ممكن تساعدوني في شي

[Whisper]

السلام عليكم ورحمة الله وبركاته
صبـــــــــــــــــــاح الخير ياجماعه عندي استفسار عن شي وان شالله بس مازعجكم
ممكن احد يتبرع ويقولي كيف انزل صور من الايميل او من اي مكان هنا على المنتدى
يعني مثلا عندي صور على ايميلي وبدي احطها في موضوع ايش اعمل؟
واسفه على ازعاجكم والي مايقدر براحته طبعا
وشكرا
:?:
لكم تحيـــــــــــــــــــــاتي

[H@SSOOM]

السلام عليكم



اكيد طبعا نساعد


بالنسبة للصور وتنزيلها على المنتدى


فالموضوع سهل


اذا كانت الصورة من اي موقع اخر غير ايميلك


فكل الي تعمليه انك تضغطي عليها الزر اليمين

وتنسخي الرابط تبعها


وتجي في صفحة كتابه موضوع او رد جديد


فوق في اعلى الصفحة تقريبا في صندوق

او

box


تبع الادوات


حتى مكتوب على يساره اذا كان كومبيوترك عربي

تعليمات الااداة
اضغط على مفتاح ....etc
تحت مكان كتابه العنوان


وتضغطي على الزر الي مرسوم عليه برواز صورة
_ راح انزلك صورة بعد شويه للتوضيح_




اما اذا كانت الصورة من ايميلك فالطريقه السابقه ما تنفع
لانه لو اخذتي رابط فما راح يفتح لانه ايميلك له باسوورد



هههههه الا اذا ايميلك بدون باسوورد هذا شي اخر


والطريقه في هذه الحاله كالتالي

اولا تحفظي الصورة على جهازك

وبعدين

يا اما ترفقيها مباشره كملف مع الموضوع

من حقل

Attach file:
Maximum size: 0 bytes

تحت خالص

وتختاري الصورة وتنزلي الموضوع

وطبعا هنا لا يسمح باكثر من صورة واحده لكل رد

وكمان هذه الطريقه ما تنفع في التوقيع




اما الطريقه الاخرى والاكثر شيوعا والمستخدمه في التوقيعات
هي انك تنزلي الصورة على صفحة نت خاصه بكي
على احدى مواقع الاستضافه المجانيه
مثلا
jeeran.com
او
yahoo geocities


وبعدين تاخذي الرابط الي عملتيه في صفحتك الشخصيه بنفسك
وتفتحي صفحة كتابه رد او موضوع
وتضغطي على ايقونه البرواز


فيظهر لكي مستطيل في اعلى الشاشه
تلصقي فيه الرابط هذا



وتنزلي الموضوع وتظهر الصورة



وفي موضوع في نفس القسم يشرح طريقه اوضع الصور في التوقيع
وهي نفسها


اتمنى اني اكون وضحت
واذا في غموض فالسلطان يجاوب
:aa:

[Whisper]

:O:
انا ماني فاهمه
انا عارفه تلاقيك بتقول دي البنت شكلها غبيه
بس ايش حكاية الرابط والاتتش فايل دي من فين اجيب الاشياء دي
شوف انا عندي صور في رساله في الايميل وبدي احطها هنا في موضوع بس كيف والله مره معليش تعبتك معايا
وشكرا
:sad: :waa: :sad:
واسفه على التعب بس والله من جد مافهت
هو الموضوع يمكن سهل بس للاغبياء صعب خخخخ
سلاااااااااااااام

[H@SSOOM]

:waa: :waa:
يا شماته ابله طازا فيا

قد كدا ما اعرف اشرح انا؟؟؟؟



اوكي انصحك تستخدمي اسهل طريقه حاليا الين ما يجي السلطان يشرح

وهي طريقه الارفاق المباشر



الان ردي على الموضوع وانزلي تحت مره


يجيكي حقل هكذا

Attach file:
Maximum size: 0 bytes
Valid file extensions: gif jpg png txt zip bmp jpeg doc ppt



وفيه زر استعراض


اضغطي على الزر واختاري الصورة


ونزلي الموضوع


واستنى شويه الين تطلع


ودي صورة للتوضيح

[Asultan]

اكتر من شرحك دا يا حسووووم ، دي مصيبة يا ويسبر هانم

الموضوع جدا سهل

ورد حسوم الثاني موضح بالصورة

وزي ماقلك

انسخي الصورة الموجودة في إيميلك ، بالظغط عليها بالزر اليمن للفارة ـ واختيار ( الصورة بأسم )

طبعا راح تنسيخها في جهازك ، في اي مكان في جهازك ان شاء الله على سطح المكتب

وبعدها زي ما وضح حسووووم ، لمن تجي تردي على اي موضوع تلاقي في اسفل صحفة الرد عندك خيار وهو ارفاق ملف كما موضح في الصورة الثانية

وتضغطي على براوزر
(Browser)

وراح اينفتحلك اطار تقدر عن طريقة اختيار الصورة من اي موقع في جهازك سواءً كانت على سطح المكتب او في اي محرك.

وبس

وان شاء الله تكون المعلومة وصلت وقدرتي تفهي لوتضيحي

تحياتي لك

وشوكرن لك يا حسووووم

:LL:

[Dr.Honey]

السلام عليكم
انا اسفة على اللقافة
بس عندي سؤال
لو سمحتوا
عندكم موقع صور
صغيرة توضع
تحت اسم العضو
لانو عندي صور صغيرة
بس اكبر شويه من الحجم المحدد
ومشكوريييين
:LL:

[Whisper]

السلام عليكم ورحمة الله
والله ياجماعه ماني عارفه كيف اشكركم
شكرا مره حسوم ومعليش على التعب
شكرا السلطان واسفه على التعب
بس تصدقو جربت وماعرفت وماطلع لي شي:sad: :O: :waa:
وماني عارفه ايش اسوي
خلاص حنتحر من الغباء
سلاااااااااام

[COMPUTER GIRL]

سلالالالالالام

Dr.Honey
في برنامج يصغر الصور.. نزله السلطان قبل فترة والبرنامج ممتاز جدا

و هنا تلاقيه

برنامج تصغير الصور (http://www.uqumed.com/vb/showthread.php?s=&threadid=3149)

..........

و بالنسبة لكي يا Whisper

انا اللي اعرفو
انك تضغطي على الصورة بزر الماوس اليمين
و تختاري خصائص او Properties
و بعدين تلاقي شي اسمو الموقع او location
خلاص دا الموقع تنسخيه لو فين كانت الصورة و تختاري بعدين شكل البرواز الموجود هنا
في صندوق الادوات و تحطي الموقع اللي نسختيه
و دا هو كود الصورة

**http://XXX**
انسخي الكود و
اكتبي العنوان مكان
**http://XXX**
و بعدين لصقيه في المكان اللي تبغيه


دا اذا كنتي تبغي تحطي كم صورة في نفس الموضوع
اما لو كنتي تبغي تحطي صورة وحدة بس في نهاية الموضوع مثلا
فزي ما قالولك حسوم والسلطان
من Browser تختاري الصورة اللي تبغيها و اوكي
و بسسسسسسسس يا ستي هو دا

اتمنى انو يصير معاكي

[Dr.Honey]

مشكوررره ياقلبي وربي يسلمك
على البرنامج
لكن للاسف حهازي
ليس XP
انا عارفه انو تقلت عليكي
معليش
اذا عندك موقع صور حلو تحت اسم العضو
افيدينا
او سمحتي
واسفة على الازعاج

[Whisper]

السلام عليكم ورحمة الله وبركاته
صبـــــــــــــــــاح النور
شكرا كمبيوتر جيرل على توضيحك
زخلاص فهمت من شرح حسوم جزاه الله الف خير على المجهود الين انا فهمت
وشكرا لك السلطان
وجزاكم الله الف خير
ومعليش على التعب

ولكم مني ارق التحيــــــــــــــــــــــــــــات

[COMPUTER GIRL]

عزيزتي هوني

نزلت صور صغيرة تنفع تنحط تحت الاسم

تجديها هنا

Small Pic (http://www.uqumed.com/vb/showthread.php?s=&threadid=3570)

و اتمنى ان تحوز على رضاكي

[Dr.Honey]

تسلمي يا عزيزتي
وسامحيني تعبتك معاي
مشكوووووره يا قلبي