واخيرا .......عدت اليكم

[Dr.Honey]

السلام عليكم ورحمة الله وبركاته

عز على فراقكم جدا

لي شهر ونصف بعيدة عنكم

ايش اخباركم ايش مسوين

يارب الجميع طيبين

وسامحوني اذا قصرت مع احد فيكم

انتو بالنسبة لي اخواتي واخواني

والله يجمعني بيكم في جنانه

:12:

[WaLeeD]

السلام عليكم

اهلا هوني هانم
عنقود المنتدى

يارب تكوني بخير وطيبة
ويارب عدت اختباراتك على كل خير
ها كيف عملتي في اختبار الانجلش ؟؟

:15:


منورة منتداكي يا هوني
مممممممم بس انشالله تكوني فاكرتنا
يعني يعني مهم الاخ خخ

يلا مرحبا بيكي ثاني
تحياتي
:LL:

[Dr.Honey]

وعليكم السلام

والله انا بخير دام انتوبخير

الحمد لله الوضع مستتب

كأني داخله حرب

هادا كلو من الاختبارات

دوبي يوم الاربعاء انتهيت من الاختبارات

اما في الانجلش الحمد لله تمام مرررررررره

المنتدى

منور باصحابه يا دكتور ليدو

وازاى انساكوا دي تيجي برضو

مدري اشبي قلبت مصري

شكلو موضوع هموسه اثر علي

لا يمكن ابدااااااااااا اني انساكم

بس ايش اخبار اخويه الكبير ليدو

ان شاء الله تكون بخير

ومشكور على سؤالك عني

وشكرا على الترحيب الحلو


:LL:

[WaLeeD]

السلام عليكم

الحمدلله انا بخير وطيب يا هوني
وحتى الاختبارات الحمدلله كانت كويسة
وسهالة من عند ربي
كل سنة وانتي طيبة
يا اختنا الغالية الصغنونة
تحياتي لك
:LL:

[DR.WOLF]

اهلا برجعتك

وعلى قول ليدو

نورت المنتدى

وان شاء الله تكون سويتي طيب في اختباراتك كلها

والله يوفقك ويوفق جميع الطلاب والطالبات


:to:
for contact
blackwolfredfox@hotmail.com
:to:

[Na3nO3aH]

ويلكم بااااااااااااااااااااااااااك

والله نور المنتدى ياعسوله

من جد وحشتيني زمان عنك

الله يوفقك على طول ياااااااااااب

[Prof.Salahuddin]

السلام عليكم و رحمة الله و بركاته
يا هلا يا هلا
كيف حالك ؟؟؟؟؟؟؟
و الله نور المنتدى
واااااااااااااو شهر و نصف يا مفترية
الحمد لله انا ما حسبت على نفسي بس ما اعتقد انه اكتر من شهر
احنا بخير الحمد لله نسلم عليكي
المهم انت ايش عاملة
كيف كان البايو و السيد الباشا الانجلش و الفسيولوجي طبعا الفسيولوجي حطيته بس كدا لأنه عموما المفروض انه سهل
ان شاء الله تكوني عملتي كويس
اما حكاية سامحوني في حالتي انا فالمفروض انا اعتذر منك (اذا انا اتضايقت فاكيد انت اتضايقتي و الله اعلم برضه)
بس سامحيني الفسيولوجي لو قلت لك انا ايش ذاكرت و ايش سيبت كنتي قلتي لي انت جيتي الكلية ايش تسوي
هههههههه
طبعا اختبر خخخخخخخخ
و اكيد انت انتبهتي انه تصرفاتي كانت مع الكل شيء تاني ما في عقل معليه بس كانت حالتي صعبة على قول ويسبر ههههههههههههههه
كنت ناوية اكلمك بعد الاختبار لكن للاسف ما شفتك
اقول لك معليه اكلمك بعدين ان شاء الله بلاش فضايح اكتر من كدا
دا منتدى يا ماما هههههههههههههههههههههههههه

[Dr.Honey]

السلام عليكم

dr.Ledo

ان شاءالله دائما تكون بصحة وسلامة

وربي يوفقك دائما

وانتا بخير يا اخويه الكبير



:LL:


DR.WOLF

شكرا على الترحيب الحلو

ومشكور على الدعوه الحلوه

والله يوفقك ويحفظك

:LL:


Na3nO3aH

اهلين بنعنع هانم

المنتدى منور باصحابه

وانتي كمان مررررره وحشتيني

ايام اختباراتكم

ماكانت معانا

عشان كده ما شفتك

:LL:



Prof.Salahuddin

وعليكم السلام ورحمة الله وبركاته

اهلين حبيبتي

والله الحمد لله انا بخير

فترة الغياب هادي كانت غصبا عني

انتي عارفه

فترة الشهر ده

كان معظمه اختبارات الانجلش

Quize

وطبعا عشان الاختبارات اشياء كتيرة

اتقربعت

المحاضرات

البايو والفسيولوجي

ماكنت الا قي اوقات كتيرة عشان اذاكرها

خلص الانجلش من هنا وانا مسكت

البايو والفسيولوجي

وبس ما لقيت وقت اشوف المنتدى

الحمد لله الاختبارات

كويسه

انتي ايش مسويه

في اختباراتك

ان شاء الله كويسه

اول شئ احنا اخوات

وبعدين انا امن شوفتك يومتها

والله حزنت عليكي

شكلك تعبانه مرررررره

والله يديكي على قد تعبك

بعدين ترى حتى انا

زميلاتي

يقولوي شكلك متغير

عارفه صرت البس نظارات

تعباااااااانه

الانجلش هد حيلي

تخيلي ثلاته مواد

يوم الثلاءثاء

وبرضو يوم الاربعاء

وبعدين انا اعزك مررررره

وانتي لا يمكن تزعلي احد

ياعسل

تصدقي حتى انا نفسي اكلمك

بس جي يومتها خلاص

ابغى اموت من التعب

خلينا ترتب موعد يوم

نجلس كلنا فيه على الماسنجر




:LL:

[Whisper]

السلام عليكم ورحمة الله وبركاته

اهليييييييييييين بعسل المنتدى

نور والله بوجودك

ليكي وحشه يابنت كمان ايام اختباراتي مهي مع ايام اختباراتك وماشفتك ولا سلمت عليك يالله احنا مع بعض
وكل سنه وانتي طيبه قبل الزحمه والحمد لله الاختبارات عدت على خير

واهلين مرره تانيه بعد فترة غياب

ويالله ورينا الهمه والنشاط تاني

تحيــــــــــــــاتي

اختك الكبيره هموسه

:hp:

[Heart Pulse]

السلام عليكم

ايش دااا ياهوووو

لا في الجامعه احد شايفكم
ولا في النت كمان

ههههه

عموما مررره وحشتوووني كلكم
وطول الاختبارات ماشفتكم الا على الطاااير

وانتي بالذات هوني مررره ماشفتك
وشركة الاتصالات غضبانه عليا
قلت يله انا كمان اسوق العناد عليهم
:o:


عموما كيف اختباراتك كانت ان شاء الله تمام
يله ربنا يرزقكم الشي الطيب واكتر مما تتمنوا

ابقي خلينا نشوفك اون لاين
واهلين بيكي نورتينا


نبض القلب

[د- محمد العوفي]

منورين دكتورة

[Dr.Honey]

وعليكم السلام ورحمة الله وبركاته

الله يسلمك

ياقمر

وانتي كمان مررررررررررررررررررررررره وحشتيني

نفسي اشوف احد فيكم

بس ايش الواحد يسوي

مع هادي الاختبارات

وانتي بصحه وسلامه

مشكووووووووووووره

:12:

وعليكم السلام ورحمة الله وبركاته

اهلين بدقة قلبي

كلنا اختباراتنا مهي في نفس اليوم

وانتي كمان مرررررررررررررررررره

وحشتيني

الحمد لله

الاختبارات تمام

امين

وانتي كمان ربنا ان شاء يوفقك

ويصير كل ما تتمنيه



:12:


dr. scaphoid

مشكور على ترحيبك والمنتدى منور باصحابه

:12:

[Dr.Traveller]

السلام عليكم ورحمة الله وبركاته

هلا والله عسولتنا

والله الواحد كمان من زمان عن المنتدى وعنك كمان

ولا حتى لمحه ياهوووووو

بس هي دي عاد الامتحانات ورزالتها

بس طمنينا اهم شي كيف كانت الاختبارات ان شالله تمام

ويالله عسل نشوفك ان شالله الترم التاني وعلييكي بخيررررررر

سلملم

تحياتـــــــــــــــــــي

:12:

[Dr.Honey]

السلام عليكم ورحمة الله وبركاته

معليش حبيبتي على تأخري في الرد

كانت عندي ظروف وكنت خارج البيت

انا الحمد لله

لكن انتي ايش عملتي

ربي يوفقك يارب

انتي وجميع طلاب وطالبات سنة ثالثة

ومشكوووووووووووووره