العلوم الطبّية و المجتمع ..

[RoSa]

<center>


سلام ..
مع إن النادي مافيه شخوص تحس إنهم يقروا مواضيعك ..
بس برضه حبّيت أطرح هالموضوع ..
و اللي ممكن يواجه أي طالب يدرس علوم طبيه أو متخرّج منها ..
مما يواجهنا دائماً و أبداً ..
المقارنه الدائمة بين العلوم الطبّية و الطب .. مع أن لكل قسم توجهه الخاص به ..
يعني تحس دايم الناس بما إنّك علوم طبية إذن إنت أقل من الطب .. إذا دراستك و لا شي !!!:D

و أكبر مأساه إذا اجتمعو 2 من القسمين في بيت واحد ;)

و بعدين نجي لحكاية لمّا تشتغل بالمستشفى ..
طول النّهار الدكتورات عندنا يقولو لازم نحاول إنّه ما يكون علينا أي خطأ ..
لأن اللي بالمختبرات هم شمّاعة أخطاء بعض الدكاتره :rolleyes:
يعني لازم تكون حريص جداً .. و طبعاً أمانتك أهم شي بالموضوع ..

أتوقع إنّك عند إحتكاكك بالدكاتره . . أكيد بتلقى فئة منهم ممن يشوف نفسه أحسن طبقة بالمجتمع .. و الله يكون بعونك وقتها .. :D ;)

امممم ..
شنو بعد يااربي ..
هذا ما يحضرني حاليا ..
و إن شاء الله إذا افتكرت شي بأدرجه ..
بس أهم شي إننا ما ناخذ الموضوع بجد و حزازيه ..
و ما يثبط من معنويات طلاب السنه الأولى :D

تحيّاتي ..

[Dr. MacabrE]

<center>

السلام عليكم

والله قضيه حلوه اخت Rosa لكن اللي ابغى اقوووله

ما فيه فرق الابسيط بين بين الطب والعلوم الطبيه في الدراسه كلها سنتين!! لكن الطب لهم مكانتهم الخاصه

وهذا ما يخلي اللي في الطب يشوف حاله على اللي في العلوم
لانه بدونكم ((العلوم الطبيه )) ما انقدر نشخص اي مرض (( من الامراض اللي فيها التهاب بكتيري او فيروسي مو كحه او زكمه خخخخخ))

لانو مالنا خبره في المعامل

وكل واحد لو وظيفته

وليه يتحطم اللي في العلوم الطبيه الوضع عاااااادي

وفيه شي تخيلي ان كل اللي في العلوم الطبيه اللي يشتغلو في المستشفى اضربو عن العمل المستشفى راح يقف بكااااااامله








وسلامتكم

[dr_messo]

مرحبا رزوا موضوع جميل ونقاش حلو

معاكي حق في نظره الناس وانا اختلف معاهم في دا الشي لانو الحياه فيها مجالات كتير وكل مجال لو طريقتو وزي ما قال زميلنا مافي طب بدون علوم

عارفه خلي شخصيتك قويه ومتعزه بنفسك والكل راح يقدرك

مهما كان لانو دي فعلا الحقيقه

وعلى قول المثل ارضاء الناس غايه لاتدرك

دخلت مع كتير ناس في نقاشات عن الطب والعلوم


وصدقيني اقنعت كتير انو العلوم تخصص مره حلو ومستقبلو حلو ومجال ممتع



وانو مافي مجال للمقارنه

كل مين في مجال


ولو كل الناس اتخصصو طب ماكان قدرنا نعيش لازم من التنوع ولا ماكانت الحياه مشيت

:eye:

[d.r:Fire]

:LL: سلام صراحة كلامكم كله سليم :2:
تعرفون ليش سليم لانه ماطاح :o: هههههههههههههههههه
لاني طالب علوم طبيه سنه اولى
صحيح ان مافي فرق بين الطب والعلوم الطبيه لكن من خلال ملاحظتي لمستوى الطلاب اشوف ان بعض الطلاب مو من مستوى الكليه ومنهم انا عشان ماحد يزعل :15:




ملاحظه :
للأخوان طلاب وطالبات العلوم الطبيه
وين الناس ما اشوف احد من العلوم الطبيه كلهم طب


:12: :d:

[d.r:Fire]

انا من طلاب علوم ولهذا انا دائما اقرا مواضيع هذا القسم واحب ابشركم يمكن اكون اول شاخص من الشخوص في هذا القسم:SS:

[RoSa]

<center>
Dr. MacabrE..
dr_messo ..

مشكوين على الاهتمام و الرد ..
و ان شاء الله يكون جميع الأطباءو الطبيبات المتخرجين من جامعة أم القرى على مستوى من الوعي الكافي ..
و الكلام اللي قلتوه عييين العقل ..
و ترى كتابتي للموضوع مو معناه اصابتي بالإحباط منّه ..
بالعكس ..
بس هو الموضوع فعلاً حااااااصل ..
و ما ننكر وجوده ..

ايوه افتكرت ..
مرّه من المرّات سمعت حكاية إن طالبات من تانيه طب كانوا يقولو انّهم أكبر من طالبات رابعه علوم طبيّة لأنّه دراسة العلوم الطبيّه ............ :122:

و لو كل واحد جا و قال لنا شي من اللي بيصير معه بنلقى الموضوع منتشر بعد ..

***

d.r:Fire
أهلاً بيك بالقسم ..
و إن شاء الله إنّك تكون أوّل الخير ..
و همّتك معنا ..

تحيّاتي ..

[nanoosh]

السلام عليكم
وكل عام وانتو بخير جميعا ومره اسفه عالتاخير لانو دوبي قريت الموضوع
الصراحه اخت روزا معاكي حق ناس كتير اخدين فكره مره غلط عن خريجين العلوم بس معاهم حق الناس مايحكمو غير بالمظاهر يعني مثلا بين الطب والعلوم سنتين فبالتالي الطب شي تاني (هادا طبعا تفكيرهم)هو صحيح شي تاني بس مو اللي همما فاكرينو والدكتور مييسو ومكابري ماقصرو
وفعلا يعني الدكاتره كيف حيحكمو على مرض او كيف حيزرعو اعضاء من غير العالم اللي في اقسام العلوم
وهيا مجرد وجهه نظر وايش همنا بكلام الناس المهم نأدي واجبنا على اتم وجه
وانا مااقدر اتفلسف كتييير عشاني لسه باول الطريق والله يعين الجميع
وارجو انكم تقبلوني عضوه بالمنتدى ولو اني ماظن حساعد كتير لاني كما اسلفت لساعي مبتدئه:d:

[dr_messo]

<center>


مرحبا بيكي


معانا اخت


nanoosh

كلنا مبتدئين في مدرسه الحياه


وكلنا نتعلم من بعض

اتمنى اننا نشوف مشاركاتك في القسم دا


وفي كل الاقسام

المنتدى من اجل الجميع

ولفائده الجميع


ولو ماشاركنا ماراح يكون له فائده

شكرا لكي


:1:

[nanoosh]

شكرا دكتور ميسو
وانشالله اقدر اسوي شي للمنتدى
واقدر افيد اي احد زي مابستفيد:1:

[RoSa]

<center>
هلا بيكي أختي nanoosh ..
سعيدة جداً بوجودك ..
و إن شاء الله ما تكون آخر مشاركه :)

بالنّسبة للفكرة الغلط اللي آخدينها النّاس .. مثل ما قلتي ممكن يكون جهل أو أي شي تاني .. و هنا يجي دورنا بتوعيتهم إن كل تخصص له أهمّيته ..

لكن ماذا عن بعض الأطبّاء و الطبيبات ؟؟؟؟؟؟
هل هو جهل ؟؟!!
لا أعتقد ..

بل هي نظرة الفوقيه التي ينظرونها لمن حولهم ..
طبعاً اللكلام لا يشمل الجميع .. و إنّما لا ننكر وجوده ..

و مثل ما قلتي ..
أهم شي الواحد يؤدّي واجبه و يرضي ضميره ..
و يا جبل ما يهزّك ريح ;)

و إذا على الفلسفة ..
ياليت شطارتنا بالدّراسة تصير مثل شطارتنا بالفلسفه :D ;)

تحيّاتي ..

[Dr.wrood2004]

اللي يقول بانه فيه فرق بين الطب والعلوم الطبية ...
اعذروني ....انسان تفكيره قاصر ....
فكيف يمكن للطبيب ان يتم عمله بدون اخصائي المختبر؟؟؟
وكيف يمكن ان يؤكد ان كان تشخيصه للمرض صحيح ولا لا
النتايج دائما تطلع من تحت
من المختبر اللي لو اشتغلوا فيه ناس اي كلام راحوا المرضى وطي..
وبصراحة اقولها كثير من الاطباء شايفين نفسهم على ولا شيء ....بس عشان اتسمى طبيب..
الطبيب قبل كل شيء اخلاق وتعامل واسلوب وسلوك
الاطباء هم واجهة المجتمع عشان كدة الناس بيفخروا فيهم مو عشان والله الواحد فيهم يشوف نفسه وما يكلم الناس الا من طرف خشمه
طبعا مو كل الأطباء كدة
لكن فيه البعض
والله يهدي الجميع

تحياتي
====
2004

[RoSa]

<center>
مشكورة على المشاركة أختي ..
و كلامك حلو و الله ..
و عجبني مقطع ..
الطبيب قبل كل شيء اخلاق وتعامل واسلوب
الاطباء هم واجهة المجتمع عشان كدة الناس بيفخروا فيهم ..
و طبعا أنا ما أنكر التعب اللي بيتعبوه أطبّاء المستقبل ..
الله يكون بعونهم إن شاء الله .. و يكون كلّه بموازين حسناتهم ..

تحيّاتي ..

[Dr.6nash]

اختي روزا
:12:

انا طالبه علوم طبيه سسنه رابعه وداخله هذا القسم عن كامل اقتناع

وكلا في مجاله يبرع

حاتخرج باذن الله واشوف نفسي على كل الدكاتره :wooow:
ليه هما بس الي يشوفوا نفسهم!!

يكفي اننا اساس الطب

[RoSa]

<center>
أهلا أختي Dr.6nash ..
في باديء الأمر اسمحي لي أن أُرحّب بكِ أشدّ الترحيب ..
لا تتصورين مدى سعادتي بتواجدك بيننا ..
فها أنتِ تجددين الحماس في نفسي لإحياء هذا القسم :)

***

عزيزتي ..
جميل أن يحمل كلّ شخص مقدارا من الثّقة تعينه على ما قد يواجهه في حياته ..
و في موضوعي هذا كنت أتحدّث عن بعض ما قد نواجه أو ما واجهنا ..
و لاحظت أنّك قد واجهتِ بعضاً مما تحدثت عنه في المنتدى بأولى مشاركاتك ;)
و هذا ما رسم الإبتسامة على شفاهي :) ..

***

Dr.6nash ..
الله يبلّغك ان شاء الله و تحققي امنياتك ..
و يبلّغنا ياااااارب ..
أكرر ترحيبي بكِ مجدداً ..

تحيّاتي ..

[Dr.6nash]

الله يسلمك اختي روزا
:12:

وانا اسعد بيكي صراحه

انو في صوت لعلوم طبيه المساكين في العالم

وانشالله انا معاكي حنخلي القسم دا مليان مواضيع

تحيــــــــــــــــاتي روزا :to:

[RoSa]

<center>


هلا بيكي Dr.6nash ..
و إيد على إيد تكبر و تزيد ;)

تحيّاتي ..

[dr_stars]

بسم الله الرحمن الرحيم


اولا احب ان ارحب بالجميع في الكليه والصراحه فكره المنتدى هذه ناجحه الله يسلم اللي عملها وسواها .

بالنسبه لموضوع العلوم الطبيه اولا مافي شئ اسمه تخصص ابله او مالو داعي والصراحه ان كل انسان يقدر يختار ايش يبغى وهو يرغب في ايش ؟؟
حتقولوا اتكلم بالواقع طيب ايش رايكم في تخصص الكيمياء ؟؟؟؟؟؟؟؟؟؟؟؟؟؟؟؟
كتير منكم حيقول في كثير منه وما لو داعي طيب ؟
تعرفوا احمد زويل ؟؟ شوفوا ايش تخصصه لو فكر بعقليتنا _ نحن العرب _ عامه ما كان صار شئ ولا نجيب محفوظ ولا الشعراوي ولا احمد شوقي ولا ولا ولا الخ .
هل كانوا من كليه الطب ؟
بعدين انا شفت انو طلبه العلوم هما نفسهم محبطين فيظونو كل كلمه عليهم .
للعلم انا طالب علوم ولكن عمرو ما احد اتكلم عليا ولا على التخصص مش كبرياء لكن ثقه في النفس ومعرفه بماذا اريد في الحياه وكلنا يعرف فاقد الشئ لا يعطيه .
ان كان هناك تميز فكل الاطراف مشتركه فمثلا انا كيف اقدر افهم صاحبي انو كويس وهو اصلا مش كويس اظن يبغالي اتخصص علم نفس او اقرأ عليه ماعلينا .
المهم انو كل واحد بنفسه يقدر يسوي اللي يبغاه .
يا اخي اسال نفسك انت ايش هدفك في الحياه ؟؟؟؟
تنجح وتمشي وتشتغل وزي ما تجي تجي ؟
والله لو كان في تخصص ما في زيه في الكون انا اشوف انو تافه . فين الطموح و المسئوليه ؟
حتقولوا هادا بيخرف خليه في الواقع .
والله انو كلمه (( خليك في الواقع هي اللي رجعتنا ورا )) .
الصراحه المشكله مش علوم او طب او هندسه المشكله احنا لو كل واحد فكر فينا ايش اللي قدموا في حياتوا ذاكر صح ولا اي كلام قد قرأ بحث عن شئ ؟ بحث عن شئ ؟ ولا الانترنت للعرب كلو شات و...و......و........ انا ما اقول انو الشات مش مفيد لكن الشئ لو زاد عن حده انقلب ضده .
لازم كل واحد فينا يفكر بجد في حياتوا ويخطط لمستقبله زي الناس يخطط لعشر سنين قدام ( احنا حتى تخطيط لبكره مافي ) الغرب احسن مننا في ايه .
وبعدين في حاجه ثانيه الغرب مش احسن مننا على الدوام او على الاطلاق هما احسن في اشياء نعم لكن احنا كبرنا هذه الاشياء وخلينا عندنا عقده الخواجه على قول اخوننا المصاريه .
وبعدين احنا اصلا مقنعين نفسنا بانو هما احسن مننا ودي مشكله في حد ذاتها ماعلينا .

على العموم كلامي مشتت وكثير لانو في كلام كتير ابغى اقولو لكن خلوها بعدين .
وهذا في الحلقه الجايه لوووووووول وكل عام وانتو ………………؟؟؟ الاختبارات جيه
سبحان ربك رب العزه عما يصفون وسلام على المرسلين والحمد الله رب العالمين .

[Dr_OSB]

كلامكم كله صح وخصوصا اعجبني كلام د.نجوم

ولعلمكم انا اللي اقنعني بدخول هذا القسم اخوية
كنت شايفه كيف متبهدل في الدراسة وبعد ما اتخرج متبهدل في العمل
ومنوابات وقلق
فقلت : لا ردها الله دراسة
وفكرت في اي شي غير الطب وما حوله
لكن هوه فعلا نصحني بهذا القسم وقاللي انو المستقبل فيه
واللي يبغى الفلوس برضو فيه
هذا اعتراف من طبيب
عن نفسي يخليني ازذاذ فخر بتخصصي

[Dr.6nash]

<center>

أفتخر بكوني طالبه علوم طبيه كل الافتخار

ومافيها اي حساسيه ولا شي

على قولك د.stars

خلي ثقتكم نفسكم كبيره يا
Medical Sciences

:12:

[White Wolf]

سلام يا حلوين


انا صراحه ما اقدر ازيد شي على الي قلتوه


بس في شي يحرقني مررره

سيبوكم من الناس الي عندهم خبره في الطب

خلونا في مجتمعنا العادي

اول ما يسألك واحد ايش تدرس وترد عليه تقلو علوم طبيه ايش بيكون ردو ؟


يعني تمرجي :?:


صحيح احنا مقنعين بالكلام الي بنقولو

بس المشكله قد ما تقلهم ما يفهمو


ولمن يفهمو


يقولو اهااااااااااااا يعني بتحلل مدري بول وبراز

اكرمكم الله

[RoSa]

<center>
dr_stars ..
Dr_OSB ..
White Wolf ..

أهلاً بيكم معانا المنتدى و القسم ..

طبعاً حنّا ما نختلف على أهميّة القسم ..
و إن رضا الإنسان عن نفسه و ثقته فيها أهم شي في الدنيا ..
و رضى النّاس غاية لا تُدرك ..

بس من جد أحيانا تصير مواقف و حركات بايخة تنرفز الواحد ..
لكن إيش الواحد يقول غير ..
و إذا خاطبك الجاهلون فقُل سلاما ;)

تحيّاتي ..