجة فكرت كثير اني انسحب من الطب
لأنه اذا كانت تانية اسهل من تالت .. ايش حاسوي في تالت
وللأسف كانت اسوأ اجازة لي في رمضان و اسوأ عيد
ونتيجة لذلك اكتئبت اكتئاب شديد ... لما رجعت للجامعة ... والكل علق بأنه شكلي يجيب الاكتئاب

اكتشفت في الاخير .. انه رسوبي في النصفي ماهي نهاية العالم
وبالعكس ... غيرت طريقتي للمذاكرة ... واعتقد انها افضل بكثير عن طريقتي السابقة
وانشالله .. اعوضها .. عندي امل كبير في ذلك
وغيرت نظرتي لتفاؤل ... ونقول انشالله نجاح

تحياتي

[mr_genetics]

السلام عليكم ورحمه الله

والله اشكر جميييييع الي ردو وصراحه كلامكم جدا مشجع وايجابي

من جد الواحد لازم يحول الشي الي كان يشوفو فشل لانجاز

عاد صراحه احسن شي انو الواحد ما يحس انو هوا الوحيد في الدنيا الي تواجهه صعوبات

يعني كلنا زي بعض بس اهم شي الواحد يستفيد من اخطائه والغلط انك توقع في نفس الغلط



صراحه وبدون مجامله في عقووووول فذه في النتدى الرائع هذا

شكرا

[WaLeeD]

<center>

السلام عليكم ورحمة الله وبركاته
صباح الخيرات جميعا وجمعة مباركة علينا وعليكم يااااااااااارب

امممممممممممممم
يااااااااااا أخونا جيناتكس
ترى موضوعك جدا رائع

واكيد انتا عارف انو اذا كان فيه احساس بالفشل فاللي بيولد الاحساس دا مشاعر الانسان
لأنو المشاعر دي تشوف في شخصها مكان اتخيلته لنفسها لكن اتفاجأت بالوضع
وعشين ما اتطرق للأمثلة اللي مرينا بيها
لأنو ماشاء الله الاخوات الفاضلات مرررررة ما قصروا واوجزوا وابدعوا

لكن اللي نعرفه انو الفشل هو عبارة درجات سلم نرتقي بيها للنجاح
ولو حياتنا يوم من الايام حتمت علينا فشل في شي معين
فنحن لالالالالالالالالالازم نتفاهم معاها ونقللها شي
ونقللها ياااااااااااا حياتي
انتي عيشتيني في واقع انا اخترته لنفسي وبنفسي
لكن انك تعيشيني كمان في اوضاع انتي تختاريها لواقعي دا
الشي دا مرفووووووووووووض مستحيل
اذا انتي يا حياتي حتمتي عليا بفشل معين
فانا مش حاخلي الفشل دا يتحكم في سلوكي ومشاعري ونظرتي للحياة
بالعكس اللي انا اختاره من كلمة فشل انها حتكون نقطة انطلاقة جديدة نحو النجاح الدااائم
وخلاص انا اتفلسفت كتيييييير هههههههه

نقطة بسيطة
لمن تكون علاقة الانسان بربه قوية مستحيل انو ربنا يخزيه
ومن تقرب الي شبرا تقربت اليه ذراعا ، صوح ؟؟؟

يلا اتمنالك كل التوفيق والنجاح والسعادة الابدية ياااااااااااااااارب
وكمان نفس الامنيات لكل اعضاء وعضوات المنتدى
ودمت بخير وما تحرمناش من مواضيعك

تحياتي