ليش ما نحط قسم خاص للابحاث؟؟

[White Soul]

بسم الله الرحمن الرحيم


سلاموو عليكمووو ادارة ومشرفين ومسؤولين .. الخ الخ الخ


بصراحة فكرتي اقتبستها من منتدى تاني.. شفت في المنتدى انو عندهم موضوع خاص لابحاث الاعضاء

فانا قلت في نفسي.. مايسييير.. كيييف منتدى جامعتنا العالمي جامعة ام القرى الحبيبة ما عندو قسم للابحاث؟؟


هادا واحنا اهل العلم ان شاء الله.. ومسؤوليتنا اننا نوصل العلم لكل اللي يبغاه

ففكرتي تتلخص في ايش؟؟

انو تحطولنا قسم خاص للابحاث.. منو نحط ابحاثنا يعني بس عشين التانين يستفيدوا منها لمن يبغوا يسووا ابحاثهم

أو اننا نحط كيفية عمل بحث وهلم جرا

صحيح بعض الابحاث ما تكون تمام مية في المية.. بس على الاقل ندي غيرنا فكرة.. ونديهم بداية الخيط وهم يكملوا عليه.. يسير ممكن البحث اللي يتسوى في نفس الموضوع احسن من اللي قبلو


وكمان بدل ما نتعب على البحث عالفاضي وفي الاخير ما يتنشر.. على الاقل يكون اتحط هنا وتعبنا ما يروح في الهوا


آمل انكم تحطوا رايي في الاعتبار.. شاكرة لكم حسن تعاونكم

[the imposs!BLE]

فكرة جديرة بالاهتمام من قبل ادارة المنتدى

سلامي وكل احترامي لك

أختك؛
the imposs!BLE

[White Soul]

:)


سلامي واحترامي ليكي انتي


وشكرا على التشجيع


:)

[Rihab]

و الله فكرة حلوة وايت سول
اتوقع حيستفيد منها الجميع خصوصا اللي حيعملو بحث في الكوميونتي لاول مرة , و يستفيدوا من خبرات البقية , السنة كان عندنا اخطاء في البحث بسبب انه ماكنا نعرف بعض التفاصيل الا في اللحظة الأخيرة , فبلاشي غيرنا يكررو نفس الأخطاء..
إذا ممكن تزوري الرابط ده
http://www.mimg.org/vb/showthread.php?t=6620

[3losh]

والله فكره مرررره جيدة

لأنو أنا من اللي عانو من مشكلة الأبحاث في السنة الرابعة علوم طبية
خلال فترة البحث أكتشف أشياء جديدة و أشياء فاهمينها غلط

[White Soul]

رحاب

مو انا عشيني اتعقدت واتخبطت واتبهدلت.. فما ابغى احد يسيرلو زيي

وشكرا ع الرابط

:)




علوش

صح.. يعني فكرتي اننا نحاول نساعد بعض باللي عندنا

شكرا ع المرور

:)

[red line]

ابلتي وايت سول


الفكرة مرررة حلوة

في انتظار المزيد والمفيد


ودمتي بود

red line

[DR_R3D]

فكرة مرة منتـــــــــــاازة وايت سول

بس لو يضيفو هذا القسم الجديد لاي قسم قديم مثلا

General Medical Discussion Section and researches


أو يشيلو القسم

Unique Threads Section

ويحطو بدالوه قسم الابحاث الصراحة القسم هذا ما ادري حق ايش وليش ومافية مشاركاااات كثير


والمنتدى يا جماعة الخير مليااان أقسام فرعية يعني لو يصير عملية دمج مع بداية السنة الجديدة راح يتغير شكلة ويروح الملل من التنقل من قسم لاخر


شكرا لك وايت سول على الافكار الرائعه


best wishes.....