ماهوبحث التخرج؟؟ Graduation Research

[Dr.6nash]

<center>
أهليــــــــــــــــــــــــــن بنات وشباب علوم طبيه
حبيت هنا اكتب عن موضوع عانينا منه دي السنه ألا وهي موضوع بحث التخرج!!
:?:

صراحه أول الترم كنا ننتظر العميد او رئيس قسم علوم طبيه يجي يقولنا كيف ومتى وايش نعمل فيه.... وبعد ما جا زادنا حيره!!!
وجلسنا طول الترم تقريبا والى الان نسأل دي ودي وكلنا حيره ومين عنده الاجابه الشافيه لأسئلتنا العديده:O:
وزي ما انتو عارفين انو طالبات سنه خامسه خلاص معد بيجوا الكليه ولا عد نقدر نسألهم زي أول!!؟
لكن الحمدلله دحين ومع نهايه الترم أعتقد كونا فكره شامله عن ماهيه بحث التخرج:LL:

وحبيت اوضحلكم هيا زيلاتي وزملائي كي لا يعيد التاريخ نفسه ... وأتمنى من بيقه طالبات رابعه يقولوكم عن بحوثهم في المواد التانيه غير مادتي

بحث التخرج رصدت له 14 وحده دراسيه ولها تأثير كبير على المعدل نهايه السنه
السنه دي تم تقسيمنا بحيث انو كل ماده من مواد سنه ثالثه لها بحث واحد ماعدا الباثولوجي بحثين وفي كل بحث من 2 الى 3 طالبات فقط لا أكثر ولا أقل

بحثي أنا وزميلاتي الاتنين ( منهم د.كانسر) في ماده الباثولوجي
تحت اشراف البروفيسوره ميساء المراغي والدكتور محمد باسلامه

عنوان البحث:
Immunohistochemical studies on malignant & premalignant epithelial lesions of the colon, (p53, K-ras, & APC ) expression.

أول حاجه دحين نعملها هوا البروبوزال الي هوا عباره عن
head lines
الي حناقشها ونذكرها في بحثنا
أما الترم التاني فا حنبدأ نروح المستشفيات نجمع عينات، المطلوب في بحثي 40 عينه
من مستشفى النور والتونسي ومركز الاورام بجده
حياخد العمل دا فتره شهر تقريبا
والشهر الي بعده حنعمل staining by using H & E stain
ودا حيكون في لاب الباثولوجي بمساعده من التيكنيكانس الي هناك
أما الثلاثه شهور الباقيه حا حتكون الفتره المخصصه لكتابه البحث وطبعه في صورته النهائيه

والسنه دي في شي جديد ماكان موجود السنه الي فاتت ولا اتطبق على بنات العام!!!:sad:
الي هوا مناقشه البحث من قبل هيئه التدريس!!
Presentation

فكره :MM: شريره

وهادي فكره موجزه جدا واتمنى اكون أفدتكم وكونت فكره صغيره لمفهوم بحث التخرج:33:

وتحياتي:12:

[Dr.Dawa]

great.

hope for u the best:LL:

bye

[RoSa]

<center>
الله يعطيكي العافية ..
من جد و الله أسئلة كثيرة تدور في أذهاننا حول بحث التّخرج ..
و طبعا لو ما كتبتي شي في الموضوع كان حالنا حايصير مثل حالكم :D

***

ياليت نشوف أشياء أكتر من بقيّة الأخوات ..
و ما أعرف إذا يمديكم خلال الفصل التاني تكتبولنا عن الأشياء اللي تواجهكم ..
لأننا سمعنا أشياااء العام الماشي :|

جزاكِ الله خير ..

تحيّاتي ..

[H@SSOOM]

اللهم ارحمنا اذا صرنا إلى ما صاروا إليه

هههههههههههههههههه


كان الله في عونكم

[dr_messo]

<center>



د.طناش



اشكرك بشده على الموضوع دا

واللي راح يفيد كل من يقراه

ويعطيه فكره جيده


عن بحث التخرج


وانتي بدا الموضوع



بتحققي واحد من اهم اهداف تأسيس المنتدى


واللي هوا

التواصل بين الاعضاء في كل المراحل وتبادل الخبرات والافكار

وانتي بكدا

راح تكسبي اجر كل من قري الموضوع واستفاد


والكل راح يدعيلك ان شاء الله


وربنا يوفقك


ويوفق الكل



:455:

[White Wolf]

الله يسعدك يا شيخه

من جد كنت شايل همو البحث دا


الف الف الف شكر والله على المعلومه الغاليه دي


:12:

[Dr.6nash]

<center>

الحمدلله اني قدرت افيدكم في شي

والله الي انا عانيت منه ما ابغى التاريخ يعيد نفسه وتعانوا منه

وانشالله البحث خطوه خطوه اشرحلكم ايش بنعمل في الترم التاني

وصاحباتي قلتلهم يشرحولكم طريقه بحوثهم عشان تستفيدوا اكتر وتوضح لكم بقيه المواد وطريقتها

والله يوفقنا ويوفقكم انشـــــــــالله:12:

[dr.al3nood]

يا حبيبتي يا د.طناش خليتي البحث يطلع زي المويه
بس خليها على الله......أسألوا د. زيرو اللي عانت معي في بحث البيوكمستري
بس ربي رحمها وطلعت لبحث الفارماكولوجي...وقعدت أنا و2 من زميلاتي العزيزات في البحث الرهيييييييييييب
أنا بحثي عن
LIPID PROFILE ASSOCIATED WITH THE USE OF ORAL CONTRACEPTIVES
وكنا جايين متحمسين للبحث ومشمرين عن سواعدنا ومستعدين لأي شي
بس يافرحه ماتمت مالقينا تشجيع...كل ما ندور الدكتوره مانلقاها يامشغوله في محاضره او إجتماع
يلا الشكوى لغير الله مذله
على العموم انا قلت لصديقاتي يابنات نكتب البروبوسل بنفسنا اللي هو يعتبر مقدمه وملخص للبحث
ولا نعتمد على فلانه وعلانه وهذا اللي صار والحمدلله
الله ييسر امر الجميع ولا يضيع لكم تعب .....قولوا أميييييييييييييييييييييييييييييييييييييييييييييييي ييييييين
:12:

[Dr.zero]

هلا وغلا
بحث التخرج:sad: :sad: :sad:

الله يعديه على خيييير إنشاالله

أما أنا بحثي في مادة
Pharmacology

وموضوعه
''The analgesic efficacy of some non-steroidal anti-inflammatory drugs in experimental acute pain models''

فهمته شي؟؟؟؟؟:l:


ماعلييييينا
في البحث معايا ثنتين من زميلاتي
كتبنا ال
Proposal

خلال شهر ونص تقريباً

كل ما كتبنا
قالوا عدلوووو

وكل ماعدلنا
قالوا عدلوووو

الييييييين ماخلاص،،،،،بغيت أفقد الأمل:O:


بس بعد جهد وعناااااااااء


تمت الموافقة الكريمة

بقبول ال
Last edition

وافتكينا من ال
Proposal

وبقي البحث بكامله

يالله،،،،،،،،،الله يسهل

راح نبدا الشغل الترم الثاني

مع الفيييييييرااااااااان

ياااااوييييييليييييييييي:K: :K:




ادعولناااااا يابنااااااااااااات ويا أوللللللللللااااااااااااد


وإلى الملتقى

[White Wolf]

الله يعينكم ويساعدكم يا رب



عندي سؤال


هوا اختيار الماده الي بتسوي فيها البحث بكيفك ولا غصبا عنك

[Dr.zero]

هلا و غلا



ياعزيزي


هو المفروض


انه بكيفك


لكن صارت



بعض المناوشات


والمضاربات


ورئيس القسم قال موضوع واحد


في كل مادة بسسسس


يعني حتى لو رغبتك


مادة معينة


بس فيه ناس سبقووووك



قووول وردد


ياليـــــــــــــــــــــــــــــــــل



ماأطــــــــــــــــــــــولك


يعني بالمختصر المفيد



راحت عليك


لاااااا وفي ناااس حاجزييين

من السنة الماضية:?:





الله حسيبـــــــــــــنا


يعني الواحد لازم



يلحق نفسه




قبل



مايفوت الفووووووووت


وقتها


ياعزيزي




ماينفع الصوووووووووت













وإلى الملتقى:to:

[White Wolf]

اما


لدي الدرجه



بس طيب انك قلتيلي


خليني اروح احجز من دحين :LL:

[Dr.6nash]

<center>

ههههههههههه ايوه بركه يا د. زيرو قلتيلهم عن الحجز المسبق للماده:o:

د. العنود لازم اخلي البحث يبان مويه عشان لا تنصد نفسهم حـــــرام عليكي
وكفايه حديث عن التعب والمعاناه في دي الجامعه:t:

اول حاجه لمن جانا رئيس القسم البنات اختاروا على كيفهم وبراحتهم بس بعدين......!!!!!؟

تدري ايش صار؟؟؟؟
:O:
جا أمر سامي من السلطات العليا انو لاااااااازم!!!! كل ماده بحث واحد
:waa:
وبــكـــــــــــــــــــــاااااا (قلبناها يوم البكاء العالمي)؟
بس واتفرقوا البنات طبعا ومنهم الي فضلت في الماده الي راغبه فيها
ومنهم من اخدت ماده مالها نفس فيها ولا كانت على البال ولا عالخاطر... ياما في الدنيا مظاليم:l:

بس فا احنا اصلا من سنه تالته على قولها كنا نكلم أ.أحمد وأ.عبد الكريم الي في لاب الباثو اننا انشالله حنعمل البحث عندهم
وويوم البحث ما جا كنا تسعه طالبات نبغى باثو!!!! بس وعملوا اختبار تفضيل واخدوا سته وخرجوا التلاته الباقين لمواد تانيه

يلا الله يعين الجميع انشـــاللــه

اتفائلوا خير:122: طول ما انتوا تحت سقف جامعه أم القرى!!!!؟

[Tears of Pearls]

أنا بحثي في مادة البارا سايتولوجي...بصراحة د. سراج قام بمجهود يشكر عليه ولو انه طفشنا كل شوية أطبعوا البحث وصلحوا دا وأعملوا دا مع أنه هو اللي رتب لنا البروبوسال
:?:
بس بجد اللي حيختار بحثه...فحيرتاح لو أختار د. سراج


عموماً أنا بحثي عن
Symptomatic TRichomniasis

هو مررررررة حلو وماقد أحد كتب فيه وكتيرين قالوا لنا اننا ممكن نحضر الماجيستير فيه لو كملناه بس المشكلة انه مايوجد الا في 10% من نساء العالم...شفتو البخت الكحلي :waa:
والأنيل من كدا أن جاء رئيس قسم جديد في البارا وبعد ماكانت عيناتنا غير محددة...إلا أنها صارت محددة وطالب 300 عينة

لكن إن شاء الله ربنا يوفقنا فيه ونقدر نبدع ...قولوا آآآآآآآآآآآآآآآآآآآآآآآآآآآميييييييييييييييييييييي ييييييييين:sad:

[sad]

السلام عليكم

i just wanna say that the way dr.6nash sayed her project makes it so so simple.
BUT the truth is i had a histopathology project last year and i sayed the same and my project was *Immunohistochemical antigen detection in paraffin embedded sections* and our AB were P53, bcl-2, ki-67 and CEA
And the samples were colon adenocarcenoma and non-Hodgkin's lymphoma And it was shocking to me when i started the work coz it was not as i expected. Any way i don't wanna make it sound hard but i advise u to start colecting the material and the jurnals as soon as u can.

best of luck to u and all the other.

[Dr.6nash]

<center>
first i wanna thanks Mrs.STR & sad for thier company
:12:

sad, is it that hard??!!:O: :?:

i'll take ur advise thank u much
u know fifth year student we cant contact them coz they r always busy in the hospital but i am so glad that u r here & share us in subjects every student wanna know more about Graduation Project

hope we do it well
& finish it in a proper time as we'll start collecting sample from the first day in this semster.. otherwaise if we finish it before summer holiday we can enjoy & going abroud

Please
if u have any notice or another advise plz plz dont be shy to tell us

Thank u again:LL:

[RoSa]

اممم ..
طيب يا جماعه عندي سؤال ..
الحين بعد ما وصلتو مرحلة جمع العينات اللي المفروض انكم تجمعوها ..
بعدها ايش تعملو فيها بالضبط ؟؟
و بعدين كيف تسجلو نتايجها ؟؟
و بعد معرفة النتايج كيف تدرجوها في البحث ؟
يعني على شكل نسب و لا كيف ؟؟

الله يعينكم و يساعدكم ..

تحيّاتي ..

[Dr.6nash]

<center>

اختي روزا شكرا على سؤالك
ممممم بعد جمع العينات والي انتهينا منها بحمدالله وتوفيقه انتقلنا لمرحله تجميع المعلومات وكتابه جزء من البحث
الجزء النظري
بعده تجي المرحله الثالثه الي هيا
Staining by H&E
Then till the kits is comming we will do the Immunohistochemical

Really i dont know how but we gonna learn everything when we have the kits..

Dont worry i'll tell u all the steps in Patho Project

Regards Dear..