د- محمد العوفي
03-01-2005, 11:37 AM
وجلس العم ميمو لافا عمته و واضعا الغبانه على كتفه... وسحب الكرويته و وضع فوقها كتابه القديم المليء بالقصص والحكم...
ثم زهم عياله واولاده الحلوين والاشقياء..اللي كان يلعب بالطين واللي يلعب بكفر السيكل واللي كان عند خالته واللي عند سته
المهم هذاك الشقي ليدو جاي من بعيد ومعاه الثعلوبي وولف
وكارديك كان نايم وصحوه من النوم ( قوم يا واد الحق الحكايه )
والباقين قيدهم جالسين
وهذولا البنات من داخل البيت بيتسمعوا في الغرفة اللي جوه و ويسبر وهوني بيقولوا يلا يا عمو ابدا الحكايه
وهارت بلس يظهر طفشت ومالها بالحكايه ولا حاجه بتسولف مع نايت قيرل
وبابينا سيبت الطبيخ وجات مع صاحباتها تتسمع....
(((( كان يا ما كان في قديم الزمان وسالف العصر والأوان...
هداك فيوم من الأيام كان عباس ماشي مع صاحبه يتمشوا قام عباس قلله اش رايك دحين لو نروح نتمشى على الكورنيش شويتين نفضفض عن نفسنا بدل الزهق هدا اعوز بالله....قلله صاحبه قدام انا ما ورايه شغل بس اصحك تقوللي بعدين مشينا كفايه أحسن أنا احب اشوف غروب الشمس لمن كدا تطيح في المويه قلله اوكيه يا سيدي ولا يهمك وما يصير بخاطرك الا طيب
المهم اصحابنا دقوا سلف على جده ام الرخا والشده ولمن وصلوا عالبحر تمشوا حبتين واكلوا كمان شويتين وشربوا لهم قارورتين بس لا تخافوا شي طيب مش بطال...احسن يروح تفكيركم بعيد..المهم صاحب عباس دا مدري اشبه زرقنت معاه وصاير كاره نفسه كدا ومو مبسوط ما ادري اش الهرجة بالزبط واش اللي معككن عليه والظاهر يا ما نام كويس او كان يبغاله واحد معسل يعدل مزاجه... اللي صار يا حبايب انه وهم ماشين وعباس اخينا فايق بالمره وجالس يسولف ويستخف دمه وينغز صاحبه دا من جنبه ويدقه بكتفه على باله يمزح وداك الواد متنرفز و مو طايق نفسه.. بس عباس مش عارف الحكاية والظاهر زود المزح حبتين مع صاحبه الا ويم داك القفا اللي يقول انا....طراااااع... طبعا كان الصوت دا من قفا عباس المسكين..أأأخ... اوجعتني..طبعا قالها بنفسه وما رفع صوته رغم الألم لأن عباس من الناس اللي يقدروا يتحكموا بتصرفاتهم حتى وقت الغضب...المهم طل بصاحبه كدا طله لها معناها... سيبه وراح وجلس قريب المويه على الشاطي ودورله وصلة عود كانت طايحه وجلس يشخبط على الرمل...وصاحبه دحين راحت عنه النرفزة وندمان على اللي سواه بس مستغرب من عباس وحركاته.. قال لنفسه يا واد شكلي اعدمت الدماغ عنده والواد تجنن من أثر الضربة...المهم راح ماشي ويطل على الشخابيط حقت عباس وشاف حاجه غريبه.. لقي عباس بيكتب على الرمل ( في هدا اليوم قام صاحبي بضربي على قفاي)
عباس خلص كتابه من هنا وسحب يد صاحبه وقال يله تعال نكمل تمشيتنا...وصاحبه دحين مستحي مو عارف يعتذر من اللي صار ولا ايش يسوي..بس مشي مع عباس وقال أمري لله وهو في غاية الحرج... ولمن جو بيقطعوا السكة عباس بيطالع بصاحبه وحاسس باللي فيه ويبتسم.. بس صاحبه لمن جا بيحط عينه بعينه الا وهو يلمح سيارة مسرعة جايه وشوية وتصدمه وعباس مع الموقف ناسي وين واقف ولا اش جالس يسوي... بس وصاحبنا اللي هو اصلا صاحب عباس يقوم يسحب عباس بكل قوته بعيد عن مسار السيارة المسرعة وبدون تفكير وبحركة لا شعورية يحضنه كأنه فرحان بنجاته..طل فيه عباس... ومو عارف اش يقول من ما شاف من شجاعته وحبه له...المهم سحب يده من صاحبه وراح تاني بس هدي المره لجهة الحجار السودا اللي قرب الرصيف.. وجلس قريب واحد منهم وشال قطعة قزاز مكسوره وقام يحك الحجر وصاحبه برضه مستغرب .. بس قال خلوني اشوف ايش هرجته دا لا يكون خرف ولا انجن... قرب منه ولقيه ينقش العبارة التالية ( في هدا اليوم أنقذ صاحبي حياتي )
قام قلله لا لا انت اش عندك بالزبط ترا الحكاية تشربكت...اش معنى بالاول تكتب على الرمال ودحين تنقش على الحجار؟؟؟ ممكن تقوللي يا ابو العريف؟؟
قام حط يده على كتفه وقلله شوف يا صاحبي انت لمن ضربتني كان موقف عابر ما يستاهل انه يبقى بالذاكرة وياما غلطنا على بعض بس هدا لازم يتنسي وما ياثر بصداقتنا عشان كدا كتبته على الرمل وخليت الموج يمسحه ولا كمان يجي واحد يدوس عليه لانه ماله قيمه مجرد حاجه صارت وانتهت بس لمن انت انقذت حياتي وساعدتني وضحيت عشاني انا نقشتها على الحجر لانه موقف مو بسيط بالعكس خلاك تكبر بعيني فانا لازم ما انساه ويظل منقوش بقلبي قبل ما يكون منقوش على الحجر...
يا صاحبي شوف باقولك حاجه و قول عباس قالها... لو حاولنا نتذكر الحاجات الحلوة اللي سواها لنا الناس اللي حولنا كان قدرنا نلغي الحقد والحسد من قلوبنا وكان علمنا اللي حولنا انهم يصلحوا اغلاطهم بنفسهم بدون ما نحنا نحسسهم فيها او نبتعد عنهم عشانها
يا صاحبي احنا بشر ولازم نغلط بس الحلو اللي يصلح غلطته.. فخليك حلو يا صاحبي.
))))هاه يا أولادي ان شاء الله أعجبتكم الحكايه؟؟؟؟
انتظرونا بحلقات قادمه مع عمو ميمو وحكاية جديدة بإذن الله
ثم زهم عياله واولاده الحلوين والاشقياء..اللي كان يلعب بالطين واللي يلعب بكفر السيكل واللي كان عند خالته واللي عند سته
المهم هذاك الشقي ليدو جاي من بعيد ومعاه الثعلوبي وولف
وكارديك كان نايم وصحوه من النوم ( قوم يا واد الحق الحكايه )
والباقين قيدهم جالسين
وهذولا البنات من داخل البيت بيتسمعوا في الغرفة اللي جوه و ويسبر وهوني بيقولوا يلا يا عمو ابدا الحكايه
وهارت بلس يظهر طفشت ومالها بالحكايه ولا حاجه بتسولف مع نايت قيرل
وبابينا سيبت الطبيخ وجات مع صاحباتها تتسمع....
(((( كان يا ما كان في قديم الزمان وسالف العصر والأوان...
هداك فيوم من الأيام كان عباس ماشي مع صاحبه يتمشوا قام عباس قلله اش رايك دحين لو نروح نتمشى على الكورنيش شويتين نفضفض عن نفسنا بدل الزهق هدا اعوز بالله....قلله صاحبه قدام انا ما ورايه شغل بس اصحك تقوللي بعدين مشينا كفايه أحسن أنا احب اشوف غروب الشمس لمن كدا تطيح في المويه قلله اوكيه يا سيدي ولا يهمك وما يصير بخاطرك الا طيب
المهم اصحابنا دقوا سلف على جده ام الرخا والشده ولمن وصلوا عالبحر تمشوا حبتين واكلوا كمان شويتين وشربوا لهم قارورتين بس لا تخافوا شي طيب مش بطال...احسن يروح تفكيركم بعيد..المهم صاحب عباس دا مدري اشبه زرقنت معاه وصاير كاره نفسه كدا ومو مبسوط ما ادري اش الهرجة بالزبط واش اللي معككن عليه والظاهر يا ما نام كويس او كان يبغاله واحد معسل يعدل مزاجه... اللي صار يا حبايب انه وهم ماشين وعباس اخينا فايق بالمره وجالس يسولف ويستخف دمه وينغز صاحبه دا من جنبه ويدقه بكتفه على باله يمزح وداك الواد متنرفز و مو طايق نفسه.. بس عباس مش عارف الحكاية والظاهر زود المزح حبتين مع صاحبه الا ويم داك القفا اللي يقول انا....طراااااع... طبعا كان الصوت دا من قفا عباس المسكين..أأأخ... اوجعتني..طبعا قالها بنفسه وما رفع صوته رغم الألم لأن عباس من الناس اللي يقدروا يتحكموا بتصرفاتهم حتى وقت الغضب...المهم طل بصاحبه كدا طله لها معناها... سيبه وراح وجلس قريب المويه على الشاطي ودورله وصلة عود كانت طايحه وجلس يشخبط على الرمل...وصاحبه دحين راحت عنه النرفزة وندمان على اللي سواه بس مستغرب من عباس وحركاته.. قال لنفسه يا واد شكلي اعدمت الدماغ عنده والواد تجنن من أثر الضربة...المهم راح ماشي ويطل على الشخابيط حقت عباس وشاف حاجه غريبه.. لقي عباس بيكتب على الرمل ( في هدا اليوم قام صاحبي بضربي على قفاي)
عباس خلص كتابه من هنا وسحب يد صاحبه وقال يله تعال نكمل تمشيتنا...وصاحبه دحين مستحي مو عارف يعتذر من اللي صار ولا ايش يسوي..بس مشي مع عباس وقال أمري لله وهو في غاية الحرج... ولمن جو بيقطعوا السكة عباس بيطالع بصاحبه وحاسس باللي فيه ويبتسم.. بس صاحبه لمن جا بيحط عينه بعينه الا وهو يلمح سيارة مسرعة جايه وشوية وتصدمه وعباس مع الموقف ناسي وين واقف ولا اش جالس يسوي... بس وصاحبنا اللي هو اصلا صاحب عباس يقوم يسحب عباس بكل قوته بعيد عن مسار السيارة المسرعة وبدون تفكير وبحركة لا شعورية يحضنه كأنه فرحان بنجاته..طل فيه عباس... ومو عارف اش يقول من ما شاف من شجاعته وحبه له...المهم سحب يده من صاحبه وراح تاني بس هدي المره لجهة الحجار السودا اللي قرب الرصيف.. وجلس قريب واحد منهم وشال قطعة قزاز مكسوره وقام يحك الحجر وصاحبه برضه مستغرب .. بس قال خلوني اشوف ايش هرجته دا لا يكون خرف ولا انجن... قرب منه ولقيه ينقش العبارة التالية ( في هدا اليوم أنقذ صاحبي حياتي )
قام قلله لا لا انت اش عندك بالزبط ترا الحكاية تشربكت...اش معنى بالاول تكتب على الرمال ودحين تنقش على الحجار؟؟؟ ممكن تقوللي يا ابو العريف؟؟
قام حط يده على كتفه وقلله شوف يا صاحبي انت لمن ضربتني كان موقف عابر ما يستاهل انه يبقى بالذاكرة وياما غلطنا على بعض بس هدا لازم يتنسي وما ياثر بصداقتنا عشان كدا كتبته على الرمل وخليت الموج يمسحه ولا كمان يجي واحد يدوس عليه لانه ماله قيمه مجرد حاجه صارت وانتهت بس لمن انت انقذت حياتي وساعدتني وضحيت عشاني انا نقشتها على الحجر لانه موقف مو بسيط بالعكس خلاك تكبر بعيني فانا لازم ما انساه ويظل منقوش بقلبي قبل ما يكون منقوش على الحجر...
يا صاحبي شوف باقولك حاجه و قول عباس قالها... لو حاولنا نتذكر الحاجات الحلوة اللي سواها لنا الناس اللي حولنا كان قدرنا نلغي الحقد والحسد من قلوبنا وكان علمنا اللي حولنا انهم يصلحوا اغلاطهم بنفسهم بدون ما نحنا نحسسهم فيها او نبتعد عنهم عشانها
يا صاحبي احنا بشر ولازم نغلط بس الحلو اللي يصلح غلطته.. فخليك حلو يا صاحبي.
))))هاه يا أولادي ان شاء الله أعجبتكم الحكايه؟؟؟؟
انتظرونا بحلقات قادمه مع عمو ميمو وحكاية جديدة بإذن الله