PDA

View Full Version : حزوره مكاوي للمكاويه

Dr.بنت البلد
10-21-2006, 01:42 AM
قبل يومين حطيت موضوع بس طار عارفين دي اليومين كل شي يطير وتكنولوجيه بعيد عنكم


المهم السؤال هو:




شي قد الكف ...يلف العالم لف؟

وبلاش تروحو تسألو الكبار وأعتمدو على نفسكم

يالله في عيديه للي يعرف الجواب
H.I.D.D.E.N
10-21-2006, 02:54 AM
:waa:

ما أعرف

يللا أعطيني عيدية على المحاولة

:d:
Dr-futuer
10-21-2006, 03:36 AM
أما إني أفكر

مستحيل

في اشياء كثير تلف العالم لف

ممكن طائرة تجسس

جني

قربيلنا اكثر






:?:
H.I.D.D.E.N
10-21-2006, 03:48 AM
حشرة معزوقة في طيارة؟
دنيا فرندقس
10-21-2006, 03:57 AM
اوووووووووووووووه يابنت بلدن

فكرتيني ايام زمااااااااان

لمن كونا نجلس حولين سيتي الله يرحمها و تقولنا دي الاشياء

بس القهر اني عارف دي الحزيرة لكن مني فاكر جوابها
شوف الهبالة فاكر السؤال لكن الجواب لا
زي لمن واحد يسالك هواللي كان امس معاك ايش اسمو ؟
و يكون صاحبك الروح بالروح و امس كان معاك لكن ماتفتكر

مع ني عارفها كوووووويس

المهم مني فاكر الجواب لمن افتكر و ينزل علية الوحي اقولكم

و بما اننا في هرجة الحزورات انا اديكم كمان و حاولي تعريفها يابنت بلدنا

اولا
طاسة طرنطاسة فالبحر غطاسة من جو لولو و من برة نحاسة

تانيا
شي قد الفيل يتلف فمنديل

تالتا
شي قد الكبشة تقوم الباشا من الفرشة

رابعا
حجر حجنجر حجارة لا
مني فاكر بقية الحزورة
:?:



يلا نشوف المواهب



:SS:
Dr.M3M
10-21-2006, 04:12 AM
والله يا بنت البلد ذكرتيني بالذي مضى
أيام الثنوي كانوا عاملين يوم مكاوي وكان لي دور ألبس محرمه ومدوره عاد تخيلوا شكلي عجوزه عجوزه ما فيها كلام

وتراني زي أخينا في الله واد فاض جي ساط
عارفه الجواب بس ناسيتو لمن أفتكره أقلكم

أما انت يا واد فاض فحل الأولى
الرمان

والتانيه
الناموسيه

والتالته
مني عارفتها

والرابعه لمن تكملها
أجاوبك

يللا في آمان الله
H.I.D.D.E.N
10-21-2006, 04:15 AM
أنا أجاوب

أولاً: الرمان

آخر شيء: السلحفاة
Dr-futuer
10-21-2006, 03:54 PM
ياعيني

أهل مكة وتجمعوا

لو سمحتوا نبغى مترجم

:ya:

مامعنى محرمة ومدوره هذي؟

:?:
H.I.D.D.E.N
10-21-2006, 04:11 PM
خخخخخ

فيوتشر

إذا أهل مكة مو عارفينها

أنا سألت خبير حتى وصلت للإجابة

:aa:

بس عمري ما شفت أحد لابسهم

يمكن أشوف بنت البلد في الحفلة

:LL:
Dr_makkawi
10-21-2006, 07:57 PM
Originally posted by Dr.بنت البلد
قبل يومين حطيت موضوع بس طار عارفين دي اليومين كل شي يطير وتكنولوجيه بعيد عنكم


المهم السؤال هو:




شي قد الكف ...يلف العالم لف؟

وبلاش تروحو تسألو الكبار وأعتمدو على نفسكم

يالله في عيديه للي يعرف الجواب

طبعااا لا يفتى ومالك في المدينة
ومدااام اني مكاوي قح فاكيد لازم اعرف الجواب
الجواب هو
الرسالة

ايش العيدية :K:

يلا انا اسالك سوال واذا جاوبتيه انا اللي اعطيكي العيدية
حاجة قد الكف تقتل مية والف
طبعا لاتقولي المسدس والكلام ده لانه غلط
Dr_makkawi
10-21-2006, 08:15 PM
Originally posted by واد فاض جي ساط


طاسة طرنطاسة فالبحر غطاسة من جو لولو و من برة نحاسة

:SS:

الرمان


Originally posted by واد فاض جي ساط


شي قد الفيل يتلف فمنديل

:SS:


النامسية


Originally posted by واد فاض جي ساط


شي قد الكبشة تقوم الباشا من الفرشة

:SS:

ماعمري سمعتها سيتي ماكنت تقولها

Originally posted by واد فاض جي ساط


حجر حجنجر حجارة لا
مني فاكر بقية الحزورة

:SS:


تكملتها
حجر حاجرجر حجاره لا تبيض وتفقص دجاجه لا تمشي على اربع حماره لا

الجواب السلحفاة
H.I.D.D.E.N
10-21-2006, 08:22 PM
هو هذا

كل إجابات د.مكاوي كانت في بالي

بس سبقني

:o:
Dr_makkawi
10-21-2006, 08:23 PM
Originally posted by Dr-futuer
ياعيني

أهل مكة وتجمعوا

لو سمحتوا نبغى مترجم

:ya:

مامعنى محرمة ومدوره هذي؟

:?:

محرمة مدورة ياستي حاجة تشبه المسفع بس يكون شكلها محترم يلبسوها اهل حريم اهل مكة في البيت او اذا راحو للجيران في العصرية

بس دحين خلاص ما احد يلبسها
اذاكان البنات الطرحة مو عاجبتهم بالقوه يحطوها على راسهم وكل شويه تتطيح ويلصلحوها تبغيهم يلبسو محرمة مدورة


الله يرحم جداتنا
Dr_makkawi
10-21-2006, 08:26 PM
Originally posted by H.I.D.D.E.N
هو هذا

كل إجابات د.مكاوي كانت في بالي

بس سبقني

:o:

ولايهمك نتقاسم العيدية بس خليها تجي :t:
دنيا فرندقس
10-21-2006, 09:37 PM
هلااااااااا مكاوي صح اجاباتك
وتكملة الحزيرة مزبووووووووطة


جوابك


المسدس



المحرمة لمن سال عن االمحرمة هو لبس حريم مكة زمان

وعشان ما اتفلسف زيادة
لو شفتو حلقة طاش ماطاش لمن يروحو لبنان
فيه لقطة منة تكون لابسة المحرمة و قاعدة تهرج مع البنتين التانيتين

و هو لبس عادة ابيض

و عندي صورة لسيتي لابستها اللي يبغاها ممكن ارسللو هي
لكن بفلوس

و افتكر امي لبست المحرمة قبل كده كم مرة




:SS:


ممكن بعضكم يقول هدا ايش دخلو جداوي و جي يتفلسف
انا مكاوي لكننا عايشين فجدة
:SS:

اما عن السؤال التالت
انا حاطو تعجيز
عارف انو محد حيعرفو
لانها فزورة مكاوية من اصل مصرية وباين من السؤال

ازا محد عرفو حاقول الجواب بعد فترة


:SS:
Dr_makkawi
10-21-2006, 09:44 PM
Originally posted by واد فاض جي ساط


جوابك


المسدس

:SS:

غلط انا غششتك وقلت لك المسدس غلط حاول مرة تانية
واذا ما عرفت اسال ستك ههههههههههه
sun rise
10-21-2006, 09:59 PM
انا مو مكاويه بس ممكن اتلقف
و احاول اجاوب


شي قد الكف ...يلف العالم لف؟
ممكن يكون جواز السفر
حاجة قد الكف تقتل مية والف
ماني متاكده يمكن الكف
Dr.بنت البلد
10-21-2006, 10:51 PM
أااااااااااااااااااااه
أاااااااااااااااااااااااااااااااه أاااااااااااااااااااه

والله جمعتكم فتحت فلة قلبي الله يعطيكم العافيه ما تتخيلو قد أيه تشريفكم موضوعي قد
أيه بسطني وفرررحني رغم أني زعلت أنو مانتوعارفين كلام كباركم بس ما أعتب عليكم الدنيا سارت غييييييييييييييييييير

والله يرحم أهلنا وأهلكم أهل أول

بس الله يهديكم



دحين أحد فزوره الاقي بدل الجواب فزازير وحزازير

بس والله مررررررررررررررررررررررررررررررررررررره مبسوطه من طلتكم االحلوه


H.I.D.D.E.N

غالي والطلب رخيص العيديه لمن أشوفك في الحفله التنكريه الخياليه حقتكم بالمناسبه الجواب التاني مررره حلو هههههههههههه

Dr-futuer

اما أنتي؟؟؟؟؟؟؟؟؟؟؟؟؟؟؟؟
ما تعرفي المحرمه

أنا وحده

مسالمه وأقول يا حيطه داريني مالي ومال إللي تقولي عليه أقولك

غيري الهرجه سريييييع



أما حكايه الجني

أشتاتن أشتوت إللي يقرب مني يموت


ما شاء الله عليك أصيل يا واد فاضي بس تسلم على الفوازير ما شاء الله الشباب ما قصرو كلو أتحل

إلا حزورتي


Dr.M3M
والله ونورت الصفحه بأهل الزوق والعقل المرتب إيوه فرحيني حسسسيني أن البنات المكاويه صاحين بس من فلك المحرمه والمدوره أجرتيها ولا حقتك أصلي معزوقه في وحده

sun rise

شرفتي وأنستي ياست الحبايب ومعليش من سبق أكل النبق والأخ مكاوي سبق ماشاء الله وجاب الجواب الصحيح

أكمل كمان كم ساعه أصل إللي عندي هالكينني سكي سكي



لي عوده لإكمال الكلام
Dr.بنت البلد
10-22-2006, 05:18 AM
الهديه للأخ
Dr_makkawi



لأنه عرف الجواب الصحيح وهو الرساله
بس إن شاء الله تعجبك ياولد بلدي هي متواضعه بس صميمها دهب ومعدن أصيييييييل








أهل أول


أهل أول يافل ياكادي ياكمل
يا أهل الأدب والزوق وعشت وبقيت ومجمل
يا أهل الطيبه والرقه والهرج المتبتب الدقه
ورب البيت وحشتوني من التاجر إلى السقه
وحشني حتى فررقنا بهنداسته وبقشه قماش


وعم شاكر في دكانه بالفوطه وقميصه الشاش
وحشتني حلاوته اللدو والبركه إللي في يدو
وحشني الكحل في عيونو وحوا والصبي عبده
وحشني كل مافيكم ياناس حتى أساميكم
ياريت ترجعلنا الأيام وأسلم على أياديكم
وأشم ريحة الرضا فيها وأشياء مقدر أسميها

حاجه كده ترد الروح مقدر أوصف معانيها


للشاعر الأصيل :عبد الله دبلول
RoSa
10-22-2006, 06:51 AM
شي قد الكف يقتل 100 و 1000

ضرابة الدبّان

و بالنسبة للمحرمة والمدورة

وصفها كما ذكر أعلاه

و حاليا ممكن تشوفوها لو حضرتو فرح لمكاوية

تلقو ام العروسه و العريس وستتاتهم لابسينه

و غالبا من جهة أهل العريس يكونو لابسينها

بس مو دايما

حسي أهل الفرح