Riham
08-01-2008, 06:44 AM
بسم الله الرحمن الرحيم
السلام عليكم ورحمة الله وبركاته,
أنا عضوة جديدة... وكأي عضو جديد المفروض أو المتعارف عليه إني أشارك بموضوع غريب أو خبر جديد يعني حاجة مميزة...
لكن معليش حأكون شوية غير.. كيف؟؟؟
حبيت تكون أول مشاركة لي تقديم شكر وعرفان للقائمين على
abc clinical course
اللي أقيم في جامعتنا الحبيبة للي طالعين رابعة زي حالتي
(ترى هو لسة ما خلص بس أمس كان آخر يوم في الجامعة)
الصراحة ما لقيت مكان أحسن من منتداكم المتميز أحط فيه شكري وتقديري...
أول شي حبيت أشكر د. هاني المعلم
اللي دايما يحب أي شي يكون في مصلحتنا
من أيام سنة أولى ومهارات التعلم
مع إني لسة ما حضرت له ولا محاضرة... بس البنات مرة حمسوني..
إن شاء الله يكون لنا الشرف ويدرسنا..
ثانياً أشكر د.إيمان القحطاني اللي أسست البرنامج وأظن كانت صاحبة الفكرة
ما أقول غير الله يجزاك عنا كل خير والله يجعله علم نافع ما ينقطع ثوابه أبداَ
ثالثاَ أشكر نوف الريشي
منسقة البرنامج لدي السنة
مرررة تعبت معانا من أيام التسجيل وتنسيق المحاضرات لحدة آخر يوم وهي ما شاء الله تشرح لنا من قلبها بدون ملل
وأنا بالذات جننتها من أول يوم
شكرا لك وعقبال ما نفرح بك وتتخرجي بإذن الله ونناديك دكتورة من غير ما تزعلي
رابعاً الأخوات القديرات:
د.صابرين زواوي
د.خلود الثبيتي
د.رباب مكاوي
د.سماح كلنتن
د.ريم أنديجاني
د.هديل أفندي
د.ريم السبيعي
د.هند القثامي
د.بدور الشريف
د.نورة نحاس
د.تهاني ..؟...
(إذا نسيت أحد مرة سامحوني)
قبل ما تبدأ الدورة اتوقعت إنها راح تكون الجلسة مرة رسمية
بس طلعت ما شاء الله مرة بالعكس انبسطنا مع بعض وتعلمنا أشياء كتيرة وأنا عن نفسي كونت صحبات كتيرة من دولا الدكاترة وأعتبرهم أخوات لي
ما شاء الله طلعوا قمة في الأخلاق والتواضع
وأكترهم تبارك الرحمن شرحهم خطير
صراحة شي مرة يشرفني إنهم من جامعتي أم القرى
وبالنسبة لطالبات الإمتياز ...
مرة حبيت أشكركم إنكم تخليت عن إجازتكم عشان تجو تشرحو لنا
هادا إن كان يدل على شي يدل على تفانيكم وحبكم للخير
الله يوفقكم ويجعلها سنة خير عليكم وعلينا
د. هند القثامي
د.هديل أفندي
شكرا على برنامج SAP اللي قدمتو لنا هو
فهمتونا الأشياء المهمة وما بخلتو علينا
وكمان مرة حمستوني عل radiology & forensics
ادعوا لي أحل أزمة وفوبيا الفارما اللي جننتكم بيها
حاجة كمان
أنا وبقية البنات اللي عندهم ترم صيفي
أول يوم جينا فيه مرة انبسطنا وبعدين قلبناها زعل حسبنا إن مرة خسارة ما حيمدينا نحضر الاثنين وإن حتفوتنا أشياء كتيرة وإننا ما راح نستفيد ولا نخلي غيرنا يستفيد
بس بعدين مرة اتفاجأنا مو كفاية لخبطنا لكم الجدول بالعكس كلكم عذرتونا واهتميتوا فينا أكتر
هادا مرة حاجة زيادة منكم
ما راح أنسى لكم هي أبد
شكراً لكم من أعماق قلبي
ما حسستوني إن شي فاتني
بالعكس في أشياء انشرحت لي مرتين
شكرا الله يعطيكم العافية
آخر شي أشكر أخواتي بنات دفعتي
على حضوركم واهتمامكم
أتمنى إن نكون من جد استفدنا واتعلمنا عل أقل كيف ناخد history ونعمل basic clinical examination
المفروض ما نبخل بالأشياء اللي تعلمناها على بقية أخواتنا اللي ما قدروا يحضروا لظروف معينة أو ما حالفهم الحظ في القبول بالبرنامج..
ونتمنى إن في يوم من الأيام يكون لنا الشرف في تدريس غيرنا..
معليش مرة طولت عليكم.. بس هادا أقل القليل
البرنامج صحيح ما خلص بس في ناس أخاف ما أقابلهم في المستشفى...
مع خالص حبي وتقديري
رهام آشي
السلام عليكم ورحمة الله وبركاته,
أنا عضوة جديدة... وكأي عضو جديد المفروض أو المتعارف عليه إني أشارك بموضوع غريب أو خبر جديد يعني حاجة مميزة...
لكن معليش حأكون شوية غير.. كيف؟؟؟
حبيت تكون أول مشاركة لي تقديم شكر وعرفان للقائمين على
abc clinical course
اللي أقيم في جامعتنا الحبيبة للي طالعين رابعة زي حالتي
(ترى هو لسة ما خلص بس أمس كان آخر يوم في الجامعة)
الصراحة ما لقيت مكان أحسن من منتداكم المتميز أحط فيه شكري وتقديري...
أول شي حبيت أشكر د. هاني المعلم
اللي دايما يحب أي شي يكون في مصلحتنا
من أيام سنة أولى ومهارات التعلم
مع إني لسة ما حضرت له ولا محاضرة... بس البنات مرة حمسوني..
إن شاء الله يكون لنا الشرف ويدرسنا..
ثانياً أشكر د.إيمان القحطاني اللي أسست البرنامج وأظن كانت صاحبة الفكرة
ما أقول غير الله يجزاك عنا كل خير والله يجعله علم نافع ما ينقطع ثوابه أبداَ
ثالثاَ أشكر نوف الريشي
منسقة البرنامج لدي السنة
مرررة تعبت معانا من أيام التسجيل وتنسيق المحاضرات لحدة آخر يوم وهي ما شاء الله تشرح لنا من قلبها بدون ملل
وأنا بالذات جننتها من أول يوم
شكرا لك وعقبال ما نفرح بك وتتخرجي بإذن الله ونناديك دكتورة من غير ما تزعلي
رابعاً الأخوات القديرات:
د.صابرين زواوي
د.خلود الثبيتي
د.رباب مكاوي
د.سماح كلنتن
د.ريم أنديجاني
د.هديل أفندي
د.ريم السبيعي
د.هند القثامي
د.بدور الشريف
د.نورة نحاس
د.تهاني ..؟...
(إذا نسيت أحد مرة سامحوني)
قبل ما تبدأ الدورة اتوقعت إنها راح تكون الجلسة مرة رسمية
بس طلعت ما شاء الله مرة بالعكس انبسطنا مع بعض وتعلمنا أشياء كتيرة وأنا عن نفسي كونت صحبات كتيرة من دولا الدكاترة وأعتبرهم أخوات لي
ما شاء الله طلعوا قمة في الأخلاق والتواضع
وأكترهم تبارك الرحمن شرحهم خطير
صراحة شي مرة يشرفني إنهم من جامعتي أم القرى
وبالنسبة لطالبات الإمتياز ...
مرة حبيت أشكركم إنكم تخليت عن إجازتكم عشان تجو تشرحو لنا
هادا إن كان يدل على شي يدل على تفانيكم وحبكم للخير
الله يوفقكم ويجعلها سنة خير عليكم وعلينا
د. هند القثامي
د.هديل أفندي
شكرا على برنامج SAP اللي قدمتو لنا هو
فهمتونا الأشياء المهمة وما بخلتو علينا
وكمان مرة حمستوني عل radiology & forensics
ادعوا لي أحل أزمة وفوبيا الفارما اللي جننتكم بيها
حاجة كمان
أنا وبقية البنات اللي عندهم ترم صيفي
أول يوم جينا فيه مرة انبسطنا وبعدين قلبناها زعل حسبنا إن مرة خسارة ما حيمدينا نحضر الاثنين وإن حتفوتنا أشياء كتيرة وإننا ما راح نستفيد ولا نخلي غيرنا يستفيد
بس بعدين مرة اتفاجأنا مو كفاية لخبطنا لكم الجدول بالعكس كلكم عذرتونا واهتميتوا فينا أكتر
هادا مرة حاجة زيادة منكم
ما راح أنسى لكم هي أبد
شكراً لكم من أعماق قلبي
ما حسستوني إن شي فاتني
بالعكس في أشياء انشرحت لي مرتين
شكرا الله يعطيكم العافية
آخر شي أشكر أخواتي بنات دفعتي
على حضوركم واهتمامكم
أتمنى إن نكون من جد استفدنا واتعلمنا عل أقل كيف ناخد history ونعمل basic clinical examination
المفروض ما نبخل بالأشياء اللي تعلمناها على بقية أخواتنا اللي ما قدروا يحضروا لظروف معينة أو ما حالفهم الحظ في القبول بالبرنامج..
ونتمنى إن في يوم من الأيام يكون لنا الشرف في تدريس غيرنا..
معليش مرة طولت عليكم.. بس هادا أقل القليل
البرنامج صحيح ما خلص بس في ناس أخاف ما أقابلهم في المستشفى...
مع خالص حبي وتقديري
رهام آشي