ايش يستفيدوا من تحبيطنا نفسيا ومعنويا....؟؟؟؟؟!!!!؟

[Dr.6nash]

<center>

اكيد الكل ٍال نفسه ولا زال يسأل ليه الدكتور بيحبطوا ويكرهوه في الماده وبيقتل كل الحماس الي ممكن نديه!؟؟؟؟

طب والله سؤال ياليت احد يجاوبني عليه يمكن فيها حكمه سبحان الله وأنا مني داريه للحين مع اني على وجه تخرج!!

يعني لمن مثلا يجيب الواحد درجه توو باد.... مافي داعي ابدا انو الدكتور الكريم يهزؤه قدام الطلبه الباقين
ومافي داعي كمان انو يقول: زي ماانقلنا من بعض الدكاتره:
انتوا ما تستاهلوا تخشوا دي الكليه!!!
انتوا والله لو أعملكم ستميه اختبار ماراح تجاوبو!!!
انتوا بس تضيعوا وقتي على الفاضي!!!

يعني المفروض انو وظيفته انو جاي يشرح للطلاب ويتأكد انو المعلومه وصلت للكل
وتوصيلها امانه... اصلا تدريسه امانه.... وحينسال عنها يوم القيامه

طيب ويش الفايده كمان لمن يرسبك دون وجه حق...!!!؟
اذا والله الطالب متأكد انو مجاوب وخرج من اختباره مبسوط وحط في باله انو حيجيب المارك الي هيا... يتفاجئ انو راسب
اخر السنه او انو الدكتور الكريم متمنن عليه انو نجحوا وكان نجاحه على الحركرك!!!؟

يعني بالله دا يرضي ربك لمن تظلم وتاكل حقه وكماااااااان تتمنن عليه !!؟؟؟

سبحان الله لو كانت بنته طالبه في نفس القروب الي هوا بيشرح فيه كان المعامله كانت غيـــــــــــــــر...

ولو كانت فيه طالبه ابوها مسئول كبيييييييير في الجامعه كانت المعامله حتكون غيــــــــــر

يمكن مو على القروب كلو بس على الاقل عليها هيا دي بنت المسئول....

طيب فين التشجيع وفين التحفيز وفين وفين وفين
اذا كنت تبى احد يذكرك بالخير بعد تخرجه وتسمع منه: جزاه الله خير دكتوري ايام الدراسه كان وفعل

اما هنا في الجامعه يستحيل انو يكون فيه تشجيع بالعكس كرهوا الواحد حياته حتى لمن يبى يبدع في شي يقول والله خساره فيهم مايسستاهلوا
عسى عني ما سويت .... عسى عني ما نجحت.... ابى افتك وانجح بأي تقدير والسلام المهم اتخرج

هادا بالله كلام تحب هيئه التدريس تسمعوا؟؟؟؟؟:?:

ياليت احد يقنعني ويقول اذا كان كلامي غلط
وانا مستعده اسحبه :sad: :O:

[Dr_OSB]

بسم الله

الفايدة انه الواحد يتعلم يطنش
وبصراحة هذا جزء من تكويننا العقلي لاننا عرب
احنا مو معقول نلغي الحواجز اللي بين الطلبة والمدرسين
لان هما لمن كانوا مكاننا انعمل فيهم وانفعل فاحنا لازم نتمرمط زي ما هما اتمرمطوا
يعني الموس على كل الروس
يعني من جيل غبي لجيل اغبى
ومن تبعية لتبعية
اي افكار جديدة
لا
لانه ما بيحبوا التجديد
ولا يحبوا التطور
واذا بيحطوا ثلاجة مويه لازم ينعملها دراسة ويوافق عليها مجلس ....
انا كنت اتمنى اليوم اللي ادخل فيه الجامعة
وادرس في كلية طبية :eye:
لكن للاسف انصدمت وزيي كثير
هذا غير الرعب اللي واجهناه في سنة اولى ندخل الاختبار وكأننا داخلين نندبح
والجماعة المصارية طب طب وليس يطلع كويس
والحبايب الهنود والبكس
من يدخلوا الين ما يطلعوا ونص الشباب نايمين
وشرح زي سواليف الشياب
وفي الاخير اختبارات تسم البدن واسئلة كانها عن اشياء ما درسناها

يا سلام على الهيئة الملكية للجبيل وينبع
الطالب له الحق يشتكي على المدرس او الدكتور اذا ظلمه وينفتح تحقيق مع الدكتور
واذا طلع فعلا غلطان فعقد عمله يكو ن في حالة حرجة
لكن عندنا انت طالب يعني انت غلطان
اتمنى في يوم قريب نكون فعلا ناس حضاريين
نحب نتطور ونتجدد ومايحارب الكبير فينا افكار الشباب ويستخف بيها
لانه التجديد مايكون الا مع ثورات الشباب
انا اسف على الاطالة وقلة الترتيب لكن من قهري بصراحة
يعني فشة خلق:K:

وسلملم

[romantic_sense]

<center>

بسم الله

التقيت موضوعكم وحبيت اشاركم رأأأأأأأأأأيي المتواضع

في الحقيقه ... صعب انو تقول عضو هيئة التدريس هو المخطيء

وكمان صعب تقول انو الطالب هو المخطئ

يعني الخطأأأأ مشتررررررررك <====كل واحد يصلح سيارته

يعني هناك اخطاااااء من الجميع الى ذلك طبعا البريديسبوزينق فاكتورز

زي المنااااااهج الدسمه ما شاء الله عليها

وزي توقيت المحاضرااااات والكلاساااات و غيرهاااااا

بس احب أذكركم بمقوله:

مراتب العلماء ثلاث مراتب

المرتبه الأولى:
يقول أنا أعلم من في الأرض

المرتبه التانيه:
يقول معي في الارض علماااء

المرتبه الثالثه او أعلى مرتبه :
يقول أنا أجهل من في الأرض <==== شايفين التواضع كيف؟؟

اللي باقي عليكم تشوفوا مراتب اعضاء هيئه التدريس؟؟؟

تحياتي
<center>

[reda0007]

دكتور طناش إذا إنتو البنات بتقولو كدا
اجل احنا الأولاد الغلابا إش نقول :O:

هادا إنتي بتقولي كدا وانا بأسمع كم دكتور بيقولو
Everybody kind with girls
والمشكله يقولوها في وجهنا

اجل إحنا كيف بالله !!! اتخيلي :waa:

انا شخصيا خلاص أتعلمت , لو خرجت من الإختبار وانا حاسس إني راح آخد
A
أعرف انو الدرجه راح تنزل
C

بس تعرفي ما في شي انساه زي الكلمه اللي قالها دكتور سعودي في اول محاضره نشوفو في السنه
قالها ببساطه
انا ما يهمني , ممكن يرسبو كل الطلاب في الماده عندي

لكن ما اقول إلا الله يخرجنا من الكليه هادي بسرعه

[dr_messo]

<center>



د.طناش شكلك اليوم زعلااااااانه


يالله كلو خير

______


ارجع للموضوع



شباب وبنات

صحيح كل مكان فيه الصح والغلط

واحيانا يكون الغلط اكتر


بس برضو ماننكر دور الناس الطيبين واللي بيساعدونا كتير


ومانعمم الشر على الكل


لانو مافي مكان فيه خير وبس

ولا مكان فيه شر وبس

صح ولا لا؟؟




كمان في نقطه مهمه احب اركز عليها

مدام كتير مننا شايفين كدا

ليش مانثبت اننا الافضل

واننا قادرين نتحدى كل الظروف



مهما كانت

صدقوني اللي بدو يكون كويس يكون مهما كان ولا عليه في احد




انا ما اقلكم انو الكلام تبع الغير ما يحبط


لكن مدام احنا عارفين انو ممكن يعمل كدا



ليش نحطو فبالنا ؟


ليش


؟


ليش مانقول احنا قادرين نكون احسن واحسن وراح نثبتلكم كدا


صدقوني

في علم النفي يسمو دول الناس اللي يحبطو الانسان


سارقي الاحلام


وهما فعلا كدا لو كانو


عشان كدا انت خليك قوي ولاتخلي احد يسرق احلامك




ولا يضعفك ويبعدك عن الطريق اللي يوصلك ليها مهما كان


ومع اي صعوبه تواجهها افتكر حلمك


واتخيل سعادتك وانت محقق حلمك اللي تتمناه


راح تنسى كل التعب
وتستعيد نشاطك وتقول انا راح احارب الكل عشان اكون الافضل

____________








اقلكم مثال على كلامي

وهوا واقعي ومن عندنا

اعتقد كلكم تسمعو كل الناس يقولو انو طلبه كليه طب مكه تعبانين


وحقين جده احسن منهم صح ؟



كل الناس يقولولنا كدا

صدقوني واكيد الكل سمع


ومع دا الكلام كلو


انا باروح المستشفى واشوف وباتعامل مع الدكاتره


وصدقوني سمعتهم بادني هما وغيرهم كتير


يقولو اول دفعه اتخرجت من طبه ممتازين



واحسن من حقين جده اللي في نفس مستواهم

واللي بيشتغلو معاهم في نفس المستشفى


شفتو كيف شبابنا رفعو راسنا


وهما ماكان عندهم مكان ولا مميزات زي بتوع جده



عندهم كل شي


عشان كدا


قلتلكم لاتخلو احد يتحكم في مستقبلكم


وخلوكم طموحين

واسعو الى تحقيق احلامكم



وان شاء الله نثبت للكل



اننا الافضل

:LL:

[Dr.zero]

هلا وغلا

لا تقلبيييييي المواجع ياطنااااش

خليها على ربنا بس

مااقووول الا حسبي الله ونعم الوكييييل في الدكاترة اللي من هذا النووووع:waa:

[Dr.6nash]

<center>

من جد سارقين أحلام
وسارقين طموح
وسارقين جهد وتعب طوال سنين مو سنه ولا اتنين


وفي الأخير ما يبين!!!!!!:O: :sad:

خليها على ربنا بس

[dr_mido]

<center>

السلام عليكم

يا اخوان معليش

انا عندي نظرة خاصة للموضوع دا

و احب اني اطرحها

:12:

وهي ما دام انه احنا عارفين و متأكدين من الوضع هذا

ليه ما ننظر له نظرة إيجابية
معليش يا دكتور
osb
انا اختلف معك في الرأي انه احنا تركيبتنا عشان ننسى

لا

خطا!!

ليه ما نعمل العكس و نعمل الصحيح
عشان الدكتور الفلاني يرضى عناا

بمعنى نعامل كل دكتور حسب طريقته الخاصة

و أنا عن نفسي الحمد لله

كثير من الدكاترة اللي كانو الشباب يحكوني عنهم انهم مش كويسين

اتعاملت مع الدكتور بعقلي و حاولت افسر تصرفه

لقت في بعض الأخطاء علينا و احنا كنا بنظلم الدكتور

لذلك اارى اننا ندرس الدكتور

بعد ذلك

نرى حجم الخطا الواقع علينا و على الدكتور

:12::12::12:


تحياتي

ميدو

[RoSa]

<center>
عزيزتي د. طناش ..
ترى ما ينفع غير إنّك تبرّدي قلبك على الآآآآآآآآخر ..
حرام و الله نشيّب قبل أواننا :D
و حاولي تنظري دايما للجانب المشرق ..
هذا إذا كان فيه جانب مشرق :D

تحيّاتي ..

[Dr.6nash]

<center>

انا مبردتها على اخر الاخر كمان
بس والله كتر الكبت يولد الانفجار:sad:

وماعد صار فيا طاقه تستحمل اكتر من كده
وعشان كده دي السنه صرت ما اتحمل اي تهزيء من اي دكتور!!!!!!!!!؟؟؟؟

طفح الكيل

ورغم كده برضو اقول انا الكبيره

الله يعين اتخرج على خير وبدون اي اعاقات نفسيه او عصبيه

بس ابى اقول اقتراح.....؟

ليه مايعملوا عياده نفسيه تصلح ما افسده الدكاتره من تكسير وتحطيم للنفسيات..... بجد اقتراح حلو ولا مو؟؟؟؟؟؟؟؟!!!؟
:LL:

[H@SSOOM]

هالووو



صحيح والله مافي شي يأثر في معنوياتي قد التحبيط

ولا تنسوا كمان موضوع الطلاب الي يحبطوا الواحد


يعني يجيك طالب معاك يجبلك القرف وهو يقلك المادة صعبه وزي السم وقابلني لو نجحنا

اذا كان كلام الطلاب المحبط يعمل كدا في المعنويات

فاكيد كلام الدكاتره اثره اقوى بكثييير


والي اعرفه انه دراسه الطب دراسه يبغالها حيويه يعني تذاكر وانت مستمتع ومبسوووط ومفرفش

بس مدري

في ناس كثير يحاولوا يغيروا المفهوم هذا

عشان كدا احنا الطلاب لازم نثق في انفسنا زياده عن اللازم

ونعتقد انه احنا الاحسن والافضل

وانه ممكن نعمل اي شي

وانه مافي شي مستحيل علينا

وزي ما دول الدكاتره ساروا دكاتره

احنا كمان ينتظرنا المستقبل ومحنا ناقصين عنهم بشي


وبعد كدا المفروض مانسمع لاراءهم فينا
كفايه اني مقتنع بقدراتي هذا اهم شي

ومادام انا مبسووط وحاسس اني باعمل شي كويس

خلاص ليش اسمح لنفسي بالتاثر بكلامهم؟


كلااام الناس لابيقدم... ولايأخر

كلاالام الناس... ملامه وغيره مش اكتر
:hp: :hp:

[ana_dr_romance]

<center>

بعد السلام يحلى الكلام
شوفو يا جماعه الخير
لو اتكلمت بصراحة
حيلغو ردي
زيما لغو ردودي في اشياء كتير كتبتها
ولو صارحت بيها ميسو حيقللي كلامك صح بس ما ينفع نقولها كده قدام العالم
والمسؤول اعلامي وما اعلامي
ويقلك مرة تانية
هاتو اساميكم
هههههههههههههههههههههه

وانا اتكلم من غير خوف واظن شخصيتي معروفة
المهم

اللي باقولو يا طناش
انو الدكاترة بيسوو كده
علشانهم خايفين على الكرسي وبس

حبهم الاول اذلال الطالب وتحقيره

انا ما قلت الكل
انا قلت اصناف من الدكاترة والكلام هادا موجود في كل جامعات الدنيا

يعني انتو طالعو
في كم بروفيسور عندنا مااتكبر زيما هما متكبرين
وعندكم مثل
هلال وكمان نواب
وافضل
اللي اعرفه عن نواب وافضل
انهم درسو خالي الاستشاري
ولاعمري شفتهم متكبرين

بس ماادري الشي هادا ليش في الدكتور السعودي بالذات

وهادا لا يعني كلهم

نستثني منهم الطيبين صراحة ولا تحرجوني وماني كاتب اسماء

وفي كلمة مشهورة معروفة من قبل طلاب السنوات اللي قبلنا


يقول واحد من الدكاترة

A ---->للمؤلف
B----> ليا انا
C---->لأعتل شنب فيكم

-------
والدرجات الحقيقة هههههههه
اعلى واحد فيهم D

---------

الغرور والتكبر صفة من صفات الله عز وجل
وخاصة به تعالى
-----

وكمان الرسول عليه السلام
سيد البشر
واعظم مخلوق
وخاتم الانبياء
كان خلقه القرآن

وماكان مغرور
ولا يعرف التكبر


يا جماعه الخير اصحو

وحطو في بالكم
لا يدخل الجنة من كان في قلبه مثقال ذرة من كبر

---
والله يشفي مرضانا بمرض الغرور والتكبر

Now itz the time 4 SayiN



ˆ°*®§]¦[ S a L a M L a M ]¦[§©*°ˆ


------------------
:sun:وَمـْـضـَـه :sun:
الله الموفق
------------------


YaLLa
TaKeCaRe
C ya
Urs,

RomantiCCleveR=RomantiC4eveR

<EMBED src="http://www.angelfire.com/il/just4u/images/iLoveU.mid" autostart="true" hidden="false" loop="false">
<noembed><bgsound src="yourfile.mid" loop="1"></noembed>

[~¤§(could i)§¤~]

<center>


السلام عليكم ورحمة الله وبركاته
الحقيقة اول مرة انتبه لهذا القسم

والحقيقة هذه المشكلة واقعية جدا
في كل .. الكليات في كل الاقسام
عندنا .. والله انا ما ادري ايش نسميه
هوا تخلف ولا مرض نفسي .. ولا ايش ما ادري

يعني الواحد لو حب انو يعلم احد لازم يعلمه باسلوب حلو
وترى الجفاصة والاسلوب اللي في اصناف من الدكاترة عندنا
مرة مهو حلو..ويولد لنا كره
وسلامة الطيبين

وانا اتفق معاكم .. في كلامكم كلو
بس حبيت ازيدكم حاجة
انا ما ادري .. ليش عندنا مبدأ
انو قوة القسم وشدته .. بعدد الطلاب والطالبات الراسبين
ما ادري هم الدكاترة اللي من هذا الصنف يحبو يستعرضو
بانو قسمهم اقوى من التاني
ولا . هم يبغو يعملو تصفية للطلاب والطالبات
لأنو الامكانيات في المستشفيات ما تكفي لعدد الطلاب والطالبات المقبولين
في السنة الوحدة .. يعني مثلا القبول لاكثر من مية شخص في قسم الطب
وتلاقي اللي واصلين المستشفى . اقل من النص ؟؟؟

المشكلة هذه .. يبغالها حل .. والحل هو توفير مكان للتطبيق
يشمل الكل .. او انهم يقللو عدد الطلاب والطالبات المقبولين في السنة الوحدة
يعني بدل ما يكون 100 يكون 80 (على حسب المثال) او حسب قدرة استيعاب الكلية
لهذه الاعداد الضخمة .. اللي بتدرس اول سنة .. وبعدين تمسك الباب وتروح تشوف لها قسم تاني
وتتحطم نفسيا .. ويا كثر الشباب والشابات اللي اتحطمو

ترى احنا نبغى quality
قيمة ما نبغى
quantity كمية

ومشكورة دكتورتي طناش على هذا الموضوع الحلو
اللي من جد يبغالو .. حل وبأسرع وقت

ومعاك حق يا ميسو في كلامك اللي قلته
لازم احنا نثبت لهم قوتنا ... ونتوفق وهذه في مصلحتنا
وشكرا للي كتبو .. في الموضوع وابدوا رأيهم

وتحياتي
-----------





:sun:

على فكرة .. ترى السيستم عندنا
MRS يعني
Mental Retarted System
لوووووووووووووول
وقولو ما شاء الله .. لا نقول يا لطيف
اخاف يروحو ينحسدوا .. ويزيدوا

وسوري على الاطالة

:sun:

--------



~¤§( When U Miss Me..
Just Close UR Eyes..
& Open UR Heart..
U Will Feel Me )§¤~

[ana_dr_romance]

<center>

كلام ولا اروع

وكفاية الي قاله اخويا كود اي


وحلوتكم

Now itz the time 4 SayiN



ˆ°*®§]¦[ S a L a M L a M ]¦[§©*°ˆ


------------------
:sun:وَمـْـضـَـه :sun:
Roman§ i§ Back
------------------


YaLLa
TaKeCaRe
C ya
Urs,

RomantiCCleveR=RomantiC4eveR

[Tears of Pearls]

مع أنني عضوة جديدة على المنتدى، أحببت أن أشارككم وأدلو بدولي ....وأتمنى أن أوفق في ذلك

بصراحة أحس أنها مجرد حكاية فرد عضلات وخلاص ...كل واحد فيهم نسي كيف تعب وكيف عانى عشان يسير دكتور أو أنه حب اللي حصل له يحصل مع غيره....

طيب لو قلنا اننا ظالمينهم....فأنا حابة أسأل عن دورهم كأعضاء هيئة تدريس( المقتصر على مجرد قراءة المحاضرة كأي نشرة أخبار ) وكمان يطالبوا بأننا نجيب درجات زي الآوادم ...طيب أرحمونا في الأسئلة...احنا ماطلبنا أسئلة سهلة بس أسئلة معقولة....يعني لمن يجينا دكتور ماطالع في المنهج اللي أعطاه ويحط أسئلة ماأدري من فين جابها، أنا ايش واجبي ساعتها...غير أني أخد الله خلف وعوض على المذاكرة اللي ذاكرتها:waa:

بجد أنا الدكتور اللي أعرف أنه شرح وتعب نفسه في الشرح...لو ماحليت عنده أقول تقصير مني بس لمن حضرته بيقرأ وبعد كدا يجي ويقولك (((((أنا رافض أسلوب القراءة))))...ايش ممكن أعمل معاه....

احنا مالنا الا اننا بجد نقول حسبي الله ونعم الوكيل عليهم ...وندعي ربنا أنه ينجينا من الكلية دي واحنا عاقلين ،،،مو نتخرج من الجامعة على شهار على طووووووووووووول:aa:

[Dr.6nash]

<center>
شكرا على مشاركتك في الموضوع
Mrs.STR:12:

معليه عاد وعلى قولك الشكوى لله
ويعني هوا واحد ولا تنين الي صايرين مذيعين أخبار!!! أغلب الدكاتره كده دحين:sad:

الحمدلله هانت ومابقي الا القليل لنا في الجامعه

تحياتي STR:33: