مكافأه الامتياز ضايعه

[Dr.6nash]

:O:

ليه احنا طالبات علوم طبيه مالنا مكافأت امتياز
؟؟؟؟!!!!!!!!!!؟؟؟؟؟؟
والله حرام ليه ما يساونا ببقيه طالبات علوم طبيه في الجامعت الاخرى

ولا على راسنا ريشه.... والله بانتفها:hp:

يلا اقترح اننا نعمل خطاب لوزير التعليم العالي نسترحمه ونطلب مساواتنا ببقيه طلاب علوم طبيه

[Dr. MacabrE]

<center>

Dr. 6anash

مو بس طالبات العلوم الطبيه برضو طلاب العلوم الطبيه

وبس جامعه ام القرى

الطلاب طبعا ما سكتو راحو للمدير المكلف الدكتو ناصر الصالح واشتكو لكن رد عليهم بانو سوا اللي عليه وانو بعث لوزير الماليه لكن وزير الماليه رد عليه وقال له الميزانيه ما تسمح!!

طبعا قالو له ليش طلاب الجامعات الثانيه يأخذو مكافأت ؟؟

قاللهم هذا مو رسمي!!وانو مافيه بند خاص لطلاب العلوم الطبيه انهم بستلمو مكافآت

وسمعت والله اعلم من صحه الخبر انه العميد خُيّر بين مكافآت للطلاب أو مستشفى جامعي طبعا اختار مستشفى جامعي

وكمان سمعت انه راح تنزل لكم مكافأة شهرين عما قريب ((للتسكيت))

والله اعلم







تحياااااااااااتي

[RoSa]

<center>
Dr.6nash ..
ايدي على كتفك ..
اللي مستغربته اني العام سمعت انه ما كان ينصرف مكافات امتياز لطلبة و طالبات علوم طبيه ..
و انه الطلاب قدموا شكوى و اتقبلت ..
و تمت الموافقه ..
و اتفاجأت مره بالموضوع :(

***

يالله يا ستي ..
اللي مكتوب على الجبين بتشوفه العين ..
و رزق العباد على رب العباد ..

***

د. مكابري ..
مشكور على المعلومات المشجّعه :)

تحيّاتي ..

[dr_messo]

<center>


مع احترامي للكل



لكن انا اشك في انو مدير الجامعه كلم مدير التعليم العالي




وزي ماقلتلكم خطاب للوزير


ماراح يكلفكم شي
في مقابل انو راح تستفيد كتير ان شاء الله


وعندك ردي على الموضوع

في قسم الحوار العام

[Dr.6nash]

:12:
روزا الله يسلمك

د.مكابري ايش المعلومات الخطييييييييره دي صراحه لول مره اسمع بشي زي كدا

يعني مدير الجامعه يتخير ويتفق من ورانا!!!!!!؟
بلا مستشفى جامعي بلا نيله يعني من متى جامعه ام القرى كانت تهتم بانو يكون لها مستشفى جامعي خاص بها
طول عمرهم رامين نفسهم على مستشفى النور

وبالله يعني طلاب علوم طبيه هما الي يدفعموا الثمن!!! كبش فداء يعني

حسبي الله ونعم الوكيل

بعدين انتو عارفين انو الامير عبدالله اعطاهم مركز مكه الطبي لكنهم بعد كده رفضوه قلك ايه سعه المركز 120 سرير والمستشفى الحامعي لازم يكون على الاقل 400 سرير!!!!و :waa:

[Dr.zero]

أهليييييين0000أنا عضوة جدييييييدة
يمكن يكون عندي الحل ياد0طنااااش
البابا حقي يعرف واحد من أهم كتاب جريدة عكاظ ويقول سوولكم كم كلمة حلوييييين وأنا أقوله ينشرها
على فكرة0000هذا الكاتب من أبناء مكة وداااايم يكتب عن مشاكلها وهموم ومطالب أبنائها
أبغى أرااااائكم يا حلوييييييين
:k: :wooow: بااااي

[Dr.6nash]

<center>
:SS:

اخيرا جا الحل يا د. زيرو
ما يبالها تفكير!! يلا بسرعه
سريع سريع وعلى قولك مين في دا الزمن ما يقرا لمشعل السديري!!!؟
نرسل وندعي يااااااااااا رب يكون الفرج على يدك د. زيرو:to:

[Dr.zero]

لا لا لا يا قمري البابا يقووول السديري الناس اللي أرسلوله يستنوا بالطوابييير
يعني ياقلبي أتخرج أنا وانت واحنا ماحصلنا لا بلح الشام ولا عنب اليمن:12: :waa:

أنا قصدي على واحد ثاااني اسمه (الحساني)00

وعشان فيه واسطة فالموضوع راح يمشي بسرعة:J:




والله يوفق:k:

[dr_messo]

<center>


مرحبا يا جماعه صدقوني سبق وقلتلكم خطاب لوزير التعليم العالي




ومعاه ترفقو اكبر عدد ممكن من توقيعات الطلاب والطلبه



وبكدا راح تعملو شي ممتاز جدا


وصدقوني راح يشوفولكم حل


عموما انا راح اهديكم خطاب كتبتو عشانكم


عشان تقدموه

ولو حابين تعدلو عليه زي ماتحبو


وكمان المهم التواقيع

وطبعا ما اظن في واحد ولا وحده ماراح توقع انها تبغى مكافئه امتياز






السلام عليكم ورحمه الله وبركاته

معالي وزير التعليم العالي الدكتور / المحترم


تحيه طيبه نبعثها لكم معطرة بعبق بيت الله الحرام من مهبط الوحي ومنبع الرسالة من هنا من مكة المكرمة


نحييكم بها نحن طلاب وطالبات قسم العلوم الطبية بكلية الطب بجامعة أم القرى


اّملين أن نجد منالنا عندكم ونصل إلى مبتغانا .


فنحن يا معالي الوزير طلبة قسم العلوم الطبية بجامعة أم القرى نعاني من مشكله وهي أننا لا نحصل على مكافئه في السنة الاخيرة من دراستنا بالكلية أو بالأحرى التي تسمى سنة الامتياز أو التدريب والتي تكون تدريبا عمليا كاملا في أحد المستشفيات أو المراكز المتخصصة في مجالنا علما بأن أقراننا في الكليات الأخرى بالمملكة والذين هم في نفس تخصصنا يحصلون على مكافئه امتياز أو مرتب شهري في هذه السنة حوالي خمسة آلاف ريال بالشهر أما نحن فلا نحصل على اكثر من مكافئتنا العادية وهي مبلغ تسعمائة وتسعون ريالا فقط .

فهل هذا من العدل أن يميز أقراننا ويحصلون على مكافئه أعلى في آخر سنة فيما لا نحصل نحن الا على مكافئتنا العادية .


أهل نحن اقل مستوى منهم ؟ أم هل مستوى جامعة أم القرى اقل من بقيه الجامعات ولا يرقى طلبتها للحصول على مثل هذه المكافئة ؟

لأنه فعلا معالي الوزير لو اطلعتم لوجدتم أن جميع أقراننا يحصلون على هذه المكافئة .


لذلك نأمل من معاليكم النظر في امرنا ومساواتنا بزملائنا وزميلاتنا في الجامعات الأخرى وانتم أهل لذلك .




ولكم منا فائق الاحترام والتقدير

أبناؤك وبناتك طلاب وطالبات قسم العلوم الطبية كلية الطب جامعه أم القرى

مكة المكرمة







يالله همتكم في الباقي

[Dr. MacabrE]

<center>

السلام عليكم

حبيبي ميسو
الطلاب تقدمو بخطاب لوزير التعليم العالي ووزير الماليه

بس ما افاد ولا اشي
واخر شي سووه امس اراحو لمكتب عكاظ واشتكو
وقالو لهم ان الموضوع راح ينزل في الاسبوع هذا
وان شاء الله تتحسن اوضاعكم

تحيااااتي لكم جميعا
Mac

[dr_messo]

<center>



عزيزي مكابر ممكن معاك حق


لكن ماحيخسرو شي لو قدمو الخطاب تاني وتالت



لانو كتر الدق يفك اللحام


:LL: :LL:

[RoSa]

<center>
ما شاااء الله عليكم ..
أغيب هالغيبة و أرجع ألقى الدنيا مشعللة ..
يا جماااعه ربنااا كريييييم ..
و ما يضيع حق وراه مطااالب ..
بس أهم شي ما نسمح لليأس يدب في نفوسنا ..
كل الشكر و التقدير لك من ساهم و سيساهم في الموضوع ..
لا تنسو ..
احتسبو أجر ذلك على الله ..
لأنّه لو تم الموضوع حاتكسبو دعوااات ناااااس كتييييير ..

تحيّاتي ..

[Dr.6nash]

<center>

:12:

ياهووووووووه ايش النشاط دا :o:
د. ميسو انا اخدت خطابك وحا جبلك توقيع البنات كلهم حتى الفراشات الي في الكليه اذا تباهم يشهدوا !:122:

بس بجد الطلاب ارسلوا للجريده؟؟؟؟!؟ والله انكم رهيبيييييييييين

يلا انا كل يوم افصل الجريده تفصيل ما القى شي عننا!!

[Dr.zero]

أنا متأكدة إن خطابنا راح يجلس في درج الوزير اليييييين مانتخرج بس مافي شي يمنعنا من المحاولة:O:

والله معانا000

أنا أضمن لكم توقيعي وتوقيع زميلاتي00 وملضاع حق 00وراه مطالب




فإذا رأيت نيوب الليث بارزة 000فلا تظنن أن الليث يبتسم:o: