ياجماعه في مكافأه امتياز ولا لأ؟؟؟؟

[Dr.6nash]

:waa: صراحه ابى أبكي يوم دريت انو طلاب علوم طبيه مالهم مكافأه امتياز!!!!!!!!

ليه طيب اشمعنى؟؟؟؟

مالهم رب
ولا حلو الشغل بدون راتب لمده سنه!!!!
اتحدى حمار يشتغل بدون واتب دي الأيام:K:
:waa: والللله اننا مساكين وعلى باب الله
المهم ابى كل واحد شطور عندو أحد او طريقه يتوسط فيها للرؤوس الكبيره عشان يسعوا لحل المشكله هادي
وله مني الحلاوه
أول مكافأه له:787:
يلا ابى اشوف الرد
ومين يطلع ولد أبوه وبسويها:LL:

[ana_dr_romance]

في الرياض واي مكان فيه علوم طبية بياخدو على الاقل 5000
ياعمي روح شوف حقون الكلية الصحية بياخدو فلوس


والقرار المفروض يعني انو يتجمعو كل طلاب علوم طبية وبيكتبو ورقة وتنكتب وترفعوها لرئيس الجامعه او
وزير التعليم العالي نفسه

وبالله التوفيق

وسلملم

-------------------------------
N my Heart U R the Only :12: :787: :12:

[Dr.6nash]

:O:
ايوه انت عارف
انو كل كليات علوم طبيه في المملكه يستلمو مكافأه قدرها 5500 ريال
الا ام القرى!!!!!!!!!؟
نفسي اعرف ليه؟؟؟؟
مع انها اول سنتين من افتتاح القسم كانوا بيستلموا بس السنه دي الغيت !! ليه الله اعلم
كيف نرسل لمدير الجامعه وهوا الي مصرح في جريده عكاظ وبالخط العريض عن انو مافي مكافأه لطلاب علوم طبيه !!! ولا يفكروا يقارنوا نفسهم بطلاب الطب
!!! ول يعني والله مو مقارنه ولا شي هما دكاتره واحنا اصل الدكاتره
بس المفروض يسعى انو يكون طلاب علوم طبيه في جامعته زي باقي طلاب علوم طبيه في باقي جامعات المملكه ولا مو
وعلى فكره طلاب الطب يستلمو 10600 ريال بينما احنا 5500 ريال ، حقهم وتعبهم واحنا حقنا وتعبنا وكلنا من والى وزاره الصحه يا هوووووووه

لنا الله

[ana_dr_romance]

انا معاك في انو الجامعه ظلمتكم وماتديكم مكافأة امتياز
بس هادا ما يعني انو انت تقارن بين طالب الطب وبين طالب علوم طبية
احنا شغلنا اكتر يا قلبي


وربنا يفرجها
والله ماادري ليش المعاملة هادي منهم

[dr_messo]

<center>

السلام عليكم ورحمة الله وبركاته


عزيزتي او عزيزي صاحب الموضوع


اعتقد ان اكبر الخطأ هو السكوت على موضوع مثل هذا


لماذا الجامعات الاخرى ونحن لا ؟

هل كليتنا اقل مستوى ام انها غير معترف بها ام ماذا ؟


والخطء الاكبر هو سكوتنا عن الموضوع

لذلك عليكم كتابه خطاب الى معالي وزير التعليم العالي

تخبرونه بالوضع الحاصل


وان اقرانكم في الجامعت الاخرى ياخذون راتب او مكالفأه عمل


وانتم لا تاخذون شيئا

وتطالبون فيه بالمسواه معهم



لانو لو سكتم على الموضوع سيبقى الحال على ماهو عليه


ولن يتغير


لانه لاصوت لكم


ولان زوير التعليم العالي لايعلم باحوالكم


لكن لو كتبتم له

سيختلف الوضع تماما


صدقوني

على ان يكون الخطاب شاملا باسم طلاب وطلبه قسم العلوم الطبيه

[Dr.6nash]

:O:

[ana_dr_romance]

انا معاكم ومتعاطف معاكم يا طلاب وطالبات علوم طبية
ومنجد الموضوع هادا ما ينسكتلو
والين متى تسكتولهم

لازم تجتمعو كلكم يا طلاب وطالبات العلوم الطبية وتكتبو ورقة وتوصلوها لفوق
بس تكون باسلوب حلو وكلام جميل فيه استعطاف خفيف
وهنا مافي كرامة وما كرامة
اذا كان لك شي عند اللي بالي بالك

قولو يا سيدي

او ترسلو للجرايد زيما احنا سوينا
ولا ماتتذكر يا ميسو
ايش سويت انا واخويا وفيصل وكتبناها في المدينة وعكاظ
هههههههههههههههههههههههههههههههههههههههههه

لازم ولا محد بياخد حقو الا كده


والساكت عن الحق ايش
شيطان

ومو بس شيطان
الا اخرس كمان


وان شالله يصير خير

Urs,
RomantiCCleveR

[dr_hani]

عليييكم بالدعااااء وقلوبنا معكم ياطالبات وطلااب العلوم الطبيه

حاااااجه تقهر من جد خاصة انوا في الجامعات الثانيه بياخذوا وهنا لا:l:

[dafoor]

السلام عليكم ورحمة الله وبركاته

ترى والله هدى من جد حاجة تفور الدم

ولازم تشوفولكم حل للموضوع هدا

يعني حتى لو وصل للصحافة بس المهم تسوي شي

الشي اللي مخوفني اكتر هو
إني سمعت ان طلاب الطب اتخفضت مكافأتهم

من عشرة الاف الى ثلاثة ونص
ابتداء من السنة القادمة

والله اعلم
نبغى من طلاب المستويات العليا يتأكدولنا من الموضوع

وجزاكم الله خبر

[dr_messo]

<center>


لم نسمع بهذا الكلام


ولا اعتقد انه صحيح


ولا سوف يطبق

[dafoor]

يسمع من بأك ربنا يا دكتور ميسوو

والله يكون بعون الجميع
طب وعلوم طبية

امين

[ana_dr_romance]

امين

[Dr.6nash]

<center>

حبيت بس اطلعكم على اخر التطورات في دا الموضوع
ارسلنا احنا قسم الطالبات لمشعل السديري وننتظر يرد علينا بفارغ الصبر وكتبنا خطاب لوزير التعليم العالي
ومعاه تواقيع البنات بس يا ريت الطلاب يجيبوا تواقيهم كمان

[Dr.zero]

واااااااااو والله ملني مصدقة
والله انك بنت ابوووووكي ياطنااااش

بس انشاالله يرد اخونا مشعل قبل مانتخرج:MM:



وإلى الملتقى:l:

[ana_dr_romance]

الحاصل قايلكم من اول ارفعو ورقة ياهو
والحمدلله انو انتو اتحركتو
وسويتو شي يعتبر في مازيان حسناتكم
ما اذا طـُـبـَِـق
وان شالله تكون لها اذان صاغية

ودعواتنا لكم بالتوفيق
هههههههههههههههههههههههههههههههههههههههههههههههه
خطيرة انتي يا زيرو
حلوووووووووووووووة بنت ابوكي
ع
س
ل
الكلمة هادي يا ناااااااااااااااااس


yalla baby , Take CareoOoOoOoH
Urs,
RomantiCCleveR

[Dr.6nash]

<center>
وي اكيد اني بنت ابويا..... اجل بنت مين هههههههههههه
لازم نتحرك بسرررررررعه ونعمل حاجه وسيبوكم من حط اليد على الخد !!! ولا مو؟
بس بصراحه
الشكر الاكبر للي كتب الخطاب
:33:
وراح أبلغكم اول بأول ايش يصير معانا...... دعواتكم

[ana_dr_romance]

ها نزلت المكافأت واعتمدو القرار






ههههههههههههههههههههههههههههههههه
يمكن لو كنت في امريكا


يالله دعواتنا معاكم يا طنش تعش تنتعش

يعجبني حماس ها الدكتورة


allah ye7meky :)


Urs,
RomantiCCleveR

[Dr.6nash]

<center>

آخر تطورات موضوع المكافأه... انو احنا طلبه وطالبات سنه رابعه ارسلنا لمشعل اللسديري
وللدكتوره ابتسام حلواني
بجريده عكاظ
وشرحنا الوضع كاااااامل عن المشكله دي
وانشر اليوم الخبر عن الموضوع في عامود الدكتتوره ابتسام - صفحه 10

وطلاب سنه خامسه كمان ارسلوا خطاب لرئيس قسم علوم طبيه وعميد الجامعه
وراحوا جريده عكاظ واتنشر الخبر يوم الخميس الي فات صفحه 5

باقي علينا بس نرسل لوزير التعليم الخطاب الي كتبناه والباقي عالله

قولوا ياااارب

[RoSa]

<center>
يااااااااااارب ..

تحيّاتي ..

[ana_dr_romance]

<center>

يارب



------------------
:sun:وَمـْـضـَـه :sun:
ماخاب .. من اعتمد على العزيز القدير
------------------


YaLLa
TaKeCaRe
C ya
Urs,

RomantiCCleveR=RomantiC4eveR

[Dr.6nash]

<center>

دي صوره من مقال د. ابتسام حلواني

[Dr.6nash]

<center>

ودا الكلام تبعنا حرفيا بعد الرساله المطوله الي ارسلناها احنا البنات

[Dr.Dawa]

<center>


صراحة جهد رائع

ومشكور

والشكر موصول لجميع من وقع وساعد

ولجميع العاملين وراء الكواليس

الحقيقة أثلجتوا صدورنا

وعقبال القرار الصائب العادل

والسلام

[ana_dr_romance]

<center>

ها ما صار شي
any new
ولا مكانك سر
ولا شوو؟؟



------------------
:sun:وَمـْـضـَـه :sun:
اتمنى انو الورقة الي كتبتوها..ماتكون نهايتها في الجرايد وبس..و الشكوى لله
------------------


YaLLa
TaKeCaRe
C ya
Urs,

RomantiCCleveR=RomantiC4eveR

[Dr.Basalamah]

Assalamu alaikum

طلبة الطب يحصلوا على مكافأة بناء على قرار سامي. ويستاهلوا!
طلبة العلوم الطبية يحتاجوا قرار من نفس المستوى والمقام السامي أكرم وأكبر المسؤولين.

وشطارتكم هناك تجيب الحل.

تفاءلوا بالخير تجدوه
:sun:

[White Wolf]

دكتور باسلامه


يا ريت توضحلنا اكتر


ايش قصدك ؟؟؟:?:

[Dr.zero]

هلا وغلا

السلام عليكم د0باسلامة

شكراً لتأييدك لقضيتنا احنا بنات العلوم الطبية

انت دايم عودتنا على المواقف النبيلة هذه
وتقبل الشكر والامتنان من إحدى طالباتك


:12:





وإلى الملتقى:LL:

[White Wolf]

دقيقه كدا استنو


يعني من جد طلاب العلوم الطبيه من اصلو مافي قرار نزلهم بانو يستلمو المكافئه دي في سنة الامتياز ؟؟؟؟

[dr_messo]

شكرا على النصحيه دكتور

وانشالله يوصل الكلام للمقام السامي




:12:

[Dr.cancer]

<center>
شكرا يا دكتور باسلامه على اهتمامك بينا والله من جد كلمة صدق في حقك انت الوحيييييييييييييييد اللي معبر علوم طبيه
احنا اخر شي سويناه اننا بعثنا برقيه لوزير التعليم العالي د.خالد العنقري احنا واخواننا طلاب سنه رابعه علوم طبيه ونستنى ردة الفعل
اعتقد انه لو جاء قرار من هنا راح يكون سامي
عموما لو ما كان من الوزاره راح نكلم أسمى من كذه
والله كريم اذا أراد شيئاً يقول له كن فيكون
بس بالله دعواتكم معانا وأي احد يقدر يقدم مساعده بالله لا يبخل
:hp: :J: :hp:

[Dr.6nash]

<center>

الله يسلمك دكتور باسلامه

محد حاسس بينا الا انتا والله

والف شكر على نصيحتك الغاليه وانشالله احنا قدها وقدود وراح نوريك شطارتنا بس خليك معانا

وأييد صوتنا وكن لنا خير معين

وما خاب من استشار.... ربنا قادر على كل شي

[Dr.6nash]

<center>

ثالث مقال ينزل باسمنا في جريده عكاظ عن مشكله المكافأه

خلي الموقر رئيس القسم او العميد يورونا كيف حيردوا عليهم!!!!!!؟؟؟

[Dr. MacabrE]

<center>

كثر الدق يفك اللحام

او كما قيل

ان شاء الله ربي يسمع منكم ونشوفكم تستلمو مكافآت

وابدا لا تأيسو






تحياااااتي

[Dr. MacabrE]

<center>


شكر خاص للدكتور باسلامه على تفاعله بالموضوع

واذا دل على شي انما يدل على حرص سعادته على طلبه ام القري

تحيااااتي لك استاذي الكريم

[~¤§(could i)§¤~]

<center>

السلام عليكم ورحمة الله وبركاته

اولا انا بدي افهم .. يعني ليش حجبو هذه المكافأة ؟؟

وايش معنى كلية العلوم الطبية عندنا في الجامعة ؟؟؟

ايش يعني .. خالف تعرف ؟؟

وبعدين مكافأة الامتياز هذه . الطلاب والطالبات بيصرفوها على جهدهم وعلى

الادوات اللي راح يشتغلو عليها ..

فليش كده تتشال ؟؟؟

وبعدين مو كل واحد مقتدر انو .. يكون بيرفكت ويظبط نفسه

وبعدين حتى لو كان مقتدر ..ما اعتقد يكون قدار على توفير 5500كل شهر

صح ولا مو يا جماعة ؟؟

وبعدين كيف راح يكون حال الدفعة

اول شيء هم بيصرفو من جيبهم ..وغيرهم في جمييييع الجامعات اللي سبقتنا وكانت موجودة من قبلنا

بيأخدوا اكتر منهم في كل حاجة

في التدريب في مكان التطبيق وفي الدراسة و كماااااان في المكافأة

يعني قوية .. و فيها ضغط نفسي كبير ؟؟؟

وهذه راح تؤدي ..الى نوع من انواع الامراض النفسية .. ولا مو يا دكاترة ؟؟؟


وبعدين .. لو هم ضامنين وظايف . او فرق معاملة بيكون بين الطالب اللي استلم مكافأة او ما استلم

يعني تكون الاولوية للي ما استلم مكافأة وانا اقصد في التعيين

يعني يقبلو خريجين وخريجات مكة نقول معليش

وهذا الشيء اعتقد يكون استحالة ؟؟


واعتقد المفروض انو كليتنا .. تشجع طلابها وطالباتها اللي صبروا

وتكافئهم .. وتعطيهم حاجة اكبر وتوفر اشياء اكتر مو تحرمهم بالشكل

التحطيمي هذا ؟؟؟

---------------

وبعدين انا بدي افهم .. لو مثلا يعني بدهم يلغو مكافآت الامتياز

وخلاص يصير التطبيق فوري .. المفروض ينبهو الطلاب والطالبات لهذا الشيء .. وبعدين

مو يشيلوها بالمرة .. المفروض يقللوها ..يعني بدل 5000 تكون 4000 وبعدين

تصير 3500 ... الين يوصل الحد اللي يبغوه . وبالتدريج ؟؟؟

مو كده .. الغي خلاص . ما في مكافآت ؟؟؟

صح ولا مو ؟؟؟

----------------


وبعدين هذه المشكلة .. حقت المكافآت بدأت هنا في العلوم الطبية وفي مكة

واحنا دايما نسمع ..ما ادري ان كانت اشاعات ولا لأ

انو المكافآت الجامعية راح تتلغي

طيب انا بدي افهم .. ليش يعني ؟؟

يا تكون موجودة يا تتلغي ... ليش يا ابيض يا اسود .؟؟


ليش ما في حل في النص .... يعني في البداية يقللوا المكافأة شوية

يعني اقسام الجامعة مو زي بعض ؟؟ وكل قسم له متطلباته

ويعطوا المكافأة حسب القسم وحسب الدراسة وحسب السنة

واذا والله ما فيهم . يسووا هذه الدراسة

انا راح اقترح اقتراح

على المكافآت ... انا موافق انهم يلغوها ويشيلوها

بس بشرط واحد

انهم يوفروا جمييييييع المستلزمات اللي لازم الطالب يحتاجها او الطالبة

ابتدائا من الكتب .. يعني يوفروا جميع الكتب لجميع المواد لكل طالب وطالبة

يوفروا له السكن وانتو عارفين لمن الواحد يتحدف في الهدا ولا في محل قطعه كده

لازم لو حاجة يدفعها .. عشان يسكن ...وبعدين مو كل الطلاب من مكة ..

في اللي من جدة ومن المدينة ومن الطايف .. والرياض .. واماكن بعيدة

وتلاقي المكافأة يروح نصها في ايجار الغرفة اللي بيسكنها

هذا اذا ما راحت كلها ما بين سكن واكل وشرب ومواصلات

وغير كده من المصاريف واللبس والاقلام والدفاتر والاوراق

والتصوير .. وكل حاااااااااااااجة .. يحتاجها الطالب او الطالبة

وانا متأكد .. بعد القروشة هذه .. راح ينزلو المكافآت تاني . ويقولو

خدوا الف ريال . وفكونا من طلباتكم لووووووووول

:122:


--------------





:sun:

ربنا معاكم

ومشكوووور دكتور باسلامة على تعاونك

ويا ريت تعطونا اخر تفاصيل هذا الموضوع

بعدين والله تراها كسيفة في حق كليتنا

لمن نلجأ للجرايد ونتظلم لها

بس ايش الواحد يقدر يسوي

اذا مـا بــقــي غـــيــر هــذا الــخــيــار ؟؟

:sun:

--------------



~¤§( When U Miss Me..
Just Close UR Eyes..
& Open UR Heart..
U Will Feel Me )§¤~

[ana_dr_romance]

<center>

وانا معاك يا اخويا قلبا وقالبا

دحين انا اسأل

ماذا بعد الجرايد
؟؟؟؟؟؟؟؟؟؟؟


وايش تتوقعو يصير

هل حيصير اللي تبغوه
ولا محا يصير





Now itz the time 4 SayiN



ˆ°*®§]¦[ S a L a M L a M ]¦[§©*°ˆ


------------------
:sun:وَمـْـضـَـه :sun:
سوي دعا
------------------


YaLLa
TaKeCaRe
C ya
Urs,

RomantiCCleveR=RomantiC4eveR

[MemiMermaid]

اولا احب اشكر د.باسلامة على التفاعل مع القضية

ثانيا: احب ارد على السؤال اللي فوق
بالله عليك اذا كانو بيقروا الجرايد اصلا


تالت شي ابغى اسأل : المكافأة دي فيييييييييين بتروووووووووووووح؟



ترى دعوة المظلوم ما تترد ادعوا و قولوا يارب

واتحدوا .. في الاتحاد قوة.. وبعدين تتحولوا على الرجل الحديدي و بعدين تحاربوا ساتولا الخ الخ الخ

خليكم ماشيين دربكم صح.. وربنا ما يضيع تعب احد انشاء الله



يا رب

[Dr.6nash]

<center>

اخر اخبار المكافأه ان طالبات وطلاب الامتياز رفعوا برقيه لولي العهد الأمير عبدالله
بموافقه من الدكتور عبد الرزاق سلطان

بلأضافه الى ان جريده عكاظ راح تتبنى القضيه
وتابعوا الجريده يوم الاحد بكره
أو يوم الاثنين
في الصفحه الأولى

[Dr.6nash]

<center>

آخر الأخبار
جريده عكاظ - عدد يوم الثلاثاء- 3 الحج
باسم طالبات امتياز علوم طبيه