لطلبة سنه اولى المستجدينphysiololgy 1st year_2nd term_lectuer 1&2_1424-1425

[Prof.Salahuddin]

يا جماعة الخير هو ما في احد من الطلبة المستجدين مسجل في المنتدى غير اتنين او تلاته وللا الباقيين مستغنيين
انا ما اقصد شيء بس غريب انه باقي اسبوع واحد بس و ما احد نزل ملفات الفسيولوجي الترم الاول غير تقريب تلاته و كمان في المحاضرتين اللي قبل الاخيرة غضبوا عليها
عموما انا هانزل ملخصات الترم التاني هنا و يا رب تنفع الكل
انا ناوية كمان ارسلها على مجموعتنا البريدية عشان اللي ما اخد باله ينتبه و اعتذر لكل اللي في مرحلة اكبر على ازعاجهم برسالة مالها لازمة لهم

[Prof.Salahuddin]

المحاضرتين اللي عدت للدكتور الشافعي بس لازم برضه تكتبوا معاه و كان دائما يقال لنا انه يهتم بالارقام و يسأل عنها كتير في اختباراته بس الصراحه ما اذكر انه العام سألنا عن رقم واحد لله
:hp: من حسن حظي

[Prof.Salahuddin]

د. شاهد هيعطيكم اربعة محاضرات نزلت لكم منها واحدة
بصراحة اكتر دكتور فهمت محاضراته بعد الدكتورة روكسانا
:?: يمكن لأني باحب الجزئية او المواضيع اللي شرحها

[dr.ammooory]

بالنسبة للسنة التانية الدكتور الشافعي ركز على الارقام مرررررة كتير

يعني ممكن مافي رقم الا وكان له نصيب فيها

ولازم تكتبه معاه لانه الشرح تجي منه معلومات في الاختبار


وتقبلوا تحياتي

:hp:

[Prof.Salahuddin]

المحاضرة التالته

[Prof.Salahuddin]

dr.ammooory شكرا على الرد
و الله يسترها معايا في كل السنين زي ما سترها في اولى
لأني اكره الحفظ و الارقام الا في بعض الحالات اللي تفرق فيها زيادة الرقم او نقصه عن المعدل الطبيعي فهدي انا اؤمن بوجوب حفظها لأنه اكيد لها تأثير في المريض
انا عارفه انه مش كل مره تسلم الجره بس دعاكم
هدي المحاضرة الرابعة و الاخيرة ل د. شاهد

[Prof.Salahuddin]

اول محاضرة للدكتور عامر

[Prof.Salahuddin]

عفوا اعتقد انه الملف اللي عدى هو عبارة عن محاضرتين الاولى و التانية للدكتور عامر
و هيكون دا الملف للمحاضرة التالته

[Prof.Salahuddin]

المحاضرة الرابعة

[Prof.Salahuddin]

المحاضرة الاخيرة مع الدكتور عامر

[Prof.Salahuddin]

المحاضرة قبل الاخيرة

[Prof.Salahuddin]

كل سنة وانتم طيبين
اخر محاضرة
physiology
لسنة اولى
و شدوا حيلكم
و على فكرة في معلومة نسيت اخبركم بيها انه ملخصات د.عامر زي ما قلنا العام ما فيها فائدة
يعني لازم تكتبوا معاه و تشتروا الكتاب اللي هيقلكم عليه و اللي ذكرته قبل كدا ما اتذكر بالضبط في اي مكان في ال
medical discussion
انتم هتستفيدوا منها في اسئلة الشرح و اذا كتبتم معاه
و في عندي اوراق فرغوا فيها البنات محاضراته هانزلها قريب ان شاء االله
و نصيحة لوجه الله بالنسبة للطالبات ما عندكم غير محاضرتين بتلقيها دكتورة في الترم التاني فحرام تضيعوا نفسكم و تضيعوا غيركم بالكلام اثناء المحاضرات اللي بيلقوها الدكاترة (غير الدكتورة ) و انتم اللي محتاجين انكم تسمعوا المحاضرة و تفهموها مش الدكتور
انا بصراحة باقدم لك هدي النصيحة لأني الترم التاني عانيت كتييييييييييييييييييييير من مشكلة الكلام و الفوضى اللي بتصير في القاعة
الى ان اشتكت واحدة من البنات و صار لازم تكون معانا مشرفة في القاعة
و لو اتأخرت معناته انه ضاعت عليك الجزئية
و كل سنة وانتم طيبين

[Dr.Honey]

تسلمي ياعسل
ومشكوره
الله يوفقك والى الامام دائما
يادكتوره
جعله الله في ميزان حسناتك

[Prof.Salahuddin]

الله يسلمك:k:
و انا باتمنى اقدر اساعدكم اكتر من كدا و اتمنى ان كل الطلبة المستجدين ينزلوا هدة الملفات يمكن تساعدكم
و الله يوفقكم

[dr_perfecta]

<center>السلام عليكم.............
اهلا بالبروفسوره .....ماشاء الله عليكي ...ايوه كذا الهمم..........مشكوره وماقصرت......متاكده انه زملائكم حايستفيدوا ويقدروا الشي اللي بيتعمل هنا ..........

وقبل ماانسى ارحب ب
Dr.Honey & dr_amooory

Keep up the good work.........
:sun:

[Prof.Salahuddin]

و عليكم السلام ورحمة الله و بركاته
dr_perfecta و اهلا بيك
و انا بجد مو حاسة اني قدمت شيء مرة خطير انا نفسي منتدانا يتجه للاحسن دائما
و ان شاء الله كلنا اعضاءه هنتعاون و نكون مع بعض على طول و هنستمر في جهودنا
و شكرا جزيلا على الردود المشجعة
dr_perfectaو Dr.Honey و dr.ammooory شكرا لك
جزاكم الله خير كلكم و اعاننا كلنا على طاعته و نشر الخير

[Dr.Honey]

اسفة على الازعاج
بس حابه اسال
اذا كان ماعندك مانع
محاضرات المعمل
البايو والفسيو
كيف ممكن نذاكرها
هل لها مذكرات
افيدينا
:12:
ومشكوره يا قمر

[Prof.Salahuddin]

ما في ازعاج
محاضرات البايو المعمل لو كتبت مع د.نازك فما هتحتاجي ابدا لأي اوراق
هينطلب منكم ملزمة فيها المعلومات اللي هتدرسوها و في على كل درس او محاضرة اسئلة اذا اجوبتها ما كانت في الملزمة هتكون في الشرح
و انت اسمعي كلام د.جمانة (الله يكرمها في الدنيا و الأخرة) لو هي اللي اعطتكم النظري صدقيني هتكسبي
الترم الاول في البايو اعطتنا هو د.جمانة كنت انتبه معاها في الشرح و على ايش تركز
اسئلتها مرة سهلة و المذاكرة من الكتاب
حلي المسائل اللي تطلبها منك
و هي هتنصحكم بكل امانة بكل نصيحة تحتاجوها
د.نازك احفظي عندها كل الارقام اللي في نتائج التجارب لأنها ممكن تجيبها في الاختياري في الاسئلة النظرية التابعة لاختبار المعمل
لكن في التجربة اللي هتجيكي سمي بالله و اكتبي اللي يطلع لك حتى لو حسيتي انه خطأ كوني امينة مع نفسك قبل ما تكوني امينة مع اللي حوليكي
و اما الترم التاني المعمل اسهل منه مافي مررررررررررة حلو هانزل لك جدول سويته للمحاضرة الاصعب في نظري و اللي جاتني في الاختبار النهائي و الحمدلله عملت فيها كويس
اما النظري (الترم التاني طبعا)في الاول جاتنا د.جمانةزي ما قلت لك ما تقلقي معاها على نفسك ابدا بس تسمعي كلامها و لما يجيكم د.محمد طيب هينزل لكم تصوير للجزئية اللي هتدروسها
انا ما قلت نوتة عشان هو تصوير لكتاب هيطلبه منكم و ما تلاقوه ( الكتاب) ههههههه زي ما صار فينا العام
و في كتاب انا ذاكرت منه و ملاحظات اخذتها من الكتاب طبعا هانزلها مع الجدول بس افضل انكم الاول توروه للدكتور عشان لو في اي خطأ او شيء ينبهكم
و بالنسبة لجزئية د.ذو الفقار قيل انه مش هيكون موجود بعد كدا مش فاكرة نص الكلام بس انا فهمت منه انه انتهى عقد العمل تبعه و ما اراد تجديده
ما علينا المهم كدا صرت ما ادري ايش اللي هيكون فيها بس عموما ذاكري من الشرح
و ركزي و اعملي زي ما يقولوا لك الدكاترة اللي هيعطوك
اما الفسيولوجي المعمل
key words فذاكري من النوتات اللي هتاخدوها و اهتمي بال
و بعدين كل اللي عليه في الترم 8 علامات
انا ما باقلل من شأنه لكن ما يحوج انك تذاكريه من اكتر من مرجع
اما اذا ما اخدتم نوتات على حسب الكلام اللي اتقال لنا العام انه ما عاد هيكون في نوتات فذاكري من الشرح
و لو قدرت انزل لك النوتات اللي كانت تتعطى لنا هتلاقيها في المنتدى انشاء الله خلال اسبوع اما اذا ما قدرت فهأحاول اتصرف
و اوصل لكم هي
و اهم شيء ذاكري اول بأول
و برضه اقرأي الرد اللي بعته على موضوع
لجميع طلاب و طالبات كلية الطب والعلوم الطبية ...الدعوة عامة
http://www.uqumed.com/vb/showthread.php?threadid=3202
ا شاء الله يفيدك
الله معاكي و معاكم كلكم
اي شيء اقدر اسويه انا في خدمتكم

[Dr.Honey]

مشكوره جدا ياحبيبتي
والله ماني عارفه ايش اقولك
غير الله يوفقك
ويعطيك ماتتمنيه
ويحقق احلامك:k:

[Al_Katkoota]

واخيرا لقيت موضوع عن سنه اولى

ياربي ..

Prof.Salahuddin

الله يسعدك انشالله قولي امين

بجد نحنا سنه اولى مره ضايعين

وكويس لاني من جد ماكنت عارفه ااذاكر ولا شي

بس المشكله عارفه هدول الدكاتره انا ماعرفهم الشاهد___وعامر

المهم انتي عارفه نحنا دكتوره جمانه ماتدرسنا ...لانها مهي موجوده

thanks

[Al_Katkoota]

معليش اختي ممكن طلب

بس انا مني عارفه كيف اذاكر من كتاب البايو النظري

بس وجهيني


تحياتي

[Prof.Salahuddin]

اهلا بالكتكوتة
الله يسعدنا كلنا و ينجحنا كلنا و اذا احد يحب يدعي لي يا ليت يدعي لي ربنا يجعلني اوصل للشيء اللي يرضيه و يرضيني في دراستي و كل دنيتي (معليه اعور و يتنقور او شحات و عايز رغف عيش زي ما تحبوا قولوا )ـ
لو بتذاكري من جد مو بتضحكي على نفسك و تقولي بتذاكري صدقيني هتجيبي درجات مو بس مجرد تنجحي
بس لا تتغري لو جبتي درجات نصيحة لوجه الله اعرفي انه توفيق من الله
الدكاترة دول لا تسعجلي عليهم هيدرسوكي الترم التناي ان شاء الله
و خدي بالك مره من الاخير لأنه يطير الدرجات كويس لو اخدتي عنده نصف الدرجة اللي يمسها و كان العام لحالة في يده 14 درجة من درجات الاختبار النهائي غير درجات النصفي
اما كيف تذاكري من كتاب النظري
ما اظن اني هاعرف افيدك مرة لكن انت المفروض انك تقرأي الجزأية اللي درستيها مو كل ال
chapter
و هدي الجزأية تلخصيها و تذاكري اهم شيء فيها
و تحلي ال
example
اللي فيها غيب و بعدين تشوفي حلك صح و لا خطأ و اذا خطأ اتناقشي فيها مع احد حلها و فهمها او ارجعي للدكتورة اللي بتعطيكم
و حلي المسائل المتعلقة باللي اخدتيه في نهاية ال
chapter
و برضه قارنيها بالاجابات الموجودة في اخر الكتاب و لا تسوي فالحة و تحلي المسائل اللي جنبها نجمة الا اذا كنت ناوية تتسلي عليها يعني فاضية و بتسلي نفسك بشيء غير التلفزيون او ................ او...................ـ
عشان هدي المسائل المؤلف بيتحدى بيها الطالب زي ما قالت لي الدكتورة جمانة (الله يذكرها بالخير )
بس و افضلي ذاكري لأنه على قد ما تذاكري تكون نتيجتك
انا اذا قدرت (لاقيت النوت او لاقييت في تصوير )اجيب النوت تبعي او ملاحظاتي في الكلية تصوروها هاجيبها
و الله يوفق الجميع
و كل سنة و الجميع بخير

[Dr_loOoOoOoOli]

يسلموو على التوجيه..
بس عموما انا سمعت بنات يتكلمو على المذاكرة من الكتاب..قالو ذاكري من الصفحات الي طلبتها الدكتورة نازك....بس المربعات الزرقا..الي هيا الامثلة وهيك..
وشكرا..
كتكوتة..ممكن تعرفيني بيكي..لانك معايا في الدفعة..
ودا ايميلي..
cutegirl_loli19@hotmail.com
وتقبلو تحياتي..:12:

[Al_Katkoota]

يسلمو Prof.Salahuddin

بجد يسلمو من قلب

وانشالله ( ربنا يجعلك توصلي للشيء اللي يرضيه و يرضيكي في دراستك و كل دنيتك )




لولي ..

انا في قروب 5

[Cardiac Arrest]

عمل جيد وجهد تشكرون عليه


ليش ماتحاولوا تجيبوها من الدكاترة على ملف وورد بدل ماتعملوا لها سكان