طلب صغنتوت

[Dr.Nonna]

السلام عليكم و الرحمة و البركات
أعضاء و عضوات المنتى الأفاضل
عندي طلب صغنتوت ياريت الي عنده فكرة ولو بسيطة عن الاقسام المتاحة في كلية الطب للمستجدات هدي السنة و نبذه مختصرة عن كل قسم الله يعطيكم العافية
و شكرا

[The Brave Heart]

السلام عليكم

اختي دكتورة نونا

اضنك غلطانة في النمرة لان هذا قسم الصيدلة وانتي بدك تسالي عن الطب

عموما احنا ماعندنا هنا الا طب وعلوم طبية وصيدلة ويمكن هذي السنة حيفكوا كلية طب اسنان بس اشاعات مدري عن صحتها

اذا كنتي طالبة مستجدة وتبي تعرفي شوية عن الطب اتمنى يفيدك هالرابط

http://www.mimg.org/vb/showthread.php?t=7212


تحياتي

[dr.zhivago]

يا دكتورة نونا في عندنا تلاتة اقسام الطب اللي حضرتك فيه واكيد عارفه كم سنة وكلية العلوم الطبية التطبيقية وهي خمس سنين وتشمل تلات اقسام تحتها التمريض وطب المختبرات والعلاج الطبيعي وكلية الصيدلة اللي اعتقد انها ست سنين مع العلم بانها مع سنة الامتيز
هذا ما عندي والله اعلم

[Dr.Nonna]

السلام عليكم ..
شكرا جزاكم الله ألف خير عالمساعدة
و آسفة جدا على اني غلطت في النمرة
و السلام عليكم

[PutrI]

د.نونا يا حلوة .. كيفك ؟؟ إن شاء الله تمام

يالنسبة لسؤالك ... شوفي هم يوم الزيارة اتكلموا على هادا الشي


وزي ما قال
dr.zhivago

بالززززبط

بس زيادة عليهم .. انهم حيفتحوا قسم (صحة الفم والاسنان) بس ترى مو طب أسنان ..

يعني في فرق بينهم ..بس ايش ما ادري!!!؟؟

يمكن هادا القسم بس 4 سنوات .. وما يطلع دكتور ..

لكن طب الأسنان .. 5 سنوات ويطلع دكتور

واهوه ... هادا الللي عندي . وان شاء الله اكون افدتك

ويمديكي .. تتصلي على أ.ابتسام وتسأليها ..عشان تتاكدي

وموفقة إن شاء الله

[red line]

اهلا دكتورة نونا

في كليتنا في 3 كليات
كلية الطب

كليه العلوم الطبية التطبيقية
واللي فيه 3 اقسام للبنات
1طب المختبرات
2تغذيةاكلينيكية
3تمريض
وكلية الصيدلة
والطب 6 سنين وسنة امتياز
والعلوم الطبية باقسامها التلاتة
4 سنين وسنة امتياز
والصيدلة 5 سنين من غير امتياز

هدا اللي انا اعرفه الى الان

وطب الاسنان لسه مافتح في مكة يعني اللي ذكرتها لك هي دي اللي موجودة في كليتنا الحبيبة

واذا حابة تعرفي اي حاجة تانية انا موجودة

بس معليش الرد جا متأخر

وحياك الله بين اخواتك في الكلية