زيارات مقننه ..

[RoSa]

<center>
السلام عليكم و رحمة الله و بركاته
هذا اقتراح ورد بقريحتي في احدى معامل الكيمياء الكلينيكية ..
حيث سألتنا الدكتوره إن كان قد سبق لنا زيارة مختبرات المستشفيات أم لا ..
و كانت الإجابه بلا ..
و قبل ذلك سألتنا أستاذة علم الكائنات الدّقيقة إن سبق لنا رؤية نموذج لورقة التحاليل و كانت الإجابة أيضاً بلا ..

و من هُنا أحب أن أطرح هذا الإقتراح ..
من المعلوم أن السنة الرابعه من دراسة العلوم الطبيّه و التي تسبق التطبيق الميداني في فصلها الدّراسي الأوّل خفيفه نسبياً ..
و أنّه يوجد بعض أيّام الفراغ خلال الأسبوع الدّراسي ..
فلماذا لا يتمّ الإتّفاق من قِبل القسم مع بعض المستشفيات لأخذ الطّلاب و الطّالبات في زيارات منظّمة لها و بذلك يتمّ التعرّف على ميدان العمل عن قرب .. و التعرف على الجو الذي سينتقلون إليه خلال بحث التخرّج و التطبيق الميداني و العملي ..

و طبعاً هذا اقتراح ممكن إذا وصل للمسؤولين ياخذوا بيه أو لا حسب وجهة نظرهم ..
لأنّهم دائماً يرون ما لا نراه بدافع خبرتهم ..
فإن أصبت من الله و إن أخطأت من نفسي ..

هذا و بالله التّوفيق ..

تحيّاتي ..
..

[dr_messo]

مرحبا الاخت روزا


شكرا لطرح الموضوع واتمنى ان يجد اذانا صاغيه

[RoSa]

<center>
dr-messo..
شكرا على الإهتمام و الرد ..

تحيّاتي ..

[Dr. MacabrE]

<center>

اقتراح جدا جدا حلو

وتأكيدا على كلامك

واحد من قرايبي الحين سنه امتياز علوم طبيه

كان في الصيف يروح للمستشفيات ويزور المختبرات عشان يستفيد

وقااالي انو مره استفاد خلال الصيفيتين اللي راحت

بس هذا مو نظامي المفروض ان الزياره تكون نظاميه

ومقرر

[RoSa]

<center>
أهلاً dr_messo& Dr. MacabrE..
مشكورين على الإهتمام و الرد ..
و فعلا ياليت يصير الموضوع ..
يعني الواحد ياخد فكره مثل ما قلت و يستفيد و يتهيّأ ..

شكراً مرّة ثانية ..

تحيّاتي ..

[Dr.Ayman]

قشرو بصل :p


:s:

[Dr.6nash]

اقتراح حلو روزا بس مين يسمع

على قولهم الي يبى الشي يسويه بنفسه
احنا الطالبات من سنه تانيه جانا الدكتور هاني غازي وقلنا على حكايه التدريب الصيفي في المستشفيات
فا صرنا كل سنه في الصيف ناخد شهر تدريب في جميع اقسام المختبرات

وأهوه الحمدلله نعرف كيف الروتين وطريقه العمل ونظام العمل في المختبرات
لا تستني الجامعه محا يسووا شي... كل واحد عقله في راسه ويعرف خلاصه

حتى ورقه التعريف صاروا يدونا هيا من غير نفس!!؟

:O:
الحمدلله على كل حال

[RoSa]

<center>
هلا Dr.6nash ..
طيّب و اللي ما يكون موجود بالبلد خلال الإجازات إيش يعمل ؟؟
يعني أنا حالياً مستوى ثالث ..
بس عمري ما دخلت مختبر بمستشفى !!!!
و لا أعرف شي عنّه ..
طبعاً غير اللي بأدرسه و ما يروى و يحكى :(

تحيّاتي ..

[ana_dr_romance]

كل عام وانتو بخير
في البداية
هادا الكلام انا كان نفسي اقولو للمسؤولين من سنة اولى طب واول ما دخلنا الطب وانا اقول الكلام هادا للطلاب
انو المفروض يكون هناك من بداية كل سنة شي اسمه اورينتيشن
يعنيقبل ما ناخد اي مادة
نروح في المستشفى
ويورونا ايش فايدة كل قسم
والتطبيقات والاجهزة
علشان لمن نزاكر نفهم ليش كده يصير كل شي و
ومو حكاية انو ندرس يعني نعرف
والي نشوفو بالعين وبيركز في المخ اكثر وبطريقة تانية
نكون
في الجو زيما يقولو
وكمان
هادا دافع قوي علشان نعرف ويكون عندنا ميول قوي للمادة ويمكن نلاقي فيها الشي اللي انت واانتي وانا نبدع فيه
ويكون سبيل لاختيار المستقبل

وياليت احد يسمع
واحنا راحت علينا لانو غصب علينا ندخل المستشفى
اما الكلام هادا موجه لطلاب سنة تانية وتالتة ويعرفو ليش بيدرسو كل مادة سواء فايرو ولا هيما ولا باثو

وحلو الموضوع
وان شالله ربنا يهنيكم بالعيد ويتقبل مننا صيامنا وقيامنا
وبعد العيد ان شالله تتوفقو في الاختبارات

ونشوفكم على خير
keep smilling :)

[RoSa]

<center>
على التعليق ..
و فكرتك حلوه على الموضوع ..

طبعاً أنا ما أنكر إن الجامعه بتحاول توفّر كل اللي نحتاجه بكافّة المعامل ..
لكن الواحد برضه يحتاج يتعرّف على جو المستشفى ..
و كثير لمّا أقولهم إن التدريب عندنا يكون بالمستوى الخامس يستغربوا .. على اعتبار إننا المفروض نتدرب من المستوى الثّاني أو الثالث :)

تحيّاتي ..

[ana_dr_romance]

هلا فيكي روزا ومشكورة على الرد
بس منجد اتمنى الفكرة تتنفذ

C ya

[dr_stars]

<center>


بسم الله الرحمن الرحيم

اهلين جميعا
الصراحه فكره جميله جدا يا روزا

بس تعرفي احسن شئ تسويه انك تشوفي ابوك او اي أحد يقربك يعرف مستشفى خاص او عام (حكومي) وتروحي تاخذي عن المختبرات فكره انا في رأي هادا أحسن حل وممكن يكون في الصيف او من سنه رابعه _طبعا بعد ثالثه يكون افضل عشان حيكون عندك الاساسيات كلها _ اما انك تستني الجامعه تسوي كده فهذا مش مستحيل لكن يبغالو وقت فانت ابدأي بنفسك وخذي معاكي كم زميله لك يعني ثلاثه اربعه وعلى البركه

وحاولو ترفعوا الموضوع للدكتور هاني اذا كان يقدر يسوي شئ ترى ما يقصر

مع تحياتي وشكري للجميع

:12: :12: :12:

[RoSa]

<center>
أهلاً dr_stars ..
مشكور على الرد و الاهتمام ..
و المشكله ان الموضوع اذا ما كان رسمي في ناس كسلانين ما يهتمو .. او يتكاسلوا و بالآخر ياخدو على راسهم :S
و إذا ما تعرف احد بأي مستشفى ما راح تتشجع تروح لحالك ..
بس الله يعيييين ..
و لو ما تم الموضوع معنا ..
ممكن يحسّنوا الوضع في الدفع القادمة ..
و يكفينا فقط شرف المحاولة ..

تحيّاتي ..

[RoSa]

<center>

تطوير المناهج الدراسيّة (http://www.uqumed.com/vb/showthread.php?s=&threadid=2571)