أرجو من الجميع المشاركة

[dr_deyaa]

السلام عليكم ورحمة الله وبركاته
مرحبا بكم شباباً كنتم أم شابات
صراحة حصل لي موقف يوم الأربعاء وحبيت آخذ رأيكم فيه وهل انتم مؤيدين له أم في الاتجاه المعاكس ………
أعرف انه أكثركم عنده اختبارات الأسبوع الجي ومانتم فاضيييين …… والله يوفقكم جميعاً .. لكن برضو ممكن تقروه وقت راحتكم ( طبعاً مافي واحد يذاكر 24 ساعة )ه
:LL:
ههههههههههه لا أطول عليكم في الكلام الفاضي وأدخل على طوووووول
كان عندنا محاضرة فسيولوجي معمل الساعة 12 ونص وطبعا لأن أكثر الطلاب غايبين ( بدعوة إنهم يبغوا يذاكروا ويستعدوا للاختبارات .. بكش
:122:
( فالدكتور ما طول معانا .. ماجات الساعة 1 ونص إلا واحنا بره .المشكلة انو عندنا محاضرة الساعة 3 … يعني قدامنا ساعتين .. طبعاً زاد عدد المفلسعيين بحجة المذاكرة .. الين مابقي إلا 6 طلاب ( يعني يعني انهم حريصين على المحاضرات ومهتمين قد كده ) … محدثكم منهم طبعاً
:to:

قعدنا احنا الستة في الكلية والتكييف المركزي يهف علينا هوا بااارد ومنعش .. ودار بيننا حديث ممتع
وشيق ، مني فاكر ايش الي دخلنا فيه ……
الموضوع كان حول الزواج ( وما أدراك مالزواج ) ومتى يفضل الواحد يكون وقته قبل التخرج ولا بعد التخرج … ولسوء الحظ حححح ( لحسن الحظ ) ستتنا كلنا كنا مؤيدين انه يكون قبل التخرج وحاولنا خلال الساعتين دراسة الموضوع من معظم نواحيه
بدأنا أول بميزاته .. وقلنا أهمها الراحة النفسية وانه الواحد يفرغ دماغه من الهموم والتفكير في الي عارفينوا ويركز في التياسة ححح أقصد الدراسة .. ولمن يرجع من الجامعة يلاقي أحد يشكيلوا همومه ومشاكله .. ويلاقي الصدر الحنون اللي يضمه ويهنيه .. ويشبع غريزته البشرية .. ويجد من يقول لها يا حبيبتي ( في الحلال طبعاً ) .. وغبيرها كتيييييير
واتكلمنا في العقبات الي ممكن تكون في طريقنا ومنها
1_ان الواحد لا سمح الله يبتلى بوحش ححح أقصد ببنت تنكد عليه حياته وما تكون مثال للمرأة الصالحة الخلوقة وما تهتم بزوجها ولا تراعي حقوقه ... :l: :l:
وحليناها بان الواحد ياخذ الأسباب ويحاول ينقي من عائلة كريمة معروف عنها الصلاح والأخلاق
2_ ان أهل البنوتة ممكن ما يوافقوا على واحد لسه طالب مو معروف مستقبلوا … وقلنا بالطقاق البنات كتير ومعظم الأباء ممكن يتفهموا أمرنا ويقدروا موقفنا ويساعدونا.
3_ ان الواحد كيف حيصرف عليها ويلبيلها متطلباتها .. فقلنا ماهي مشكلة كبيرة ، هي نفرة وحدة يعني عشرة عشرين ريال زيادة عن اللي بتصرفوا لوحدك يوميا , ومكافأتك على مكافأتها على شوية بقشيش من أبوك وعمك يكفوا ويزيدوا .. وبعدين اذا ربنا فتح عليك واتخرجت وصرت دكتور قد الغرفة ححح قد الدنيا سوي اللي تبغاه ان شاء الله كل يوم تباتو في دولة شكل.
:LL:
صراحة اللي شجعني على كتابة هدا الموضوع .. إني حضرت في نفس اليوم زواج واحد من أحبابي وهو بعمرنا تقريباً وحالته الاجتماعية أقل مننا بكتيييييييييييييييييييييييييييييييييييييييير

أخيراً آسف على الإطالة ومنتظر أراءكم في الموضوع وشكراً





















على فكرة … … استنينا الدكتور إلين 3 و نص وما جا وأدانا مقلب كبيييير


:o: :MM: :ya: :waa:

[Dr. MacabrE]

<center>


موضوع حلووووووووووو كثييييييييييييييييير:LL:

واحب اني اشارك كمان لاني كنت احسب اني انا الوحيد اللي يبغى يتزوج قبل ما يخلص

اولا موضوع الفركااااااااات كثر منها خاصه دي الايام

ثانيا موضوع الزوااااااج :wooow:

انا اشوف انو الزواج الصح يكون بعد سنه ثالثه يعني رابعه <<<<<<اجل بتكون خامسه خخخخخخخ

وطبعا فيه محاسن ومساوء

:aa:

بس اشوف ان المحاسن اكثر

ليه ؟؟


لانو زي ما قلت لمن ترجع البيت تلاقي مين يحن عليك ....وتقدر تشكي لها وتشكي لك يعني حركات زي كذا

واذا رجعت البيت كمان تشيل الكتب عنك وتقووولك ...هاه كيفك يا عمري كيف كان الدوام اليوم؟؟
وتديك :k: الخ الخ
اوووووووووووه على طوووول بانسى هموم الدنيا والدراسه

:122:

لكن ........



اذا جا حظك مع وحده نحسه







اوووووووف



تجيب لك الصداع


اول ماتدخل البيت تقوولها شيلي الكتب


تقوولك ليه يا دلوعه ماما شايفني خدامه والا زي النود اللي في المطار شياله؟؟




وتقوللها هات الغدا


تقوووولك

ما طبخت

ليه ما اكلت من السوق



ماني فاضيه

وبعدين تبغا ريحتي تسير كلها كشنه؟؟


وهاتك مشاوير

مره عند الماما ومره في السوق الفلانس ومره في السوق العلاني


الين ما يجيك بادريق ويوولك خذ ملفك

:MM:






بس هذي النوعيه قليل








تشاااااااااو



يتبع

[dr_messo]

<center>الزواج قسمة ونصيب والله يعمل الخير :LL:

[dr_mido]

اقول ترى الزواج احسن شي في سنة رابعة ........ عشان الواحد يطبق زي الزبط




:K: :K: :K: :K:

[WaLeeD]

الصراحة الصراحة يادكتور ضياء

الموضوع بالمرة حلو

وتشكر عليه

لكن كل واحد رد على الموضوع اتكلم بطريقة عامة

يعني

ما أتكلم عن نفسه

أما انا وأعوذ بالله من كلمة انا

حأتكلم عن نفسي وربنا يعين


انا صراحة كل يوم امي تتريق عليه وتقول

يواد ايش رايك نزوجك ؟؟؟؟

ملاحظة: ممكن هي ما تتريق

لأنها ممكن مشتاقة تجيب عروسة لولدها بصفتي الأخ العود(بالشرقي) عشان كده

انا أقلها حاضر ياأمي

بس دوّريلي كويس

معليش (مش حأعطيكم المواصفات) هادا بيني وبين أمي ربي يخليها لي

قولوا آميـــن

أنا عن نفسي ياشباب

ابغى أخطب وانا سنة رابعة ، ولو مافي نصيب ممكن سنة خامسة

مشي حالك

أما الزواج فهادا بالإتفاق بين أهلي وأهل حرمتي (بالمكاوي) هههه

:122: :122:


آآآآآآه شايف انو الشباب زعلوا عشان ما أعطيتهم المواصفات

طيب طيب

المواصفات هي

انو لمن انا اتزوج

اكون انا سعيد الحظ اللي يتزوج وحده زيها

مو هي تكون سعيدة الحظ انو تتزوج وحده زي

والعاقل حيفهم العبارة هادي

وسلامتكم

[dr_deyaa]

مشكورين جميعاً على الكلام الحلو



مشكور مكابري على مشاركتك المفيدة وإضافاتك الحلوة




د ميسو مأ أعطيتنا رد واضح يعني



مشكور ميدو ... شكلك ناوي على وحدة تووورة عفواً أقصد دكتورة شطورة



مشكور ليدو ... صراحة عبارتك الأخيرة مني فاهمها



وعلى فكرة أنا برضو معاكم أنو يكون في السنة الرابعة وإن مافي نصيب الخامسة


والله يوفق الجميع



:SS:






يعني ما في أحد يمثل الاتجاه المعاكس:1:

[Dr. MacabrE]

<center>


سلام عندي اضافه كمان


انا ابغى رأي الطالبات


يعني في حالتهم هذي يقبلو بواحد طالب والا لا ؟؟

وهل تبغى تتزوج الحين والا تنتظر لمن تتخرج ؟؟

ونبغى مشاركه د إ معانا بحكم انها ماشاء الله عليها عقدت قرانها الله يوفقا في حياتها الزوجيه

وكمان الطلاب اللي تزوجو

لاني بصراحه ما اعرف الا اوحد سنه رابعه علوم طبيه متزوج وعنده بنت الله يحفظها بس لسوء الحظ مو مشترك معانا في المنتدى

ممكن انا اساله وارد عليكم













سي يو






<<<<<يتبع>>>>>>

[mad^GIrL]

امممم

احم احم :t:

اول شي كل سنه وانتو طيبين

مشكور يا دكتور ضياء على الموضوع الحلو

طبعا انا اول مره اشارك وبما انه الموضوع حلو ومفيد ويخص الطرفين حبيت اقول رائي المتواضع :hp:


امممممممممم

حلو انه الواحد يتزوج وهوا بيدرس عشان يلاقي وحده تستناه في البيت
تشيل الكتب عنه زي ما قلتوا وتطبخله وتحن عليه ووو....الخ
لاكن تخيلوا لو الوحده تزوجت وهيا بتدرس
وجات من الجامعه تعبانه
ياترى هل زوجها راح يشيل عنها الكتب :?:
او يسامحها لانها ما طبخت لانو عندها اختبار
طبعا انا ما اتوقع انو راح يسوي الشي هادا

الا

اذا كان امها داعيالها بليله القدر

[dr_mido]

الله لا يقدر يا دكتور ضياء

واذا صار ما صار

فافضل ان تكون ربة بيت

يعني تكون درست و تبغىتقعد في البيت

وهذا الشي بعيد لأنه مو معقول تدرس سبعة سنين و تجيك تبغى تقعد في البيت

========================

لكن يا مسز ماد جيرل


اانا أرى انه البنت مكانها بيتها مهما طال الزمان او قصر

لكن الانسب لها في هذه الحالة ان تتزوج بعد التخرج

او انها تكتفي بملكة و خطبة الىما بعد التخرج

او انها تتزوج من طالب

لكن بشرط ان يؤجلو عملية الانجاب حتى يتسنى لهم من مذاكرة دروسهم

:hp: :k:

[Dr. MacabrE]

<center>

السلام عليكم


:sad:


Mad Girl

اول شي شكرا على مشاركتك

لو كانت الطالبه تدرس على قولك برضو

مو يعني انه ما تقدر تشيل عني الكتب عاااااااااااادي

لانه شيل الكتب ما يحتاج الي قوة عضليه كبيره


يعني معقوووووله اذا خلصت من دوامه ما حتقدر تشيل ولا شي

هي المسألة نفسية فقط

يشيل عنه الكتب = تشيل همومه

والطبخ عااااااااااااااادي اذا ما قدرت تطبخ الحين ما فيه اكثر من المطاعم ((بس مو كل مره):l:

انا بعض الاحيان لمن ارجع من الدوام الساعه 4.5 او 5 اروح لواحد من اصحابي وهناك بنفسنا نسوي الغدا عاد شوفو الطبخ اش يطلع

المهم نشبع والحمد لله

:K:

واعتقد انو لمن الوحد يتزوجو سنه رابعه او خامسه ما فيها شي بالعكس جدا عاااااااااااااااادي
بالنسبه للاختبارات
عاد الله يعين بس ما حتدوم الاختبارات على طول كلها اسبوع او اسوعين بالكثير




>>>>يتبع<<<<

:d:

[dr_deyaa]

:sad:
بالفعل كلامك معقول
حتى إني سمعت شريط وزعوه علينا في معرض الكتاب الطبي الثاني ... ما أدري إن كان زرتيه ولا لا
ذكر فيه إن طالبة الطب مهضومة الحق أكثر من غيرها
لأن عليها أن تختار إما الزواج أو الدراسة والوظيفة أو كلاهما معا لكن حياتها الزوجية ستكون مهددة بالتفكك
:sad:






لكن يا أخيتي .. عندما خلق الله البشر .. لم يخلقهم جميعاً على طباع واحدة .. بل لكل شخص طباعه وأراءه وأفكاره
وأصابع يدك موزي بعض

وأقلك بصدق أنه واحد من الخمسة اللي كانوا جالسين معايه كان مؤيد وبشدة أن تكون شريكة حياته طالبة في كلية الطب حتى تكون عون له وسند في الدراسة والتوجه العلمي

يعني لو من كل ستة كان في واحد مؤيد حتطلع نسبة طيبة
والله يهنيكم



ويعدين شايفك ركزتي على حكاية الطبخ والنفخ
وأنا أاكدلك زي ماقال مكابري أنها مجرد شي ثانوي ليس له عندنا أهمية كبيرة
وإن جات على مسألة الطبخ .. فالحمد لله أمي كل يوم لمن أرجع من الجامعة تكون مجهزتلي الغدا
وأكلها مافي أحلى منه

في حقيقة الأمر نحن نبحث عن الراحة النفسية .. نريد أن نجد من تضمنا إلى صدرها الحنون لنشكي لها همومنا ومشاكلنا .. ونحقق غريزتنا النفسة التي فطرنا الله عليها


وهذا مو كلامي .. بل كلام رب البشر عز وجل
حيث قال ( ومن آياته أن خلق لكم من أنفسكم ازواجا لتسكنوا إليه وجعل بينكم مودة ورحمة .. )ه

وعلى قولك لازم نحاو نرضي أمنا وأبونا ونبرهم
عشان يدعولنا .... ترى دعوة الوالدين ما في أحلى منها





__________

مالك ياميدو متحامل على بنوتات الطب ومقفل عليهم خط الرجعة
إن كان أنت ماتبغى منهم سيبهم لغيرك ياسيدي
:MM:

[dr_mido]

انا مش متحامل على بنات الطب

بالعكس

جزاهم الله خير

لانهم بيساعدوا المرضى و

لا تنسى

انهم اسقطو حق دراسة الطب عن غيرهم

و جزاهم الله خير

=================

بس زي ما قلت انت

ان كل واحد له وجهة نظر

و انا وجهة نظري

ان شريكة حياتي تكون ربة بيت

:to:

[dr_messo]

<center>


شباب وشابات

الحل ادعو وقولو


يا رب لو كان ليا خير في الزواج زوجني في الوقت المناسب


انت اعلم مني


والله يوفق الكل

:SS: :SS: :SS:

[mad^GIrL]

مرحباااا:1:



اممممممم


صدقوني الطالبه ما تقدر تتزوج



لانها والله ماراح تقدر توفق بين الدراسه والزواج
البنات غير الاولاد



ياما ترسب ياما ترضي زوجها وربها



وبعدين فيه سبب تاني

الغيره

وخاصه اذا كان زوجها من النوع الغيور والشكاك
يغار عليها لاحد يكلمها
يغار عليها لا تشوف احد


عشان كذا نصيحه اللي ناويه تتزوج تسيب الدراسه او لا تفكر في الشغل لانو ماراح يخليها تشتغل

الا اذا كان دكتور زيها ومعاها في المستشفى نفسها عشان يتطمن :LL:



اما عن نفسي انا راح ماراح اشتغل :sad:

[Dr. MacabrE]

<center>

:?: :?:


اما عن نفسي انا راح ماراح اشتغل

اش اخر كلام

حتشتغلي والا لا ؟؟؟



:l: :l:

[mad^GIrL]

:122: :122: :122:



غلطــــــــــه مطبعيــــــــــــــــــــــــه



سوري


بس جاني حول من المذاكره




:to:







ترا ماراح اشتغل :hp:

[Dr. MacabrE]

:15: :15: :15:

[RoSa]

<center>
شكرا دكتور ضياء على الموضوع..
أحببت أن أوضّح أن هناك الكثيرات أمثال الدكتوره mad^GIrL
يعني مو كل من درست 7 سنين حا تقول ما راح أسمح تعبي يضيع هدر ..
بالعكس كثيرات هن من لا يردن دخول ميدان العمل بعد التخرّج ..

و بالنسبة للزواج ..
مثل ما قال دكتور ميسو قسمة و نصيب ..
يعني إذا جا المكتوب ما منّه مفر ..

و نصيحة منّى ..
لا تتشرطوا و تتعبوا أهاليكم ..
مشان ربنا يرزقكم الزوجة الصالحة اللي تريّحكم ..

تحيّاتي ..

[Dr. MacabrE]

<center>

طيب ممكن اعرف ليش يتعبو حالهم اذا كان بيدرسو خصوصا طب!!

لانو فيه تخصصات كثيره حلوه ممكن تفيدهم في الحياة الزوجيه زي انجليزي رسم وغيرها

والا قصدك انها اذا تزوجت تبطل شغل؟؟؟
:?: :?:

[dr_deyaa]

Originally posted by mad^GIrL
مرحباااا:1:



اممممممم


صدقوني الطالبه ما تقدر تتزوج



لانها والله ماراح تقدر توفق بين الدراسه والزواج
البنات غير الاولاد



ياما ترسب ياما ترضي زوجها وربها






عشان كذا نصيحه اللي ناويه تتزوج تسيب الدراسه او لا تفكر في الشغل لانو ماراح يخليها تشتغل

الا اذا كان دكتور زيها ومعاها في المستشفى نفسها عشان يتطمن :LL:



اما عن نفسي انا ماراح اشتغل :sad:







زي ماقلتلك يادكتورة
إنه من الخمسة إلي كانوا جالسين معايا كان مصر وبشدة على أن يتزوج طالبة طب مثله
وبعدين عندك الدكتورة إ .. ماشاء الله سمعنا إنها على وشك الزواج وهي طالبة معاكم
والله يعينكم ويرزقكم الزوج إلي يقدر ظروفكم



أاكد .... طالبة الطب مهضومة الحق أكثرمن غيرها

[reda0007]

:45: هيا فتحو مخكم معايا

موضوع مهم جدا وجيد للنقاش وواقعي

اتصور أن الزواج بالنسبه لطلاب الطب في السنه الرابعه او بعدها جيدا جدا
لكن قبل رابعه لأأأأأأأأأأ لحد يغلط صدقوني
ولو سار قولو على الدنيا السلام في تالته لأنو احلى شي ممكن تسوي في تالته
هوا إنك تنام وإنت جمبك الكتب تكلمها وتكلمك وتشكيلها وهيه تشكيلك كمان
أقصد الكتب طبعا :wooow:

وعموما الزواج إذا كان بنية صادقه إنشالله
إنو يكون عون للطالب وبالعكس يشعرو بالمسؤوليه ويعقلو
ويخليه يحس إنو ليه داعي في الحياه وفي ناس في حاجتو
وأغلب الأحيان يكون نتائجو إيجابيه إنشالله

س : سؤال يجيب عليه الطالب
قطار بسير بسرعة 90 كم / الساعة ، ويتوقف في 8
محطات ، وسرعة الرياح 134 م / ثانيه
فما اسم سائق القطار ؟!!!

أما بالنسبه للبنات .......
سبق وان شاركت في موضوع سابق عن الزواج والوظيفه
والذي احب ان اوضحه هنا ان بعض البنات الله يهديهم
تحسب إنو المرأه العصريه هيه المرأه العامله اللي تخرج كل صباح وترجع بعد الضهر عشان ترتاح وتجهز لليوم الجديد
وهذا خطأ , لدرجة انها لا تتصور نفسها في بيت الزوج فقط لرعاية البيت وتربية الأبناء
وهنا احب ان اذكر ان هذه فكره خاطئه فحين خلق الله المرأه جعلها نفسيا مهيئه للجلوس في البيت والقيام بمهامه
يقول تعالى " وقرن في بيوتكن " اما الرجل فجلوسه في البيت قد يجلب له الأمراض ويفقده هيبته
ولذلك فمثلا بنات الطب
يجدوا مشاكل احيانا بالنسبه للزواج والوظيفه وهل تضيع سنين دراستها على الفاضي
اولا , اتصور انه لا يمكن للوظيفه ان تمنع الزواج ولو كنت بنت لأخترت الزواج
:wooow: هههههه بلا وظيفه بلا هم
ومن ناحية تضييع سنوات الدراسه
لماذا لا نتعلم العلم لأجل العلم
يعني هل نتعلم العلم فقط للوظيفه ؟ او للعلم ومعرفة تقدم العلوم وتسبيح الله
يقول رسول الله صلى الله عليه وسلم : من سلك طريقا يلتمس فيه علم سهل الله له به طريقا إلى الجنه
وإن كان اتيسرت الوظيفه خيره وبركه وأجر انشالله لكن اهم شي بدون مشاكل

وهنا اقول للأخت
madgirl don't be mad , study because u want to study and forget about the jop , and u will live your life in peace
I know a girl who had studied till the 4th year , and now she is happy between her kids that she know much about the medicine .

[dr_deyaa]

مشكوووور دكتور رضا على المداخلة الحللولة هده




مالك معارض الزواج قبل رابعة ... شكله تالتة مرة معقدتك
ولكن صراحة أنا أأيدك في كل ما قلته





وبالنسبة للبنوتات
كل وحدة عقلها في راسها ... تعرف خلاصها



:122:

[Dr.E]

<center><FONT FACE="DecoType Thuluth" SIZE="5"><FONT COLOR="#000000"></b></b>
د. ضياء ..
موضوع جميل يستحق النقاش فشكرا لك ..
وجهة نظرك صحيحة بان الزواج المبكر يحقق الراحة النفسية لكن يختلف الوضع لطالب الطب عن طالبة الطب.. فطالب الطب يمكنه أن يتزوج ويكمل دراسته إذا ما استطاع التوفيق بين متطلبات الدراسة ورغباته وشريكة حياته من قضاء أوقات ترفيهية قد تؤثر سالبا على دراسته وبالمثل للطالبة غير انه في حالة الطالبة وفي أسوء الاحتمالات فإنه لا يضرها تأخرها الدراسي أو حتى تركها للدراسة بالقدر الذي يضير الطالب.. فالمرأة (الزوجة) ليست مكلفة بالإنفاق على عكس الرجل والذي عليه توفير قوت أسرته..
طبعا أنا لست ملمة بمستوى صعوبة الدراسة في المستويين الرابع والخامس.. وان كنت أتوقع سهولة الخامس عن الرابع لسبب أن المستوى الرابع هو مرحلة انتقالية بين الدراسة النظرية والتطبيق العملي.. ولهذا أفضل أن يكون الزواج في المستوى الخامس..

أما عن محاور نقاشكم فقد توصلتم للحل في النقطة الأولى وهو اختيار الزوجة الصالحة التي توفر لزوجها الاستقرار والراحة النفسية وتساعده على الإبداع والنجاح.. أما بالنسبة للمشكلة المادية من مهر وخلافه فكثير من الآباء لا يشترطون وتهمهم بالدرجة الأولى أخلاقيات الشاب ومدى كفاحه بالحياة ورغبته الصادقة في توفير حياة كريمة لابنتهم.. طالب الطب له مستقبل اجتماعي مرموق ولكن وكرأي شخصي بالنسبة لي إن كان كل ما لديه هو هذا المستقبل فلن أقبل به.. لسبب ماذا لو لم يجد الوظيفة بعد التخرج ؟ في مرحلة دراسته الجامعة ينال الطالب مكافأة شهرية ولكن بعد التخرج إذا لم يوفق في التوظيف مالعمل؟؟ القصد هنا أن كثير من الطلبة الجامعيين يستغل وقت فراغه بالعمل ولو باجر يومي.. يكافح ويجاهد.. وفي أيام الدراسة يتفرغ لدراسته هذا النموذج من الشباب هو من يبحث عنه أولياء الأمور وكنت أبحث عنه
أثرت نقطة مهمة في قولك إن طالبة الطب مهضومة الحق أكثر من غيرها لأن عليها أن تختار إما الزواج أو الدراسة والوظيفة أو كلاهما معا لكن حياتها الزوجية ستكون مهددة بالتفكك.. هنا لي وقفات.. كنت أؤيد هذا الكلام وبشدة ولكن اتضح لي أن هناك من يبحث عن الطبيبة وقبل كل شئ الزواج قسمة ونصيب.. لي صديقات تخرجن من أقسام نظرية قبل عام لم يتزوجن حتى الآن وتزوجت أنا رغم أني ادرس الطب
اتفق معك في إن دعوة الوالدين مافي أحلى منها.. بالعكس أنا أشوف إن رضا الوالدين بعد توفيق الله هو سبب سعادتنا ونجاحنا في الدنيا.. والله يخليهم لنا ويكسبنا رضاهم..

مرة أخرى اكرر شكري لك على الموضوع الرائع ..
***
د. مكابري..

مستعجل على الزواج .. خير البر عاجله أكيد بتلاقي مين تقبل ترتبط بطالب طب.. والله يوقفك يارب ..

عني أنا المسألة كلها قسمة ونصيب والحمد لله الله أعطاني زوج رائع متفهم لطبيعة الدراسة والعمل وعم يشجعني كثير.. مسالة الزواج لسه ما قررنا متى بتكون، بس الأكيد قبل التخرج لأن فترة الملكة مو حلو إنها تطول زيادة عن اللزوم ..
بعدين في دفعتي في طالبتين متزوجتين ومسؤولات عن بيت وزوج وما شاء الله عليهم قادرين يوفقوا بين الدراسة والزواج .. كل شئ بالتعاون ممكن يصير .. وأنت قلتها حكاية الطبخ محلولة بالمطاعم لكن مو كل الأيام ممكن تكون بس في الأيام اللي يكون فيها الدوام متأخر.. بعدين مثل ما قالت روزا لا تتوقع أن كل طالبات الطب دراستهم أهم شئ .. بالعكس مهما وصلت البنت لدرجة عالية من التعليم يبقى حلم الأمومة أهم شئ عندها.. وأنا وغيري كثير.. ممكن نكون بنتعب بالدراسة واخترنا مجال صعب بس كله ممكن نتنازل عنه منشان عيون طفل يناديني ماما .. كان ممكن ادرس أي قسم نظري ثاني اسهل لكن بعد ما اخلص هل راح ألقى وظيفة؟ البنت عندنا مخيرة بين مجالين إما المجال التعليمي (تصير معلمة) أو المجال الطبي (طبيبة او ممرضة .. ) والكل عارف مدى الاكتفاء اللي وصلت له الوظائف التعليمية.. الوظيفية ليست الغاية ولكن قد تضطر الظروف إليها.. مثلا لو لم يُكتب لي نصيب و أتزوج هل أظل عالة على إخواني وزوجاتهم أم اكفي نفسي حاجتها.. شئ آخر يفيدني من دراسة الطب متابعة صحة أفراد عائلتي على أسس علمية صحيحة.. أنا لا أشجع على ترك الدراسة لكل طالبة طب تزوجت .. فإذا استطاعت التوفيق بين الدراسة (ومن ثم العمل) والبيت فهذا شئ رائع أما لو شعرت بان الجانب العملي سيطغى على دورها كزوجة ومربية أجيال .. فالأولى ترك الطب.. وشعاري دائما.. (حاجة المريض لطبيبة كبيرة ولكن حاجة أطفالي لي كأم أكبر.. المريض سيجد غيري كثير ولكن أطفالي لن يجدوا لهم أما) ..
***
د.ميسو..
صدقت .. الزواج قبل كل شئ قسمة ونصيب .. الشخص ممكن يرسم ويتخيل مواصفات شريك حياته بس لو جاء النصيب كل اللي رسمه ممكن يتلاشى 
وبالنسبة لدعوتك احب اني أضيف عليها الآية (.. ربنا هب لنا من أزواجنا وذرياتنا قرة أعين و اجعلنا للمتقين إماما) سورة الفرقان الآية 74
والله يوفق الجميع ويسعدكم يارب ..
***
د. ميدو ..
الله يختار لك الطيب ويسعدك يارب.. وان كنت اختلف معك في حكاية إنك مستبعد ان طالبة الطب تدرس وتجلس بالبيت.. لأن هالشئ حاصل كثير والدليل إن وزارة الصحة كل فترة والثانية تبحث موضوع دوام الطبيبات و إمكانية تقليل عدد الساعات نتيجة لتفضيل الطبيبة أسرتها على ساعات العمل الطويلة.. ونسبة كبيرة من الطبيبات بعد ما يتزوجوا يستقيلوا غير الطالبات اللي ما يكملوا أصلا .. وتبقى المسألة قسمة ونصيب .
***
د. ليدو
(المواصفات هي انو لمن أنا أتزوج أكون أنا سعيد الحظ اللي يتزوج وحده زيها مو هي تكون سعيدة الحظ انو تتزوج واحد زي)
كلام جميل والله يكتب لك العروسة اللي تتمناها يارب..
***
ماد جيرل..
صحيح إن مسؤولية الزواج كبيرة ويحتاج لها مجهود منشان توفق الطالبة بين الدراسة والبيت خاصة لو كان الزوج مو متعاون.. بس إذا كان متعاون بيهون كل شئ خاصة لو لاحظ الزوج إن زوجته بتحاول ترضيه وتوفر له البيئة المناسبة ممكن ترهق نفسها بالبداية فيرق قلبه عليها.. مهما كان هو بشر وهو راح يعاونها.. مثلا لي قريبة تزوجت وهي تدرس الثانوي وما كان لها بال بالدراسة بس زوجها كان يشجعها تكمل .. وهي الآن حاصلة على الدكتوراه وتدرس في كلية التربية وعندها أبناء وبنات متفوقين كمان.. يعني كلها توفيق من الله عز وجل بزوج متعاون ويكون هو سبب النجاح للمرأة.
صدقيني لو الوحدة عرفت تنظم وقتها بتقدر تدرس وتتزوج وتنجب كمان.. والأمثلة كثيرة لناس كثير سبقونا ونجحوا رغم إن ما كان عندهم كل هالوسائل المريحة و التي تساعد ست البيت في إدارة بيتها.. أما الرسوب فإذا الوحدة عملت اللي عليها ورسبت فهذا قدر.. ومو عيب الواحد يفشل مرة أو اثنين .. العيب انه ما يحاول يبذل جهده..
حكاية الغيرة فهذي المفروض من البداية يكون الزوجين تفاهموا عليها.. يعني زوجي أنا من خارج المجال الطبي.. لكنه يؤمن أنه اختار إنسانة تعرف كيف تحافظ على نفسها وعلى سمعته.. يغار صح لكن يثق إن كل الرجال فيما عداه هو صفر على الشمال بالنسبة لزوجته.. وبنفس الوقت لو حسيت للحظة وحدة إن عملي بيكون سبب في هدم علاقتي الزوجية فالله الغني عن العمل.. وسبحان الله الغيرة هذي شئ فطري.. يعني أنا كنت ارفض اني ارتبط بطبيب لنفس السبب لأني اعرف نفسي وغيرتي المجنونة.. والحمد لله تزوجت واحد ماله في المجال الطبي والعمل المختلط..
***
روزا ..
(لا تتشرطوا و تتعبوا أهاليكم ..مشان ربنا يرزقكم الزوجة الصالحة اللي تريّحكم ..)
نصيحتك صح 100% .. ويكفى الواحد يبحث عن المرأة الصالحة.. وبالنسبة للبنت يكفيها أخلاقه ودينه.. وقبل كل شئ استخيروا الله عز وجل في كل أموركم.. الإنسان إذا ما سلم ووكل أمره لله ما راح يندم على اللي يصير له بعد كذا حتى لو كان حس بالندم للحظة وحدة راح يتذكر إن هذا ممكن يكون له ابتلاء من الله فيصبر ويرضي.. وعادة بعد الخيرة ما يصير الا كل خير.. واسأل مجرب.
***
رضا ..

مداخلتك رائعة بحق وقلت اللي ودي اقوله .. دايما ينتقدوني صديقاتي لما اقول اني عم أتعلم مو منشان أتوظف ولكن منشان استفيد بعلمي في محيطي الأسري سواء في بيت اهلى او بيت زوجي وهذا في حد ذاته دور مهم ..

انا معك ان المرأة دورها الأهم انها تكون زوجة وأم .. مو انها تكون طبيبة يشار لها بالبنان..
تحياتي
د.إ

[dr_deyaa]

ما شاء الله .... ما شاء الله






اللهم لاحسد






مشكووورة دكتورة إ على الكلام الرائع ... إلي ما بعده كلام



كفيتي ووفيتي



والله يهنيك ويهني الجميع
:wooow: :wooow: :wooow:

[Dr. MacabrE]

<center>

السلام عليكم

مشكوره د إ على التعليق

صراحه كلام 100 بالميه


وشكرا لدعوتك الحلوه

واحلى حاجه اعجبتني


((منشان عيون طفل يناديني ماما ))


اوووووووه متى يجي واحد ويقوللي يابابا

لاني انا امووووووووت في الاطفال
:eye:


ما نقدر نقول الا الله يكتب اللي فيها الخير

ودعواتكم





تحياااااااااااااتي

[reda0007]

شكرا للدكتوره الفاضله
والكلام الجميل , ونتمنى لكي جميعا إنشالله الحياه السعيده بإذن الله

ما احببت ان اوضحه هنا هو نقطه واحده
بأي حال من الأحوال لا أحد يستطيع ان ينكر مدى تأثير الزواج على طالبة الطب
لا نذهب بعيدا , فالزواج دائما ما يتلوه حمل وولاده وامومه سعيده بإذن الله
ولا احد يحبذ تأخير مسألة الإنجاب عموما

أنا اتمنى التوفيق لكل طالبات الطب إنشاء الله
ولكن ارجو ان لا تكون حجة إكمال الدراسه او التفرغ للدراسه هيه السبب للإعراض عن الزواج
لأننا جميعا إعترفنا ان وظيفة المرأه كأم هيه الوظيفه الموهوبه من الله سبحانه وتعالى وما يتعارض معها مرفوض
فمثلا الحمل قد يأخر الطالبه في الدراسه او يدفعها لترك الدراسه كليا
وهذا الشيئ مما لا يندم عليه صح ؟؟؟؟؟؟؟؟؟؟ عااااااااادي مو زي الأولاد مساكين
فإن حصل وان كملت الدراسه خير وبركه وإن لم تكمل فهي قد اكتفت
وزي ما قالت الدكتوره
mad girl
وأرضت زوجها وربها
وإن كان الزوج متعاون جدا فجزاه الله خير واعانها على تكملة الدراسه إنشالله

[mad^GIrL]

مرحبااااا:1:



كل سنه وانتو طيبين بما انه اليوم رمضان



مشكوره يا دكتوره إ على الكلام الحلو
وكفيتي ووفيتي على قول دكتور ضياء

وانشالله ربي يوفقك انتي وزوجك
وبالرفاء والبنين



وانا عن نفسي بصراحه احب يكون شي واحد في عقلي وقلبي


يا اما زوجي او دراستي وشغلي




:to: تحياتي

[RoSa]

<center>
Dr. MacabrE ..
ما شاء الله عليها د.إ ما قصّرت ..
و وضّحت النقطه ..
***
مشكور د.إ
بالتوفيق إن شاء الله ..
و كل سنه و انتو طيّبين ..

تحيّاتي ..

[dr_messo]

:12:

<center>




تحيه طيبه ورمضان كريم لكل اعضاء وزوار منتدانا


صراحه سعيد جدا بالنقاشات اللي جرت في الموضوع وتبادل وجهات النظر


شكر خاص للدكتوره إ على ردها المفصل


واشكر كل من طرح وجهة نظره في الموضوع

وكل من شارك


واحب ان اهنئكم على اسلوبكم الرائع جميعا والحفاظ على ادب الحوار والنقاش

دون الخروج عن الموضوع او التجريح


واتمنى ان تفتح مواضيع جميله للنتقاش مثل هذا الموضوع


وادعوكم من هنا للمشاركه في موضوع الاخت روزا في قسم العلوم الطبيه

وهو بعنوان


العلوم الطبية والمجتمع

للوصول للموضوع والمشاركه في النقاش



اضغط هنا (http://www.uqumed.com/vb/showthread.php?s=&threadid=434)


شكرا لكم جميعا

:12: :12:

[Dr.wrood2004]

مرحبا..ما قرأت الموضوع إلا للتو
واسمحوا لي بالمشاركة برأي متواضع ..
او تاكيد مجموعة أراء وردت في النقاش والتي تعبر عن وجهة نظري..ما شااءلله الأخوات روزا ودكتور إ ما قصروا الله يعطيهن العافية ..
اؤيد كلام دكتورة إ كله من اول حرف لأخر نقطة ..
البنت بتدرس اما عشان تخدم النساء في مجتمعها او عشان تحصن نفسها ضد العوز
لكن ...اولادها اهم من النساء
النساء بيلقوا الف دكتورة غيرها توقف معهن لكن اولادها ما راح يلقوا الا الخادمة وبصراحة الكثيرات من البنات ترفض ان اولادها يتربو بين يدي خادمة
كل ببنت تبغى تربي اولادها زي مااتربت هي على يد امها
واذا صار وكان الشخص اللي تزوجته الطبيبة قادر على ان يجد قوت يومه فراح يزول السبب الثاني
وما راح يكون فيه داعي انها تشتغل وتتعب
ااروع ما تحب ان تملكه البنت هو منزل تكون هي ملكته المتوجة بدون سلطان ..
ومثل ما الكل قال
الله يرزقنا الخير والصالح واللي فيه النصيب ..
(ربنا هب لنا من أزواجنا وذرياتنا قرة أعين )
عزيزتي ماد قيرل ...
كل شيء نقدر نسويه بالتفاهم
قد ايش بتاخذ منك الدراسة فيغير ايام الاختبارات
ساعة في اليوم ساعتين
احسبيها ما راح تجي على بعض ان كثرت 3 ساعات
هذا بالنسبة للطلاب العادييين :85:صح ؟؟
وما اعتقد انها راح تعيقك عن المذاكرة او الدراسة ...
مافي شيء صعب ..
ربنا اعطى الانسان العقل عشان يفكر فيه
ولو استخدموا بالطريقة الصحيحة بالاضافة الى العمل بشرع الله ومحاولة ارضائه جل شالنه
صدقيني راح ينجح ويلقى وقت لكل شيء
الله يرزق الجميع الخير والصلاح
تحياتي

2004


:455:

[dr_deyaa]

أشكر الجميع على مشاركاتهم وإبداء آرائهم في الموضوع
وصراحة الموضوع متشعب مرة وكل واحد له وجهة نظر
:?: :?:
وخصوصاً بالنسبة للبنوتات .....الله يعينهم ويوفقهم للاختيار الصحيح







طبعاً ... وربي يوفق الشباب للظفر بخير متاع الدنيا





بس ليه تعليق على كلام الدكتورة ورووود
البنت بتدرس اما عشان تخدم النساء في مجتمعها او عشان تحصن نفسها ضد العوز )))
لكن ...اولادها اهم من النساء
النساء بيلقوا الف دكتورة غيرها توقف معهن لكن اولادها ما راح يلقوا الا الخادمة)))ه

ما تلاحظي معايا دكتورة .... إنه لو كل بنوتة في كلية الطب قالت نفس هدا الكلام
محا نلاقي في المستقبل طبيبات يوقفوا مع زوجاتنا وبناتنا ويساعدوا بعد الله في علاجهم



المسألة ومافيها
إنه طباع البشر مختلفة ... وأصابع اليد مو سوا
في بنوتات يفضلوا الزواج وبنوتات يفضلوا إكمال الدراسة ومن ثم الزواج (مين حيرضى بيها بعد ماعنست ) وبعضهم ربي يرزقهم بأزواج يقدروا ظروفهم ويراعوهم وبعضهم يكون دكتور من نصيبهم يوقف معاهم ويساندهم



والله يوفق الجميع

[dafoor]

السلام عليكم ورحمة الله وبركاته

بصراحة الموضوع مثير للجدل وهدي مو اول مرة يطرح في المنتدى

ولكن انا بصراحة من مؤيدي الزواج بعد التخرج

قلي ليييييييه؟

أقولك ليييييييه


أول شي يا شباب لا تضحكوا على نفسكم وتضحكوا علينا


:MM:

كل الكلام اللي قلتوه لو جينا نحلله نلاقيه مع احترامي الشديد

أحلام في الهواء وان شئت فقل النوم في العسل


يا حبيبي انت وهوه الزواج يبغاله مسؤوليه ويبغاله مصاريف ويبغاله بلى أزرق

فأصحى انت وهوه الله يخليكم

حتقولي كيف كدا أقولك

أول شي مصروف البيت اللي أنت قلت أنو مو مشكله زيادة عشرين ريال على الراتب هي الحل

عشرين ريال ؟؟؟؟؟ والله لو كنت بتربي حمام يا راجل

ثاني شي ان الحلول كلها تعتمد على الغير

ابويه يجبلي عمي يسلفني

وهدا كلام مو معقول ان في واحد يفك بيت بمساعدات خارجية فقط

وبعدين حتى لو دا حصل

منتوا ملاحظين ان هدا تفكير اناني شويه

بمعنى أن أنت يا طالب الطب ابوك موفرلك سيارة تحت يدك
,و غرفة خاصة لك تزاكر فيها,
وفوق كدا مصروف شهري ما يتأخر

وكل هدا يكلفه كتير فوق هدا تبغى تجبله رزيه(مصيبه بالمكاوي) يجلس يصرف

عليك وعليها وعلى بزورتكم

طيب ما فكرت في بقية أخوانك اللي محتاجبن لنفس الشي

و ما فكرت في أبوك انو هو اولى بهدي الفلوس


ياخي اصلا الواحد مننا لازم يستحي من نفسه

طوله قد الجمل
وشنبه يوقف عليه صقر
ويستنى راتب من ابوه بدل ما هوه يدي ابوه راتب


هدا شي

الشي التاني انك اعتمدت على ان اهل العروسه يتفهموا وضعك ومدري ايش

وفوق كدا تتشرط وتقول ابغاها من عيلة

أنا وجهة نظري ان الواحد لا يتقدم للزواج الا وهو ماكن

يعني عارف ان أهل العروسه ما حيلاقوا أحسن منوا



وبعدين انت في كلامك حللت لنفسك ماحرمت على غيرك

يعني قلت البنات مولازم يتزوجوا قبل التخرج

يعني فكرك البنات مهم محتاجين لواحد يلف معاها سمبوسك رمضان ويقلها تسلم يدك

ما رح اتكلم كتير عن البنات لأن معادلتهم صعبه وأنا بطلت رياضيات من زمان


وبعدين تعال قلي ايش تبغى تسوي في مسؤوليات البيت

بعني مثلا الطلاب وقت الإختبار يقعدوا يذاكروا وأنت رايح تعبي أنبوبه الغاز

وتملي جوالين الزمزم

وتشتري حفايض للبزوره

وتزور ابو مرتك لأن مدري ايش سرلوا
ولازم تروح لأنك رحيمهم

وزي ما قلتلك الزواج وراه بلاوي زرقه

واذا كانت مرتك موظفه او طالبه

قول على البيت راح في اللبن

ديك الساعة تعرف العشرين ريال اللي حتغديكم بره كل يوم





:SS: :SS: :SS: :SS:


عالعموم الكلام في هدا الموضوع يطول وأتمنى تكون أقتنعت-



على فكرة د.ميسو تري الدعاء هدا مرررررررررره مفيد وجميل

اتمنى من الأخوان يستفيدوا منوا


المخلص لكم


دافور
:122: :122: :122:

[reda0007]

دكتور دافور حبيب البي انت يا شيخ
كلامك موزون وما يجي إلا من اقدع الناس :LL:

لكن
يا حبيبي إنت تبى تصعبها تتصعب عليك وتعصب راسك وتموت هههههه بعيد الشر إنشالله
لكن سهلها وهيه تتسهل
ياخي من نواحي كثيره
اولا هناك من الناس من هم مرتاحيين إقتصاديا ......... ماالمانع من الزواج حينها إذا كان يقدر الحياه الزوجيه ويقدر مدى اهمية مستقبله الخاص
تانيا .... هناك اباء كثير او امهات منى عينهم وحلمهم في الحياه تزويج اولادهم بسرعه ورؤية بزورتهم نعم بزورتهم ولن اقول ابنائهم
تالتا ..... وكما هو مذكور في السنه غاااااالبا ما يكون الزواج باب للرزق
لا بل وحتى الخلفه تكون سبب للرزق
وذلك يأتي من وجوه كثيره اولها مباركة الله في المال يقول تعالى زوجوهم فقراء يغنيهم الله
تانيا ان الزواج يشعر المرء بالمسؤوليه وذلك بالتأكيد ما سيكون الدافع له للإعتماد على نفسه والبحث عن سب الرزق
ورابعا ..... سبحان الله في ناس ما يتهدوا او يعقلو بالأصح ويعرف قيمة الحياه إلا لو زوجتو
يعني يزوجو عشان يعقلو ....... وهذه تحصل كثيرا


فيعني يا ابو الشباب رفقا بالشباب قد تتحول الأحلام حقيقه بإذن الله
ههههههه يا حبيبي إنت يا دكتور لا تستبعد يوم ترجع من الجامعه تلاقي الماما مجهزتلك عروسه تدبسك فيها طول حياتك اححححححححلى سجن تأبيده
وتحياتي لك يا دكتور يا محترم والله وحشتنا مشاركاتك

[Dr_amorous]

السلام عليكم في البداية
يا د/رضا007 إلي بتتكلم عنهم مرتاحين إقتصاديا فئة قليلة من الناس وغالبا في هذا العصر (تأمين رخصة وبعده صحي وبعده ضرائب وهلم جره)
يا د/ رضا الزمن كل ماله للوره (للأسوأ) وبكرة كل واحد إقول نفسي نفسي
أصلا في الوقت هذا مو كل واحد إقدر اسلفك أو اعطيك كل واحد يبي يمد رجوله على قد لحافه
هذا اللي يبي يتزوج رايح يكون أسرة يعني بيت ,من بدايتها يبغى يعتمد على غيره (من الباب والماما)
مدري عنكم لكن أنا من الناس إللي أبي أعيش زوجتي أميره يعني أجبلها خدامة سواق اللي تباه مو أقل من العيشة الواحد عايشها في بيته
وكيف حيصير كده بالعشرين ريال (أصلا 20 ريال مبالغ فيها كتير)
شوف أنا زيكم أبغى أتزوج بدري لكن زي ما قال د/دافور لا نضحك على نفسنا (نمو في العسل)




إلا إذا واحد جاته مليون ريال(طاح على كنز) روح أتزوج يا ولدي على طول ولا تفكر في أحد
:87: :122:

[Dr.Ayman]

Originally posted by Dr_amorous

مدري عنكم لكن أنا من الناس إللي أبي أعيش زوجتي أميره يعني أجبلها خدامة سواق اللي تباه مو أقل من العيشة الواحد عايشها في بيته




انا عن نفسي اشترط ان تكون البنت الي اتزوجها ماتبغى لاخدامة ولا سواق

اذا على سواق انا موجود انا السواق:d:

واما بالنسبة للخدامة فلي قصص وحكاوي

والحمد لله بعد ماسفرنا الخادمة الي كانت عندنا رجعت البركة في البيت

ماادري كيف الواحد يعيش وعنده خدامة في البيت

عيونهم تكسر الحديد
حسد ووووووووووو
وحدث ولاحرج

والي يبغى يتهنى ويعيش مرتاح
لايجيب خدامة ويريح باله

واذا يبغى يتزوج موظفة اقول له ماهي مشكلة سيب البزورة عندهم جدتهم
ههههههههه
:ws:

لكن بعد الي شفته من الخدامات من حسد وعين
حتى لمن الواحد يشتري حاجة ينضرب فيها عين
يشرب موية ينضرب فيها عين
يشتري سيارة جديدة اليوم الثاني تنصدم عليه
لن افكر في يوم من الأيام ان ادخل خادمة في منزلي حتى لو كان راتبي الشهري 200.000 ريال


وهذه وجهة نظر شخصية

حتى لو اضطرني الأمر إلى أن تكون زوجتي ربة منزل على الأقل أضمن تربية ابنائي واضمن لنهم لن ينحرفو في طرق الضلال والغواية والمخدرات وووو
على الأقل ترجع بيتك وتشوف افضل انواع الطعام والبيت نظيف ومرتب ووو

واما الشغالات
الله اعلم ماذا يضعون في الأكل وغيره
والقصص كثيرة



وآسف على الخروج عن الموضوع والإطالة

تحياتي للجميع بلا استثناء
:D:

[Dr.Ayman]

Originally posted by reda0007

كلامك موزون وما يجي إلا من اقدع الناس :LL: فيعني يا ابو الشباب رفقا بالشباب قد تتحول الأحلام حقيقه بإذن الله
ههههههه يا حبيبي إنت يا دكتور لا تستبعد يوم ترجع من الجامعه تلاقي الماما مجهزتلك عروسه تدبسك فيها طول حياتك اححححححححلى سجن تأبيده


خخخخخخخخخخخ

اما لودبستك في وحدة تكرونية :o:
هههههههه


الله يزوجكم كلكم

[dafoor]

السلام عليكم ورحمة الله

= = = = = = = = = =

أشكرك يا دكتور أموروس على المداخلة
على الأقل الواحد يحس انه مو لوحده هنا
= = = = == = == = =

أما بعد أولا أحب أوضح نقطة هنا يمكن تكون ما أتفهمت من كلا مي

ألا وهي:أني مقتنع تماما بأن الزواج المبكر أريح وأفضل وهو السنة اللي وصانا بيها النبي

صلى الله عليه وسلم .......ولكن

وضع مجتمعنا اللي أنفرض علينا يخلي الواحد يفكر الف مرة قبل

ما يقدم على الزواج


كيف يعني؟؟؟

يعني أن المصاريف اللي يحتاجها الزواج زي
المهر , قصر الأفراح , الملكة ,الشبكة, الغمرة, ,ال ال ال ال

غير تكاليف ما بعد الزواج
البيت يبغاله فلوس ,السياره, اذا أحد مرض لا قدر الله , مقاضي رمضان , مقاضي العيد

هدا غير مصاريف المناسبات والهدايا ووووخلافه

وصدقني لما تتزوج حتطلعلك مصاريف ما تدري من فين

كل هدا يخلي أن من المستحيل أنك تعتمد فقط علىأبوك

هدا من ناحية الفلوس

طيب المقتدراللي أبوه يقدر يوفرله كل هدي الأمور

تبقى وراه مسؤولية البيت والأولاد والمشاوييييييير اللي ما تخلص

صدقوني أنا قبل ما أكتب هدا الموضوع سألت ناس متزوجين

قالولي نفس الكلام
مشاوير ومنا سبات تطلعلك فجأة في اوقات المذاكرة وما تقدر تعتذر


وبعدين يا أخوان أنا ماني شابف أننامختلفين كتير

يعني غالبيتكم قلتم بعد سنه خامسة
يعني فرقت سنة
بعد سادسة حتستلم راتب موبطال (ولو أني سمعت أنهم خفضوه كتييييييير)ولكن

ساعتها تقدر تتزوج وأنت متطمن

= = = = = = = = = = =

دكتور أيمن تفألوا بالخير تجدوه

[Dr. MacabrE]

<center>

السلام عليكم

اعذروني للتغيب كل هذ المده

لكن انشغلت بالتصميم

المهم
بالنسبه لموضوع الخدامات
يعني الواحد لو قدر يستغني عنها افضل

لكن اذا ما قدر اش يسوي؟؟

صح انو في السنوات الاولى للزواج اصلا تكون الوجه الصالحه ما تبغى خدامه

تبغى تخدم زوجها وبس

لكن اذا جاها اطفال والظروف صعبه لازم وحده تجلس عند الاولاد خاصة اذا كانو صغار

اما الام قصدي ام الزوجه او ام الزوج

او اخت الام

او غيرها المهم وحده

لكن اذا ما لقيت ولا وحده

اش تسوي ؟؟

وصح انا مع الدكتور ايمن الخدامات وراهم مصائب الى الليل لكن ادعوا الله انه يرزقكم بوحده طيبه على نياتها

لكن اقل الضررين انه تجيب خدامه او تترك العمل

فهي بين نارين


والله المسعان










تحياااااااااااااتي

[ana_dr_romance]

<center>

بعد السلام يحلى الكلام
تصدقو انو انا اول مرة اشوف الموضوع دا
وانا قاعد انبش في الريلاكسيشن سنتر
لمن ما شفت شي جديد قلت خليني اقرا المواضيع
وصراحة الموضوع حلو
وانا ليا تعليق بعدما سمعت تعاليقكم وفي منها المقنع وفي منها اللي لاع
المهم
بالنسبة لشخصي
انا ما افكر في الزواج دحين ولا في الحب
لانه مالو وقت
وماافكر فيه الا بعد التخرج وبعدما مااخد راتب عدل واوقف على حيلي
علشان لمن احط يدي في يد ابو البنت
اقله معاك الدكتور فلان الفلاني
واتكلم واقول انا كده كده
مو اقول انا طالب في الطب
وابويا يصرف عليا واخد شحته من عمي
ومدري 20 ريال ما عشرين ريال
ياناس احنا طلاب الطب
المفروض صراحة
دا المفروض
انو مانفكر في الزواج دحين
الا بعد مانتخرج ديك الساعه نخطب ونتزوج
يعني انا اقلكم هيا بصراحة
لو جا عريس لأختي وقللي انا طالب
اقله.. بكل بساطة وبالفم المليان

اسري

ولمن تعتمد على نفسك يا بتل
ديك الساعه تعال حط يدك في يدي واطلبها مني
اممم
هادا ما يمنع انو الواحد يكون حاطط عينه على وحدة وتكون بنت نقول قريبته او صاحبة اخته
او صديقته او حبيبته
انا احس من العيب
انو اتقدم لخطبتها وانا مو قادر اشيل مسؤولية نفسي
وخلونا نكون واقعين
انا باتكلم على المستوى العادي المتوسط للناس
يعني بالله 1000 ريال تكفيك انت وزوجتك
ولا ترضى انو ابوك يصرف عليك انت وزوجتك
احس من العار انه يصرف عليا وزوجتي

وصراحة انا ما أؤيد فكرة انو يزوج بنته بريال
علشان يجي في الجريدة
ولا كانها علبة بيبسي ولا حلاوة مصاص ولا تشيبس
حتى البرينجلز اغلى منها
LoOoOoOoOoOoOoOoL
ولو مثلا مرة متأزم الوضع اتقدم لخطبة البنت
او اقرو الفاتحه
اما حكاية حجز وما حجز .. وانا خايف تروح البنت من يدي
حط في بالك انو ربنا
لو اراد انها تكون لك.. فهي لك
واذا ما صار نصيب لاتزعل نفسك وتنقهر
ويا شباب الطب
ركزو في دراستكم
واضمنو مستقبلكم
بعدين اتزوجو
ياخي طيب افرض ما كملت في الطب
وانسحبت من الكلية وصارتلك مصيبة
ايش ذنب البنت تخليها تعيش في حياة مو حلوة
او انه تطلقها وتصير من انسة الى مطلقة وانتو عارفين نظرة المجتمع للانسانة المطلقة
لاتقولو انت متشائم
لا مو متشائم بس هادي قصة انا اعرفها
وصارت
بس يمكن استثني من هادي الحالة
الناس اللي ماشالله ربنا موسع عليهم وعندهم فلوس
ويقدر يعتمدو على نفسهم
ولهم القدرة انه يفتحو بيت ويكونو قد المسؤولية
ومو محتاجين لفلوس من احد
هنا مافي مانع
وهنا الواحد يكون لازملو حرمة تريحه وانا اعرف شباب كتير في كليتنا متزوجين وماشالله عندهم اولاد
المهم

هادا رأيي وانا احترم رأي الكل


واتقو الله ويعلمكم الله


------------------
:sun:وَمـْـضـَـه :sun:
الاعتماد على النفس أولا.. بعدين الزواج
------------------


YaLLa
TaKeCaRe
C ya
Urs,

RomantiCCleveR=RomantiC4eveR

[dr_deyaa]

نحترم وجهة نظر الجميع




وبالفعل في صعوبات كثيرة حتواجه الي يبغى يتزوج قبل التخرج ... لكن صدقوني الي نيته صادقة وصالحة .... الله حيسهله كل صعب ويسرله أمره ...... بس للأسف إيماننا بالله ضعيف
بس في الأخير نقول : كل واحد يمشي على حسب رغبته وهواه

[ana_dr_romance]

<center>

بعد السلام يحلى الكلام
بالنسبة للاخ ضياء
انا حبيت اقول شغلة
انت لمن تقول احنا نحترم رأي التانين
هادي الكلمة اصلن مفروغ منها ومن اداب الكلام يعني احترام وجهات النظر للتانين
انما انو انت تجمع وتقول انو ايماننا بالله صار ضعيف
يعني انا اقول فكر بواقعية
وانت فسرتها ايماني ضعيف بالله
كيف جات هادي
وايش علاقة كلمة أأجل زواجي الى بعد التخرج
بقوة ايماني بالله
برضو انا احترم رأيك يا غندوري
بس حبيت اهمسلك في ادنك
واقلك لاتجمع

وبرضو فكر بواقعية وتلاقي كلامي صح

SaLaMLaM :)


------------------
:sun:وَمـْـضـَـه :sun:
لمن واحد يهرج ويقول شي ويطلقو على العام.. على الاقل يقول سلامة الطيبين ولا مووو
------------------


YaLLa
TaKeCaRe
C ya
Urs,

RomantiCCleveR=RomantiC4eveR