(النصيحة(شاركوا بدون مضاربة

[COMPUTER GIRL]

<center>

السلام عليكم

اول شي اللي يرد ,,,يرد على الاسئلة وبدون مضاربة اوكي مو زي المرة الاولى وانقفل الموضوع

والله بيني وبينكم حاسة انو محد حيرد

الموضوع طويل بس مو مرة وانا تعبت الين خلصته بس اقروه و ردوا لو سمحتوا

قال الشافعي- رحمه الله - : ( إذا نصحت أخاك سراً فقد نصحته وإذا نصحته جهراً فقد فضحته) ومما قال رحمه الله :

تعمدني بنصحك في انفرادي
وجنبني النصيحة في الجماعة
فإن النصح بين الناس ضربٌ
من التوبيخ لا أرضى استماعه
فإن خالفتني وعصي أمري
فلا تجزع إذا لم تلق طاعة


كلنا نعرف انو النصيحة شي مهم لتقويم الفرد المخطئ وبالتالي افضل وسيلة لجعل المجتمع اكثر صلاحاً

فلو كانت النصيحة بأسلوب جميل وبأدب فنجد الشخص يستجيب لها فوراً

اما لما تكون النصيحة بفلسفة وفرض رأينا على الشخص الاخر فما اعتقد انها تعطينا اي نتيجة ايجابية

ولو اعطتنا حتكون النتيجة سلبية وحيستمر الشخص في الشي اللي بيسويه حتى لو كان غلط واكبر غلط

وانا بصراحة ما كتبت دا الموضوع غير لما شفت انو في ناس كتير في حياتنا ما ادري كيف ينصحوا

ولاحظت كمان انو هنا في دا المنتدى الرائع فيه ناس ينصحوا بدون اسلوب يعني تلاقي اللي قدامو يكرهه من اسلوبه
بالرغم انو يكون كلامه كلو صح لكن ما عندو اسلوب

فإنتوا ايش رايكم كيف لازم تكون النصيحة عشان الشخص يسمعها وعشان توصل وتتنفذ؟؟

ولو مثلا عندنا احد نعرفه وبيسوي شي غلط ونبغى ننصحه من غير ما يزعل كيف ننصحه؟؟

ويا ريت كمان اللي عنده موقف صار معاه او مع احد يعرفه يقولنا هو عشان نعرف مدى تأثير الاسلوب في

النصيحة على استجابة الشخص لها

معليش طولت انا عارفة

تقبلوا تحياتي


:to:

[Asultan]

<center>

ومين قلك انه محد راح يرد عليكي

هدا انا اول المشاركين في الرد وبدووووووووون مضاربة
:85: :85:

موضوع جميل حاسب هانم

وشوكرن لكي كتييييييير

تحياتي لك
وفي انتظار الجديد والمممممميز
:12:

[mr_genetics]

السلام عليكم ورحمه اللله

كيف لازم تكون النصيحة عشان الشخص يسمعها وعشان توصل وتتنفذ؟؟

لازم تكون بسريه يعني مو قدام الله وخلقه وتكون فيها حجه مقنعه وانها تطلع من القلب يعني صادقه

ولو مثلا عندنا احد نعرفه وبيسوي شي غلط ونبغى ننصحه من غير ما يزعل كيف ننصحه؟؟

1- احاول اكلمه باسلووب مررره حلو ومقنع حتى لو كان اخوي الصغير
2-احاول اخليه يحس انو الي قاعد يسويه غلط واذكره بالعذاب وانو ربي رح يعاقبه
3-اذا حسيت انو مافي فايده ارسله رسايل
4-اذا مرره ما نفع اكلم واحد هوا يكون يعزه واخليه يقنعه بترك المعصيه

ويا ريت كمان اللي عنده موقف صار معاه او مع احد يعرفه يقولنا هو عشان نعرف مدى تأثير الاسلوب في

بصراحه انا سارلي هذا الموقف كنا عند جدتي وحطو الغدا وانا دوبي بمد يدي يدق جوالي عاد والله ماني منزل

فيه اغاني اتذكر انها نغمه عايديه المهم نط عمي في حلقي وانواع الفلسفه والناس يدعو علييك في المسجد

ومادري ايش صراحه ماعرفت اتغدى واول ما طلعت رحت محل جوالات وقعدت انزل اغاني عنااااااد

ليش لانه احسه احرجني قدااام كل الموجودين واسلوبه كان بايخ

وفيه موقف ثاني مره كنت رايح اخذ اهلي من السوق كان توه مؤذن العشا المهم وقفت وقعدت اكلم بالجوال

انتضر اهلي عاد جا واحد ماشاء الله وجهه منور قالي ممكن اقلك شي قلتله اتفضل قالي ترى العشا اذن ومشي

صراحه اخذت اهلي ووقفت في اقرب مسجد

النصيحه ببساطه فن صعب انك تتقبله وصعب انك تتقنه

ووالله الف شكر على الموضوع المنتاااز هذا واسف على الاطاله

[sweet girl]

<center>
بردك نزلتي الموضوع
:waa:
بس موضوع مرة حلو زيك ياهااانم بس بطلي
ترى طفشتينا
تحياااتي
:12:

[COMPUTER GIRL]

Asultan
العفو

و والله بصراحة ما اتوقعت احد يرد

عموما شكرا ليك
:::::::::::::::::::::::::::::::::

mr_genetics

العفو

ومن جد المواقف اللي ذكرتها تبين اثر الاسلوب على النصيحة

وشكرا ليك

:::::::::::::::::::::::::::::::::

sweet girl

طيب يا ست محد قلك ردي

طفشتك ها؟؟
طيييييييييييب

وشكرا لردودكم
ما عدا انتي يا سويت جيرل

[dr.ammooory]

الصراحة هوة موضوع ممتاز جدا ولازم الواحد يتعمق فيه

بس أحلى ما في الموضوع أنك كتبتي أنو من غير مضاربة

المهم أحب أذكر موقف من المواقف الي صارت لي

مرة كنت بأصلي العشا

المهم

فكان في فراغ بيني وبين الي جمبي فقربت منو فحسيت أنو اتضايق مني
ايش سوا الرجال

رجع الصف الي وراه وكمل صلاته

غلقنا الصلاة وكل شي الي جيت أكلمو سلمت عليه ورسمتلو ابتسامة وقلتلو ليه رجعت الصف الي ورا ؟؟

قلي أنا ما بحبش حد يضايئني ( مصري الرجال )

قلتلو ياخي تكملة الصفوف من إتمام الصلاة

وبعدين لمن تسد الفرجة الي بينك وبين المصلي ما بتخلي مجال للشيطان أنو يدخل

قلي أنا بارتاح كده ربنا يسامحني ربنا الي حيقازيني هوة حيقازيك أنت

قلتلو بس انت جبت شي جديد
وانفلت علية المصري وقلي أنتو بتروحو الحرم عشان تاخدو حسنات زيادة واحنا بنروح الحسين
مدري ايش دخل الهرجة دي في الموضوع


انا مني عارف ايش اسوي

وبس
بس أحب أنبه أنو في ناس يضايقوا من النصيحة حتى لو كانت صحيحة لا ادري هل هو ضعف في الوازع الديني أم عدم قبول للحق والله اعلم



ممكن يكون لية عودة في الموضوع على حسب اذا افتكرت موقف اخر

بس اعطوني رأيكم في الموقف دا


ت ح ي ا ت ي


:hp:

[BISON]

شكرا لك على مو ضوعك المهم

برضو اقلكم لا تنصحو الناس بعنف

تحياتي

:eye:

[BISON]

شكرا لك على مو ضوعك المهم

برضو اقلكم لا تنصحو الناس بعنف

تحياتي

:eye:

بعدين ياعموري برضك تبغ تتعمق

ماشاء الله عليك تحب التعمق

:J:

[WaLeeD]

<center>

السلام عليكم
مسا الخير جميعا

حاسب هانم
مشكورة على الموضوع وربنا يجزيكي خير
صراحة الموضوع اللي انحذف وشفت الردود فيه انسدت نفسي خلاص
مع انو كان عندي كلام كتيييييييير عن النصيحة

لكن كويس انك رجعتيه
اشكرك على سعة صدرك وعطفك على الصغار
:o:


انا ليا عودة بكرة ان شاء الله
حبيت ارحب حاليا
تحياتي

[COMPUTER GIRL]

اهلين

dr.ammooory

هلا
الصراحة هوة موضوع ممتاز جدا ولازم الواحد يتعمق فيه
عشان كدا نزلته تاني

بس أحلى ما في الموضوع أنك كتبتي أنو من غير مضاربة
عشان كفاية اللي سار في المرة الاولى
تبت
:o:

وبالنسبة للموقف اللي ذكرته

والله الرجال مرة تحفة
قلي أنا ما بحبش حد يضايئني ( مصري الرجال )
ههههههههه دي الجملة مرة ضحكتني

وانفلت علية المصري وقلي أنتو بتروحو الحرم عشان تاخدو حسنات زيادة واحنا بنروح الحسين
هههه حازّة في قلبو مسكيييين

وانا شايفة انو اللي سويتو انت صح بس ما تدري من جد كيف الناس يفكروا

بس أحب أنبه أنو في ناس يضايقوا من النصيحة حتى لو كانت صحيحة لا ادري هل هو ضعف في الوازع الديني أم عدم قبول للحق والله اعلم
كلامك صحيح في كتييير كدا
بس برضو يرجع للاسلوب مو كل الناس يستجيبوا للنصيحة بنفس الاسلوب

عموما شكرا لك
*******************************

BISON

اهلا
العفو
وشكرا لردك
*******************************

dr Ledo

اهلين
العفو
ومن جد المرة اللي فاتت بسبب المضاربة انقفل الموضوع
بس كويس ما شا الله انو لقيت ردود دي المرة
على فكرة مين الصغار هدول
وبانتظار ردك
وشكرا لك


عموما شكرا لكم جميعا لردودكم واللي ما جاوبوا على الاسئلة لو سمحتوا اذا فاضين يعني جاوبوا عليها

تحياااااتي

[reda0007]

السلام عليكم ورحمة الله وبركاته

شكرا كمبيوتر قيرل على فتح الموضوع تاني

لأنو بصراحه موضوع مهم وانا كان نفسي اشارك اول :eye:

اولا النصيحه قد تكون في الدين وغير الدين ولكن تظل مهمه

واعجبتني كلمت مستر جينيتكس النصيحه فن صعب إتقانه وصعب تقبله

صعب لأن الشخص اللي تنصحوا اصلا ....... ما يشوف المسأله من وجهة نظرك

فإنت بكل صعوبه راح توصله وجهة نظرك قد ما تقدر مع مراعاة كل ظروف الحاله

مثلا .... عند نصح شخص اكبر منك وندك في العمر او عموما اي شخص تعتقد انه لن يتقبل النصيحه بسهوله

فلا بد من الرفق قدر الإمكان وياليت لو كانت بطريقه غير مباشره بشرط ان تكون بليغه وفعاله

الله سبحانه وتعالى عندما ارسل موسى وهارون إلى فرعون قال تعالى : فقولا له قولا لينا

امر الله موسى وهارون بمخاطبة فرعون بقول لين مراعاة لمكانته ومركزه في قومه

وفي طريقه مفيده جدا حين البدء بنصح شخص وهيه ان تحاول ان تضع نفسك مكانه والرؤية من وجهة نظره

فلا تجعل نصيحتك له تبدو وكأنك تكرهه بل اجعلها كأنها محبة وموده و رغبة في إصلاح حاله

اما عن المثال اللي للنصيحه

فأعتقد ان هناك مثال عجيب وهو في الحقيقه قصه حقيقيه حكاها لي واحد والقصه في احدى الشركات

والقصه تحكي قصه عن الدعوه الى الله وهيه النصيحه التي يجب ان تبلغ كل إنسان

عموما ..... الشخص يحكي ان في شركته بعض العماله الأجنبيه ليست مسلمه

على الديانه البوذيه

وكان عنده صديق يحاول ان يدعو بعض هذه العماله للإسلام وكان عندهم بعض التعاطف ولكن لم يسلمو بعد

في يوم من الأيام دخل هدا الشخص على غرفة احد هؤلاء العمال فوجده يصلي لصورة آلهتهم بوذا

فأخذته الحميه وهزأ العامل وشقق الصوره ....... الشخص طبعا انقهر آخر إنقهار

عموما مجريات القصه ان الشخص هادا اللي كان يدعو للإسلام وأخطأ في التصرف غير الحكيم الذي عمله

مات له ولد بعد فتره من الحادثه

فأعتقد العامل واصحابه ان آلهتهم المزعومه قتلت ولده انتقاما :?:

-----------------

هذا مثال بسيط للنصح بطريقه غلط

طبعا العمال صاروا بعيدين عن الإسلام وتصعب دعوتهم اصعب من اول بكثيييييير بسبب التصرف الخاطئ

وإذا تبغى تشوف كيف ممكن اتلقى العامل النصيحه الخاطئه ما عليك إلا ان تتصور نفسك

وأنت في بلد غربي مثلا ...... وتصلي الصلاة ثم يدخل عليك احد النصارى لينهرك ويقطع مثلا السجاده اللي تصلي عليها :aa:

اتخيل شعورك بالله ؟؟؟؟ إذا عدا الموقف من غير ان ترتكب جريمه راح يكون خير


عموما الخلاصه

هيه ان من خلال النصيحه بين للشخص انك تحبه وبس

يوووووه كلامي كثير :15:

خلاص خلاص :85:

سلام

[COMPUTER GIRL]

هلا

العفو
اولا النصيحه قد تكون في الدين وغير الدين ولكن تظل مهمه
صحيح

صعب لأن الشخص اللي تنصحوا اصلا ....... ما يشوف المسأله من وجهة نظرك
دي النقطة حلوة وصحيحة
وهنا تجي شطارة اللي بينصح

والقصة اللي ذكرتها مرة تبين اثر الاسلوب

فأخذته الحميه وهزأ العامل وشقق الصوره ....... الشخص طبعا انقهر آخر إنقهار
الرسول صلى الله عليه وسلم حذر من الغضب
وشايف كيف لانو انفهر وما قدر يمسك نفسو
العامل ما اظن انو راح يستمع لنصايحه بسهولة

وكلامك الباقي عجبني
انو لازم الواحد يخلي نفسو مكان اللي بينصحو ويشوف ايش حيسوي لو سمع دا الكلام

عموما شكرا لك

:LL:

[COMPUTER GIRL]

:eye:

[WaLeeD]

<center>

السلام عليكم
مسا الخيرات جميعا

امممممممممم
حاسب هانم ماسكة العصاية منتظرتني شكلي حانفرش خخخخخ
بس سامحينا والله مشغول شوية الله يخلي مهرجان العزيزية
هههههههههههههههه

امممممممممم
المرة الماضية انا كتبت انو اسهل طريقة تمهد لك النصيحة
هوا البيت الشعري دا

احسن الى الناس تستعبد قلوبهم
فطالما استعبد الانسان احسان

وقلت عندي شواهد كمان صوووح ؟؟
ردحين حاحكيكم على قصة حصلتلي انا وكنت فيها غلطان 100 % بس اتعلمت

انا افتكر وقتها كنت تانية ثانوي ورحت المسجد اتوضا
ولمن دخلت المواضي الله يكرمكم
شفت البزورة حقين الحارة يطرطشوا الموية على بعض
وبللوا المكان كلللله ومحد يققلهم شي لأنو كل اللي كانوا بيتوضوا عمال ومساكين

المهم سويت نفسي قوي وقلت خليني امنعهم
رحت مسكت واحد منهم من يده وزعقت عليه ومدري ايش
الين ما خافوا وشردوا
=====> طيب يا قوي خخخخخخخخ
بس شوية الا اسمع اصواتهم من برة
يقولولي تعال يابو اربعة يا طويل ومدري ايش
هما بزورة عاد بس انا كمان انقهرت لكن ايش اسوي يعني اجري وراهم ؟؟
ما ينفعششششش
وصراحة هم اتأثروا بالموقف دا وصاروا كل ما يشوفوني يجروا بعيد ويقولوا يا طويل يا هبيل ههه
المشكلة ماني طويل

انا طبعا كنت اطنشهم وما اقللهم شي
بس في نفس الوقت كنت افكر انو انا السبب
يعني لو منعتهم بطريقة صحيحة او نصحتهم بطريقة تناسب عقولهم
كانوا دحين سمعوا كلامي وكمان ما اتريقوا عليا

بس طبعا ما فضلت ساكت على الوضع وقلت لالالالالالالازم حل
وطلعت الحل تلقائيا بعد ما غيرت طريقة حياتي كللللها واتغيرت معاها

حاقللكم في الرد القادم ايش عملت معاهم
هنا بس حبيت اوريكم كيف النصيحة بطريقة غلط ابدا ابدا ما تلقى قبول لدى المنصوح
حتى لو كان طفل صغير
ونعيش ونتعلم من البزورة ههههههه
انتظروا الرد القادم
تحياتي

[COMPUTER GIRL]

اهلين

حاسب هانم ماسكة العصاية منتظرتني شكلي حانفرش خخخخخ

كنت ناوية
:D:

وبالنسبة القصة اللي قلتها

هو صح انت المفروض كنت ما تكلمهم كدا خصوصا الصغار يا لطييييييف لما يعاندوا يعاندوا
بس والله احيانا يخلوك غصبا عنك تعصب


وصراحة هم اتأثروا بالموقف دا وصاروا كل ما يشوفوني يجروا بعيد ويقولوا يا طويل يا هبيل ههه
هههه حقدوا عليك

حاقللكم في الرد القادم ايش عملت معاهم
اوكي احنا بنستنى
بس مو يكون الرد بعد شهر

:o:
لا لا عادي وقت ما تفضى رد

هنا بس حبيت اوريكم كيف النصيحة بطريقة غلط ابدا ابدا ما تلقى قبول لدى المنصوح
طبعا شي اكيد

عموما شكرا لردك

[COMPUTER GIRL]

وبعدين فيييين الاعضاء الباقين هو ما في غير اللي ردوا في المنتدى ولا ايش

[dr.ammooory]

أنا جيييييييييييييييييييييييييت

اذكر احد المواقف الي حصلت لية

واحد من أصحابي مسوي سكسوكة على شكل صليب

فحاولت أقنعو أنو صليب فمهو راضي يقتنع
قلي هية مهي زايد قلتلو الصليب لازم يكون زايد المهم قعدنا نتجادل

قاعد يقولي أنا ما راح أحلقها بسببك قلتلو ياخي أنت حر

صراحة حسيت أني فشلت

بس دعيت ربنا انو يهديه بس جاني اليوم لقيتها محلوووووووووووقة
:SS:

لية عودة مع قصة أخرى

ت ح ي ا ت ي
dr.ammooory

[WaLeeD]

<center>

السلام عليكم
صباح الخيرات جميعا

اممممممممممممم
اللي تابعوا ردي السابق يقروا دا الرد
عشين حاكمل قصتي مع البزورة الصغار وكيف حاولت انصحهم

اممممممممممممم
معايا يا حاسب هانم ؟؟؟
طايب

بعد الحكاية ديك بفترة
دخلت المسجد وشفت واحد فيهم في الصف وبيصلي
رحت صليت جنبه
وبعد الصلاة لمن شافني انفجع مني
يوه شكلي ما يفجع والله خخخخخخخخ

المهم مديت يدي وسلمت عليه وقلتلله كيف حالك
الولد الطعمون حس بالأمان وهدي شوية

وصرت اتكلم معاه واسأله عن دراسته ودخلته في هرجات كتيييرة
وشوية قلتلله يلا نطلع برة
وطلعنا وقلتلله انا رايح البقالة اشتري عصير امشي معايا
الواد ما صدق وركب معايا
وبس قلت دي فرصتك يا مستر ليدو

واخذته البقالة واشتريتلله عصير وطبعا اكيد لالالالازم شوكولاته
واشتريت لشلته كمان
ورجعنا ركبنا السيارة

وبعدها صرت اكلمه في الموضوع
وقلتلله ليش تقولولي طويل هبيل انا ايش سويتللكم
قللي والله خلاص ما نقللك ومدري ايش

وبس صرت انصحه انو غلط تطرطشوا الموية على بعض وتبللوا حمامات المسجد
ممكن لو تخلص الموية بعدين كيف الناس تتوضأ ؟؟
وكمان لو راجل كبير في السن اتزحلق بسبب الموية المرمية على الارض ؟؟
ربنا حيزعل منكم كتييييييييير وتاخدوا سيئات واعطيته لستة كلام من النوع دا

الحمد لله انتيجة كانت مررررررة كويسة
العيال مرررررة اتأدبوا وما صاروا يطرطشوا الموية
حتى الطراطيع قللوا منها
وكمان دااايما يسلموا عليا
واهم اهم اهم شي انو بطلوا يقولولي طويل هبيل خخخخخخخخخخ جنوني

ها يا صاحبة الموضع شو رأيك ؟؟
تجي مني ؟؟
:o:

طحياتي
وشوكرن على موضوعك الروعة

[COMPUTER GIRL]

اهلين بيكم
وسوري عالرد المتأخر

dr-ammooory

شكرا لك لذكرك لدا الموقف

وبانتظار مواقف تانية

[COMPUTER GIRL]

هلا ليدو


بعد الحكاية ديك بفترة
دخلت المسجد وشفت واحد فيهم في الصف وبيصلي
رحت صليت جنبه
وبعد الصلاة لمن شافني انفجع مني
يوه شكلي ما يفجع والله خخخخخخخخ


هههه سويتلهم عقدة يا لطييييييييييف
:o:


وبس صرت انصحه انو غلط تطرطشوا الموية على بعض وتبللوا حمامات المسجد
ممكن لو تخلص الموية بعدين كيف الناس تتوضأ ؟؟
وكمان لو راجل كبير في السن اتزحلق بسبب الموية المرمية على الارض ؟؟
ربنا حيزعل منكم كتييييييييير وتاخدوا سيئات واعطيته لستة كلام من النوع دا


بصراحة عجبتني دي الحركة استغليت الموقف صح


ها يا صاحبة الموضع شو رأيك ؟؟
تجي مني ؟؟


ايوة ما شا الله عليك

الطريقة اللي نصحتهم بيها كانت مرة تمام
وبانتظار مواقف تانية

وشكرا لردك

:eye:

[Dr.MISK]

إذا كنت تعرف الشخص فأرى أنه من الأفضل

أولا : أن تبدأ أولا بما ترى عليه من إيجابيات وسلوكيات جيدة فتبدأ تقولها له

وأذكر قصة جميلة .... مرة واحد يبغى ينصح جاره اللي ما يصلي في المسجد ... فمن يوم ما فتح الباب جاره شافه شخص ملتزم ... فمن عند الباب قال له تراني ما أصلي وريحني مع السلامة
وقفل الباب في وجهه ؟؟؟؟؟ فدق أخونا مرة ثانية الباب ..... فلما فتح الجار قال له .. بس كنت أبغى أقول لك إنك فيك صفة من صفات الرسول صلى الله عليه وسلم ..... إنك صادق...!!! فالرجل انبهر واستحى وأدخل صاحبنا وتحدثا سويا ... وكلمه بكلام جميل .... فلما أذن المؤذن خرجا سويا للصلاة ... وأصبح الجار من رواد المسجد

فأرجع وأقول و أكررررر ..... أبدأ النصيحة والحديث بالصفات والسلوكيات الجيدة والإيجابيات

ثانيا : إبدأ بذكر بعض الأخطاء ... وليس كلها !!!! احذر

احذر من التدقيق وذكر التفاصيل .. فهذا ليس من منهج الرسول صلى الله عليه وسلم
فمنهج الرسول كما ذكر الله سبحانه وتعالى في سورة التحريم .... عرف بعضه و أعرض عن بعض
فلم يؤنب الرسول زوجته ولم يدقق على تفاصيل المشكلة ... و إنما ذكر بعضها و أهمها وترك الباقي صلى الله عليه وسلم


ولعل هناك بعض التنبيهات الأخرى ... لن أذكرها الآن .. حتى لا أطيل

سأذكرها فيما بعد إن شا ء الله

ومشكورة عالموضوع الحلو


ودمتم سالمين
Dr.MISK
:d:

[COMPUTER GIRL]

اهلا د- مسك

أولا : أن تبدأ أولا بما ترى عليه من إيجابيات وسلوكيات جيدة فتبدأ تقولها له

نقطة حلوة ومهمة كمان
لانو في ناس لما ينصحوا يواجهوا الانسان اللي بينصحوه بعيوبه
او بالغلط اللي بيسويه فما يستجيب له

وبانتظار باقي التنبيهات

وشكرا لك

[Asultan]

<center>

هاسب هانم .. ازيك عامله ايه...؟

هدي قصة صارت لي يوم الخميس إلي فات في الإيس لاند

كنت مع اخواتي والماما

طبعاُ الماما حقتي ماشاء الله عليها ملتزمة بالمرة ، وعشان ترضي اخواتي بس، اخذتهم على الإيس لاند ، رغم انها كنت رافضه من البداية

ما علينا

المهم ونحن داخلين دوبنا مع البوابة ، ما توغلنا كثير بين الأحشاد المتواجدين هناك ، وبين العبيات السود
لانه ما كان في شباب كثير ، مافي الا حريم وبنات لليل الطويل

المهم ، لفت نظري بنت كانت كاشفة شعرها وفاردته ، يعني مهي لابسة غطوة او اي شيء وعباية مفتوحة باين صدرها :85: منه ، يعني مكان لازم تلبس العباية وتعب نفسها. بس وكانت جايه في وجهي

طبعاُ انا اتوقعت من امي انها راح تسوي جونااااان مع البنت دي ، قلت خليني ابعد عن طريقها واشوف ايش راح يصير بينهم

لاني متوقع مية في المية امي ماراح تسكت عن هذا الوضع

امي راحت مسكتها على طول ... وقالتلها بصوت عالي قدام الناس

انتي مسلمة

والله مرة قوية من امي دي الكلمة ... بس كان من قهر وزعل على هدا المنظر إلي شافته

بصراحة كان غلط من امي انها تقول دي الكلمة

البنت وبكل برود وبنظرات حاقده

قالت لا .. انا مني مسلمة

امي ضحكت شوية وقالتها بس وجهك عربي حلو مو معقول انك مو مسلمة..وبس

البنت لا همها ايش قالت امي ولا همها نظرات الناس وكملت طريقها وسلامها عل صحباتها

طبعاً انا جيت جاري للماما ، وقتلها يا ماما ما كان يصير تقوليها كده قدام الناس، لانها راح تعاندك وتسوي شيء عكس، واهي شوفي ايش قالت كفرت نفسها عشان موقف لها ماله داعي قدام الناس.


بعد ما خرجنا امي بدت تأنب نفسها وتقول يا ريتني ما كلمتها قدام الناس، يعني لو اختها على جنب ونصحتها كان لقيت منها فايدة ، وكسبت اجرها، بس الله يهديها ويهدي بنات المسلمين.



الموقف إلي قاهرني في الموضوع
انها مهي راضية تخليني امشي لوحدي، تقلي رجلي على رجلك ولا نرجع البيت

:o: :o:

وتحياتي لك يا حاسب هانم

:LL:

[COMPUTER GIRL]

اهلين


امي راحت مسكتها على طول ... وقالتلها بصوت عالي قدام الناس

انتي مسلمة



يحقلها تعصب

بصراحة كان غلط من امي انها تقول دي الكلمة

صح بس لما الواحد يعصب يقول اللي يجي في بالو على طول

والنتيجة كانت


البنت وبكل برود وبنظرات حاقده

قالت لا .. انا مني مسلمة




(عشان كدا الرسول صلى الله عليه وسلم قال (لا تغضب لا تغضب لا تغضب

لانو من جد لما الواحد ينقهر من شي ممكن يقول اي حاجة ما يعرف ولا يقدر عواقبها وقت ما يكوون زعلان

حصل خير ان شا الله
والله يهدي البنت وجميع بنات وسباب المسلمين


الموقف إلي قاهرني في الموضوع
انها مهي راضية تخليني امشي لوحدي، تقلي رجلي على رجلك ولا نرجع البيت



ههههه يحقلها من الاشكال اللي تشوفها في الايس لاند


وشكرا لردك

[mr_genetics]

السلام عليكم ورحمه الله وبركاته

انا اكتشفت طريقه في النصيحه من جججججد بنت استغفر الله <-- نسي عمره

الحركه انا عندي اخوياء مايصلو المهم قعدت اتفلسف عليهم بس بدوون اي فايده ودون اي امل

عاد انا ابتكرت طريقه حلوه <--- احلى يا انشتاين الطريقه قعدت كل وقت صلاه اقول والله انو الصلاه حلوه

والله سبحان الله تحس راحه نفسيه عاد تصدقو امس كنت مررره ضايق بس لمن صحيت وصليت الفجر

سبجان الله والله نفسيتي غير شوفوني قدامكم <--- عاد امس وقت الفجر انا كنت انواااع التشخير

والشي الثاني لمن يكون في مسجد اوقف واصلي والطعهم بكيفهم عاد <-- ماعندنا عيال ما يصلو

مر اسبوع تقريبا واثنين منهم يقولو والله بدينا نصلي ومن جد راحه بس واذا ممكن تصحينا للفجر

الي يستفاد من الرد حاول تكون قدوه حسنه وامدح الشي زي الصلاه حتما رح يتاثر

وثااااااااااانكس

[MAJ]

السلام عليكم ورحمة الله وبركاته

الموضوع أختي العزيزة مهم جدا ويستحق المناقشة لأنه معظم الناس هذه الأيام أصبحو يغلطوا ويغلطوا وما بيلاقوا مين ينصحهم وحتى لو لقوا ما راح يتقبلوا النصيحة.

اعرف شخصا ما أفكاره نيرة جدا وأراءه صائبة في معظم الأحيان وهي إنسانة قريبة مني, وكانت إذا رات الغلط تعصب على طول وما تقدر تتمالك نفسها لأنها هيا تتعتبر نفسها إنه هذا الشي ما ينسكت عليه وإنه الساكت عن الحق شيطان أخرس..المهم إنه لما بدأت تنصح , تنصح اللي قدامها بشتى الأنواع والسبل وبجرعة واحدة لا وكمان ما تحط أشياء كثيرة في عين الإعتبار مثل السن والثقافة والتعليم....الخ وتحس من جد إنها قلبها محروق على الشي اللي بيصير ولمن تفشل من المرة الأولى تلاقيها راحت بعد كده لأهل هذا الشخص وتقولهم على كل حاجة و تقول أنا دحين اللهم إني بلغت اللهم فاشهد..

المهم أن النتيجة كانت أنها أصبحت في نظر اللي كانت بتنصحه إنه ما صار يحترمها بالكلية ولا يقدر ارائها ويقوم على طول من المجلس من يوم ما تجي.

كنت حينها أعلم أن الأسلوب الذي أتبعته كان خاطئا لذلك الأخر لم يستجب لها , أردت أن أجرب طريقة أخرى للوصول إلى هدفي ففكرت في الأسلوب وبدأت أخذ منه الإيجابيات وكانت حقيقة كثيرة منها أن النقاش كان مدعما بالقصص المؤثرة والأحاديث والأيات القرانية... ثم بعد ذلك أخذت السلبيات ودرستها وقلت في نفسي إنه هذا الإنسان ( الذي يحتاج إلى نصيحة ) يبغالو أسلوب تاني لأنه المغريات اللي كانت حواليه كبيرة جدا وما راح يقدر يتغلب عليها من جلسة واحدة .. فبدأت معاه بطريقة النصح الغير مباشر وكأني ما أعرف عن موضوعه حاجة وشوية شوية دخلنا في الموضوع وأصبحنا نتعمق فيه وأنا إلى الأن ليومي هذا وأنا بتابعه وبأشوف إيش حتكون النتيجة ووالله يا جماعة صدقوني اللي بيزرع صح حيحصد صح بإذن الله , اليوم هذا الشخص عارف إنه الموقف اللي سواه غلط وبيحاول يوم عن يوم إنه يصححه , فالقلب عادة إذا كان سليم الفطرة منذ البداية لا تخافي عليه من شوية الغبار اللي حيجيه في طريقه لأنه بعد كده لازم يرجع لأصله تاني ويزيل الغبار عنه.

بس المهم يا جماعة إننا ننصح صح وإذا نظرت دائما إلى أخطاء غيرك حتقدر بعد كده تقيم نفسك وتتفادى هذا الخطأ عنك وبعد كده حتقدر تعالج غيرك.

أشكرك عزيزتي على الموضوع

تحياتي لك

[COMPUTER GIRL]

اهلا
mr_genetics

الي يستفاد من الرد حاول تكون قدوه حسنه وامدح الشي زي الصلاه حتما رح يتاثر

بصراحة طريقتك مرة حلوة

وصحيح لازم اللي يبغى احد يسمع لنصيحته يكون هو ما بيعمل الشي الغلط اللي بينصح عشانه

شكرا لردك

وفي انتظار مواقف ورد اخر

[COMPUTER GIRL]

اهلا
MAJ


الموضوع أختي العزيزة مهم جدا ويستحق المناقشة لأنه معظم الناس هذه الأيام أصبحو يغلطوا
ويغلطوا وما بيلاقوا مين ينصحهم وحتى لو لقوا ما راح يتقبلوا النصيحة.


تقبل النصيحة يعتمد على مهارة الشخص في النصح والتأثير على الاخرين

و الموقف اللي ذكرتيه جميل ومن جد يبين اثر الاسلوب في النصيحة

وشكرا لردك
وبرضو في انتظار مواقف تانية

[COMPUTER GIRL]

<center>

آداب النصيحـه
للنصيحه آداب ثلاثـــــه :

الأول : الإخلاص

الثاني : الليــن

الثالث : الإسـرار بها

و كثيراً ما يخطئ العبد ، فنحن لسنا بمعصومين من الخطأ ، ليعلم الناصح أن الخطأ و النسيان شئ عادي مركوز في أصل الجبله ، فلا يتعصب في نصيحته . يقول الشاعر :

من ذا الذي ما ســــــاء قط و من لـه الحســــنى فقط

و إن الإسرار بالنصيحه من هديه صلى الله عليه و سلم ، فإن النصيحه على رؤوس الأشهاد فضيحه

يقول الشاعر :

تغمدني بنصحك في انفراد و جنبني النصيحة في الجماعـــه

فإن النصح بين الناس نوعٌ من التوبيخ لا أرضى استماعه

فإن خالفتني و عصيت أمري فلا تجزع إذا لم تـلــق طاعـــه

و كان عمر – رضي الله عنه – يقول : " رحم الله امرأً أهدى إليّ عيوبي ، و كان يستمع للصحابه و هم ينصحونه " .

جسـور المحبــــه

د.عائض القرني