احتاج كتاب الحواسي للبيديا

[yasmeenah]

السلام عليكم يا أحلى ناس

أنا أختكم في الله تعبت أدور على كتاب الاكزامينيشن حق البيديا

By Mansour Hawasi

مخلص في المكتبات

ودار الكتاب الطبي قالوا حيجيبوه بعد أسبوعين

و نحن بدأنا الكورس

وحاسة نفسي متورطة

فالي عنده الكتاب... يقلي على الاقل استغيره اسبوعين

ما تقصرووووو

[Dr.Dania.M]

اهلين بيكي ياسمينه ونورتينا

والله الكتاب هادا ازمه الازمات من السنه الا فاتت

انا حاليا في كورس البيديا ولا كان اعطيتك كتابي بس حظنا انو وقتنا واحد في الكورس:crazy:


اذا ماتوفرلك الكتاب في اليومين الجايه
لو تقدري تجي عندنا بجده في مكتبه اسمها مكتبه الاندلس في شارع الجامعه
تبيع نسخه مصوره من الكتاب احنا في جامعتنا اغلب الطلبه بياخدوا منها لانو مافرق عن الكتاب الاصلي
الكتاب ابيض واسود فما يختلف عن التصوير ابدا
وان شاء الله تلاقي احد في مكه يساعدك ويتوفرلك الكتاب

وبالتوفيق لنا جميعا يارب
دمتي بود
دانيه

[PeDiaTroN]

وعليكم السلام



ياليت كان عندي كتاب الحواسي عشان أديك هوا


:biggrin:


بس ولايهمكـ ..

[H@SSOOM]

ههههههه

اهلا بصاحبة اول موضوع

ومسجلة عشان القسم الجديد كمان

شو رايك لو قلت لك انه عندي الكتاب وما احتاجه حاليا أبدا؟

مستعد احطه في مكتبة الشاعر برقم امانات

وارسلك الرقم وانتي روحي استلميه

وبالتوفيق

[yasmeenah]

أخويا
h@ssoom
والله ما اعرف قد إيش أشكرك

على الأقل استعيره منك أسبوعين... ألين ما اشتري واحد جديد

واذا مرة ما تبغاه فأنا مستعدة أشتريه منك

وبالسعر الي تقول عليه

هههههه بس يكون معقول

وشكرا مرة ثانية

[H@SSOOM]

ابيعك هو

والسعر هو نص سعر الجديد

اسئلي عن سعر الجديد وانا ابيعه لكي بنص السعر

راح اتركه في الشاعر وارسلك رقم الامانات

وانتي ادفعي للشاعر

وبالتوفيق

[yasmeenah]

تم الاستلام

وانا عاجزة عن شكرك... الله يوفقك دائما

وبالنسبة للمبلغ فانا سبته عند الشاعر باسمك وهو نفس سعر الكتاب الجديد، لاني شفت الكتاب ماشاء الله نظيف

واكرر لك شكري واتمنى لهذا المنتدى الاستمرار والنجاح دايما

[sadegh.nikaein]

thanks
تشکر

[Dr.Shark]

حسام عندك نسخه تانيه انا حايس عليه ماني ملاقيه ومازاكرت شي محد عندو نسخه يا جماعه?

[Dr.MoOoN]

انا عندي نسختي لو تبغاها

بس بصراحة انا ابغى كتابي لأني حبيت البيديا كتير

لكن بما انه عندكم كورس البيديا ومو ملاقي كتاب تقدر تاخد كتابي الين يخلص الكورس

كتابي مرا جديد وما اشرت فيه حاجة يعني لا تشيل هم

بس لو تبغاه اكدلي واحطه لك في الشاعر في الامانات وارسلك الرقم


بالتوفيق في البيديا ياارب

[H@SSOOM]

للاسف هي نسخة وحدة وراحت

ضحيت بيها في افتتاح هذا القسم

ههههههههه

عموما ماشاء الله شكلها اتدبرت في رد د مووووون

وبالنسبة للكتاب فهو ابيض واسود

يعني ممكن تصوروا ما تحتاج نسخة اصلية

ولا فيه اي صورة