ماذا حدث يوم المقابلة الشخصية

[Dr.dream]

بسم الله الرحمن الرحيم

نداء عاجل لكل من حضر للمقابلة الشخصية لعام 1425--1426


أتمنى منكم كتابة ماحصل لكم بالطريقة اللي تعجبكم ((كومدي--آكشن--رومنسي)) على كيفك



وسأبدأ



في داك اليوم كنت نايم على أساس أقوم الساعة 6:00 علشان أروح بدري المهم حطيت(( الجوال +الساعة المنبهه+كلمت الإستقبال يصحوني +كلمت صاحبي يصحيني معاه +كلمت أهلي يصحوني لأني كنت مستأجر في فندق )) بعدين
صارت الساعة 6:00
كل اللي قـــلـت لـكـم عليهم حاولوا يصحوني لكن بلا فائدة
كأني الأمير النايم دق الجول والساعة والباب والناس تصيح والحاله فوضى عارمة
لكن تخيلوا حضرتي ما صحيت إلا الساعة 7:15 بالتمام والكمال :aa:
صراحة كنت بأنهبل
والحقيقة ماقصر صاحبي يوسف ركبت معاه في السيارة وطار زي الطيارة
توقعت إن الإختبار للمقابلة حلم وطار
ولكن عدى بسلام

آسف على الإطاله
:15:



أخوكم
Dr.dream

[AL-rahiiiib]

بسم الله الرحمن الرحيم
أولا الحمدلله رب العالمين على كل شي دخلنا المقابله هوه كلجنا قليل حتى مو قليل كثير لكن عدت الحمدلله وإن شاء الله يكون عند الدكاتره نظر أححححححححححححم ويعطوني درجه
مو لازم كامله هههههههههههههههههههههههه
أصلا اليوم ما دخلنا المقابله إلين أنقلبت أحولنا وأختلف حالنا فين لما جيت الصبح ما ربطت حزام الامان عشان مايعدم الغتره ههههههههههههه
ولما دخلت وقت المقابله 2:30 كانت الغتره وصاحبها معدومين والثوب والدنيا وتكليج وكلام ما أدري كيف طلع
يعني الشغله اليوم محيوسه بس خليها على الله
أدعولي وأدعوا لكل الي قدموا لانهم والله تعبوا ويكفيهم الوصول إلى هذا المستوى المتقدم من محلة التقديم
والله يختار الي فيه الخير للجميع إن شاء الله
والسلااااااااااااااااااااااااااااااااااااااااااااا اااااااااااااااااااااااااااااااااااااام ختاااااااااااااااااااااااااااااااااااااااااااااااا اااااااااااااااااااااام

[H@SSOOM]

لسلام عليكم


هههههههه واضح انكم تعبتوا


لكن الحمد لله ان شاء الله يكون الموضوع عدا على خير


شور رأيكم لو تكتبوا ما حدث اثناء المقابله نفسها؟؟؟؟؟؟؟ظ


يعني شو المواضيع الي اتكلمتوا فيها؟؟؟؟؟؟؟؟؟؟؟؟؟؟؟؟؟؟


وممكن تكتببوا برضو الاسئله الي مرت بيكم في اختبارات القبول

او نبذه بسيطه عنها


عشان تنفعوا الاجيال القادمه

وبالتوفيق

[Dr.dream]

المقابلة ببساطة كانت منتهى الروعة مع إنها كانت أول مقابلة شخصية بالنسبة لي إلا إنها كانت الأروع
ماراح أطول عليكم
أعطونا أرقام بالألوان شي حلو
بعدين إنتضرنا شوي
لا موشوي إنتضرنا كتير
أنا مجموعتي (موف) اللون طبعاً (F)

إستقبلنا


د.محمد رئيس قسم العلوم الطبية

د.عبد السلام رئيس قسم الباطنية


على ما أعتقد

المهم

تتكون المجموعة من 8 متقدمين
نجلس بشكل نصف دائره
والدكاتره قدامنا
يطرح الدكتور موضوع معين
ويشغل المسجل
ونبدأ في الكلام
طبعاً الدكاترة عارفين أسمانا
على صدر كل واحد أسمه
الشخص اللي يقعد ساكت يوجه الدكتور له سؤال
:15: هنا المصيبه
عشان كدا لازم تتكلم كتير
والدكاتره عمال يقيموا (يكتبوا الدرجات)و
هذا الموضوع بكل بساطة


آه نسيت

الموضوع كان عن السعودة

آسف على الإطاله



دمتم سالمين:wooow:

[Cardiac Arrest]

Originally posted by Dr.dream



د.محمد رئيس قسم العلوم الطبية

د.عبد السلام رئيس قسم الباطنية



د.محمد طاهر طيب
رئيس قسم العلوم الطبية

د.عبدالسلام نور ولي
رئيس قسم الباطنة


:o:

[Dr.Shark]

بسم الله الرحمن الرحيم
أولا : أبغاكم تباركولي عشان الحمد لله أنقبلت بالطب
ثانيا: أسمعوا ايش صارلي
يوم المقابلة
قمت طبعا صليت الصبح و بعدين قعدت على النت الى الساعة6 وبعدها لبست وقمت مع أخويا وسيم الجامعة الله يشفيه كان أصباعه مكسور و ماشي بالعكاز
المهم دخلنا الجامعة من الجهة المعامل الجديدة و دخلونا القاعات نستنا كانت الاسئلة و الستبيانات بسيطة نوعا ما حيث تصور وضعك في الحياة المهم وجاء نبيل المصور وصورنا يعنني نجاوب
المهم جيكم الخبر الأعظم نقلونا الى المقر الرئيسي للكلية ودخلونا
قاعة نستنا ونستنا ونستنا ونستنا
الله لا يوريكم أنا قلت لنفسي شكلها مطوله و أميل الشماغ و أدعسلها نومه الى الساعة 2.5 بعدين جاني الدكتر حسووووم يتكلم معايا أتكلمنا شوية وسلمنا على بعض فجئة جاء اسمي مو معقول المهم ظبط الشماغ و كل شي سريع و دخـــلــــــنــــــا
كنا تسعة وكان الموضوع عن السعودة عاد لازم من الفزلكة لازم دخلوا معايا 3 بدو وواحد شكلة أصله سوري وواحد تخين شويه لكن دماغة تمام ماأدري مين والله
خرجت من المقابلة وحاسس إن دماغي أستنزفت و أن سويت تمام
خرج واحد من الي كانو معايا وسألني عن أسماء الدكاترة الي كانوا معانا لكن علمي علموه وقلي و الله إنك أكلتنا و بكدة كانت الساعة 3.40
دقيقة تماما اي خلاص أنتهيت

[H@SSOOM]

هههههههههههههههههههههههههههههه

ماشاء الله

اهلا بيك منووووووور يا اخي

بعدين بصراحه انا حزنت عليك لما شفتك نايم في القاعه

قلت افوقه لا يدخل ينام لهم هناك


وبعدين لا تنسا انه انا الي لبستك الشماغ


ولا كان مداك ما انقبلت دحين

:LL:


قلي شكرا يا اخي

:wooow:

[2sweet4ever]

السلام عليكم ورحمة الله وبركاته
اتمنى انكم تاخذون امر المقابله الشخصيه كامر مهم جدا من كل نواحيه لاني انا زميلكم من طلاب السنه الاولى علوم طبيه وتخرجت من الثانويه بنسبة 95.25 وقدمة بكلية الطب واجتزت جميع العقبات الي قدامي من كل الاختبارات لكن المقابله الشخصيه كانت العقبه الاكبر في حياتي وما راح انساها طول حياتي طبعا انا دخلت المقابله الشخصيه وكنت خايف جدا هذا الكلام طبعا عام 1424 - 1425 يعني العام وكنت خايف كنت لحالي وما كان احد معي من الربع لاني سكنت بمكة الحبيبه قبل العام كنت بالرياض قلت لشباب بالرياض يقدمون معاي لكن محد جا وياي فكنت شايل هم لو انقبلت كيف راح اتعرف على الشباب وكذا يعني امور الواحد مو محتاج يفكر فيها لاكن كنت بلحالي فالي صار انهم يوم المقابله طبعا اول شي اختبرونا اختبار تحريري اسئله عاديه واختيارات لكن ما كتبت فيها حتى عملناها بالقاعات الجديدة ثم بعدين خلونا نروح الكيه وكانت الطريقه انهم قسمونا 6 مجموعات كل مجموعه فيها 10 اشخاص وكل مجموعه لها قاعة ام سي خاصه ولهم دكتورين والطريقه كانت انهم جمعونا كلنا العشرة فكلاس واحد وقالولنا تكلمو عن التامين الصحي فالسعوديه طبعا كان عددنا عشر اشخاص والجرأة تختلف من شخص لشخص طبعا انا انسان مش جريء لهذي الدرجه وانا اميل الى الانطوائيه بشكل كبير طبعا دفعت ثمن هذا الشي غالي وحولوني بعد المقابله الشخصيه من الطب الى العلوم الطبيه والحمدلله على اي حال هذا نصيب والله كاتبه وفي شباب اخذو اوت من الكليه والي عملولي المقابله الشخصيه هم الدكتورين رئيس قسم الجراحه ورئيس علم الادويه والسموم ولم يحالفني الحظ بقبولي بطب لكن حمدلله شديت حيلي وتم تحويلي قبل شهر فالي احب اقوله انو مو ضوع المقابله الشخصيه موضوع كبير واتمنى ان الكل يشيله على محمل الجد تحياتي

[Dr.Shark]

خلينا نروي القصة من ستعدو للروتين و القرف:
الإسم: أحمد عبد العزيز عالم
المدرسة: الحسين بن علي الثانوية بمكة المكرمة الواقعة في شارع الستين أمام بنشر بنشر أبو زكي
مكان الميلاد :مكة المكرمة وذلك بمستشفى الولادة بجرول في غرفة رقم الدور قدام الشارع
الحالة: متخرج من الثانوية العامة بنسبة أخرطلو%و الحمد لله هذا بفضل الله أعزب غير متزوج
دخلت المقابلة الشخصية وخرجت وقبلت بكلية الطب
و السلام عليكم و رحمة الله و بركاته

[LaDy]

:d: :d:


سلامو عليكو


ازيكو؟؟


اممممممممممممممممممم



بالنسبه ليوم المقابلة..((الله لا يعيده من يوم))

:aa:
من صباح الله خير وانا صاحيه قلقانه ..... مدري أصلا نمت ديك الليله ولا لأ؟؟
:aa:


ما أبغى افتكر شو عملت ......:sad:




المهم : يــــــــــــــوم وعدا الحمدلله...





Seeeeeeeeeeee u
:45:

[Ms.ShOShO]

الســـــــــــــــلام عليكم

كيف الحـــــــــــــــــــال؟؟

انشالله طيبين

والله شكلكم نايمين مع هالاجازة

عموما

انا شوشو وجديدة هنا

وحبيت تكون اول مشاركة لي في الموقع

عن طريق اطلاعكم عن ماحدث اثناء مقابلتي الشخصية

قبل قبولي في كلية الطب لعام 1427-1428 هــ

.................................................. ..........

يالله نبدا .. بسم الله وعلى بركة الله

صحيت الصباح مرووووووووقة اش فطور واش قهوة واش حركااااااات

آآآآآآآآآآآآآآآخر دلع من مامتي الله يخليها ليا

هذا كللللللووووووو عشان المقابلة الشخصية ..

((ياليت كل يوم عندي مقابلة ))<<<< اما عاد ذي فقشششششة

الموووهم ورحت عالجامعة واقابل صحباتي واطق معاهم سوالييييييييييف وينادو اسمي مليون مرة وانا من كثر ما صوتي عالي ماسمعته

وبعد شوي اطالع جهت ما البنات قاعدين يظبطو اوراقهم والقى كللللل البنات الي اسمهم شهد طلعو من القاعة وراحو لغرف المقابلات وانا يا حظي قاعدة ادق حنك وسواليف انا ووجهي

الموووهم .. رحت للمعلمة <<< معلمة قال .. وين احنا بالمدرسة اتطوري يا بنت الناس

..رحت للدكتورة وعطيتها اوراقي

قالت انتي مو اسمك بحرف الشين قلتلها الا
قالت طيب ليش ماجيتي من اول يوم كنا ننادي اسماء البنات الي بحرف الشين


عاد انا هنا .. انحطيت بهذاك الموقف الي اذا احد سألك سؤال تسوي نفسك ماسمعت وتقوله هاه .. وانت كذاب بس تبغاه يعيد السؤال على بال ماتفكر انت بجواب او خررطة تجاوب فيها على سؤاله

والحمد لله بما انني انسانة ذات تفكير سريع
جاوبتها وقلت .. معليش يا دكتورة كان عندي ظرف طارئ <<<ظرف طارئ قال...... مهما تحاولي تتطوري ترجعي لاسلوب المدرسة

الدكتورة: والله اني شايفتك من اول ثضحكي وتسولفي مع صحباتك
قلتلها لاتظنين فيني السوء يمكن مشبهه عليا
عاد هي ضحكت بوجهي وعطتني ذيك النظرة الي اوحت لي فيها انها تدري اني كذابة

المهم ضبطت اوراقي ورحت لغرف المقابلة وواقفة طابور
وقاعدين البنات يسولفون عن الاسئلة المتوقعة وينقضون انقضاض الذئب على فريسته على البنات الي دوبهم طالعين من المقابلة ويستجوبوهم
وانا ولاني معاهم

ومشي الطابور ليييييييين جا دوري
وانا مررررررة متوترة من كثر ماسمعته عن المقابلات
لين صرت اتخيل اني بطلع من المقابلة كني طالعة من فلم مرعب

عاد اول مادخلت شفت حرمتين
وحده استاذه سعودية والثانية دكتورة مصرية

قلت السلام وردو

س1: اسمك كاملا ؟
وجاوبتها طبعا ..
عمرك؟

وبعدين قامت تسولف الدكتورة
دا اسمك حلو اوي.. انا كنت عاوزة اسمي بنتي شهد
بس الله مااردش
انتي عارفة ايه معنى الشهد ..((وعلى بالي الحين هذا سؤال وبجاوب ))اثرها هي الي بتجاوب
وكملت : دا الشهد هوا بداية العسل يعني العسل طازا :LL:
وقامت تتكلللللللم

ليييييييين وصلنا للرمان
الرمان وهي فاكهة الرمان
المهم قالتلي انتي عارفة ايه في الرمان ..<<<كان هذا سؤال وانا اتورطت
ماحددت وش تبغى بالظبط

قمت جاوبتها انا ووجهي قلتلها الرمان اذا اكلناه يعطينا طعم حااااااالي وحلووووووو مرررررررة


قامت ردت وقالت لاااااا انا أصدي الفيتامينات الي فيه

عاد انا هنا اتشنج وجهي

وزي ماقلتلكم بما انني سريعة التفكير

جاوبتها وقلت بصراحة انا ماعندي اي خلفية عن الفيتامينات الي فيه لكن اعرف انه مفيد للاظافر والشفايف

قامت قالت .. اهااا دنتو البنات بيهمكو اكتر حاجة الاظافر عشان المناكير
وقامت تضحك هي والاستاذه الي جنبها
وقمت اضحك معهم كما هو الحال من بداية المقابلة لاخرها

وبعدين قالتلي مبروك ياشهد تئدري تتفضلي
عاد هنا انا حسيت الفرحة مش سايعاني <<< قلبت مصري

الله يستر عليها هالدكتورة طول المقابلة وهي تتغزل باسمي وتضحك معايا


وتقريبا هذا كان من احلى المواقف في حياتي


وشكرا للي قرا بربرتي الكثيييييييييييييرة

وااااااااااااااااااااااسفة على الاطالة

[PeDiaTroN]

وعليكم السلام أختي الصغنونة
DR.SHOSHO

أهـــلاً بـــك بيننـــا

أســـعدتيني بكتـــابتك
بل
أضحكتني

كلامك رائــــع

تجربتك ... عن جد لا تنســـى

حلو الواحد يخرج من المقابلة مبسوط"ـ"

:o:



أهـــلاً بك مجـــدداً

تقبلي تحيتي

YOUR SISTER

:12: