View Full Version : التطوع للهلال الاحمر في موسم الحج
dr.zhivago
10-29-2007, 01:22 PM
سلام عليكم
حابب اعلن عن انوالتسجيل للتطوع في موسم الحج لهادا العام قد بدا ان شاء الله
وحيكون التسجيل الى يوم السبت القادم ان شاء الله
فبالله يا سادة يا كرام اللي يبى يشترك يديني خبر
والله يديكم العافية
بالنسبة للاخوان اللي كانو معانا في رمضان يوم الربوع مو الجاي الربوع حق الاسبوع القادم حيكون في يوم تعييدي وحيكون في احد الاستراحات في ابحر ان شاء الله بس الرسوم 50 ريال فاتمنى انكم كلكم تحضرو معانا والتكريم بتاع رمضان ان شاء الله على الاسبوع اللي قبل الحج ,وبالمناسبة اي واحد لو ما اشترك في رمضان برضو يقدر يجي معانا عشان حيصير في برنامج هناك عن الحج وكمان حيكون يوم ترفيهي شامل وممكن يصير يتحمس ويشترك معانا وتذكرو انو رمضان الماضي كان اغلبيته الساحقة من جدة فيالله نحاول انو الحج يكون على الاقل نصفه من مكة
ويديكم العافية وتذكرو انو التسجيل يغلق السبت
dr.zhivago
The Brave Heart
10-29-2007, 07:57 PM
سلام عليكم
يعطيك العافية اولا يادوك
وماقصرت
بس حبيت اعرف عن طريقة التسجيل لانو انا قريب اخذت دور بي ال اس منهم ( الهلال الاحمر ) ومش عارف طريقة التسجيل
سوال تاني ازا سمحت ... الاكاديميك ستيودتنتز يقدروا برضو يسجلوا ؟
تحياتي
وبانتظارك
H@SSOOM
10-30-2007, 01:49 AM
السلام عليكم
ايام الاعلان عن هذا النشاط جانا طلب من المشرفة عليه وبالطبع نحن نوافق لاننا ندعم الانشطة الخيرية
وراح نعتبر هذا الاعلان داخل تحت مظلة الاذن السابق
ويالله عااااااااد نحن عملنا الي في استطاعتنا
ورونا الحماس بقا يا شباب مكة
وكونوا الغالبية الساحقة
dr.zhivago
10-31-2007, 03:01 AM
بريف هارت
الله يعافيك يا طيب
عادي اكاديمك طب او غير طب بس في المجال الطبي عموما
والله يحييك
بس ما كنت ادري معلي انو مافش رسائل خاصة عالمنتدى فقلت تجيني الطلبات عليها
فبعد اذن مشرفي المنتدى ححط الايميل ويصير اي واحد يبى يشترك يرسلي عليه
ويصير بالله يا بريف الله لا يهينك ترسلي اسمك وشوفلي كم واحد كمان من سنة تانية معاك لانو من جدة فوق ال16 واحد من سنة تالتة وانتا نازل وان شاء الله يصير نشوفك الربوع اللي بعد الجاي
dr_badrzhivago@yahoo.com
ويديك العافية
ونورتنا
حسوم
اولا نورت الموضوع بردك الكريم
ومن ناحية الهلال الاحمر ما نبى نتعبك معانا فان شاء الله اي جديد ومفيد حانزلكم هوا بعد اذنك طبعا
وبالنسبة للعدد ان شاء الله على الاقل نجي النص مع انو المؤشرات ما توحي بذلك
وربنا كريم
ويديكي العافية عالمرور
ونورتنا
د.نهى
الله يحييك دكتورة في موضوعي
وان شاء الله الجيات اكتر
ويديكي العافية عالمرور
ونورتينا
زيـــــــــفـــــــو
Lymfawi
10-31-2007, 12:52 PM
الله يديك العافية دك
حبيت أسألك عن طبيعة العمل ... وكيف المواصلاات ... والمبيت
معليش حتعبك
dr.zhivago
11-02-2007, 04:29 AM
لمفاوي
الله يحيكي يا الحبيب
والله يا سيدي هوا المفروض انو ما يكون في مبيت بس يمكن نضطر للمبيت في ايام الذروة
وبالنسبة للمواصلات سياات الاسعاف هي حتتولى الموضوع ان شا الله
وبالتوفيق ان شاء الله
زيـــفــو
The Brave Heart
11-02-2007, 12:20 PM
تم الارسال
^_^
PutrI
11-05-2007, 10:18 PM
ياريت اقدر اشارك
:(
و البـــنــات ؟
نهى و ايف
سمعت خبر اليوم ... ولسااااعه تازة انه في تطوع للبنات في الحج تبع فريق رفيدة من يوم 9 إلى يوم 13 بس حيكزن في الحرم
بس ماني متأكده من الخبر ..
أتأكد وأرد لكم خبر
إن شاء الله
وأكيييد راح تكونوا اول ناس اللي حنقولهم على الخبر
:-)
طيب كويس
لأن من أول أتشحت ناس ترد علي ..
بالله وصليلها بوكس مني ..
dr.zhivago
11-06-2007, 12:20 AM
ايف وبوتري
بصراحة انا اللي اعرفه انو ما فش بنات
ولكن بكرة يكون عندكم الخبر اليقين مننفس مدير التطوع ان شاء الله تعالى
ويديكيم العافية عالمرور
ونورتونا
زيـــفــــو
The Brave Heart
11-06-2007, 11:12 PM
^^^^^
رسلتلك اسماء مجموعة برضو من الشباب ^_^
بعد اذنك طلاب جامعة الملك عبدالعزيز عندهم منسق خاص ...ولا اقدر ارسلك انت اسمائهم ؟
ازا كان لهم منسق ياليت تقلي مين هو ؟
بالتوفيق
Dr.Angel
11-07-2007, 08:50 PM
السلام عليكم و رحمة الله و بركاته
يا حماعة الله يخليكم لا تنسوني من تطوع الحرم
تر أموت لو كان في تطوع للبنات و ما رحت ..
و يا رب يا رب يكون في تطوع ..
لحسن أيام تطوع الحرم جمالها و حلاوتها فوق الخيال ..
^_^
Angels' Call
11-09-2007, 04:07 PM
وانا نفس الشي قولولي قبل ما يروح عليا
زي رمضان
بوتري حستنى
وشكرا لكل من ساهم في الأعمال الخيرية
PutrI
11-12-2007, 04:39 PM
بصراحة انا اللي اعرفه انو ما فش بنات
هو صح كلامك د.زيفاقو انه مافش بنات
وهادي اول سنة يسووها
بس زي ما قلت لكم هو تبع فريق رفيدة اللي تبع الهلال الأحمر
وبصراحة الموضوع قيد الانشاء والدراسة
وحيكون التطوع في الحرم وليس في المشاعر المقدسة زي الأولاد
وحيكون من يوم 9 الى يوم 13 فقط 5 أيام
وحيكون الدوام على شفتين
كل شفت ب 12 ساعة
وهم الآن بس بيشوفوا عدد المتطوعات وهل حيغطي العدد المطلوب ولا لأ
وبعدين قالوا حيوفروا باص عشان المواصلات والزحمة
واكييييييد طبعا الايام حتكون على حسب اختيار المتطوعة ومو شرط تحضر كل الأيام .. لأن العمل أولا وأخيرا تطوع وليس شي إجباري
وبس
هادي كل المعلومات اللي عندي
وسووووري عالتأخير
عارفين مع دربكة الاختبارات وكده
يلا ....
اعطووووووني رأيكم ؟؟
ولو في أي سؤال أسألوا وان شاء الله نرد لكم في أقرب فرصة ممكنة
مدام خلصنا اختبار الميدسن .. الباقي يهون
===============
معليش د.زيفاقو
استخدمنا موضوعك من غير استئذان ودخلناه في موضوعنا ... بس عشان كله تطوع وكله في الحج
سووووري
بانتظار آراءكم
Dr.Angel
11-12-2007, 04:43 PM
السلام عليكم و رحمة الله و بركاته
اعطووووووني رأيكم ؟؟
إنتي عارفة رأي يا بوتري ..
فإذا كان في تطوع و خلاص أكيد سجلي إسمي معاكم إن شاء الله ..
و ربي ييسر يااارب ..
Angels' Call
11-16-2007, 07:51 PM
سجلوووووووووووووووووووووووووووووووووووووني
PutrI
11-16-2007, 08:21 PM
سجلوووووووووووووووووووووووووووووووووووووني
اووووووووووووووووووكي يا انجل كول
خلاص ان شاء الله
بس زي ما قلت انه الموضوع قيد الدراسة والبحث
يعني مو اكيد
بس لو اتاكد الخبر اكييييييييييد معانا ان شاء الله
فإذا كان في تطوع و خلاص أكيد سجلي إسمي معاكم إن شاء الله
وحتى انتي يا انجل .. اكيييييييد معانا
dr.zhivago
11-20-2007, 05:01 AM
braveheart
ارجو او اتكرمت ترسلي الاسماء كلها تاني مرو ويا ريت لو في احد زيادة اشترك معاك
يا ريت كمان تسجلو
ويديك العافية
زيـــــفـــــــو
vBulletin® v3.8.4, Copyright ©2000-2010, Jelsoft Enterprises Ltd.