كدا الجداول واللا بلاش

[dr_freedom]

اول شي ماني عارف ايش اقول فاللسان يعجز عن وصف حجم المعاناة التي سيعانيها طلاب وطالبات سنة تالتة خاصة بعد نزول الجدول الخاص بامتحانات نصف السنة

الحقيقة الجدول كان بمثابة صدمة
المشكلة ماني لاقي كلمة اكبر من صدمة اوصف بيها حجم المصيبة
فالجدول اول شي نزل مرة متاخر كان المفروض ينزل ابدر من كدا شوية عشان الواحد يقدر يلحق وتاني شي الجدول نزل بطريقة غير متوقعة يعني انا ماني عارف ليش الجدول انحط بهذا الشكل
المعامل الين يوم الخميس والسبت اختبار تشريح
لا والي يزيد الطينة بلة انو يووووووووووم الاحد اختبار مااااااااااااااااااااااايكروووووووووووو

تصدقو ما كنت اتوقع انو المايكرو قد كدا سهل ترى بدات اشك في قدراتي
وما بدي اقول بقية الجدول اكيد كلكم شفتوه


على كل حال الله يكون في عوننا ويخارجنا من دي السنة على خير

[reda0007]

فرييدوم المشكله مني عارفك بالظبط
بس عموما شكلك من سنه تالته

والله يا فرييدوم بصراحه يعني اول ما شفت الجدول حسبت إني بأحلم
حتى كان جمبي واحد من الشباب سألتو ؟ إنت شايف اللي انا شايفو ولا لأ
قلتلو اقرصني بسرعه ابغى اتأكد صاحي انا ولا بأحلم
وبس اكتشفت إني كنت صاحي

ههههه يعني انا اقلك لو سألت اي عامل في الكليه حتى لو كان شغال في الكافتريا مثلا
وقلتلو عندك إسبوعين إختبارات وسته إختبارات كيف تقسمها يا أبو ؟؟؟؟؟؟؟
على طول يقلك سبت وإتنين وربوع سبت وإتنين وربوع

لكن كيف حسبوها وحطو سبت واحد وربوع في الأسبوع الأول
هدا الشي اللي نفسي اكتشفوا
يعني إش قصدهم من الحركه هادي يا نااااااااااس كيف نزل الجدول هادا :aa:
لااااااااااااا وكمان السبت نيورو والأحد مايكروووو الحقووووووناااااااااا حريييييييييييقه

عموما انا اظن إنو ما في احد لسه من الطلاب استوعب الجدول إلين دحين
لكن هل , هل , هل الجدول راح يتغير ولا لأ ؟

[dr_freedom]

والله يا رضا ماني عارف ايش اقولك بس الطلاب مساكين ماهم عارفين ايش يقوقلوا ولا ايش يسووا كل واحد بدا يحاول تدارك الوضع ويحاول قد ما يقدر ينقذ ما يمكن انقاذه

لكن ما نقول غير حسبنا الله ونعم الوكيل

اما بالنسبة للتغيير فاعتقد انو مستحيل
لانو الظاهر انو الجدول لو غاية و لمن يتغير ما راح تحقق الغاية لكن نتمنى انو المسؤولين يتفهمو وضعنا ويحاولوا انهم يساعدونا ويغيروا الجدول بما يتناسب مع مصلحة الطلاب

ياخي هم بس لو يخلو المايكوا الاتنين ويغيرو معمل الاناتومي ويخلوه الخميس ممكن يكون الجدول احسن شوية

اما دحين فانا حاسس انو يوم السبت حتصير دربكة ماني عارف متى يمديني اراجع مايكرو
ترى في واحد من الشباب اداني حل حلو انو الواحد يرجع يوم السبت وينام شوية ويصحى ويروح الحرم يقعد يسبح ويقرى قران ويرجع البيت على العشا وينام مرة تاني ويخش الاختبار واذا كان فيه حيل يحاول يقرا اخر موضوعين ومعاهم قسم الفيروسات وربك سامع الدعا
الله يكون في عوننا جميعا

[dr.mooni]

سلام يادكاتره

انا حبيت اتكلم في الموضوع لاني من بنات سنه تالته وبصراحه من جد الجدول مافي حاجه توصفه اكتر من انو مخيب للامال و... و... ,,,؟؟؟

اه بس منهم الله يجازي اللي كان السبب

عموما نحن البنات طلبنا من د.طارق انو اختبار معمل الهيماتولوجي يكون يوم الاربعاء 12/11
وبكدا مايكون عندنا حاجه يوم الخميس قبل الانتومي وهو وافق تقريبا وياريت تتعاونو معانا وماتعارضوا القرار هدا لانه الافضل.

اما بالنسبه للميكرو فقدمنا طلب للدكتور احمد بانه يتاجل بس مااظن حنطلع بنتيجه معاه بس اقل حاجه انهم يأجلوه من الساعه8 للساعه 1 الظهر, اما اذا ماحصل لا دا ولا دا فانا انصحكم تذاكروا جزئية د.مبشر يعني البكتيريولوجي لانه بصراحه الفيرولوجي مع د.هاني وأسئلته ماهي مضمونه
.الدرجات فيها فخلو للاخير يعني في السياره
واخيرا ربنا يكون معانا ومايضيع لنا تعب .

[dr_freedom]

والله يا دكتورة ما اعتقد انو في احد راح يعارض بس ما اعتقد انو تقديم الهيما حياثر علينا لانو على ما اعتقد انو يوم الخميس اللي قبل الناتومي حيكون فيسيولوجي يعني احنا كدا كدا واقعين في مصيبة
وامكن من دي الناحية حيكون في معارضة من بعض الطلاب لانو مافي اي فايدة من تقديم الهيما
اما بالنسبة للمايكرو فالله يستر وبالنسبة لاقتراحك ترى انو الواحد يركز على المحاضرات الاخيرة للدكتور مبشر اما الباكتريولوجي ماني داري ايش راح يكون مصيرها وطبعا قسم الفنجاي حيتشكل زي ماهو
وانا بصراحة انصح بالتركيز شزوية على قسم الدكتور هاني لانو زي ما قلتي الدرجات فيه مو مضمونة فلازم
الواحد يركز لانو ما يعرف من فين راح تجي الاسئلة
على كل الحال نتمنى للجميع التوفيق والخروج من هذه الاختبار من غير اي خسائر تذكر
لكن احنا نتمنى من قسم الطالبات المحاولة الجادة في تاجيل المايكرو واحنا من جهتنا راح نحاول والله يقدم اللي فيه الخير

[reda0007]

والله انا عن نفسي خلااااااااص سار معد يهمني شي
غيروا الجدول ولا ما غيروه
ولو غيرو على طووووووول راح اقول اوكيه

زي ما قلت يا دكتور عمر ههههه خلاص عرفتك يا قمر :K:
إنقاذ ما يمكن إنقاذه
وشوية دعا وتوكل على الله بعد المذاكره
وربي يوفق إن شاالله كل الطلاب والطالبات وينجحهم بأحسن الدرجات
وسلامتكم

[dr_freedom]

والله معاك حق يا رضا ترى ما عاد تفرق
اتعودنا على كدا
بس عارف الواحد نفسو يحس نفسو انو بيختبر وهو مرتاح مو مضغوووووووووط لحد الانفجار
لكن احنا نسوي اللي علينا و الباقي على ربنا