ممكن مساعده

[Amira]

السلام عليكم ورحمه الله وبركاته

كيفكم؟؟ دي اول مره اشارك فيها معاكم

ممكن بس مساااعده بسيييطه ياريت احد يخدمني فيها

ابغا اقدم على برنامج والطلبات لازم نقدمها في مكتب الهيئه السعوديه للتخصصات الصحيه بجده

يااااريت لو احد يعرف فين بالضبط مكان مكتب الهيئه بجده

واكون شاااااكره لكم

[zizo]

السلام عليكم
اختي الهيئة السعودية للتخصصات الصحية في جدة مقرها في جامعة الملك عبدالعزيز في مبنى مركز الملك فهد للابحاث الطبية و الوصف كالتالي

من طريق جدة السريع ادخلي الطريق الدائري المؤدي للمطار (يعني لا تطولي على كوبري المينا) بعدين اطلعي يمين كوبري ولي العهد و هو ثاني كوبري في الطريق الدائري بعد كوبري الجامعة، تطلعي الكوبري يمين و تنزلي يسار على شارع ولي العهد الي فيه كارفور و ماكدونالدز و من اول اشارة في دا الشارع ادخلي يسار هذا اسمه شارع عبدالقدوس الأنصاري، امشي لآخره حينتهي ببوابة رقم 4 للجامعة ادخلي البوابة وامشي على طول الى نهاية الشارع فيه دوار روحي منو يمين و امشي على طوووول مسافة حيجيكي دوار عديه و طولي الين تلاقي مركز الملك فهد للبحوث الطبية امامك مباشرة، الهيئة السعودية موجودة داخل هذا المبنى
ان شالله يكون واضح الوصف و للتوضيح اكتر هذا موقع مبنى الملك فهد للبحوث الطبية على الويكيمابيا يمكن يساعدك اكثر

http://wikimapia.org/#lat=21.4993541&lon=39.2314482&z=15&l=0&m=a&v=2

[SenTiment]

والله وصراحه مادري كيف اقدر اشكرك يا
Amira
انك سالتي هذا السؤال
لان نفس المشكله عندي
:biggrin:

والله يسعدك ياااارب..والف الف شكر لك يا دكتور
zizo

الله ينور طريقك

[Amira]

thanks a lot

zizo