!!!أشياء ما أستوعبتها في كليتنا

[Dr.mo0ony]

كل سـنـة وأنـتـمـ طـيـبـيـن
ورمضان كريمـ علينا وعليكمـ

أنا حدخل في الموضوع على طول لأني صراحة الين دحين مو مستوعبة الحكاية

وحقلكمـ أول شي إيش الحكاية:
اليومـ الصباح كان عندنا معمل
فسيولجي,على قرب نهاية المعمل وحدهـ من زميلاتي تعبت وحست بكتمة ,في البداية حسبنا إنه شي بسيط , وشوية البنت صارت ترتجف , قامت الأستاذة أخدتها على معمل تاني قريب عشان ترتاح, إحنا خلصنا المعمل بسرعة ورحنا عندها, البنت كانت مكتومة بقوهـ ومهي قادرة تتنفس ولا توقف على حيلها , ودايخه مهي دارية عن نفسها , وأصلا طلع معاها ربو , جلسنا معاها قريب نص ساعة نهديها ونفوقها الين ما جا أبوها .

الشي اليّ أبغى أفهمه:

.!!!...دحين إحنا مو طالبات في جامعة , وكلية طب, وطب بشري كمان*
معقولة مافي عندنا عيادة طبية وأشياء بسيطة زى أكسجين وغيرهـ, أو حتى أطباء
!!!...يقدروا يلحقوا على البنت ألين مايجي إسعاف أو شي
حتى الإداريات ( الىّ الله يجزيهم خير وقفوا مع البنت آلين ماشلوها ودخلوها سيارة أبوها) ماعندهم خبرهـ قد كدهـ كيف يتصرفوا في حالت زى كده

صح كانت المسؤولة بتقول لأبو البنت لمن كلمته : لو حتتأخر إحنا نقدر ناخد البنت لمستشفي النور , لكن أنا أقصد أنهم مو عارفين كيف يسعفوا البنت آلين الوقت
الىّ تروح فيه للمستشفى
وبعدين للجامعة إدارة طبية ( أو وحدة ما أدري من جد إيش إسمها )بس فين ياترى...في الفرع الىّ بالزاهر..يعني إحنا مالنا رب

!!!...ولا مثلا في حالة زي كدهـ راح يطلبوا من الدكتورة إنها تجي من الزاهر للعابدية

أنا طبعا وأقولها إنو مالي حق أشتكي أو أعاتب أو غيرهـ عشاني
لسه دوبني طالبة مسجدة ومالي إلا كم شهر بالكلية ,
وكمان ماأدري إيش الأسباب
...يمكن تكون عندهم ظروف حالياٌ عشان كدهـ
بس وربي إني مقهورة على البنت,لا قدر الله لو صارت أي حالة مشابهة لأي بنت تانية, وماقدروا يلحقوا عليها ساعتها , ذنب المسكينة راح يكون في رقبة مين ...؟؟؟
أتمنى فعلا إني الاقي أحد يساعدني أستوعب الحكاية

[RoSa]

Originally posted by Dr.mo0ony
أنا طبعا وأقولها إنو مالي حق أشتكي أو أعاتب أو غيرهـ عشاني
لسه دوبني طالبة مسجدة ومالي إلا كم شهر بالكلية ,
وكمان ماأدري إيش الأسباب
...يمكن تكون عندهم ظروف حالياٌ عشان كدهـ
بس وربي إني مقهورة على البنت,لا قدر الله لو صارت أي حالة مشابهة لأي بنت تانية, وماقدروا يلحقوا عليها ساعتها , ذنب المسكينة راح يكون في رقبة مين ...؟؟؟
أتمنى فعلا إني الاقي أحد يساعدني أستوعب الحكاية

<center>
أنا ماني معاك في انه مالك حق تشتكي و تعاتبي ..

صحيح انك طالبة مستجده .. بس خلاص كونك بتدرسي هناك ده كفاية انك صرتي جزء من المكان و على عاتقك بعض المسؤوليات ..

المشكله دي قائمة من أول ما بدأ القسم في العابديه ..

بس أنا أفتكر انه مره كان فيه طالبة تعبت كده فطلبو المسؤولات دكاتره من قسم الطلاب يسعفوها ..

المشكله انه مافي أحد في المكان عنده الأهلية يقوم بالاسعافات الأوليه ..

لو مافي امكانيه يوفروا طبيبة مسؤوله في المكان ممكن ينتدبو وحده من المشرفات تاخد دورات اسعافات و الله حتنفع في الأزمات..

و غير كده الصراحه ما أعرف اذا فيه بعض الأدويه الضروريه في القسم و لا لا على أيامنا ما كنا نلقى ولا بنادول :)

المهم ..

تبغي أحد يساعدك تستوعبي الحكاية ..

ما أعرف اذا أحد قبل كده عمل الموضوع و لا لا

في الحالة اللي ذكرتيها ..

لو ولي أمر الطالبة يرفع خطابات للمسؤولين (وكيل الكلية+مدير الجامعة(
أو لو يقدر بنفسه يكلمهم ..

باعتبار اننا حاطّين في الحسبان انهم مايدرو عن الوضع .. أو إنهم مو حاسين بأهميته .. لأن من عاش الوضع مو زي اللي يسمع بيه بس

و لو اترفعت شكوى على شكوى ..

اكيد ان شا ءالله حتلقو مردود ..

و انتو بنفسكم سواء الطالبات المستجدا أو أي طالبه من الدفعات اللي أكبر لو حصل لكم أي لقاء أو أي احتكاك مع أي شخص مسؤول في الكلية من أي ناحية .. سواء رؤساء الأقسام .. وكيل الشؤون الأكادميه أو أي شخص ممكن يوصّل الموضوع للمسؤول عن سلامة الطالبات أفتحوا معاه الموضوع ..
ناقشوه..
أطرحو لهم حلول إذا هما مو عارفين الحل .. و أبسط شي حاليا في رأيي تدريب المسؤولات و المشرفات في قسم الطالبات على الاسعافات الأوليه و يمكن يكون فيه أبسط من ده الحل


و الله يكون في عون الجميع

و ان شاء الله مايضيع حق وراه مطالب

[Dr_Love]

عيشي وشوفي .............لسة حتشوفي مشاكل كثيرة (( الجايات اكثر ))

[MAJ]

أضم صوتي إلى صوت الأخت روزا

مهم هو وجود العيادة الطبية داخل المبنى


ولابد للموضوع من ردة فعل تأتي من قبلكم

فلن يحدث تغييرا بالصمت

والقضية برأيي تستحق فعلا منكم القيام بذلك


شيء آخر

برأيي أنه يجب أن يكون مطروحا ليطبق على ساحات الإداراة المسؤولة عن التعليم

فالطلبة بالخارج بجميع مستوياتهم وتخصصاتهم

قد يتلقون مناهج الإسعافات الأولية

في مراحل مبكرة جدا من أعمارهم

لأن الإسعافات الأولية ليست مختصة فقط بأصحاب الحقول الطبية

وإنما هي مهمة الشعب بأكمله

فقد يكون المريض قريبي أوقريبك في المنزل

وقد يحتاج إلى إسعافات أولية فورية

لحين وصول سيارة الإسعاف أو نقله إلى المستشفى

لذا فإدخال هذه المناهج إلى مدارسنا وجامعاتنا لدراستها ضرورية جدا

[Dr.abnormal]

المفروض
انو يكون لينا ادارة طبيه على الاقل مصغرة لين ربنا يفرجها ويكرمنا بمستشفى

بس الحاصل دايما

ابتسم فانت في جامعة ام القرى

من ناحية الشكوى اعتقد انك من اول يوم ليكي الحق بانك تشتكي
اذا ما قدرتي لاحد الشكوى لله في كل حال

هذي هي كليتنا العزيزة

الله يعزها صامدة ابيه في صحراء العابدية

[The Little Doll]

http://clairerechards.jeeran.com/kawaii-angel01c.gif

http://www.w6w.net/upload/16-09-2005/w6w_20050916024113431e0fbe.gif

احم

بما اني كنت موجودة في موقع الحادث
والبنت اللي طاحت هي صديقتي
البنت جت اليوم الجامعة وامس كلمتها وقالت امها انها مرة تعبانة

بتسوي تخطيط قلب ومحد عارف شفيها

لا قدر الله لو صار لها شيء بتكون مسؤولية منو ؟؟؟

والله محد راح يحط يده في القضية

بس والله زاد احترامي للأستاذة ابتسام
رغم كل شيء بقت صامدة وكانت مستعدة انها تشيل البنت عالمسشفى

ولكن اللي باط جبدي مشكلة الإسعافات الأولية

والله يا جماعة حنا بشر وممكن اي شيء يحصل

عالعموم هذه المشكلة رح تفضل معلقة الى ماشاء الله

http://clairerechards.jeeran.com/Oheart.gif تحية من القلب للقلب http://clairerechards.jeeran.com/Oheart.gif

http://www.w6w.net/upload/16-09-2005/w6w_20050916024113431e0fbe.gif
:l:

[Dr.mo0ony]

أول شي شكراً جزيلاً من جد لتفاعلكم مع الموضوع

MAJ و أختي rosa ثاني شي لكلامكم .. أختي
بالنسبة للخطاب ... فعلا فكرة صح ...
بس هل راح يسمعوا لنا ولا ...
(راح نرجع بخفي حنين )

كمان ..فكرة ان احد من المشرفات تاخد دورة في االإسعافات الأولية فكرة حلوة

طيب.. لو يسوا لنا احنا الطلاب والطالبات
ورشة عمل يدربونا فيها على لاسعافات الأولية
ماأدري هل دا الشي سهل أو صعب تطبيقه؟؟
لأنو ما عندي فكرة من جد
أصلا ما أدري هي أسمها ورشة عمل أوشي تانى (:

Dr_Love ثالث شي لكلام الأخ

ماأدري والله انا لسه حشوف ايش لاني من جد لمن دخلت المنتدي
وشفت مواضيع كتيرة فيها اشياء مو كويسية
جاني احباط من الجامعة
بس زي مااقال أحد الاعضاء
انو احنا الى مفروض نغير الكلية بنفسنا ونرفع من مستوها
بدل ما نحط يد علي يد ونجلس نبكي

فإنشاء الله يارب يارب يارب يكون في تقدم للأحسن
حتى ولو كان التقدم يمشي زى السلحفاة (:


هذي هي كليتنا العزيزة
الله يعزها صامدة ابيه في صحراء العابدية
(:


وأخيراً العسولة دودو
المشكلة زي ماقالوا راح تكون معلقة بس
الين ما احد يتحرك وياحول ولو شوية

بس قريب إن شاء الله لمن ربنا يزرقنا مستشفي جامعي زى جدهـ
إنشاء الله أكيد مشاكل كتير راح تنحل

وجزيتمـ كل خير

[Dr-futuer]

السلام عليكم ورحمة الله وبركاته



اخواتي
اضم صوتي لاصواتكم فعلا كاننا ملحق لجامعة الزاهر



يعني بطاقاتنا من عندهم
كشفنا الطبي من عندهم
حتى تخفيض الخطوط من عندهم
:MM:




























والأدهى والأمر

























أخلااااااااااااااااااااااقهم مع احترامي للجميع
بس بصراحه شفنا نماذج وقت الكشف الطبي




حدث ولاحرج
























هذا واحنا مسلمين نسأل الله السلامه




















































على كل بس اصير دكتوره ولايهمكم بااداوم عندكم
:122:















خلاص لاتخافون امزح :K:

[Honey Bee]

أنا كمان كنت موجودة وقت الحادث بس مادريت عنه غير بعدها بساعة!!
مو هذا المهم .. المهم على حكاية الخطاب يللي اتكلمتوا عنه ماشفتك عملت شي
يا دكتورة موني..

:t:
ماشاء الله دامك بهذا الحماس ليش ما كلمتينا في الموضوع؟
أكيد كنا كلنا حنتعاون وإن شاء الله رح يجيب نتيجة..

هذا من أول سنة ونحن محبطين..:l: كيف باقي السنوات؟؟

عشان كدة لازم نعمل أي شي يريحنا ويخلينا نتأقلم مع الوضع..

Thanx honey

[Dr.Layla Borham]

>

[moon light]

اضم صوتي لكم بوجود ادارة طبيه عندنا ذلك لاسباب كثيرة منها

اننا في مكان بعيد جدا ويكاد يكون مقطوعا واقرب مستشفى لنا

هي النور والمشوار تقريبا بعيد والله يستر

وانصح نصيحه لوجه الله اللي عندها مشكله مثل الربو وغيرها

ان يكون البخاخ الخاص بالربو معها على الاقل تخف الاعراض

الى ان يتم نقلها الى المستشفى اذا احتاج الامر

والله يعيننا جميعا
:aa: :455:

[nezarj]

بسم الله الرحمن الرحيم
قرات موضوع الطالبة الي مرضت فجاءه والتعليقات الي كتبها بعضكم مشكورا ولكن أحب أذكركم بانكم طلاب وطالبات طب و علوم طبيه يعني انتوا المفروض الي بكره حيجوكم الناس عشان تعالجوهم ,ياريت يكون دا الموضوع دافع لكم لانكم تتعلموا ايش لازم تعملوا في حالات مثل هذه (دائما العلم يبداء من رغبة الشخص للتعلم)ونصيحة لا تشغلوا نفسكم بتطوير الجامعه لانوا في ناس عملوا وبيعملوا من اكثر من عشرين سنه علي دا الموضوع منهم او علي راس القائمه الكتور عبد الرزاق سلطان
ياشباب كان لي الشرف اني من المجموعة الاولي من علوم طبية قبل ما يكون في طب داك الوقت كنا ننقل بعض الاجهزه من فصل لفصل لضيق المكان بالاضافة الي كل ما يمكن ان تتصوروه عن قلة المدرسين ودراسة مادة قبل مادة متطلب لها وغيره النهايه اتخرجنا وكثير مننابيدرس في الكليه واكيد حريصين علي التطوير حسب
المتوفر من الامكانيات
البشري السارة ان مستشفي الجامعة بتتبني وانشاء الله خلال 3 سنوات حتبداء العمل وبناء الكليات الصحيه بيسير حسب خطة و ميزانيه عمره مافي جامعة اكتملت في 5 او 10 سنين دائما بتاخذ اكثر بكثير من دا الوقت
ارجو المعذره علي الاطاله واتمني لكم التوفيق جميعا
نزار جوهرجي