تغيير النظام الدراسي برابعه ,, من دفع ثمنه؟؟؟؟ [Archive]

DR.LOLO

06-18-2004, 09:20 PM

بسم الله الرحمن الرحيم

اخواني واخواتي : اعضاء منتدانا

السلام عليكم ورحمة الله وبركاته

كان اخر موضوع كتبته بالمنتدى
طلبت فيه نصح من سبقونا بتجربة الكلينيكال
وقد نصحونا جزاهم الله خير
وبصراحه لا ادري
هل يحق لي إبداء رأيي بالكلينيكال خصوصا وان الفتره كانت قصيره لم تتعدى الثلاثة اشهر

وان كنت اعتقد انه بمجرد دخولك المستشفى وتعلمك الادوات الاساسيه لاي طبيب من اخذ التاريخ المرضي من المريض وكيفية فحصه فأنت دائما وفي كل وقت بفترة اكلينكال

اولا اشكر الله الذي من علينا بنعمة المنتدى الذي اعطانا فرصه للحوار والنقاش دون ان نتعدى حدود الشرع والعرف
ولذا كان لزاما علينا احياء مواضيع جيده للنقاش

ثانيا اشكر الله الذي امد بعمري لارى الوجه الاخر الجميل من دراستنا بكلية الطب وهي بحق بشرى لكل اخواني واخواتي الذين ملوا من الدراسه بالثلاث السنين الاولى

وبالعامي باقول لكم
اصبروا وثابروا واجتهدوا
لان اللي جاي من دراستكم
بيعوض عليكم التعب اللي تعبتوه
وتحسوا بقيمتكم كافراد
كل يوم تقابلوا مرضى جدد
وتحسوا قلوبكم طايره من الفرحه هذا بس اذا المريض ابتسم لكم
فما بالكم لما يناديك دكتور ويرحب فيك ويلزمك بالقعده معه
ويصير يحكي وانت تسمع وسبحان الله لما تكون حكايته موجوده بالضبط في الكتاب.

وبهالفتره حتلاقيك انت اللي بتجري وراء الكتاب عشان تقرا وتعرف اكثر عن المرض و مو زي زمان تهرب من الكتاب لانه ممل

واحلى شي انك كل يوم في المستشفى تتعلم شي جديد
وهالشي مو بس في العلم البحت اللي ندرسه
لا
تشوف شخصيات جديده
بأساليب تعامل مختلفه
سواء مرضى او اطباء او مسؤؤلين
ببساطه حتحك بالعالم وتتعلم منه اشياء بس بطريقه جديده

واهم شي انكم حتلاقوا نفسكم مشغوووووووووووولين
لا في وقت للنت ولا غيره
بس انشغالكم هذا بالرغم انه متعب حيكون لذيييييييييذ

انا كتبت هالحكي عشان الي تعثروا باحد المواد وخصوصا ان النتايج توها طالعه
او ملوا من دراستهم
يتشجعوا ويعرفوا اننا كلنا حسينا بملل زيهم
ملينا من دراستنا النظريه البحته بالكليه
بس اهووووه
الواحد ربي يفرج عليه بالاخر

كلمه صغيره:
كلي امل اننا كلنا كطلبة في هالكليه نتعاون مستقبلا ونحقق تغييرات فعليه من تغير اسلوب الدراسه النظري وبكذا نرد للجامعه معروفها

في كم نقطه
من جد لازم نتناقش فيها
عشاننا احنا
ومو لازم يجي احد من الجامعه يعطينا استبانه
عشان نفتح هالموضوع
والحكي هنا موجه لدفعتنا
سنه رابعه
كبدايه حطرح النقاط كاسئله
عشان اسمع رايكم
واللي ودهم يشاركوا من المستويات الاخرى حياهم الله
ومن خلال تعليقاتكم
نحاول نعدد النقاط اللي لعبت دور بهالمشكله

هل كان ضغط الثلاث المواد النظريه بالترم الاول فعلا صائبا

هل كان لهذا الضغط ردة فعل سلبيه علينا

هل برايكم قللت ساعات المذاكره عندكم

هل تعتقدون ان العذر الذي بسببه تم تغيير النظام وهو ان يكون اساس الطالب النظري كاملا قبل الذهاب للمستشفى عذر جدير لمثل هذا التغيير

الا تعتقدون انه لوكنا بالنظام القديم لتشجعنا ان نقرا الباثوا لنفهم علة المريض
ونقرا فارما لنفهم المكتوب من ادويه في ملف المريض

الم تكن فتره 6 اسابيع فتره قصيره لاكتسب فيها مهارات الطبيب وافهم فيها علم الباطنه

الم تكن فتره 6 اسابيع بقسم الجراحه فتره قاسيه تعلمنا فيها الجري والركض وراء المحاضرات

واهم تلك الاسئله
وانا اكتبه لاخذ بحق زميلاتي اللاتي لم اجد هناك سببا لاخفاقهن الا هذا النظام

من دفع ثمن هذا النظام الجديد
ومن دفع ثمن هذه التجربه
وهل كانت الجامعه بحاجه لهذا العدد من الراسبين والراسبات
لتقول
لا والله ما مشي حال هذا النظام
خلونا نرجع زي ما كنا اول

سؤال
اتمنى يجاوبه احد المسؤليين
جايز نكون محنا شايفين الصوره كامله
واهوه انا بسال عشان ابغى افهم
هي ليه الكليه خطواتها مو موزونه
تحط وتجيب وتغير وهي تناظر للمواضيع من جهه وحده
ابسط شي واقرب شي هالتررم الصيفي
اللي والله لا راعت الكليه
اننا طالعين من الجراحه واحنا جثث هامده
ولا راعوا فيها بعض الدكاتره اننا ملينا من الساعات الطويله اللي يشرحوا فيها
والله حسسونا كاننا جماد وهم بس يشرحوا يشرحوا
ولا همهم احنا مستوعبين ولالا

وبالمناسبه
اوجه تحية شكر وتقدير لدكتوري الفاضل د.سعيد بقسم الراديولوجي
اللي ولاول مره اشوف فيها دكتور كل شوي يسال اذا احنا فاهمين ولا نحتاج بريك
واول دكتور يعترف انه لنا حد استيعابي معين نحتاج بعده راحه
جزاك الله خير د.سعيد

اتمنى تشاركوني بارائكم
في موضوع التغيير
ايجابياته وسلبياته
ومن دفع ثمنه

dr_Lord

06-19-2004, 02:40 AM

السلام عليكم

اخت لولو

اولا للمعلومية ، الاقسام السريرية بالجامعة كانت اول من أيد قرار تغيير النظام في سنة رابعة ، وللاسف كانت الدفعة محل تجربة ، وتمت مقارنة نتائجها بنتائج السنوات الماضية ووجد انها كانت متقاربة جدا. نسبة الناجحين والمتميزين والمتعثرين كانت شبه متساوية.

ثانيا : صحيح اننا وجدنا ضغط كبير في الترمين ، كون الوقت قصير والمناهج طويلة ، تحتاج الى مجهود اكبر من الوقت اللي خصص لنا ، لكن تخيلي انك درستي بنفس النظام القديم ، يوم تكوني في المستشفى ويوم تكوني الجامعة ، افكارك ومخك ودراستك كلها راح تتصادم ببعضها ، واعتقد اكثر من يفيدك بالنسبة للنظام القديم هم زملائنا من السنوات الماضية.
من ناحية اخرى, حسيت انه دراستنا لبقية المواد النظرية في الترك الاول (خصوصا الباثولوجي) اعطانا فكرة وفائدة كبيرة في الباطنة والجراحة وجعل عندنا خلفية كبيرة عن مواضيعهم.

ثالثا : الترم الصيفي دا : محد فينا مرتاح منه ـ، خصوصا انه النوم غير منتظم ، والمحاضرات قمة في الملل ب 4 ساعات تقريبا للمادة. لكن متى نقدر ناخذها اذا ما خلصنا منها هذي السنة انشاء الله على خير؟؟ صيف سنة 5 ولا صيف التخرج؟؟؟ فكري في المدى البعيد وحتلاحظي انه اريح كثير بالنسبة للكل.

مواد الكلينيكال : كانت تقريبا اصعب شي بالنسبة لنا ، كون خرجنا من مرحلة لمرحلة ، نحتاج لفترة اطول حتى نتأقلم معها. فيه سؤال ودي اطرحه للكلية نفسها ، ليش ما بدأو يعودونا على جو المستشفيات قبل ما نبدأ المواد السريرية؟ تعلمنا معظم الاشياء وحدنا ، وطبقناها في فترة قصيرة جدا ، وبالفعل اقدر لكل طلبة الدفعة اللي سووه في الباطنة والجراحة في هذا الفترة الله يوفقنا ويوفقهم.

هذا اختصار للي مرينا به في هذي السنة الطويلة ، والحمد لله اننا وصلنا لهذي المرحلة. واتمنى التوفيق للجميع.

The Brother of All;
Dr.Lord

Dr.wrood2004

06-19-2004, 04:34 AM

مرحبا اخت لولو
النظام وجدته في باديء الأمر ممتاز.
بالعكس
انكم تركزو كل جهدكم على النظري بدل ما تصيرو بين النظري والعملي
افضل بكثيييييييييير

غير كدة انكم تعرفو الباثولوجي تبع الأمراض قبل ما تدرسو الكلينيكال شيء جدا ممتاز
لانه بيساعدكم انكم تربطو بين المرض وعلاماته
وكيف الطريقة اللي ممكن تعالجوه بيها ...

النظام اللي احنا مشينا عليه بصراحة كان جدا متعب
ما كنا لاقيين وقت
ولا كنا بنعرف
نذاكر نظري ولا عملي ..
بنضيع شيء على حساب شيء

ارتحنا كثير لما بدأنا في سنة خامسة نظام الكورسات
نركز في كورس واحد
نحاول نجمع ونتعلم منه اكبرقدر ممكن من المعلومات اللي ممكن تفيدنا ..

انا لما سمعت بصراحة اعتقدت انكم حتكونو في وضع افضل مننا ...
عموما ...... الحمدلله اللي ربي وفقكم والله يعوض اللي ما عدو منكم بالأفضل ..

لي عودة بعد ما اسمع اراء البقية والباقيات ..

واتمنى فعلا يكون في تفاعل مع الموضوع من طلاب وطالبات سنة رابعة

تحياتي ..

reda0007

06-20-2004, 01:53 AM

السلام عليكم ورحمة الله وبركاته

شكرا دكتوره لولو على طرح هذا الموضوع المهم

بصراحه من وجهة نظري وجدت ان النظام الذي كان في هذه السنه هو الافضل

صحيح اننا لم نجرب النظام السابق ولكن من التصور العام

ان يكون الدوام يوم في المستشفى ويوم في الجامعه

سوف يصل بالطالب الى مرحله من عدم الاتزان لا اعرف مداها

خصوصا بالنسبه للطلاب على حسب علمي لا استبعد ان يقسموها يوم جامعه ويوم مستشفى ويوم نوم في البيت :o:

في الحقيقه ان هذا الواقع

دكتور لورد ذكر اكثر من نقطه جميله

دراسة الباثولوجي والفارما في الترم الاول ساعدني انا شخصيا على معرفة معلومات كثيره في المستشفى بدءا من الادويه التي يأخذه المريض

الى انه اسألة كثير في الميديسن اصلا كنت اجيب عليها من خلال معلومات اخذتها في الباثولوجي

ثم انها كما قالت الدكتوره ورود التركيز في فتره معينه على كورس معين اعتقد انه ميزه جيده جدا

تمكن الطالب من التركيز على تخصص واحد بكل الجهد

صحيح ان الوقت قصير ولكن اعتقد ان التركيز في المذاكره قد يعالج هذه النقطه نوعا ما

انا متأكد اننا لو درسنا السنه الرابعه على النظام القديم لكان حالنا اسوء بكثير

اما بالنسبه لكورس الصيف .....فهو من اغلس الكورسات التي درستها في حياتي

حقا اشعر انه لا يوجد احد في العالم يدرس في هذه الفتره الا مجموعتنا فقط :aa:

حتى الجامعه يصبح شكلها كئيب ومخيف و كأنها مليئه بالأشباح :15:

هذا وهو اسبوعين فقط لا غير ..... والمواد من اسهل المواد

ولكن الحمدلله هانت

هذا ما سمح به الوقت ..... وسوف تكون لي رجعه ان شاء الله

سلام

DR.LOLO

06-20-2004, 07:23 AM

السلام عليكم ورحمة الله وبركاته

د.لورد , د.ورود ود.رضا

لكم مني جزيل الشكر
انكم ابديتم رايكم في هالموضوع
ومستنيه مشاركه البقيه

عالقليله احد يوقف معايا
:sad:

لا والله انا سعيده بوجهات نظركم
كل الهدف من طرح موضوع زي كذا
هو اننا نجمع اكبر عدد من الاراء ونعرف النقاط اللي كانت بصالحنا
واللي كانت ضدنا

بس عندي تعليق صغيرون
الحمد لله
طوال السنين اللي فاتت والمراحل السابقه
كان معروف ان دفعتنا من الدفع الجيده
الرسوب فيها قليييييييل جدا
وبعدين فجاءة تلاقي بالمديسن هذاك الرسوب اللي يفجع
والله ودي اذكر قد ايش كان العدد بس خايفه لاحد يزعل مني
وانا اعتقد والله اعلم
انه في ذاك اليوم
يوم خروج النتايج
قالت الجامعه
لالا ماينفع هالنظام

ثاني نقطه سؤال ودي احد يجاوبه
لاني انا مرتفع لي الضغط وودي اعرف الجواب
انا من يوم بديت الكلينيكال
حسيت انه في هدف قاعده اذاكر عشانه
هالهدف كان قريب مني المسه
احكي معه
واشوف فيه نتيجه دراستي
وانا اقول نتيجه
اقصد بيها نتيجه انسانيه
مو الدرجات
اللي من جد
احس انه اهتمامنا بيها واهتمام دكاترتنا تعدى فيها حدود المعقول
فبرايي انه لو كان يوم جامعه ويوم مستشفى
كان جاني فضول اقرا اكثر

ولالا؟؟؟؟؟
سؤالي كيف الواحد ممكن يجدد نشاطه ويجي له قلب يقرا بسنين البيسك؟؟؟؟
دون ملل؟؟؟؟؟

وبعدين ووالله ومن واقع تجربه
انا لما دخلت الباطنه
وانبسطت فيها
ومن جددددد ركزت جل جهدي عالمريض
وما فكرت ابدا بالدرجات
ربي من علي بدرجه تقدروا تقولوا طيبه

ثاني سؤال
وياليت تجاوبيه د.ورووود او اي احد من اخوانا او اخواتنا الكبار
كان فيه دكتور متافف
كل ماسالنا سوال
ما جاوبنا
فقال
مو معقوله هذي كلها معلومات قديمه ومنتوا عارفينها
لازم نعمل لكم اختبار بنهايه 6 عشان ماتنسوا هالاشياء
طيب بالله يعني هو الواحد تعمد ينساها
الود ودنا انها ماتخرج ابدا من هالمخ
بس ماشاءالله الدكاتره يتنافسوا على تعبئته لحد ما المعلومات بتطفر
سؤالي د.ورود
كيف يستطيع الطالب اللم باكبر قدر من المعلومات
سواء بالبيسيك او الباطنه او الجراحه؟؟؟؟؟؟؟؟؟؟
وذلك استعدادا لمواجهة اي دكتور يسال زي كذا؟؟؟؟؟؟

انا عارفه اني طولت
بس من جد امتعتموني بارائكم
:12:

irresistible

06-20-2004, 08:55 AM

Hi every body,
hope all of u got successed..
this is my 1st time to post a thread or a reply.. :2:
coz this subject is related to us.... 4th year & to our dear younger colleagues..
in my point of view.. this system was good for us..
If we didn`t concenterate only in one subject, we would get lost!:?:
Just imagen urself coming from the hospital at least at 4:30 & u have..... let`s say pathology periodic exam! & please let my imagination power to expand.. 2 days after, you have a midterm exam of medicne :D:
plz all of u who prefere the old system, give me a tip or an idea: HOW CAN U ARRANGE UR SELF & plz plz plz, don`t say the word which i hate:
U have enough time, prepare urself before!!!!!!:MM:
this word does not work at all even with the biggest dafooooor
:eye:
(at least if we look to the amount of the emotional stress we face)

bel nesba lel summer course.... aaaaaaaaah w aaaaaaaah.
:waa: :waa:
any way.. it almost finished & no comments exept: ya rab ma y3edoha tani.. walla esh ra2yakom?

& by the way, I like to thank every doctor in the surgery dep.
They do alot for us & for our benifits. Every thing was great & well arranged even if we were exhausted in the last 2 weeks which were the most enjoyful :12: :12: :12:
THANK YOU

Dr.wrood2004

06-20-2004, 02:37 PM

مرحبا

سعيدة جدا بكم الردود ..شيء يبشر بالخير واتمنى البقية من الاخوة والأخوات تقول رأيها ..
عشان نستفيد ..ويُستفاد منا ..

عزيزتي دكتورة لولو ..
لو كان الوضع زي اللي احنا مشينا عليه قبل
صدقيني كنت حتشدي شعر راسك وتنتفي نفسك عشان توفقي بيت النظري والعملي
خصوصا لما في النظري تكوني ماشية على مهلك
وفي الباطنة تاخدي كل الامراض ... حتكوني منتي فاهماها لو اخدتيها قبل ما تاخدي الباثولوجي
وحتكتشفي حقائق فيها بعد ما تاخدي الباثولوجي ما كنت عارفة عن وجودها ...

نسبة الرسوب بيقول الدكتور لورد انها متساوية
ما نقدر غير ندعي للي ما عدى ..
عدم تعدية مادة وخصوصا مثل الباطنة مصيبة يؤجر عليها صاحبها باذن الله ..

بتسأليني كيف تستحضري كل معلومة درستيها ..
خليني اقول لك انه هذا شيء صعب جدا خصوصا لمرحلتنا هذه ..
احنا للآن اول ما بندخل على الباطنة بنكون ناسيين وخلال الكورس برضو رغم انه بعض المعلومات بتكرر
بنكون ناسيينها ...
صعب انك تلمي بكل شيء في الطب ..وعشان كذا عملو التخصصات ..

راح تفضلي تحفظي وتنسي الى ما تتخصصي في شيء معين
ومع الممارسة والخبرة اللي راح تكتسبيها ما راح تنسي ..

النسيان امر جدا طبيعي في الطب ...
واتمنى انه ما يأثر على نفسيات الطلاب مثل ما حصل معانا خلال فترة من الفترات ..

السنة الجاية ما راح تدرسي باطنة ... معناه ما راح تمارسيها وراح تنسي ..
وحترجعي السنة اللي بعدها تحفظي من اول وجديد ..بس حتلاقي نفسك بتحفظي سرع وبتفهمي اسرع
وبتربطي الملعومات بشكل افضل ..وبطريقة تساعدك على التذكر ...

اتمنى لك ولكل الاخوة التوفيق
واتمنى شوف اراء اكثر

تحياتي

dr_Lord

06-20-2004, 09:47 PM

السنة الجاية ما راح تدرسي باطنة ... معناه ما راح تمارسيها وراح تنسي وحترجعي السنة اللي بعدها تحفظي من اول وجديد..

لا اله الا الله ، اعتمدو القسم اننا ما راح ندرسها سنة خامسة؟؟ معناه سنة سادسة الجراحة والباطنة حتجينا كاننا دوبنا بندرسها.

DR.LOLO

06-21-2004, 08:16 AM

السلام عليكم ورحمة الله وبركاته

لسع على امل ان البقيه
وخصوصا احد من البنات
يشاااااركوا

وودي من جد اسمع مشاركة احد من اللي اخفقوا العام الماضي
وعادوا معانا
يعني جربوا الثنتين

بس سؤال
ليش الجامعه رجعت النظام القديم
اذا هي شايف انه مافرقت هالسنه نتيجتها عن السنه اللي فاتت

شكرا د.ورود على ردك
عارفه دكتوره
ايام ما كنت بالبيسيك
دايما افكر ليه ماتركز المعلومات براسي
ومن جد كان يجيه الواحد فترات زعلان من نفسه
عشان ماعرف معلومه غبيه كان مذاكرها
بس الشي اللي اعطاني امل شويه
لما اشوف الدكاتره في الراوند
والدكتور الاستشاري يختبر معلوماتهم
وهم يجاوبوا
ويغلطوا
وتتصحح اخطاؤهم

اعطوني احساس انه مو عيب ماتعرفي
او انك تغلطي
العيب انك ما تتعلمي من هالاخطاء
وبهالطريقه
يضمن الواحد انه يتعلم اكبر قدر من العلم

اختي ورووووود
ما تتصوري قد ايش انا واكيد زميلاتي
فرحانين واحنا نشوفكم اخواتنا الكبار
قدوتنا متخرجات
وحتكونوا بالمستشفيات
رافعين راس جامعتنا
ومعبرين عن بنات جامعه ام القرى
هي اكيد مسؤؤليه مو سهله
بس انتوا قدها

وبالنسبه للباطنه
بالله ماقلت لكم انه خطوات الجامعه غير موزونه
يعني احنا وش تعلمنا برابعه
عشان يحرمونا الباطنه بخامسه

حسبييييييييييييييي الله ونعم الوكيييييييييييل
زملائي وزميلاتي
لازم نتعاون للنقاش مع الجامعه مثل هالقرارات
وش ينتظرون
انه يصير عدد الراسبين من 6 في دفعتنا كبيييييييير
وبعدين يقولوا
اوووه اوووه
والله ما مشي الحال
خلونا زي زمان

احد يساعدني ويفهمني على ايش ناويه كليتنا تسوي بالضبط في دفعتنا
وبانتظار مشاركة البقيه

Dr.TNT

06-22-2004, 12:13 AM

سلام وتحية لكل زملائي وزميلاتي......

لكل نظام منافع وعيوب..والمفترض اذا كانت العيوب الناتجة عنه أكثر من حسناته أنه يتم تبديل هذا النظام ..وصحيح انه وقع علينا وقدر انه نكون نحن الدفعة التي يتم تجربة نظام جديد عليها...
ولكن أرى ان الوضع كان بين كفتين ..مريح من ناحية تركيزنا على هدف معين..ومريع بسبب الضغط اللي حصل بالنسبة لضيق الوقت...
والحل في رأيي هو انه من سنة رابعة من بدايتها يبدؤا بعمل أيام معينة في الترم الاول لتعريف الطلبة على المستشفى وكيفية التعامل مع المرضى ةطبعا قيام المسؤؤلين بتوجيه صحيح وسليم...وبالتالي لما يبدؤا الطلبة فعليا
دراسة الباطنة او الجراحة ودخوول المستشفيات..يكون في نوع من الارتياح والتأقلم
اما بالنسبة للصيفي فهو شر لابد منه ومانقدر نقول غير ياااااارب الكل ينجح..والكل يتوفق واتمنى للجميع من قلبي النجاح والخير....

DR.LOLO

06-22-2004, 02:32 AM

شوكرا د.تي ان تي

من جد حلوه النقطة اللي انت اشرت ليها

انه يكون في بداية الترم
فتره بس نتعلم فيها كيف ناخذ الهستوري
وعالقليله الاشياء الاساسيه باليقزامنيشن
وبكذا الواحد مايضيع هذيك الاسابيع الاولى بالباطنه
وهو تايه
مو عارف يسوي شي

اوكي
شي طيب
بداؤا المشاركين يعطوا افكار
نقدر نتناقش فيها مع الكلية
عشان تستفيد الدفعات اللي بعدنا

مره ثانيه اشكرك اخي على هالفكره
واذا عندك افكار ثانيه حياك

ومازلت بانتظار المزيد من المشاركات

MAJ

06-22-2004, 09:07 AM

أهلا بك عزيزتي الدكتورة لولو

أولا أقول لك ولكل زملائك في نفس المرحلة , الله يعينكم وإنتو إن شاء الله قدها وقدود إنكم تنجحوا في كورس الصيفي وبتفوق كمان , ولا تنسي إنه في بعض الأمور يحتاج إلى أن تضحي لأجلها قليلا , كان الله في عونكم

ثانيا , يبدو عليك عزيزتي القلق قليلا , وأيضا للأعضاء في نفس المرحلة ولكنه شيء جيد أن تناقشوا هنا موضوعا جادا كهذا , فإن لم تعرفوا المميزات والعيوب سواء كانت صادرة منكم أو من غيركم فلن تتعلموا أبدا

ثالثا , أعجبني ما قلتيه عن رأيك بضرورة مناقشة الطلبة للقسم , نعم إن كان هناك خلل ناتج منكم فلن يقوله لكم سوى الدكاترة وإن كان هناك خلل من الأطباء فلن يواجههم أحد بها سوى طلابها وبالتأكيد سوف يكون النقاش بطريقة مهذبة تنوه عن حسن نية الطرفين في التغيير إلى الأفضل بحثا عن الحل , وهذا شيء ضروري في الطريقة التعليمية في سلوك مثل هذا المسلك , وإن لن يتم تعديل شيء من قبلنا أو من قبل غيرنا فماذا سيكون مصير الدفعات التي بعدنا

نأتي النظام الجديد , حقيقة أختي لولو , نظام الكورسات المنفصلة ربما تتميز به جامعتنا عن غيرنا من الجامعات الأخرى , وفي رأيي أنه جيد جدا وقد تشعرين براحة نفسية أكثر فيما لو كنت تأخذين مواد أخرى معه , ربما لن تشعري بهذا الآن وإنما فيما بعد , ولكن أتعرفين أن مادة الباطنة وحدها فقط في سنة سادسة تدرس في 8 أسابيع مع العلم من أنك يجب عليك الإلمام بأشياء كثيرة معها مثل معرفة بعض المعلومات في الفسيولوجي , الفارما , الباثولوجي , الباراسيتولوجي , الميكروبيولوجي وغيرها , يعني في النهاية كإنك بتدرسي عدة مواد بدلا من مادة واحدة , وبعدين لا تنسي كمان إنه إنتي الآن بتشوفي مرضى وبتتابعي حالاتهم فإن كان نظام الدراسة يوم ويوم كيف سيتسنى لك أن تتابعي مرضاك والذي من المفترض أن يكون في كل يوم , فأعتقد يا أختي أن النظام ممتاز ولكن إن كان هناك نسبة رسوب عالية فصدقيني أختي ليس بالضرورة أن يكون منه وستكتشفين ذلك بنفسك , حاولو أن تبحثوا عن السبب الحقيقي , ناقشوه مع أساتذتكم , أبدأو بالتغيير , وإن كان هناك من لا يسمع لكم , ابحثوا عن غيره , لا تقولوا ما راح يستجيبوا , أصابع إيدك مو زي بعضها , سووا إللي عليكم ودوروا على اللي يخليكم دائما الأفضل

ومن جانبنا نحن , قمنا بإيصال بعض رسائلنا إلى من يهمه أمرنا في الكلية خلال دراستنا, ربما أتت متأخرة قليلا ولكن ماذا كان عسانا أن نفعل فلم يكن هناك أحد أكبر منا يوجهنا ولكن على أية حال , قلنا لبعضهم من فضلكم نحن هنا نتحدث معكم بهذه العيوب والسلبيات ونعرف جيدا أنها لن تتغير علينا ولكن كلنا أمل في أن يكون من بعدنا أحسن وأقل عناء مما كنا عليه

كل التوفيق عزيزتي لك ولجميع زملائك في نفس المرحلة بإذن الله ونريد أن نسمع عنكم دائما أخبارا سارة عبر هذا المنتدى ,,,, أتمنى أن أكون قد أعطيتك شيئا جيدا مما بذخيرتي تدفعكم دوما إلى الأمام

تحياتي لكم جميعا

DR.LOLO

06-22-2004, 08:30 PM

السلام عليكم

شكرا اختي العزيزه ماج
والله ماتتصوري قد ايش فرحت بحكيك
واحنا مانستغني عن توجيهاتكم ونصايحكم
اكيد اختي احنا مو حاسين بمحاسن هالنظام
لانه حتى لو كان له محاسن
عدد الراسبات طغى عليها

والله ماتتصوري قد ايش زعلني رسوب صاحباتي
وما اكذب عليكي قعدت مع بعضهم
وقلت لهم
انه ببساطه
الرسوب في الكلينيكال مكسب اكثر منه خساره
لانه يوم بيوم تتعلمي الجديد وتكتسبي خبره
والكينيكال ماهو الا خبرة ممزوجه بقراءه جيده
واللي انا متاكده منه ان البنات اللي رسبوا اذا ذاكروا وركزوا بالصيف
حيتعلموا اشياء احنا ماتعلمناها وحيكونوا اقوى مننا
بس لازم يكون عندهم عزيمه
ثاني حاجه
انه لازم الوحده تعرف ايش سبب رسوبها
الجزء النظري ام العملي
لانه الرسوب لو ناظرنا له بايجابيه
ماهو الا وسيله للتعبير عن قصور فيكي
هالقصور قد يكون غير مقصود
يعني اعطيك مثال
حاولت اناظر بالبنات اللي ماعدوا
لقيت الشي المشترك فيهم
هو ان شخصياتهم جدا جدا جدا هادئه
مالهم حس بالكلاس والبيد سايد ديسكاشن
فلابد انهم يركزا على تقويات شخصياتهم
صح ولا انا غلطانه؟؟؟؟؟

وهالقصور ممكن يكون مجرد تقصير
اذا عندها مشكله بالنظري
لازم تقرا ونحل ام سي كيو هات
وان كان بالعملي
وهذا اللي اظنه هو سبب رسوب معظمهم
فلابد انها تقضي معظم وقتها مع المريض وبالمستشفى

عالعموم من جد ودي نحاول نتناقش في سبب اخفاق هالعدد الكبير من الطلبه في مثل هالمواد؟؟؟
وكمان ودي اعرف جواب سؤال
ماسبب حب البعض للمواد السريريه
وبغض بعضهم لها
وهل تعتقدون ان لذلك علاقه
باختلاف طريقه المذاكره
او باختلاف شخصية الانسان

ومازلت بانتظار مشاركة البقيه
على امل اننا نجمع اكبر عدد من الافكار الجيده
ونناقش المسؤليين فيها

ولكم تحياااااااااااتي
د.لولو:12:

dr_Lord

06-24-2004, 05:30 PM

السلام عليكم

تعديل صغير اضيفه ، الباطنة ستتم دراستها كما هي في سنة خامسة للسنة القادمة باذن الله.
هذا كلام رئيس القسم الدكتور عبدالسلام نورولي

لكني سمعت بعض الاشاعات ان الدكتور كمران حميد والدكتور محمدنور حريري سيتركون قسم الباطنة والكلية، من سيبقى؟؟؟

عموما أبارك لصديقينا جميعا الدكتور أشرف وارسي تعيينه كمعيد في قسم الباطنة ، وأشرف هو من الدفعة الأولى للكلية.

Cardiac Arrest

06-24-2004, 05:40 PM

Originally posted by dr_Lord
لكني سمعت بعض الاشاعات ان الدكتور كمران حميد والدكتور محمدنور حريري سيتركون قسم الباطنة والكلية، من سيبقى؟؟؟

اففففففففففففففففف

الكلام دا معناه انو احنا الي طالعين سنة رابعة حنروح في خمسمية وستين الف داهية :O:

ويصير القسم ب 3 دكاترة بسسسسسسسس

ياحبيبي :sad:

Dr.wrood2004

06-26-2004, 02:37 AM

تهانينا انه الباطنة موجودة في خامس ...

بس اذا دكتور كمران ودكتور حريري تركو القسم .. من حيدرس ؟؟
هو بخمسة وكان يادوب ماشي ...

لا حول ولا قوة الا بالله ...

نصيحتي لكل الطلاب اللي رايحين من رثالث لرابع
خذو صيفي على الاقل 3 اسابيع
اتدربو في المستشفى ... على الهيستوري والاكزمينيشن

اشتروا كتاب
history and physical examination
by
Nickolas Taily
واقرو فيه ...
وحاولو تطلبو من الاطباء الامتياز في المستشفيات اللي حتروحو لها انهم يعلموكم ..
حاولو تتعلمو هيستوري واكزامنيشن تمااااااام

عشان ما تضيعو اول اسابيع في التأقلم على جو المستشفى وطريقة معاملة المرضى

كنتو بتقولو اذا يعطوكم اسبوعين في البداية عشان تتأقلمو .. مع المستشفى
لكن هذا ما راح يصير ابدا
لذلك افضل انكم تنصحو اي طالب سنة ثالثة تعرفوه انه يروح المستشفى في الصبف
من ثالث الى رابع
ويتعلم هناك اساسيات التعامل في المستشفى
وبكذا تبؤو بجد من اول يوم لكم في الباطنة وما تضيعوه ابدا ...

ما اعتقد الاطباء الامتياز وخصوصا للي من جامعة ام القرى انهم يبخلو عليكم باي شيء ..
خصوصا انهم مرو وعانو بنفس اللي حتمرو بيه وتعانوه ...

اتمنى لكم التوفيق من كل قلبي ...

ولا ازال هنا ..
اتابع الموضوووع

تحياتي

Cardiac Arrest

06-27-2004, 12:39 AM

Originally posted by Dr.wrood2004
تهانينا انه الباطنة موجودة في خامس
نصيحتي لكل الطلاب اللي رايحين من رثالث لرابع
خذو صيفي على الاقل 3 اسابيع
اتدربو في المستشفى ... على الهيستوري والاكزمينيشن

اشتروا كتاب
history and physical examination
by
Nickolas Taily
واقرو فيه ...
وحاولو تطلبو من الاطباء الامتياز في المستشفيات اللي حتروحو لها انهم يعلموكم ..
حاولو تتعلمو هيستوري واكزامنيشن تمااااااام

عشان ما تضيعو اول اسابيع في التأقلم على جو المستشفى وطريقة معاملة المرضى

كنتو بتقولو اذا يعطوكم اسبوعين في البداية عشان تتأقلمو .. مع المستشفى
لكن هذا ما راح يصير ابدا
لذلك افضل انكم تنصحو اي طالب سنة ثالثة تعرفوه انه يروح المستشفى في الصبف
من ثالث الى رابع
ويتعلم هناك اساسيات التعامل في المستشفى
وبكذا تبؤو بجد من اول يوم لكم في الباطنة وما تضيعوه ابدا ...

ما اعتقد الاطباء الامتياز وخصوصا للي من جامعة ام القرى انهم يبخلو عليكم باي شيء ..
خصوصا انهم مرو وعانو بنفس اللي حتمرو بيه وتعانوه ...

اتمنى لكم التوفيق من كل قلبي ...

ولا ازال هنا ..
اتابع الموضوووع

تحياتي

راجعنا الكلية لطلب تدريب بالمستشفى وقوبلنا بالرفض

والتدريب متاح فقط لطلاب رابعة وخامسة وسادسة

والله يعين

Dr.wrood2004

06-28-2004, 02:02 AM

مرحبا اخي كاردياك اريست

لا تستسلم وحاول انك تطالب انت واللي معاك بالتدريب ..
بالعكس انتو احق بيه من خامسة وسادسة

الشيء الثاني
اذا والله ما قدرتو تتدبو
اشترو الكتاب وحاول تقرا ...
اذا تعرفو احد من طلاب الامتياز كلموه ... واسالوه ..

مهم انكم تقرو في الكتاب ده وتعرفو طريقته قبل الميديسن
على الاقل القراءة ....

اتمنى لكم التوفيق

معليش عزيزتي لولو
خرجنا عن الموضوع شوية ..

تحياتي

Cardiac Arrest

06-28-2004, 04:24 AM

Originally posted by Dr.wrood2004
مرحبا اخي كاردياك اريست

لا تستسلم وحاول انك تطالب انت واللي معاك بالتدريب ..
بالعكس انتو احق بيه من خامسة وسادسة

الشيء الثاني
اذا والله ما قدرتو تتدبو
اشترو الكتاب وحاول تقرا ...
اذا تعرفو احد من طلاب الامتياز كلموه ... واسالوه ..

مهم انكم تقرو في الكتاب ده وتعرفو طريقته قبل الميديسن
على الاقل القراءة ....

اتمنى لكم التوفيق

معليش عزيزتي لولو
خرجنا عن الموضوع شوية ..

تحياتي

بالنسبة لكتاب Talley
الكتاب جميل واسلوبه سهل
ولكن ماهو الأهم وماهو المهم وماهو غير المهم فيه ؟
غير كده هل كل شيء في تيلي لازم يتطبق؟
مثلا هل أي مريض يجيني لازم أسأله هو يشرب كحول ولا لأ؟؟
او
مثلا
حكاية انو الواحد يعرف نفسو للمريض
بعضهم يقول انو كثير من المرضى اذا قلتله انك طالب طب
يقوم يطردك !!

طيب ايش الحل؟؟
ياريت تفيدونا بالأحل الأمثل من واقع حياتكم العملية

و ياليت احد يساعدنا من الشباب الي خلصو من سنة رابعة او خامسة او سادسة
والبركة فيهم

وبالنسبة لموضوع التدريب
فنسأل الله ان يعيننا عليه ... لازالت المحاولات جارية

والسؤال الآخر

ايهما افضل للميديسن
أو بالأصح ايهما مفضل من قبل الدكاترة؟
Kumar
أم
Davidson?

وهل صحيح ان القراءة من كومار البوكيت كافية للنجاح؟؟؟

والسؤال الآخر

هل توجد كتب اخرى غير كتاب Talley
وتكون مدعمة بالصور بالنسبة للphysical exam?? (حطو خطين على حكاية الصور)
لأنه اكبر عيب في كتاب تيلي انه غير مدعم بالصور بشكل كافي
وماالفرق بين الكتاب والبوكيت؟؟

السؤال الي بعد كده
ماهي الأدوات التي نحتاجها للphysical exam?

سؤال آخر
هل يوجد كتاب للphysical exam
نستخدمه في السيرجري??

ماذا عن كتاب Browse??
طيب والنظري؟؟؟

طلب أخير من كلاب الكلينيكال

ياليت لو تخصصوا موضوع خاص
في هادا القسم
تكتبوا لنا فيه اهم النصائح والمراجع والكتب
وبعض النصائح بخصوص المشاكل التي واجهتوها في حياتكم العملية؟؟

dr_perfecta

06-28-2004, 11:00 PM

<center>
السلام عليكم...........

فعلا موضوع النقاش جميل جدا.......

اهلا بك دكتوره لولو.........وابدعت باداره الحوار الراقي
دكتوره وروود وماج.........تحياتي واحترامي كله لكم زمياتي العزيزات.....

تحياتي للجميع هنا........الذين رفعوا الحوار الى مستوى راقي

دكتورتنا لولو........الاخوان والاخوات ...تقريبا ما قصروا وقالو معظم اللي حا قوله............

بس اللي وصفتيه في موضوعك.......والصعوبات ...كلها اشياء طبيعيه بتحصل مع الدخول في السنوات السريريه.....

...النظام الجديد اللي طبقوه في سنتكم ........في رايي الخاص انه تركزي على الكلينيكال وحده فعلا افضل.......والاهم من كذة يديك فرصه افض انه تابعي مرضاك .......وفعلا الواحد بيتعلم اكثر بمتابعتهم..
.... اذا قرأت جاجة في ليله ....تقدري طبقيها مباشره في اليوم التالي .........هادا شيء حسيناه في سنه سادسه وخامسه لمن كان الكورس متصل.................

وردة فعل الدكاتره.......لمن بتسألوهم وبيضايقوا.....ولمن تجاوبا يستغربوا.ويتكلموا كلام يعني شويه مؤلم ..........ويقولو انتو ماقريتوه ..وكليتكم مادرستكم الشئء دا او ما اخدوه....تحصل كثير وحا تتكرر.......وحاتحسو انكم عندكم مشكله ......كل مايقوللو شيء او يسألوكم......ماتقدروا تدوا الاجابه المطلوبه ........وحاتزعلوا على نفسكم .........وتنصد نفسكم على القرايه.......لا سمح الله.........
المهم الموضوع عادي جدا.........المشكله موفيكم..........ومعظم المعلومات اللي يكتسبها الواحد في الكلينيكال.....تكون لانه اتسأل واعرف .......وراح يدور على الاجابه وحفظها..........المهم اهم حاجه مايحتاج انه الواحد يعصب نفسه او يتحسس من كل كلمه ولا اتحطم...ترى عالم الكلينيكال قاسي .....والواحدلازم يكون قده يشتغل.....وماييأس....يسال....ولو قابلوه بالصد...يشوف كل يوم ايش فيه حالات جديده ..ياخد هيستوري ويفحص ....يتابع المريض اللي امس شافه ...ايش عملوله من امس لليوم ......وليش عملوا له كده
حسسوا العالم انكم ....هنا عشان تستفيدوا يمكن احنا وانتو عارفين انه لو ما حنا نبغى نستفيد ونتعلم كان ماشافونا عندهم...بس دكاترة المستشفى محتاجينكم انتوا تحسسوهم انكم تبغوا تتعملوا وانكم تستحقوا انكم تتعلموا........
في البد سايد....لاتخافوا من تقديم الهستوري او الفحص للدكتور......كلنا هنا عشان نتعلم.....وكلنا جربنا انه لمن الدكتور يعدلنا اخطاءنا بنستفيد
انا عارفه انكم مانتم مقصرين بالعكس الله يحميكم ويوفقكم........بس هذي اشياء سألوني عنها بعض زميلاتنا طبيبات المستقبل في سنه رابعه..........واضفتها هنا........
:sun: :sun:

سؤالك ليش البعض يحب الكلينكال والبعض الاخر لا.........حقيقة....في اعتقادي مافي قاعده معينه
يمكن لانه زي ماقلت شخصيته عامل مؤثر.مثلا اللي يحب ..يكون في داخله محب للعمل الميداني.....وتطبيق اللي قرا عنه في الكتب .....وانه يجعل علمه مفيد على ارض الواقع........ايضا يكون عنده القدره في التصرف في مواقف الطوارىء والمواقف اللي ماتنطبق عليها كلام الكتب

اما اللي يكره الكلينيكال ....يمكن هو انسان يستمتع بالقرايه ......والمعرفه .......ويحس انه ما عنده القدره في التصرف في المواقف الحقيقيه......خارج الكتب.....

ايضا لو كان الانسان في شخصيته مايتحمل كلام الدكاتره .......والفشايل .........يعني حساس ممكن يتعقد في عمره

او ممكن تكون الظروف احد العوامل اللي تخلى الواحد يكره او يحب الكلينيكال
مثلا لو الواحد ماتوفرت له الامكانيات المناسبه اللي تساعده على فهم الباطنه مثلا ....يعني ....ما يرتاح للباطنه ويحس فيها صعوبه لانه مو فاهمها...........ويمكن يكرهها ........

طريقة المذاكره .......حقيقي ممكن لانه زي ماقلنا المذاكره المجديه تدي الواحد ثقه بنفسه ةتخليه مرتاح مع المادة ........
:sun:

طيب جاء السؤال المهم..........كيف هي طريقه المذاكره الصحيحه.........والله الاجابه صعبه.........
وما احد عنده الاجابه الشافيه..........
بس الواحد بعد يقرى موضوع وينتهي منه يراجعه مره تانيه في نفس الليله......ويتأكد انه استوعبه ....ويسأل عن اللي مو فاهمه.......ولايسيب نقطه مرة عليه من غير ما يستوعبها ..........التركيز في المذاكره مهم......وامر متعب ...بيس يستاهل انه الواحد يعطيه جهده....لانه حاينفعه .....وفعلا ممكن تسنغرق وقت طويل في المذاكره

عموما الكتب اللي ذكرتها الدكتوره وروود ممتازه......وهي اللي مطلوبه

بشأن اي كتب مفضله

Kumar
أم
Davidson?

معظمهم محاضراتهم كومار........
بس واحد او اثنين من دايفيدسون..........

من واقع تجربتي دايفدسون اعانني على فهم الكثير من الامور غير الواضحه في كومار.......

:sun: :sun:

اخيرا دعواتي للجميع ان يكون التوفيق حليفهم الدائم..........

واشكر دكتوره لولو على فتح الحوار.............

والسلام عليكم
:12: :12: :12:

DR.LOLO

06-30-2004, 02:13 AM

السلام عليكم ورحمة الله وبركاته

تحياتي للجميع
ومن جد شاكره لكم
وماتتصروا قد ايش انا سعيده بتفاعلكم معي
وسامحوني على التاخر بالرد
بس كنت مشغوله بالايام اللي مضت

اولا اختي د.ورود
الكلام اللي قاله اخي كارديك اريست
عن رفض الجامعه لتدريب طلبتنا قبل رابعه
انا عانيت منه السنه اللي مضت لدرجه اني اضطريت للتدريب بالمستشفيات الاهليه بس عشان اتعلم
بس الحق ينقال مافي ابدا زي مستشفياتنا الحكوميه

عالعموم اخي كارديك
حاول قد ما تقدر تستفيد من اجازتك
ولا تخلي رفض الجامعه لتدريبك
شي يحبطك
زي ماقالت د.ورود
اقرا واسال اللي اكبر منك
حاول تقول لاصحابك اللي اكبر منك
انهم اذا شافوا حاله مرضيه جيده والهستوري حقها تيبيكال
انهم يكتبوها لك
او يلقوها عليك
ولو القوها عليك , هالشغله ماتاخذ 5 او 10 دقايق
بس هالمعلومات لو رحت قريت بعدها
ما حتنسى ابد ابدا اللي تعلمته

اخي انت طلبت النصح
واهوه انا بقلك
المرحله القادمه من دراستك تعتمد على استخدام حواسك
حاول تسمع هستوري
حاول تشوف حالات مرضيه واذا ما تيسرت لك تفرج على صور
حاول تفحص المريض بيدك

يعني لازم الواحد عشان يكون شاطر بالكلينيكال
يكون ادمي فطن يلاحظ كل حاجه حواليه
يتعود على شوفة الحالات وايش مو طبيعي فيها
صدقني بس مره ثانيه تجيك حاله فيها نفس الفايندنج
حتعرفها على طووووووول

الكلينيكال شي جميل
ومهما واجهت الانسان مصاعب فيه
لازم يكون قوي
ويتذكر دايما انه هالمصاعب هيا اللي حطلعه طبيب ناجح يعرف مصلحة مريضه اللي هي اول واخر شي

بالنسبه للكتب حقة الباطنه
دافيدسون او كومار
حتسمع اراء كثيره تحيرك
موجوده كلها بمكتبة النور
روح حاول تطل عالكتاب وتقرا موضوع معين هنا وهناك
وشوف مين اللي ارتحت له اكثر
وعادة اذا الموضوع جاذبك وتبغى تفهمه حتفتح اكثر من كتاب وتقرا
لكن المشكله ايام الدراسه ضغط ومافي وقت للثقافه
فحاول قد ماتقدر تركز في المحاضره
تكتب ملاحظات مع الدوك
لاتخلي كلام اللي حواليك اللي كان بيصير احيانا لما يقولوا من فين نذاكر ومين حيحط الاسئله وووو
لاتحط هالكلام في بالك
اسمع كلام الدوك بفهم
سجل ملاحظاتك
روح اقرا من أي أي أي كتاب بهدف الفهم
صدقني حتجاوب في الاختبار

وعلى فكره مكتبة النور مكتبه جدا قيمه مفتوح بابها لكل مين
ولازم الواحد يستغل هالشي ويروح يقرا
وكنت من جد اتمنى انه احد نصحني فيها من قبل
بس اظاهر مو قد كذا الاقبال عليها

اخي كارديك اذا عندك أي سؤال حياك
احنا كلنا موجودين عشان نقلكم وش اللي تعلمناه

د.ورودالموضوع موضوعك ومانستغني عن وجودك
افتحي قد ماتبغي مواضيع واخرجي قد ماتبغي
انتي اكيد ماحتكتبي شي الا وانتي شايفه انه مهم

ولكي تحيه خاصه اختي د.بيرفكتيكا
نورتي الموضوع بردك
واكيد حاخذ بنصايحك

واتمنى على الله انه ربي يكتب لي تدريب معاكم
انتي ود.ورود وماج
عشان دايما بوجودكم احس بنظره امل وتفاؤل

وعندي سوال
انا بدرب الحين
لكن اللي مضايقني
كل ما سالني احد من الدكاتره
سنه كم؟؟؟؟؟؟
واقول رابع
ليه حرام متعبه نفسك
روحي نامي
ملحقه على الشغل
بيني وبينكم جابوا لي الاحباط
بس انا شايفه
بدل مااضيع وقتي بالبيت
ودامني حابه الشغل
وش فيها لودربت وتعلمت واستفدت
ياليت تشاركوني برايكم
تحياتي
د..لولو

Dr.wrood2004

06-30-2004, 05:58 AM

هلا دكتورة لولو ..

تفاعلك مع الردود رائع
واتمنى نطلع في النهاية بفايدة من النقاش الدائر هنا .. :)

بالنسبة للمستشفى و التدريب
اتدربي ..اذا اانت مستمتعة
كل م اخذتي هيستوري وفحصتي اكثر
كل ما صرت واثة من نفسك اكثر ..
بس مو لاخر الاجازة
خذي لنفسك اجازة
اعملي فيها حاجة غير الطب
على الاقل 3 اسابيع او اربعة
عشان ترجعي للدراسة بنفس مفتووووووحة :)

والله يوفقك يارب
:)

تحياتي

H@SSOOM

07-01-2004, 09:48 AM

ماشاء الله موضوع رائع

بدي اسال عن شي

الدكتوره لولو قالت
بس سؤال
ليش الجامعه رجعت النظام القديم
اذا هي شايف انه مافرقت هالسنه نتيجتها عن السنه اللي فاتت

هم دحين رجعوا للنظام القديم ولا لا؟؟

انا حطيت في بالي خلاص انه راح نستمر

فاذا كانوا راح يرجعوا للنظام القديم

قيبغالي اعيد حساباتي

فيا ريت تتاكديلنا يا دكتورة من كلامك

انا عن نفسي رغم اني لسا دوبي طالع من 3

اشعر انه النظام الجديد افضل

ويمكن سبب الرسوب الكبير

هو تغيير الجو فجأه من نظري بحت
لعملي بحت

والمشكله في بعض طلاب الطب انهم
من البيت للجامعه ومن الجامعه للبيت
وفي المكانين الكتاب في ايده
وكثير منهم مش متعودين على الحياه العمليه
ولا يقابل ناس كثير لانه كل يوم في البيت
يمكن اختلاف الجو هذا هو السبب

دكتورة لولو
اذا لم يسمحوا لنا بالتدرب في مستشفيات حكوميه؟

فهل التدرب في المستشفيات الخاصه يعتبر فكرة جيده؟؟؟؟؟؟؟؟؟؟؟؟؟؟؟؟

Cardiac Arrest

07-02-2004, 03:52 AM

Originally posted by H@SSOOM

دكتورة لولو
اذا لم يسمحوا لنا بالتدرب في مستشفيات حكوميه؟

فهل التدرب في المستشفيات الخاصه يعتبر فكرة جيده؟؟؟؟؟؟؟؟؟؟؟؟؟؟؟؟

اسمحلي على التدخل في الموضوع

هوا صحيح مسموح التدرب بيها

لكن مااعتقد انو الواحد يقدر ياخد راحتو زي ماياخد راحتو في المستشفيات الحكومية
لعدة اسباب
اولا الناس الي بيزورو المستشفيات الأهلية غالباً من الناس الي عندهم فلوس
اما الفقراء نادرا اذا حصلتهم

ثانيا اعتقدواتوقع انو كثير من المرضى حيرفض انو طالب يفحصه او يعمل له pyhsical exam
لأنه باختصار جاي ودافع فلوس عشان يدخل عند استشاري مو عند طالب
والشي الثاني انو المستشفيات الحكومية فيها مرضى يرفضو الفحص من طلاب فكيف بالأهلية؟

غير كده في المستشفيات الأهلية نادراً ماتجد دكاترة سعوديين
الأغلبية أجانب ومن النوع الي مشي حالك
إلا من رحم الله في قلة من المستشفيات
وغيرها الكثير

لكن ياليت تعطينا شي من تجربتك الشخصية :1:

عشان اعرف هل كلامي صحيح ولا لأ

واما الشيء الثاني الي انا مستغربه
ليش الجامعة ماصارت تعطي تدريب لطلاب السنة الثالثة؟؟

مع انها في العام الماضي كانت تعطي الشي دا لطلاب السنة الثانية !!!

================================

السؤال الي اوجهه للدكتورة لولو
وبقية طلاب وطالبات السنة الرابعة

بما انكم بتقولوا انو نسبة الرسوب متساوية لمن قارنوا النظام الجديد بالقديم
فايش ايش المشكلة الي حصلت من تغيير النظام؟

عن نفسي يمكن اغلب الي اعرفهم في سنة رابعة مبسوطين من النظام الجديد كنظام
لكن يمكن الي كان مضايقهم المرمطة مابين مكة وجدة
والروحة والجاية
إلى ومن مستشفيات جدة

غير كده لاحظت انو الكل تقريبا اجمع على انو النظام الجديد احسن بكتير
ولأسباب كثيرة

فليش الطلاب مبسوطين والطالبات زعلانين؟؟

dr_Lord

07-02-2004, 07:58 AM

السلام عليكم

ماشاء الله تبارك الله ، الموضوع بجد ساخن وفيه تفاعل من كثير من الطلبة.....

عندي تعليقات صغيرة ونصائح لطلبة ثالثة بالنسبة للتدريب في الصيف:

اولا اذا استمر النظام الجديد ، معناه انكم محا تبدأو الكلينيكال غير في محرم القادم ان شاء الله ، وشفت مستوى اصحابي اول ما بدأنا الكلينيكال اللي كانو متدربين في الصيف ومستوى الاولاد اللي كانو بادئين عادي. الفرق بس في التعود على جو المستشفى ، لانه بعض اللي تدربو في الصيف مر عليهم 3 اسابيع ما استفادو من شئ لانه محد علمهم ابسط الاشياء.
الكلينيكال محتاج شيئين مكملين لبعض ،، مهارات الطالب الشخصية (في اخذ التاريخ المرضي وفي الفحص وفي الثقة في الكلام مع المريض وطرح الاسئلة وربط المواضيع ببعضها). وهذا في رأيي اهم شي في الكلينيكال.
الشئ الثاني هو حفظ المعلومات وتذكرها ، وهذا شي يجي مع الوقت ، وكل يوم في المستشفى بيمر علينا بنتعلم شئ جديد. ومع القراءة المستمرة بيجي.

النصيحة اللي احس انها من جد نافعة لطلبة 3 هي زي ما قالت اختي الدكتورة ورود ، عليكم بقراءة كتاب تيلي وفهمه ، هادا راح يشيل منكم تعب 50% او اكثر من الباطنة.
الاخ كارديك اريست ، اذا سمحت تقدر تضيفني عندك في الايميل وانا اقدر ادلك على اشياء كثير تستفيد منها ان شاء الله في رابعة ، منها اخطاءنا والاخطاء اللي بيرتكبها معظم الشباب. الكلام لجميع طلبة السنة الثالثة ، انا حاحاول اساعدكم بقدر ما اقدر ان شاء الله ، وبرضه اصحابي في السنوات خامسة وسادسة والامتياز ما راح يبخلو على احد بشئ وانا متأكد من هادا.
عفوا على الاستطراد بعيدا جدا عن موضوع هذا النقاش ، وموضوع كيف نبدأ سنوات الكلينيكال مكتوب بالفعل في هذا القسم لكن للاسف ما كان فيه تفاعل كثير من الطلبة معه.

اعتذر على الاطالة وعلى الاسطراد ، واتمنى التوفيق للجميع

Cardiac Arrest

07-03-2004, 01:34 AM

Originally posted by dr_Lord
السلام عليكم

ماشاء الله تبارك الله ، الموضوع بجد ساخن وفيه تفاعل من كثير من الطلبة.....

عندي تعليقات صغيرة ونصائح لطلبة ثالثة بالنسبة للتدريب في الصيف:

اولا اذا استمر النظام الجديد ، معناه انكم محا تبدأو الكلينيكال غير في محرم القادم ان شاء الله ، وشفت مستوى اصحابي اول ما بدأنا الكلينيكال اللي كانو متدربين في الصيف ومستوى الاولاد اللي كانو بادئين عادي. الفرق بس في التعود على جو المستشفى ، لانه بعض اللي تدربو في الصيف مر عليهم 3 اسابيع ما استفادو من شئ لانه محد علمهم ابسط الاشياء.
الكلينيكال محتاج شيئين مكملين لبعض ،، مهارات الطالب الشخصية (في اخذ التاريخ المرضي وفي الفحص وفي الثقة في الكلام مع المريض وطرح الاسئلة وربط المواضيع ببعضها). وهذا في رأيي اهم شي في الكلينيكال.
الشئ الثاني هو حفظ المعلومات وتذكرها ، وهذا شي يجي مع الوقت ، وكل يوم في المستشفى بيمر علينا بنتعلم شئ جديد. ومع القراءة المستمرة بيجي.

النصيحة اللي احس انها من جد نافعة لطلبة 3 هي زي ما قالت اختي الدكتورة ورود ، عليكم بقراءة كتاب تيلي وفهمه ، هادا راح يشيل منكم تعب 50% او اكثر من الباطنة.
الاخ كارديك اريست ، اذا سمحت تقدر تضيفني عندك في الايميل وانا اقدر ادلك على اشياء كثير تستفيد منها ان شاء الله في رابعة ، منها اخطاءنا والاخطاء اللي بيرتكبها معظم الشباب. الكلام لجميع طلبة السنة الثالثة ، انا حاحاول اساعدكم بقدر ما اقدر ان شاء الله ، وبرضه اصحابي في السنوات خامسة وسادسة والامتياز ما راح يبخلو على احد بشئ وانا متأكد من هادا.
عفوا على الاستطراد بعيدا جدا عن موضوع هذا النقاش ، وموضوع كيف نبدأ سنوات الكلينيكال مكتوب بالفعل في هذا القسم لكن للاسف ما كان فيه تفاعل كثير من الطلبة معه.

اعتذر على الاطالة وعلى الاسطراد ، واتمنى التوفيق للجميع

أشكرك عزيزي على تفاعلك وومساعدتك وسأحاول اضافتك على الماسنجر عندي
بس ان شاء الله احصل ايميلك في الملف الشخصي
وسامحونا على الخروج عن الموضوع

بس برضو عزيزي د.لورد
محد جاوبني على سؤالي الي موجود في ردي السابق

السؤال الي اوجهه للدكتورة لولو
وبقية طلاب وطالبات السنة الرابعة

بما انكم بتقولوا انو نسبة الرسوب متساوية لمن قارنوا النظام الجديد بالقديم
فايش ايش المشكلة الي حصلت من تغيير النظام؟

عن نفسي يمكن اغلب الي اعرفهم في سنة رابعة مبسوطين من النظام الجديد كنظام
لكن يمكن الي كان مضايقهم المرمطة مابين مكة وجدة
والروحة والجاية
إلى ومن مستشفيات جدة

غير كده لاحظت انو الكل تقريبا اجمع على انو النظام الجديد احسن بكتير
ولأسباب كثيرة

فليش الطلاب مبسوطين والطالبات زعلانين؟؟

Dr.wrood2004

07-03-2004, 04:18 AM

Originally posted by dr_Lord
السلام عليكم

ماشاء الله تبارك الله ، الموضوع بجد ساخن وفيه تفاعل من كثير من الطلبة.....

عندي تعليقات صغيرة ونصائح لطلبة ثالثة بالنسبة للتدريب في الصيف:

اولا اذا استمر النظام الجديد ، معناه انكم محا تبدأو الكلينيكال غير في محرم القادم ان شاء الله ، وشفت مستوى اصحابي اول ما بدأنا الكلينيكال اللي كانو متدربين في الصيف ومستوى الاولاد اللي كانو بادئين عادي. الفرق بس في التعود على جو المستشفى ، لانه بعض اللي تدربو في الصيف مر عليهم 3 اسابيع ما استفادو من شئ لانه محد علمهم ابسط الاشياء.
الكلينيكال محتاج شيئين مكملين لبعض ،، مهارات الطالب الشخصية (في اخذ التاريخ المرضي وفي الفحص وفي الثقة في الكلام مع المريض وطرح الاسئلة وربط المواضيع ببعضها). وهذا في رأيي اهم شي في الكلينيكال.
الشئ الثاني هو حفظ المعلومات وتذكرها ، وهذا شي يجي مع الوقت ، وكل يوم في المستشفى بيمر علينا بنتعلم شئ جديد. ومع القراءة المستمرة بيجي.

النصيحة اللي احس انها من جد نافعة لطلبة 3 هي زي ما قالت اختي الدكتورة ورود ، عليكم بقراءة كتاب تيلي وفهمه ، هادا راح يشيل منكم تعب 50% او اكثر من الباطنة.
الاخ كارديك اريست ، اذا سمحت تقدر تضيفني عندك في الايميل وانا اقدر ادلك على اشياء كثير تستفيد منها ان شاء الله في رابعة ، منها اخطاءنا والاخطاء اللي بيرتكبها معظم الشباب. الكلام لجميع طلبة السنة الثالثة ، انا حاحاول اساعدكم بقدر ما اقدر ان شاء الله ، وبرضه اصحابي في السنوات خامسة وسادسة والامتياز ما راح يبخلو على احد بشئ وانا متأكد من هادا.
عفوا على الاستطراد بعيدا جدا عن موضوع هذا النقاش ، وموضوع كيف نبدأ سنوات الكلينيكال مكتوب بالفعل في هذا القسم لكن للاسف ما كان فيه تفاعل كثير من الطلبة معه.

اعتذر على الاطالة وعلى الاسطراد ، واتمنى التوفيق للجميع

مرحبا اخي د.لورد ..
سعيدة لتواجدك هنا
وسعيدة لحبك ايصال العلم الذي تعلمته لغيرك
وارشادهم للأخطاء حتى لا يقعو فيها ..

اخي ما رأيك ان تعلم الجميع هنا في المنتدى بدلاً من الماسنجر ؟
كي يقرأ الجميع ما تود تقديمه
فيصبح علمك مما ينتفع به من قبل الجميع..

تعلم ان المنتدى يتصفحه كثيرون مسجلين وزوار
والبعض لا يملك ماسنجر
فكيف يتمكن من اضافتك ؟؟
وموضوع اسئلة الكلينيكال مفتوح
ممكن حضرتك تتبرع وتكتب مالديك فيه
اكيد كل كلمة حتكتبها حتكون مفيدة للجميع ..

بانتظارك هناك
وبارك الله فيك
تحياتي

paracetamol

07-03-2004, 04:37 AM

السلام عليكم ورحمة الله وبركاته
غلبتني اللهفه للكتابه في الموضوع رغم الاعياء الذي بي(بالرغم من مرور اسبوووووووووع من الاجازه)
تحياتي للجميع وخصوصا الاخوات والاخوان الاكبر منا سنا ويسعدني كثيرا انهم بيفيدونا بتجاربهم وارائهم التي دائما عونا لنا
خلينا نرررررررررررررجع لللموضوع
هل نظام العام ام السنه كان افضل

اول مابدائت السنه واقترح النظام حسيت انه حيكون افضل من نظام العام( نظريا) لأنه على قول الدكاتره لازم يكون الواحد عارف المرض قبل ما ينزل المستشفى ويشووفوه
ولكن تعالوا شوفوا لمن طبق النظام عمليا كيف كان الوضع :
طبعا قبل ماتبدء رابعه كان الكل متوقع انه خلااااااااااااااااااااااص حنبدء مستشفى ,يعني حنبدء عملي , يعني مع السلامه حفظ وبس
لكن اتفاجئنا بالنظام الجديد كان يضم الترم الاول نظرررررررري والترم التاني مستشفى
وبدئنا ناخذ 3 موادنظررررررررررري بس ,بس اييييش في مواد تقريبا كل يوم ناخذها والبعض يوم بعد يوم وشووووووفوا كم موضووووع ناخذه في اليوم ,يعني بجانب الملل الذي يصيبك من كثر الساعات اللي حيعطووكم هيا لاء كمان حتلاقي نفسك مخلص كم شبتر على نهاية الاسبوووووع والشاطر يلحق يذاكرها هذا الى جانب انعدام الدافع نحو قرائة هذه الشباتيررر
وبعد كده ( الترم التاني ) بدائنا اسبوعيين راديولوجي وبعد كده 6 اسابيع باطنه ...........خلص كورس الباطنه
بصررررررررررررررراحه ماحسيت اني درست باطنه هادي الماده اللي اسمع دايما انها وانها , ولو عملتوا مقارنه بين منهجنا ومنهج الدفعه الماضيه حتلاقووووووووه مواضييع كثيره هما اخذوها ونحن لم يسمح لنا الوقت باخذها
ثم أهل كورررررس الجراحه كان من امتع الكورسات ولكنه كان متعب جدا ,والسبب حصروه في 6 اسابيع كأخييه الباطنه
واعتراف من أعضاء هيئة التدريس باننا نحن وهما تعبنا مره في هذا الكورس,وان سبب تدني الدرجات في النصفي هو عدم تخمر المعلومات بسب قصر الكورس
وبعد كده بدء الصيفييييييي (لا تعليييق)

بالله كييف ينظر للنظام بانه افضل من نظام العام وبه كل تللك العييوب التي ذكرتها ممكن هو غطى على بعض عيوب النظام القديم لكنه كان اكثر عيوبا من سابقه
كيف ينظر اليه بانه افضل وهو سبب في رسوب ثلث الدفعه من البنات ,(دفعه ينظر اليها الجميع بانها من افضل الدفع) علما بان الرسوب بالنسبه للطالبات في العام الماضي كانت طالبتيين ( على مااعتقد)
وعند سؤالي لطالبه عائده السنه عن هل كان نظام العام افضل ام نظام السنه ؟
اجابت لاء العام ,صح كنا متبهدليين بس احسن بكتيير من بهدلت السنه.
على حد اعتقادي انها افضل من يستطيع الحكم على النظميين

وبالنسبه للاخوااااااااااااااااااان كارديك اريست وحسوم وطلاب السنه الثالثه فان التدريب في المستشفيات الخاصه غير مفيد على حد تجربتي والافضل انكم تتسلو بكتاب تيلي واطلبوا االنصح ممن هم اكبر منكم في معرفة الاشياء المهم قراااااااااااتتها
رجااااااااااااااااااااااااااااااااائي الا خير الا يتم تطبيق هذا النظام على السنه القادمه
دعواتي القلبيه للجميع بالتوفيق

Dr.wrood2004

07-03-2004, 05:02 AM

اعتقد كنا بنفس طريقتكم ..

6اسابيع للباطنة و6 للجراحة
بس الفرق انها يوم ويوم ..
واننا كنا مشتتين وضايعين
نذاكر هنا ولا هنا
نظري ولا كلينيكال
:t:
وغير كدة الكلينيكال يحتاج حفظ كثيييييييييير
يحتاج تحفظي كومار كله
وهذا راح يصير ان شااءلله في خامس وسادس
وبرضو حتنسيهم مع بداية الاجازة
:J:
لازم مراجعة مستمرررة

الله يعين
بس ان شاءالله سنة خامس تكون افضل كثييييييييييير

:sun:

أطيب أمنية

dr_perfecta

07-03-2004, 11:51 PM

Originally posted by dr_Lord
السلام عليكم
بالنسبة للتدريب في الصيف:

وشفت مستوى اصحابي اول ما بدأنا الكلينيكال اللي كانو متدربين في الصيف ومستوى الاولاد اللي كانو بادئين عادي. الفرق بس في التعود على جو المستشفى ، لانه بعض اللي تدربو في الصيف مر عليهم 3 اسابيع ما استفادو من شئ لانه محد علمهم ابسط الاشياء.
الكلينيكال محتاج شيئين مكملين لبعض ،، مهارات الطالب الشخصية (في اخذ التاريخ المرضي وفي الفحص وفي الثقة في الكلام مع المريض وطرح الاسئلة وربط المواضيع ببعضها). وهذا في رأيي اهم شي في الكلينيكال.
الشئ الثاني هو حفظ المعلومات وتذكرها ، وهذا شي يجي مع الوقت ، وكل يوم في المستشفى بيمر علينا بنتعلم شئ جديد. ومع القراءة المستمرة بيجي.

كلام واقعي جدا.......وصحيح
في رايي الشخصي انا متفقه مع هذا الكلام.........مئه بالمئه.....
وحقيقه ماني متحمسة لفكره التدريب الصيفي لسنه ثالثه..........
لانه زي ماقال الدكتور لورد.........محتاجين احد يعلمهم.......ويجلس معاهم ويعلمهم الاساسيات........وهذا امر من النادر توفره في دكاتره وزاره الصحه...........

عموما.........البدايه الكويسه في الكلينيكال في سنه رابعه...المذاكره والقراءه....والتطبيق.التفاعل مع المريض ان شاء الله تساعد كثير
وعموما شعارنا في المذاكره ........التكرار يعلم الشطار
:eye:

و احب اضيف .........انه الكينيكال هو علم وعالم ممتع.......فعلا ماهو اصعب شيء في العالم وماهومستحيل....... لكن باجتياز الصعوبات تحلي الذكريات.
وكل طالب طب....يتشوق لليوم اللي تطأ قدمه المستشفى
........ولمن يجي هذا اليوم.......يعرف انه اقدم على الاختيار الصح........ولمن يشوف انه مع المريض ....وبدا يكسب ثقة المريض. يعرف اته هذا المكان اللي المفروض يكون فيه ......مساعدة المرضى .
.....

وفي النهايه كل ماقلته هو فقط راي شخصي وان اختلف مع البعض فهو لان التجارب تختلف باختلاف اصحابها .........واختلاف الظروف

وليس لانه الراي الاصح
وشكرا...........

dr_perfecta

07-04-2004, 12:16 AM

Originally posted by paracetamol
وبعد كده 6 اسابيع باطنه ...........خلص كورس الباطنه
بصررررررررررررررراحه ماحسيت اني درست باطنه هادي الماده اللي اسمع دايما انها وانه
دعواتي القلبيه للجميع بالتوفيق

paracetamol
اهلا

اختي الكريمه ........متاكد من صحة ماتقولين.....لقد تعبتم كثيرا.........
بالنسبه للباطنه......حتى مع النظام اللي درسنا بيه .....الواحد. بيجيه نفس الاحساس .....
عموما يمكن هذي الحال

.لكن دراسة مواد النظري مع الكلينيكال........هومن الامور التي لا اريد ان تتكرر في حياتي مره اخرى

وبالعكس انظلم الكلينيكال يتواجد النظري.ما كنا نقدر نراجع بالطريقه نفسها لو كان عندنا كلينيكال بس........وما كان لاي معلومه تتقدر تتخمر
وبعد هذا كله كان الكورس غي 6 اسابيع.............

وان شاء الله يقدم اللي فيه الخير لنا وللسنوات اللي بعدنا............

paracetamol

07-05-2004, 01:47 AM

أختي الحبيبة بيرفيكتا
والله هذا احساسي ........ماأدري لييش
من ناحية الأستفاده موالتعب
طبعا معكي الحق في ان رأي أي طرف منا لايعتبر هو الراي الأصح, بل هو نابع من خلال راييته الشخصييه وحكمه على الأمور
بس الغريب انه معظم البنات في كلاسي كانوا مستائيين من النظام .......... وتقريبا الكل هنا مؤببد
يمكن كلا النظاميين بهم بعض العيوب وكل منا حينما فضل نظام عن الأخر كان بسب نظرته لهذا العيب
في رأئ يستحسن ان يوضع نظام اكفء من النظاميين السابقيين :
فكرة الأخ TNT جيده
كونهم ينزلوا الطلاب من بداية السنه يعطوهم فكره عن الوضع وكيف المفروض يفكروا ويتعاملوا مع المرض --,فكره ممكن تحل بعض مساويء النظام الجديد
واللي عنده افكار اخرررى ياليت مايتردد باقتراحها
مره اخررره اكرر شكري لكن أخواتي الكبيرات د.بيرفكتا ود. ورود
وأتمنى دائما الا تحرمونا من خبراتكم وعطفكم..............
تحياتي.....................................

Cardiac Arrest

07-05-2004, 03:02 AM

Originally posted by Dr.wrood2004
مرحبا اخي د.لورد ..
سعيدة لتواجدك هنا
وسعيدة لحبك ايصال العلم الذي تعلمته لغيرك
وارشادهم للأخطاء حتى لا يقعو فيها ..

اخي ما رأيك ان تعلم الجميع هنا في المنتدى بدلاً من الماسنجر ؟
كي يقرأ الجميع ما تود تقديمه
فيصبح علمك مما ينتفع به من قبل الجميع..

تعلم ان المنتدى يتصفحه كثيرون مسجلين وزوار
والبعض لا يملك ماسنجر
فكيف يتمكن من اضافتك ؟؟
وموضوع اسئلة الكلينيكال مفتوح
ممكن حضرتك تتبرع وتكتب مالديك فيه
اكيد كل كلمة حتكتبها حتكون مفيدة للجميع ..

بانتظارك هناك
وبارك الله فيك
تحياتي

أتفق مع الدكتورة ورود في ماقالته :SS:

DR.LOLO

07-06-2004, 02:46 AM

السلام عليكم ورحمة الله وبركاته

تحياتي للجميع

واعترف لكم اني مقصره
لكن والله مو بكيفي
الشغل بالمستشفى يخلي الواحد يرجع تعبااااااااااااااان وما فيه حيل يسوي شي
غير اننا في اجازه ولابد من الالتزام بالمناسبات
عالعموم اعيد واكرر اسفي عالتاخر بالرد

وانا جدا سعيده بهالتفاعل

شكرا د. ورود رفعتي معنوياتي شوي
وانا فعلا تاركه اخر 3 اسابيع اجازه ليا

واخي حسوم
من جد اسفه اني مارديت عليك من اول
اخي انا قابلت د.مايسه
واكيد انت تعرفها في يوم نتايج الباطنه
وهي قالت لي وبكل تاكيد انه حيرجع النظام القديم
وافتكر واذا ماني غلطانه حتى قسم الجراحه لما تناقشنا معاهم في التعب اللي تعبناه بالكورس , كانوا بيقولوا انه حيرجعوا للنظام القديم بس باذن الله اذا تاكدت برضوا حعطيك خبر
بس سستم نفسك انه النظام القديم االي حيمشي لانه هذا هو غالب الظن

ومن جد عجبتني النقطه اللي اشرت لها
اللي هيا تغير نظام الدراسه هو سبب الرسوب
وهذي نقطه مره مره مره مهمه
لابد اننا كطلبه نتناقش فيها
فعلا كلامك صحيح ميه با لميه
لما ناظرت بالبنات اللي رسبوا عندنا
كان فيهم البعض اللي كريف مذاكره وطول الوقت يقرا من الكتاب
هذا بغض النظر عن مقدار مايستوعبوا بالمحاضره
بس بالبيسيك كان حالهم ماشي كويس
ولما طلعوا للكلينيكال ماقدروا يستوعبوا هالتغيير
لسع بيركزوا عالدراسه النظريه اكثر
وبالتالي كانت نتيجتهم مخيبه للظن

اهوه الحين يقدر الواحد يجمع النقاط اللي ادت الى فشل تجربة دراستنا
واحداها اللي طرحتها انت عدم قدرة الطالب على تغيير مفاااااجئ لنظام مذاكرته من نظري لعملي
بالنسبه لحكايه الخاصه والحكوميه
اكيد فيه فرق
بس انت لما تحطها بالميزان
انه ياتقعد بالبيت ياتتدرب بمستشفى خاص حتروح تتدرب

شوف اخي
حاول تحط في بالك على طول وقدام عينك
انه كل انسان لديه القدره على التعلم وتحصيل اكبر قدر من المعلومات في أي مكان ينحط فيه , امشي وقول لحالك ابغى اتعلم من كل شي اسويه مهما كان صغير حتى لو تعلمت شي واحد في كل يوم
اخي عشان تتعلم باي مستشفى تحتاج لكم شي

اولا الرغبه الحقيقيه باستغلال كل دقيقه في تعلم معلومه
مو معناة هالحكي ان الواحد يكون ثقيل دم طول النهار يفكر في الدراسه وبس
لا
حاول ماتخلي أي شي او أي تصرف مهما كان صغييييير يمر عليك كذا
اسال ليه ؟؟؟؟ وكيف ؟؟؟؟؟ واذا مافهمت اسال واسال كمان

ثانيا الجرؤه وماتستحي في طرح أي سؤال حتى لو شلت هم انه هالمعلومه معروفه او خفت احد يضحك عليك
صدقني اخي يضحكوا عليك وانت طالب وخطاك مغفور احسن الف مليون مره من لو ضحكوا علينا واحنا دكاتره
وبقلك هيا من تجربه
عارف ايش اللي يفرق طالب عن طالب بالعملي
مو قد ايش يقرا بس
لا قد ايش هو فضولي وجرئ ويبغى يتعلم
وللاسف هالشي الكثير من الناس يفتقدونه بس بظني انه الواحد لو عرف عيبه من ذلحين راح نص المشوار , الباقي انه يحاول يتغلب على هالشي ويدرب نفسه

ثالثا توفر دكاتره متعاونين وهالشي مو بيدك
حاول تجرب كل دوك. بطرح سوال عليه وحتعرف نوعيته من اجابه السوال لكن اقلك معلومه قلي اياها الدكتور المدير بالمستشفى الخاص اللي كنت ادرب فيه
حاول يوديني عيادة الباطنه وكان الدوك. اللي بعيادة الباطنه مصري ومايحب يحكي ومن جد غير متعاون بس قلي المدير كلمه قبل ما ادخل العياده
بصي يابنتي العلم عاوز له غلاسه يعني حاول تتعلم قد ما تقدر بغض النظر عن سوء اخلاق الدكاتره

رابعا المرضى
وهالشي يختلف من شخص لاخر
اكثر من فرق مستشفى حكومي لاهلي
وجايز ماتصدقني اني لو قلت لك انه معظم المرضى اللي بالمستشفى الخاص اللي رحت له كانوا ناس بسطاء محتاجين اضطرتهم الظروف للجوء لهالمستشفيات
والله ومااكذب عليكم اكثر شي تعلمته ومن جد المني وكان يقهرني
انك تشوف كيف هالمستشفيات تضحك على المريض وتحاول تنسف فلوسفه نسف
ما همها الا كيف تطلع باكبر قدر من المال عشان تدفع رواتب الدكاتره

اخي كارديك
مدري ليه احنا مو مبسوطين
انا عن نفسي مقهوره على زميلاتي اللي حسيت بعضهم ما يستاهلوا الرسوب
غير انه انا اؤمن بان الانسان لا يتعلم الا بوجود سبب
وما عندي استعداد اقعد اقرا في كتب نظريه بحته من غير ما اربط هالكلام بمريض
فكان اريح لي وجود العملي مع النظري
عالعموم قليل جدا اللي ايّد هالفكره وانا احترم وجهة نظرهم
بس ليه اخواني الطلبه مبسوطين
بصراحه مدري ليه ؟؟؟؟ لو احد منهم يجاوبنا نكون شاكرين

اخي د.لورد
احنا بنحاول نتناقش باي شي يدور حولين الموضوع حتى لوكان مو قد كذا قريب
اهم شي طلاب 3 يستفيدوا

بس سؤال
احنا تعبنا في تيلي وكنا بالمستشفى
فما بالك لو قروها هم كذا من غير شوفة مريض؟؟؟؟ انا قلت لهم حاولوا تطلبوا اللي اكبر منكم دايم يسمعوكم هستوري وشوفوا صور بكتب عشان تتخيلوا كيف كل شي ماشي

______________________________________
ولمن يجي هذا اليوم.......يعرف انه اقدم على الاختيار الصح........ولمن يشوف انه مع المريض ....وبدا يكسب ثقة المريض. يعرف اته هذا المكان اللي المفروض يكون فيه ......مساعدة المرضى
______________________________________
ايه والله انك صادقه يابيرفكتيكا
كنت قبل رابعه لاني من اللي يحبون الطب او يكرهونه
بس بعد ما بديت عملي
صار هو كل شي في حياتي ومن جد تحسي باهميتكي كفرد
الحمد لله انه بلغني هاليوم وعقبال اخوانا واخواتنا الصغار

لكم خالص تحياتي
واتمنى من جد انه بنهاية هالنقاش نكون جمعنا اكبر عدد من النقاط اللي نقدر نفيد فيه جامعتنا ونحقق تغيير للدفع الجايه

د.لولو